ჩემპიონთა ლიგის მეორე ფინალისტის გასარკვევად დღეს ერთმანეთს განმეორებით ნახევარფინალურ შეხვედრაში პსჟ და "არსენალი" დაუპირისპირდებიან. პირველი მატჩი ლონდონში პარიზელთა გამარჯვებით 1:0 დასრულდა, რაც მათ ფავორიტად აქცევს. 

დღევანდელ შეხვედრას 43 წლის ცნობილი გერმანელი არბიტრი ფელიქს ცვაიერი მოემსახურება, რომელსაც სკანდალური წარსული აქვს და ამისთვის დისკვალიფიკაციაც მიიღო.

2005 წელს, როდესაც ცვაიერი სამსაჯო კარიერას იწყებდა და ჯერ კიდევ გვერდითი არბიტრი გახლდათ, ის გერმანიის მე-2 დივიზიონის გარიგებულ მატჩში მონაწილეობაში ამხილეს და ამისთვის 6-თვიანი დისკვალიფიკაცია მიუსაჯეს. ირკვევა, რომ მან გარიგებულ მატჩში მონაწილეობისთვის 250 ფუნტი აიღო.

ის არბიტრ რობერტ ჰოიზერთან ერთად დასაჯეს და როგორც მოგვიანებით გახდა ცნობილი, ჰოიზერი ხორვატიულ აზარტულ თამაშებთან დაკავშირებულ სინდიკატთან თანამშრომლობდა, რის გამოც სამუდამო დისკვალიფიკაცია და თავისუფლების აღკვეთა მიუსაჯეს. 

ცვაიერი მსაჯობას 2009 წელს დაუბრუნდა და მას შემდეგ ბუნდესლიგის ერთ-ერთი მთავარი არბიტრი გახდა, თუმცა სკანდალი ამით არ მორჩენილა. როდესაც ჯუდ ბელინგემი ჯერ კიდევ "დორტმუნდში" თამაშობდა, მან საჯაროდ განაცხადა, რომ ცვაიერი მეტად საკამათო გადაწყვეტილებებს იღებდა. 

თეგები:

პსჟ

არსენალი

ხვიჩა კვარაცხელია

ჯუდ ბელინგემი

ფელიქს ცვაიერი

გაზიარება:

(0)

/

(0)