ერთი სენსაცია მაინც იყო

საფრანგეთის ღია პირველობის შემდეგ ჩინელმა ნა ლიმ პირველად გააღწია WTA-ის ტურნირის მეოთხედფინალში უინსტონ-სალემის ტურნირზე მეოთხედფინალისტები გამოვლინდნენ. ზედიზედ მეორე მატჩში შესანიშნავი შთაბეჭდილება დატოვა ენდი როდიკმა. ამერიკელს გრუნტის მოყვარული კოლუმბიელი სანტიაგო ხირალდო ხვდებოდა და თითქმის ყველა დარწმუნებული იყო ენდის გამარჯვებაში, თუმცა ასეთ იოლ გასეირნებას არავინ ელოდა.ხირალდო ერთადერთხელ გავიდა წინ მატჩში. ეს მეორე სეტის სტარტზე მოხდა - 2:1, მაგრამ ენდიმ ზედიზედ სამი გეიმი აიღო და დაიბრუნა მატჩზე კონტროლი. საათიანი მატჩი ისე დასრულდა, რომ 23 წლის კოლუმბიელს ერთი ბრეიკ-პოინტიც არ ჰქონია, როდიკი კი მეოთხედფინალში არგენტინელ ხუან მონაკოს შეხვდება, რომელმაც კიდევ უფრო დამაჯერებლად მოუგო იაპონელ კეი ნიშიკორის - 6:0, 6:3.მეორე ამერიკელმა ჯონ ისნერმა ზედიზედ მეორე მატჩი ერთნაირი სცენარით მოიგო - პირველ სეტში ტაი-ბრეიკი დასჭირდა, მეორეში კი გაანადგურა მეტოქე - 7:6(4), 6:2. ამჯერად გიგანტი ამერიკელის მსხვერპლი გახდა გამოცდილი ფინელი იარკო ნიემინენი. აღსანიშნავია, რომ მასპინძელმა მეორე პარტიაში 23 წუთში მოამთავრა საქმე. თავის მოწოდებაზე გათამაშებული 51 ქულიდან ისნერმა მხოლოდ შვიდი დათმო და ახლა, ნახევარფინალში გასასვლელად კვიპროსელ მარკოს ბაღდატისს შეხვდება. კუნძულელმა, თავის მხრივ, ორ სეტში მოუგო ბელგიელ სტივ დარცისს - 7:5, 6:0.ATPWinston Salemუინსტონ სალემი (აშშ). ჰარდისაპრიზო ფონდი: 618 000 დოლარი1/8 ფინალიენდი როდიკი (აშშ, 1)-სანტიაგო ხირალდო (კოლ, 15) 6:1, 6:3; ალექსანდრ დოლგოპოლოვი (უკრ, 3)-გრიგორ დიმიტროვი (ბულ, 14) 6:4, 1:6, 7:6(7); ჯონ ისნერი (აშშ, 4)-იარკო ნიემინენი (ფინ, 13) 7:6(4), 6:2; სერგეი სტახოვსკი (უკრ, 9)-ნიკოლაი დავიდენკო (რუს, 5) 6:4, 6:4; ხუან მონაკო (არგ, 7)-კეი ნიშიკორი (იაპ) 6:0, 6:3; მარკოს ბაღდატისი (კვიპ, 8)-სტივ დარცისი (ბელ) 7:5, 6:0; რობინ ჰაასე (ჰოლ, 10)-პიერ ლუდოვიკ დუკლო (კან) 6:4, 7:5; ჟულიან ბენეტო (საფ)-იგორ ანდრეევი (რუს) 2:6, 6:1, 7:6(5).* * *მეორე წრე დასრულდა ნიუ ჰევენის ტურნირზე და ამჯერად სათამაშო დღეს განსაკუთრებული გართულებების გარეშე ჩაიარა. კვლავ გაუჭირდა როლან გაროსის ჩემპიონს ნა ლის, თუმცა ნიუ ჰევენის ტურნირი უკვე შეიძლება მის აქტივში შევიტანოთ, რადგან საფრანგეთის ღია პირველობის შემდეგ ჩინელმა პირველად გააღწია WTA-ის ტურნირის მეოთხედფინალში. როლან გაროსიდან მოყოლებული, ნიუ ჰევენი მისთვის რიგით მეოთხე ტურნირია.