ბუნდესლიგა - შარშანდელი სცენარით

იურგენ კლოპი და მისი გუნდი 'სოფლელებმა" მიწაზე დაუშვეს უცნაურია, მაგრამ შარშანდელი სცენარი ისევ ძალაშია. ბუნდესლიგას სათავეში ისევ მოულოდნელი ლიდერები ჰყავს - “მაინცი” და “ჰანოვერი”. არადა ამ გუნდებს ექსპერტები მძიმე სეზონს უწინასწარმეტყველებდნენ. თომას ტუხელის გუნდს განსაკუთრებით, რადგან მას შარშანდელი ორი ლიდერი ლუის ჰოლტბი (“შალკემ” დაიბრუნა) და ანდრეას შიურლე (“ლევერკუზენმა” გადაიბირა) აღარ ჰყავს.თუმცა ყველაფრის მიუხედავად ეს გუნდები ამტკიცებენ, რომ დანებებას არ აპირებენ. მეორე ტურში ორივეს მძიმე გამოცდა ელოდა - კარნავალელებს “ფრაიბურგთან”, “ჰანოვერს” - “ნიურნბერგთან”.“დორტმუნდი” ვერაფრით ახერხებს “ჰოფენჰაიმის” ბარიერის გადალახვას. ასე იყო შარშანაც, როცა მომავალმა ჩემპიონმა სოფლელების დამარცხება ერთხელაც ვერ მოახერხა. მასპინძლებმა ფავორიტს ყველა ზონა დაუკეტეს. ჰოლგერ სტანისლავსკის შეგირდებს გაუმართლათ იმაშიც, რომ სეად სალიჰოვიჩმა ბურთი დებიუტშივე შეაგდო, რამაც მატჩის მიმდინარეობაზე სერიოზული გავლენა იქონია. რაღაც წილად იურგენ კლოპის შეგირდებისთვის ეს კარგიც არის, რადგან ლიგის თასისა და პირველი ტურის შემდეგ ჟურნალისტებმა რურელები ქებით ცაში აიყვანეს. ახლა კი მათ მიწა ისევ იგრძნეს ფეხქვეშ.“ბაიერნმა” მოიგო, მაგრამ ვაი ამ მოგებას. შედეგი თამაშის მიმდინარეობას საერთოდ არ ასახავდა. მასპინძლები ბევრად უფრო შთამბეჭდავად გამოიყურებოდნენ. საჯარიმოს მისადგომებიდან ერთადერთი ზუსტი დარტყმა შეხვედრაში ლუის გუსტავომ შეასრულა. პრინციპში ზუსტი დარტყმა იქამდეც იყო, მაგრამ მსაჯმა არარსებული თამაშგარე მდგომარეობა დააფიქსირა და პატრიკ ჰელმესს სეზონში მესამე გოლი ჯიბიდან ამოაცალა. “ბაიერნისთვის” ეს მოგება (თუნდაც დაუმსახურებელი) სასიცოცხლოდ აუცილებელი იყო, რადგან წინააღმდეგ შემთხვევაში გუნდი შეიძლებოდა ღრმა კრიზისში ჩაფლულიყო. “მგლებს” კი მშვენიერი შანსი აქვთ ამ სეზონში, რადგან გუნდი იდეალურად არის მზად როგორც ფიზიკური, ისე ტაქტიკური თვალსაზრისით. მსაჯის მოქმედებით ფელიქს მაგათის აღშფოთება გასაგებია.მატჩის შემდგომ პრესკონფერენციაზე მან კიდევ ერთხელ ილაპარაკა იმაზე, რომ უკვე დროა, ფეხბურთში ვიდეოგამეორებები დაინერგოსო: “თუკი ოთხი მსაჯი არ არის საკმარისი, რომ ზუსტად განისაზღვროს, წესების დაცვით გავიდა თუ არა გოლი, ეს ნიშნავს, რომ სხვა გამოსავალი უნდა მოინახოს. მე თავიდანვე მომეჩვენა, რომ ჰელმესმა გოლი სუფთად გაიტანა და გამეორებამ ეს დაადასტურა”.“ბილდის” ფურცლებიდან მის აღშფოთებას გერმანიის საფეხბურთო კავშირის პრეზიდენტმა თეო ცვანციგერმა უპასუხა: “ყველაფერი უნდა გავაკეთოთ, რომ საფეხბურთო მატჩების შედეგები მაქსიმალურად სამართლიანი იყოს. ერთი შეხედვით მართებულად მეჩვენება მეოთხე არბიტრისთვის მონიტორზე ნანახი გამეორების მიხედვით გადაწყვეტილების მიღების იდეა, მაგრამ არის სხვა მხარეც - მსაჯის ფაქტობრივი შეცდომები ხელშეუხებელი უნდა იყოს და გასაჩივრებას არ ექვემდებარებოდეს. ამას გარდა დაუშვებელია საკამათი ეპიზოდების გამო შეხვედრის ხანგრძლივად შეწყვეტაც,” - განაცხადა ჩინოვნიკმა, რომელიც, როგორც ჩანს, ამ განცხადებით არ მწვადს წვავს და არც შამფურს.კვირის ცენტრალური თამაში ლევერკუზენში გაიმართა, სადაც რობინ დუტის გუნდს შარშანდელი სეზონის იმედგაცრუება “ვერდერი” სტუმრობდა. ექსპერტები საინტერესო, დაძაბულ 90 წუთს ელოდნენ და ხელში მოსაწყენი ბურთის გორება შერჩათ. შეხვედრა კი იმ გუნდმა მოიგო, რომელიც ამას მეტად იმსახურებდა. ყველაზე მეტად ორი ფეხბურთელის გამოსვლა იყო საინტერესო. ბრემენში დიდი იმედებით ჩაყვანილი მეჰმეტ ეკიჩისა და ვეტერანი მიხაელ ბალაკის, ვისაც დღემდე აქვს ამბიცია, დაუმტკიცოს იოგი ლიოვს, რომ ის იმსახურებს ნაკრებში თამაშს. ვერც ახალგაზრდა საყრდენმა გაამართლა იმედები და ვერც ბალაკმა დაამტკიცა ამბიცია. საგოლე პასი ბუნდესნაკრების ყოფილი კაპიტნის ნაცვლად შესულმა სიმონ როლფესმა გააკეთა.კიდევ რა შეიძლება ითქვას საინტერესო მეორე ტურზე? ჩვენი პროგნოზი ასეთია: "კიოლნი" ასეთი თამაშით ბუნდესლიგაში ადგილს ვერ შეინარჩუნებს.ყოველდღიური სპორტული გაზეთი "ლელო"

