<p> </p> <p>ჩვენი ფეხბურთისადმი დამოკიდებულებაში ხვიჩა კვარაცხელიამ სულ სხვა ემოციები კი შემოიტანა, მაგრამ მოკლე დროში ამდენის წარმოდგენა მაინც რთული იყო. "ნაპოლის" ჩავარდნილი სეზონი, ტრანსფერი შუა სეზონში გუნდში, რომელიც ჩემპიონთა ლიგის გამარჯვებასთან ყველაზე ნაკლებად ასოცირდებოდა... ამ ფონზე, "კვარა" მისი მთავარი ოცნების ასრულებასთან ძალიან ახლოს, ერთ ნაბიჯშია. ეს არ ყოფილა აწყობილ გუნდში დამატებით ელემენტად მისვლა, პირიქით, ბევრი რამ ხვიჩას შესაძლებლობაზე აეწყო, ბევრი რამ არ გამოვიდოდა, მისი მრავალმხვრივი უნარები რომ არა - მოულოდნელი გადაწყვეტილებები, დაცვითი უნარები...</p> <p> </p> <p>მიუხედავად იმისა, კვარაცხელია უკვე ახალი არაა, ის მაინც ახერხებს, მოწინააღმდეგეებისთვის მისი გადაწყვეტილებები უცაბედი, გაუთვალისწინებელი და ანაზდეულია. ამის ერთ-ერთი მიზეზი ორივე ფეხის აქტიურად გამოყენებაა, რაც მისგან თავის დაცვას უფრო რთულს ხდის. "კვარამ" პრაგმატული ელემენტებიც შეიძინა, მაგრამ მისი მთავარი ხიბლი გამოსახულების სილამაზეა, გულშემატკივრები მისი ცქერისას თვალებს აკიაფებენ. ქართველი ფეხბურთელის თამაშში ადამიანურ გამოვლინებებსაც ვხედავთ - ზრუნვა, ერთგულება, სიყვარული, მეგობრობა...</p> <p> </p> <p>ირმა ტაველიძის რომანი "ბნელ წყლებში" არის ადამიანზე, ვისი წარსულიც მრავალ მტკივნეულ, ვერდავიწყებულ ამბავს ინახავს. ასეთია პსჟს გუშინდელი დღე და მისი მომავლის დეკონსტრუქცია ახლა იწყება. შინაარსობრივად უკვე ეს სხვა გუნდია, ახლებური ფასეულობებითა და მოტივაციით დაკომპლექტებული, იქნებ ყველაფერი სწორად კეთდება, რაც მეტად უნდა დაფასდეს. განა შემთხვევითი შეიძლება იყოს, რომ სადაც კვარაცხელიაა, იქ სიტუაცია სწორად ვითარდება და ბოლოს შესაბამისად ფასდება. </p> <p> </p> <p>ჩვენც დაგვიფასდა რწმენა, მოლოდინი, წარსულსა და მომავალს შორის ხიდების აგების მუდმივი მცდელობა და ელიტაში ვართ, სადაც ჩვენ ფეხბურთელს ანრი პროფესიონალიზმს უქებს და დელ პიერო განსწავლულობას. იქ ვართ, სადაც ქართველი ბიჭები მათთან ძალიან ახლოს მყოფ მაგალითზე იზრდებიან.</p> <p> </p> <p>დანარჩენი დიდი გზაა. გზა, რომლის კიდევ უფრო "დაგრძელებაზე" "კვარა" აუცილებლად იზრუნებს, ეს მაინც ჯერ კიდევ დასაწყისია!..</p>
ბუჯანგა
ნაპოლის ჩავრდნილი სეზონი ნამდვილად არ ჰქონია..როცა ხვიჩა წავიდა პირველ ადგილზე დატოვა გუნდი..და ამაში მისი ღვაწლი პატარა ნამდვილად არ არის....ზუსტად იმ მოულოდნელობებით, რითაც ყველას ამახსოვრებს თავს იმედია ჩემპიონთა ლიგის მოგებასაც გაგვაზიარებინებს ერთად..წარმატებები მას და პსჟ-ს....ლავრენტა მისცემს მედალს თუ არა მაგას არსებითი მნიშნელობა არა აქვს...მან მისი ჩემპიონატი მოიგო და აჩუქა ნეაპოლს...კონტეს უღიმღამო ფეხბურთით მიღწეული წარმატების დედაც...ახლოსაც ვერ მივა იმ საჩემპიონო სეზონთან..
alexandre
გეთანხმები ძირითადად ფორმატის შესახებ. მხოლოდ! პრემიერლიგის ცხრილი არ არის ეს. გვერდზე ერომ "პტიჩკაა"დააწკაპუნე და მიიღებ ტოპ-5 ჩემპიონატების ცხრილს. პირიქით, ეს ძალიან კარგია!
