29 აპრილს, ჩემპიონთა ლიგის პირველ ნახევარფინალურ მატჩში „არსენალი“ პსჟ-ს უმასპინძლებს. მომავალი შეხვედრის წინ ჟურნალისტების კითხვებზე ლონდონური გუნდის მწვრთნელმა მიკელ არტეტამ უპასუხა.

„ეს, ალბათ, ერთ-ერთი მნიშვნელოვანი დაპირისპირება იქნება, რომელიც „ემირეითსზე“ ჩატარებულა. გულშემატკივრებისგან განსაკუთრებული მხარდაჭერა გვჭირდება, რაც აქამდე არ გვინახავს. იმედი მაქვს, ვინც სტადიონზე მოვა, თან ენერგიას მოიტანს.

თქვენ ნახეთ, „რეალთან“ მატჩს როგორ შევხვდით და ამ სეზონში ყველა თამაშს. ახლა არაფერი არ შეიცვლება. მიმდინარე სეზონში ვაჩვენეთ, რომ ადაპტაცია შეგვიძლია. „ბერნაბეუზე“ ასპარეზობა, სავარაუდოდ, ყველაზე რთული გამოცდაა. ეს პარიზში ასპარეზობისას ძალებს შეგვმატებს.

ისტორიის დაწერის წარმოუდგენელი შესაძლებლობა გვაქვს, აქ ამისთვის ვართ და მიზანთან ძალიან ახლოს ვიმყოფებით. ეს შანსი უნდა გამოვიყენოთ. 

ჩემპიონთა ლიგის მოგების იმედი მქონდა და ვოცნებობდი. ის უიღბლო პერიოდი აუცილებელი იყო. სწავლა და გარკვეული სირთულების გადალახვაა საჭირო“, - ციტირებს მიკელ არტეტას Sky Sports-ი.

სულ ზევით, ზევით, მაღლა და მაღლა. "ჩემპიონთა ლიგის საუკეთესო ფინალი გველოდება" - ლუის ენრიკე

გახდება პირველი ფეხბურთელი? - მხითარიანმა შესაძლოა, ისტორიული რეკორდი დააფიქსიროს

დე ძერბი: პსჟ - "ინტერის" მატჩისას კინოს ვუყურებ

თეგები:

მიკელ არტეტა

გაზიარება: