<p>რუმინეთთან 43:5 გამარჯვების შემდეგ, ბორჯღალოსნებმა ერთი კვირა დაისვენეს და დღეიდან, 34-კაციანი გაფართოებული შემადგენლობით 2025 წლის რაგბი ევროპის ჩემპიონატისთვის მზადებას შეუდგნენ.</p><p>სატიტულო შეხვედრას 16 მარტს 16 საათზე, თბილისის, „მიხეილ მესხის“ სახელობის სტადიონი უმასპინძლებს და გამარჯვების შემთხვევაში საქართველო მიჯრით მერვე, ჯამში კი მე-17 ტიტულს შეუტევს.</p><p>რაგბი ევროპის ჩემპიონატი 2000 წლიდან იმართება და მას თავდაპირველად ერთა თასი ეწოდებოდა, ამჟამინდელი სახელწოდება კი 2015 წლიდან მიიღო. ტურნირის ფორმატი რამდენჯერმე შეიცვალა. 2003-2008 წლებში გამარჯვებული ორი წლის ჯამით ვლინდებოდა, რის გამოც განვლილ 25 წელიწადში თასი 22-ჯერ გათამაშდა. 2010 წლის ჩათვლით, საქართველომ ჩემპიონობა 3-ჯერ მოიპოვა, რუმინეთმა 4-ჯერ, ერთხელ კი ამ გუნდების დავაში პორტუგალია ჩაერია (2003-2004). 2011 წლიდან მოყოლებული, საქართველომ პირველი ადგილი ერთადერთხელ, 2017 წელს ვერ დაიკავა (გაიმარჯვა რუმინეთმა), მას შემდეგ კი ევროპულმა თასმა თბილისში დაიდო ბინა.</p><p>2023 წლიდან ჩემპიონატის მონაწილეთა რაოდენობა 6-იდან 8-მდე გაიზარდა, გუნდები ორ ჯგუფად გაიყო და დაინერგა ნახევარფინალისა და ფინალის სისტემა. წინა ორ ფინალში პორტუგალია დავამარცხეთ - ჯერ ესპანეთში, ბადახოსში, მერე კი საფრანგეთში, პარიზში. ამრიგად, თბილისი რაგბი ევროპის ჩემპიონატის ფინალს წელს პირველად მასპინძლობს და მეტოქეც განსხვავებული ეყოლება, რადგან ნახევარფინალში პორტუგალიას ესპანეთმა 42:31 მოუგო.</p><p>აქვე ისიც ვთქვათ, რომ ბორჯღალოსნები ესპანეთს წელს ერთხელ უკვე ეთამაშნენ და ჯგუფური ეტაპის დასკვნით შეხვედრაში მადრიდში, 62:32 დაამარცხეს.</p><p><strong>ორი სიახლით წლევანდელ რაგბი ევროპაზე</strong></p><p>რიჩარდ ქოქრილმა ფინალური მატჩისთვის გაფართოებულ შემადგენლობაში 19 მორკინალსა და 15 ხაზის მოთამაშეს უხმო. მათ შორის ორი ისეთი მორაგბეა, რომლებიც სანაკრებო შეკრებაზე წელს პირველად არიან. ესენი არიან ‘ორიაკის’ კვაჭი ლუკა ნიორაძე და ლა როშელის ბურჯიალექსანდრე ქუნთელია. ნიდერლანდებთან მატჩის შემდეგ გაფართოებულ შემადგენლობაში დაბრუნდა ‘პროვანსის’ მესამეხაზელი თორნიკე ჯალაღონია.</p><p>გაფართოებულ შემადგენლობაში 20 ლეგიონერია, 14 კი ‘შავ ლომს’ წარმოადგენს.</p><p><strong>ბორჯღალოსნების გაფართოებული შემადგენლობა 2025 წლის რაგბი ევროპის ჩემპიონატის ფინალისთვის</strong></p><p><strong>პირველი ხაზი:</strong> ნიკა აბულაძე (მონპელიე), გიორგი ახალაძე (კლერმონი), გიორგი მამაიაშვილი (გრენობლი); ვანო კარკაძე (მონპელიე), ლუკა ნიორაძე (ორიაკი), ირაკლი ქვათაძე (შავი ლომი); ირაკლი აფციაური (ლიონი), ლუკა ჯაფარიძე (მონპელიე), ალექსანდრე ქუნთელია (ლა როშელი);</p><p><strong>მეორე ხაზი</strong>: მიხეილ ბაბუნაშვილი (შავი ლომი), ლადო ჩაჩანიძე (შავი ლომი), გურამ ღანიაშვილი (შავი ლომი);</p><p>მესამე ხაზი: ლუკა ივანიშვილი (შავი ლომი), ბექა საღინაძე (ლიონი), ბექა გორგაძე (პო), გიორგი ცუცქირიძე (შავი ლომი), ილია სპანდერაშვილი (ვალანსი), ბექა შვანგირაძე (ლიონი), თორნიკე ჯალაღონია (პროვანსი);</p><p><strong>ღერძი</strong>: ვასილ ლობჟანიძე (ოიონა), გელა აფრასიძე (პერპინიანი), მიხეილ ალანია (ორიაკი); ლუკა მატკავა (შავი ლომი), ლუკა ცირეკიძე (შავი ლომი);</p><p><strong>ცენტრი</strong>: გიორგი კვესელაძე (გრენობლი), დემურ თაფლაძე (შავი ლომი), თორნიკე კახოიძე (შავი ლომი), გიორგი შველიძე (ბრივი);</p><p><strong>ფრთა</strong>: სანდრო თოდუა (შავი ლომი), შალვა აფციაური (შავი ლომი), აკაკი ტაბუცაძე (შავი ლომი), ამირან შვანგირაძე (შავი ლომი);</p><p><strong>ფულბეკი</strong>: დავით ნინიაშვილი (ლიონი), დაჩი პაპუნაშვილი (ორიაკი).</p><p>თარიღი: 16 მარტი,16:00 საათი</p><p><strong>მისამართი: 74 ილია ჭავჭავაძის გამზირი, თბილისი, მიხეილ მესხის სახელობის სტადიონი</strong></p><p>წყარო: <strong>საქართველოს რაგბის კავშირი</strong></p><p><br></p>
კილასონია
შემადგენლობაც კარგია და ამინდიც ერთობ სარაგბო. ნაღდი რაგბული დღე გველის ვაკეში. ესპანეთის მხრივაც ლაღ და სანახაობრივ თამაშს მოველით და იმედი მაქვს, ბევრი ლელოც დაიდება!
გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება
მეცხრე ადგილი მსოფლიო ჩემპიონატზე - საქართველომ შოტლანდია დაამარცხა
მარცხი მოსალოდნელი შედეგით - საქართველოს ნაკრები სამხრეთ აფრიკასთან დამარცხდა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!