Pepelu
ხვიჩა იმ ყველაფერზე მაღლა დგას, რაც მასზე პრესაში იწერება თუ პირად საუბრებში ითქმება!! ქართული ფეხბურთისთვის და რეალობისთვის ხვიჩა შეუფასებელი საჩუქარია!! უფლის მადიდებელი, ქვეყნის და ოჯახის მოყვარული ქართველი კაცია და ულაპარაკოდ მსოფლიოს ერთ-ერთი საუკეთესო ფეხბურთელია!!!! დანარჩენი მავანი და მავანის ჭორაობა, აზრების ფრქვევა, ჩასაფრება და სხვა მსგავსი იდიოტობები ყველაფერი ზედმეტია!!! ხვიჩა საუკეთესოა!!!!
Porto
რატომ ფიქრობ, რომ მახოს, იასონას და ნანუკას ბურატინოს თავგადასავალი წაკითხული აქვთ?? :)))))))))))))))
მიჩინიო
ირმა ტაველიძის რომანის მაგალითად მოყვანა ერთის მხრივ კარგია - ამრავალფეროვნებს ასეთი რამეები სპორტულ სტატიებსაც. მეორეს მხრივ დამძაბა მაინდამაინც ირმა ტაველიძის ხსენებას, იმიტომ რომ ისე საშინლად ხელოვნურად და უმიზნოდ რთული ენით წერს, რომ იმედია ამ სტატიის ავტორისთვის მაგალითი არ იქნება :)
ვითომ პატრიოტს და მახოს
თუ მხატვრული შედარების კითხვა არ გინდათ, ნახეთ მარტო ვიდეოები. სინამდვილეში, ჩვეულებრივი ჩასაფრებულები ხართ, მათ შორის ხვიჩაზეც. ავტორს ბოდიში აქვს მოსახდელი, ვიღაც მახოსთვის უცნობი ავტორის ციტურება რომ მოიყვანა, მოიყვანოს ის, რაც მახოსაც გაუგია, მაგალითად ბურატინოს თავგადასავალი
მახო
"გულშემატკივრები მისი ცქერისას თვალებს აკიაფებენ" )))))))))))))))რა გამაცინე
პატრიოტი
ირმა ტაველაძის ციტირება მომეწონა, საინტერესოა ამ ავტორის ციტირების ინდექსი. იქნებ გაგვაბედნიერო და ესეც გვითხრა, ან რას ნიშნავს სხვა მოტივაციით დაკომპლექტებული, რას "მაღალფარდვნებ", მარტივად და გასაგებად წერეთ, როგორც ხვიჩა თამაშობს, მარტივად იღებს ბურთს, თუ საჭიროა ბურთიანად მიდის მეტოქის კარისკენ, თუ საჭიროა პასს არ აგვიანებს, თუ საჭიროა უკან გარბის, ამიტომ აქებენ და გამორჩეულია გუნდში
რედაქციას!
ამ პრემიერ ლიგის ცხრილს, სადამდე უნდა გვაყურებინოოთ?! დააბრუნეთ ძველი ფორმატი! ეს ახალი ვერანაირ კრიტიკას ვერ უძლებს! ერთადერთი რაც მართლა მისაღებია, "მე ვარ რობოტი",რო მოაცილეთ, სხვა მხრივ ძალიან დაბალი დონისაა, რაც ბევრ შემომსვლეს დაგაკარგინებთ და ეტყობა კიდევაც კომენტარების სიმცირესაც, თუ ასეთი ფორმატი გაწყობთ (რედაქციას) ღმერთმა მშვიდობაში მოგახმაროთ!