ამისთვის ნა ლის რუსი მარია კირილენკოს დამარცხება დასჭირდა. მართალია, ჩინელმა ორ სეტში მოაგვარა საქმე, მაგრამ ეს დიდი ნერვების ფასად დაუჯდა. ორივე პარტიაში ნა ლი თავიდან კომფორტულად იგებდა (3:1 - პირველში, 4:1 - მეორეში) და შემდეგ თამაშის გადარჩენის საშუალებას აძლევდა მეტოქეს. თუმცა ბოლოსკენ ლი მაინც ახერხებდა კონცენტრაციას, რამაც მას მეოთხედფინალის საგზური მოუტანა - 6:4, 7:6(4). სხვათა შორის აზიელმა ხუთი შეხვედრიდან მეოთხედ მოუგო კირილენკოს და შემდეგ წრეში მეორე რუსს ანასტასია პავლიუჩენკოვას შეხვდება.ასევე გავიდა მეოთხედფინალში კიდევ ერთი ფავორიტი - ფრანგი მარიონ ბარტოლი. მან ჩეხ კლარა ზაკოპალოვასთან მატჩის პირველ სეტში სამი ბრეიკი გააკეთა, სამაგიეროდ, მეორეში იგივე შეძლო ზაკოპალოვამ, მაგრამ მესამე პარტიაში ჩეხს არაფერი გამოუვიდა და მხოლოდ ერთი გეიმის ამარა დარჩა.WTANew Haven Openნიუ ჰევენი (აშშ). ჰარდისაპრიზო ფონდი: 618 000 დოლარიII წრენა ლი (ჩინ, 2)-მარია კირილენკო (რუს) 6:4, 7:6(4); მარიონ ბარტოლი (საფ, 4)-კლარა ზაკოპალოვა (ჩეხ) 6:2, 2:6, 6:1; ანასტასია პავლიუჩენკოვა (რუს, 8)-რობერტა ვინჩი (იტა) 6:2, 6:4; ანაბელ მედინა გარიგესი (ესპ)-ელენა ვესნინა (რუს) 6:2, 7:6(5).* * *ნაკლებად წარმომადგენლობითი ტურნირი მიმდინარეობს დალასში და აქ ყოველდღიურად ეთიშებიან ბრძოლას ფავორიტები. წინა დღეს წააგო გერმანელმა იულია გორჯესმა, რომელიც ბოლო დროს, აბსოლუტურად ამოვარდნილია ფორმიდან. გუშინ კი ტურნირის დატოვება მოუწია მეორე ნომრად განთესილ დომინიკა ციბულკოვას.უკრაინელი კატერინა ბონდარენკო ხელწამოსაკრავი მეტოქე არასოდეს ყოფილა, მაგრამ მისგან არავინ ელოდა, რომ ნიჭიერ სლოვაკს ის მხოლოდ ოთხი გეიმს დაუთმობდა. ბონდარენკომ ასეთ იოლ გამარჯვებას ბრეიკ-პოინტების რეალიზაციის თითქმის ასპროცენტიანი მაჩვენებლით მიაღწია - შვიდიდან ექვსი ასეთი შანსი გამოიყენა. უკრანიელი წელს მეხუთე ტურნირის მეოთხედფინალში გავიდა, თუმცა უფრო შორს მხოლოდ ერთხელ შეძლო გასვლა. ახლა იგივე გაკეთებას მეოთხედფინალში გერმანელი საბინ ლისიცკის წინააღმდეგ ეცდება.WTATexas Tennis Openდალასი (აშშ). ჰარდისაპრიზო ფონდი: 220 000 დოლარიII წრეკატერინა ბონდარენკო (უკრ)-დომინიკა ციბულკოვა (სლოვაკ, 2) 6:3, 6:1; ანასტასია სევასტოვა (ლატ)-სოფია არვიდსონი (შვედ) 7:6(4), 6:4; ანჟელიკ კერბერი (გერ)-მელანი იუდინი (აშშ) 6:3, 6:2; არავან რეზაი (საფ)-სორანა კირსტეა (რუმ) 6:2, 7:6(4).ყოველდღიური სპორტული გაზეთი "ლელო"

ბასილაშვილი მონაკოშია და ძალიან პრესტიჟული მასტერსის ძირითად ბადეში გადასვლელად იბრძოლებს

ბასილაშვილის მორიგი შესანიშნავი მატჩი - ნიკა მაიამის მასტერსის ძირითად ბადეშია

მეტოქეს მხოლოდ 4 გეიმი დაუთმო - ბასილაშვილი ნელ-ნელა ფორმას უბრუნდება და მაიამის მასტერსის ძირითადი ბადისთვის იბრძვის

17-წლამდე ვაჟთა ნაკრები სან მარინოში მიემგზავრება

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა