პლეი ოფი დაიწყო | ქუთაისმა – ბათუმი, ივერიონმა – მარგვეთი დაამარცხა

სუპერლიგის პლეი ოფი დაიწყო. 4 მეოთხედფინალური წყვილიდან 2-მა სერიის პირველი მატჩები გამართა. შეხვედრები გაიმართა გორსა და ქუთაისში, სადაც ამ ქალაქების გუნდებმა საპლეიოფო სერიებში წარმატებული სტარტი აიღეს.   მივყვეთ ქრონოლოგიურად და ჯერ გორზე ვთქვათ, სადაც ივერიონმა ზესტაფონის მარგვეთს უმასპინძლა. ეს გახლავთ ყველაზე თანაბარი წყვილი, რაც მხოლოდ და მხოლოდ სატურნირო მდგომარეობით განისაზღვრება, თორემ სუპერლიგა ისე თანაბარი გუნდებით არის დაკომპლექტებული, რომელი გუნდი რომელს მოუგებს, რთულად სათქმელია.    ივერიონმა რეგულარული ჩემპიონატი მე-4 ადგილზე დაასრულა, მარგვეთმა კი – მე-5-ზე და შესაბამისად, ისინი მეოთხედფინალში ერთმანეთს დაუპირისპირდნენ. სერია 3 მოგებამდეა და რთულია, პროგნოზის გაკეთება, ამ ეტაპზე კი ივერიონი გალიდერდა, რომელმაც სერიის პირველი მატჩი გორში მარგვეთს 89:82 (სტატისტიკა) მოუგო.   სხვაობა 7 ქულაა, რაც ნიშნავს, რომ თამაში მეტ-ნაკლებად თანაბარი იყო. ის კი არა, პირველი პერიოდი ზესტაფონელებმა 21:15 მოიგეს, მაგრამ მეორე ათწუთეულში გორელთა დომინაცია აშკარა გახდა. დავით როგავას გაწვრთნილმა შიდაქართლელებმა პერიოდი 31:15 მოიგეს და დიდ შესვენებაზე 6 ქულით აქეთ დაწინაურდნენ. მესამე პერიოდმა ვერაფერი გაარკვია. თანაბარ ბრძოლაში ანგარიში რამდენჯერმე გათანაბრდა, მესამე პერიოდის მიწურულს კი მასპინძლები 5 ქულით დაწინაურდნენ.   ყველაფერი მალევე გაირკვა, ივერიონმა ბოლო ათწუთეული სოლიდური გაქცევით დაიწყო, უკვე 1 წუთი 10 ქულას იგებდა და ამის შემდეგ მარგვეთი ახლოს.   აღარ მიიკარა. დასრულებამდე 4 წუთით ადრე მასპინძლები უკვე 13 ქულას იგებდნენ და თამაშიც გამარჯვებამდე იოლად მიიყვანეს. ივერიონს რეჯი მესიდორმა ულიდერა, რომელიც სამმაგ დუბლს მიახლოვდა – 25 ქულა, 10 პასი, 8 მოხსნა. 17 ქულა და 10 მოხსნა ივანე მეგენეიშვილმა მიითვალა, 14 ქულა ნიკა ჩეჩელაშვილის ანგარიშზე დაგროვდა. მარგვეთში 32 ქულით, 7 მოხსნითა და 6 პასით საუკეთესო იყო მალიკ მარტინი, 20 ქულა და 9 მოხსნა აკოლ მავეინის ანგარიშზეა.    ამ გუნდებს შორის სერიის მეორე მატჩი ისევ გორში, 25 აპრილს გაიმართება.   გამარჯვებით დაიწყო პლეი ოფი სუპერლიგის მოქმედმა ჩემპიონმა ქუთაისმა, რომლის მეტოქეც ასევე რეგიონის გუნდი – ბათუმია. ეს გახლავთ პირველ და მერვე ადგილებზე გასული გუნდების წყვილი და მოედნის უპირატესობა, რა თქმა უნდა, ქუთაისელებს აქვთ, რომლებმაც რეგულარული ჩემპიონატი პირველ ადგილზე დაასრულეს.   ივერიონი-მარგვეთის მსგავსად ეს მატჩიც 7-ქულიანი სხვაობით დასრულდა. პირველი პერიოდი აქაც სტუმრებმა, თუმც მინიმალური სხვაობით – 26:25 მოიგეს, მაგრამ მეორედან მასპინძლებმა თამაში დაალაგეს, უპირატესობას დაეპატრპატრონნენ და დიდი შესვენებისთვის გა;იდერდნენ – 60:54. მესამე პერიოდის დაწყებიდან მალევე, მასპინძელთა უპირატესობამ 10 ქულას გადააჭარბა და შეხვედრაც გუნდებმა ერთმანეთთან დაახლოებით ამ დისტანციით გააგრძელეს.    შეხვედრის ბოლომდე ცდილობდა ბათუმი ვითარების შეცვლას, მაგრამ არ გამოუვიდა. ბოლო პერიოდში თითქოს დაძაბა კიდეც ვითარება, მაგრამ ქუთაისელთა გუნდური თამაშის წყალობით გამარჯვება მასპინძლებს დარჩათ. – 107:100 (სტატისტიკა). მასპინძელთა გამარჯვებაში ლომის წილი ელაია ჯოინერმა დაიდო – 32 ქულა, 7 მოხსნა, 7 პასი. 17 ქულა გიორგი სულაბერიძემ დააგროვა, აკაკი დვალიშვილმა კი შეხვედრა 15 ქულითა და 7 მოხსნით დაასრულა. ბათუმელთაგან 24 ქულით ოთარ ბულიავა გამოირჩა. 18 ქულა, 6 მოხსნა და 5 ასი ჯექსონ ბრენჩლის ანგარიშზეა.    ქუთაისი მეოთხედფინალური სერიის მეორე შეხვედრაში ბათუმს 25 აპრილს უმასპინძლებს.   მეოთხედფინალური სერიები ხვალ, 24 აპრილს ვსა-გურჯაანისა და თსუ-რაშიც წყვილებშიც დაიწყება.   GBF

ტაბლოები და სროლის დასახვეწი ტრენაჟორები ონმა და ამბროლაურმაც მიიღეს

"ქუთაისმა" თსუ-ს ფინალური სერიის ზედიზედ მესამე მატჩი მოუგო და ჩემპიონი გახდა

ფიბა-ს პროგრამის ფარგლებში საქართველოს ოთხმა ქალაქმა თანამედროვე საკალათბურთო ტაბლოები მიიღო

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

"შავი ლომი" "ძებრესთან" დამარცხდა

ლუქსემბურგის ახალგაზრდული ნაკრების ავტობუსი გზაში გადატრიალდა

გატუზო თავის სტიქიაშია - ზოგს წაუთაქა, ზოგს სილა გააწნა

დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?

ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა

დავითაშვილი: ასეთები ხდება, მთავარია, ახლა არ გავიმეოროთ

სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ

ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!