Zura
Sad wagviyvana!!! Evropaze!!! Ligis finali nu mokled !!! Magari bichia gmertma didi xani gacocxlos!!! Madloba chveni gaxarebistvis!!! Kochanieri kochi
ცავატანემ ჟორიკ?
ვაა!, უყურეთ თქვენ ჟორიკას? სცოდნია ბიჭს ფეხბურთი? ფხიიიი.
მალხაზ ჯობავა
ხვჩა სადაც არის იქ მუდამ წარმატებებია, იქ მუდამ უმაღლეს მწვერვალებთან მიახლოება და იმ მწვერვალების დაპყრობაა. სადაც კვარაა იქ გამარჯვებაა! რაც მთავარია, კუჩხი აქვს კუჩხი! ტყუილად კი არ გვაქვს მეგრელებს კუჩხა!
ჟორა
კვარა, იმ ფეხბურთს თამაშობს ჩვენ რომ ვთამაშობდით ბავშვობაში 60-65 წლის წინ, მაშინ სადაც ბურთი იყო იქ იყო ორივე გუნდის ფეხბურთელები, არ ვცნობდით რა იყო დაცვა, ნახევარდაცვა და თავდასხმა. კვარაც ასეა, სადაც ბურთია კვარაც იქაა.
პირველი ვარჯიში ახალ კლუბში - ქოჩორაშვილის პორტუგალიური კარიერა ოფიციალურად დაიწყო
აბრაჰამი წავიდა - ახლა "რომაში" მისი შეცვლის მთავარი კანდიდატი მიქაუტაძეა
"მოსკოვის "დინამოში" თამაში ყველას სურს" - გაგნიძეს დარჩენის ამბავს კარპინი გადაწყვეტს
ლაკაზეტი საუდის არაბეთის გუნდის ფეხბურთელი გახდა
"შავი ლომი" | პირველ ჯგუფში ჩელენჯ თასზე
არისაბალაგა "ჩელსიდან" "არსენალში" გადავიდა
პსჟ-ს ფეხბურთელი ესპანეთში დაბრუნებას აპირებს
პსჟ ფაბიან რუისს ვერ შეელევა
"ტორპედომ" გვინეა ბისაუს ნაკრების ფეხბურთელი დაიმატა
9 თვის შემდეგ - დანი კარვახალი მოედანს უბრუნდება
"ილიასთან სპარინგი მქონდა და ეს მოხდა" - დვალიშვილმა თოფურიასთან ვარჯიშზე ისაუბრა
[VIDEO] სრული შოკი - "მანჩესტერ სიტი" "ალ ჰილალთან" დამარცხდა და მსოფლიოს საკლუბო ჩემპიონატს გამოეთიშა
[VIDEO] მხითარიანს "ფლუმინენსეს" მწვრთველთან კონფლიქტი მოუვიდა - "ინტერი" საკლუბო მუნდიალს დაემშვიდობა
მსოფლიოს არგენტინელი ჩემპიონი: პსჟ-ს 7 ნომერი ვარსკვლავია - პარიზული გუნდი მსოფლიოში საუკეთესოა
"ბორჯღალოსნები" | თამაშის კვირა
Areanapoli: საქართველო ტალანტების სამჭედლოა, ბართიშვილი - დაუმუშავებელი ბრილიანტი
კონტემ "ბაიერნის" ვარსკვლავის დამატება მოისურვა
ძაკარდო: ხვიჩა ნეაპოლში უნდა დაბრუნდეს - "ახალი კვარა"?
პსჟ-ს დამარცხებამაც ვერ უშველა - "ბოტაფოგოს" მწვრთნელი გადააყენეს
მიქაუტაძის "ლიონს" ახალი პრეზიდენტი ჰყავს - კლუბში დიდი ცვლილებებია
[VIDEO] სინათლე გვირაბის ბოლოს - პოგბამ "მონაკოსთან" კონტრაქტის გაფორმებისას ემოციები ვერ შეიკავა
18-წლამდელთა B ლიგის ჩემპიონი ვსა გახდა | ვერცხლი აჭარის ნაკრებს ერგო
მესი სიაში ვერ მოხვდა - რამოსმა დაასახელა 2 შემტევი, ვის წინააღმდეგაც თამაში ყველაზე მეტად უჭირდა