"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის

შესაძლოა, შეთავაზება ზამთარშივე გააკეთონ - “ბაიერნს” კოსოვოელი ფორვარდი სურს

კლუბს ეს უკვე აცნობა - ადეიემის ცოლის გამო "დორტმუნდის" დატოვება სურს

რასპადორი მალე შეიძლება "რომაში" გადავიდეს

ზამთრის სერიებისა და წლის ბოლო 3×3 საკალათბურთო ტურნირის გამარჯვებული არგო გახდა

იმედები ვერ გაამართლა - "ატლეტიკო" სორლოტის გაყიდვას ეცდება

დეკემბერში პსჟ-ს საუკეთესო ფეხბურთელად საფონოვი დაასახელეს

ფუტსალი | საქართველოს ნაკრები სომხეთთან დამარცხდა

"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა

ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის

კარგი ამბავი - ბათუმის "დინამოს" ახალი მფლობელი ჰყავს

უარი "ჩელსის, "ლივერპულსა" და "მანჩესტერ იუნაიტედს" - სემენიომ არჩევანი სხვა ინგლისურ გრანდზე შეაჩერა

[VIDEO] ახალწვეული კუპერ ფლეგისა და ენტონი დევისის ბრწყინვალე მატჩი - "დალასმა" ნიკოლა იოკიჩის "დენვერი" დაამარცხა

[VIDEO] მამუკელაშვილის 4 სამქულიანი და კარგი მატჩი - სანდრომ "ტორონტოს" ძირითად შემადგენლობაში ითამაშა

საზონოვს მალე, ალბათ, "ტორინოს" დატოვება მოუწევს

დასაევი: საფონოვი რა, ასეთი დიადია?

სანდრო ალთუნაშვილი "ჰაპოელის" ფეხბურთელი გახდა

ოფიციალურად - "ლიონმა" "რეალისგან" ენდრიკი ინათხოვრა

სპორტის სამინისტრომ 2025 წლის საუკეთესო სპორტსმენები დაასახელა

პსჟ-ს ტრავმის გამო შემტევი გამოაკლდა

ლევან კობიაშვილმა ფიფას კომიტეტის სხდომას უხელმძღვანელა

ტიკნიზიანი: სომხეთის დედაქალაქი მაიამია - ყოველ სომეხს აშშ-ს პასპორტი უნდა ჰქონდეს