<p>ზურაბ საკანდელიძისა და მიხეილ ქორქიას სახელობის ტურნირის ფინალში ერთმანეთს თსუ და ქუთაისი შეხვდებიან. ბოლო წლებში ამ გუნდების ჯახი ხშირია, რომლებიც ერთმანეთს ხან საქართველოს თასის ფინალში ხვდებიან, ხან სუპერლიგისაში, ხოლო მემორიალის სატიტულო მატჩშიც ზედიზედ მეორედ დაუპირისპირდნენ.</p> <p> </p> <p>შარშანდელი ფინალი ძალიან დაძაბული იყო. 2025 წლის 15 იანვარს თსუ-მ დამატებით დროში – 102:95 დაამარცხა ქუთაისი და საკანდელიძე-ქორქიას მემორიალური თასი მეორედ მოიგო. მიმდინარე წლის 15 იანვარს კი უნივერსიტეტელებს ტიტულის მესამედ მოგების შანსი აქვთ, თუმცა თავის მხრივ ქუთაისელებს თავისი გეგმები აქვთ და მათ აქამდე 5-ჯერ მოგებული ტიტულის მეექვსედ აღმართვა სურთ. ბარემ აქვე ვთქვათ, რომ ზურაბ საკანდელიძისა და მიხეილ ქორქიას მემორიალი ყველაზე მეტჯერ, 6-ჯერ, რუსთავს აქვს მოგებული, ხოლო ქუთაისელები ზემოთ ნახსენები შედეგით მეორეზე არიან.</p> <p> </p> <p>დღეს, დიღომი არენაზე გამართულ ნახევარფინალურ მატჩებში თსუ-მ და ქუთაისმა იმარჯვეს. ორივეს საკმაო ჯაფა დაადგა, მეტოქე გაეტეხა, განსაკუთრებით კი თსუ-ს, რომელიც მატჩის უმეტეს დროს მდევრის როლში იყო. უნივერსიტეტელებს აკლდათ უკანახაზელი, მალკოლმ დრამრაითი, თუმცა უმისოდაც არ უჩიოდნენ შეტევების ორგანიზებას. ვეტერანი გიორგი ცინცაძე ბურთს ჩინებულად ათამაშებდა, რის ხარჯზეც თსუ-ს შეტევები უფრო მრავალფეროვანი იყო.</p> <p> </p> <p>ვსა უფრო სწრაფად, მობილურად თამაშობდა. ლუკა ლიკლიკაძე და დემარე კინგი ბურთს სწრაფად ათამაშებდნენ, ფარქვეშ კი ტაისონ ჯექსონი და ალექს ჰოლტი თსუ-ს მაღლებს ჯობნიდნენ. ძირითადად ვსა ლიდერობდა, თუმცა თსუ კუდში მისდევდა და რამდენჯერმე დაწინაურებაც მოახერხა. მოერე პერიოდის 25:14 მოგების ხარჯზე ვსა დიდი შესვენებისთვის 10 ქულით დაწინაურდა, თუმცა მესამე პერიოდში თსუ-მ თამაში დაალაგა და ჩამორჩენა მინიმუმამდე შეამცირა. </p> <p> </p> <p>ვსა-ს ცენტრი, ტაისონ ჯექსონი საჯარიმოებით დაიტვირთა, აღელვების ნიადაგზე ტექნიკურიც მიიღო და 4 პერსონალურის გამო მესამე პერიოდში სათადარიგოთა სკამზე აღმოჩნდა. ბოლო პერიოდში ვსა ინარჩუნებდა ლიდერობას, მაგრამ თსუ-ს სწრაფი შეტევები კვენტინ ჰარდრიქტისა და გიორგი ცინცაძის სამქულიანებთან ერთად გარდამტეხი აღმოჩნდა. თსუ-მ ლიდერობა მოიპოვა, ბოლო წუთებზე დაცვაში იყოჩაღა და გამარჯვებამდე მივიდა – 95:90.</p> <p> </p> <p>რაც შეეხება ქუთაისს, ვერ ვიტყვით, რომ გამარჯვება გაუჭირდა. მიუხედავად იმისა, რომ იმერული კლუბი თავიდან ძალიან ჩამორჩებოდა და მესამე პერიოდშიც გვარიანად უკან იყო, გამარჯვება ისე მოიპოვა, არ უნერვიულია. თავად განსაჯეთ – რუსთაველებს სროლა წუვიდათ, განსაკუთრებით კი ვახტანგ გაფრინდაშვილი ჩუბინობდა პერიმეტრიდან და გიორგი ცეკვავას გაწვრთნილი გუნდი 23:5 დაწინაურდა. </p> <p> </p> <p>პირველი პერიოდი რუსთაველებმა 24:10 მოიგეს, პირველი ნახევრის შემდეგ კი 15 ქულით ლიდერობდნენ. მესამე პერიოდი ქუთაისმა 28:8 მოიგო და ყველაფერი თავის ადგილზე დააყენა. რუსთავი ისედაც 3 ტრავმირებულის (გუგა პატაშური, ლუკა ტაბაღუა, ქიან მეიერსი) გარეშე თამაშობდა და მატჩის პირველ პერიოდში ვილი ისიანიც დაუშავდა. ინერციით რუსთაველებმა ლიდერობა მესამე პერიოდამდე შეინარჩუნეს და შემდეგ ქუთაისელთა ჯერი დადგა. </p> <p> </p> <p>საბოლოოდ კოტე ტუღუშის გაწვრთნილმა ქუთაისელებმა 89:80 მოიგეს და მემორიალის ფინალში თსუ-ს შეუერთდნენ. ზურაბ საკანდელიძისა და მიხეილ ქორქიას მემორიალის 21-ე გათამაშების სატიტულო მატჩი 15 იანვარს, დიღომი არენაზე, 19:00 საათზე გაიმართება.</p> <p> </p> <p><strong>GBF.GE</strong></p>
ფიბა-ს ქართველი მსაჯებისა და კომისრის ევროგრაფიკი ცნობილია
მარკოიშვილი "გალათასარაის" მთავარი მწვრთნელია
ფიბა ევროპის თასი "თბილისი არენაზე": "ბათუმი" ჩეხურ "ოპავას" უმასპინძლებს
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
საკანდელიძისა და ქორქიას მემორიალზე "ქუთაისმა" გაიმარჯვა
მემორიალის ფინალში “ქუთაისი” და “რუსთავი” შეხვდებიან
მემორიალზე დაუმარცხებელი 3 გუნდია: "დელტა", "თსუ-ჰიუნდაი" და "ქუთაისი"
საკანდელიძისა და ქორქიას მემორიალის ფინალში "დელტა" და "თსუ-ჰიუნდაი" შეხვდებიან
ზურაბ საკანდელიძის და მიხეილ ქორქიას 21-ე მემორიალური ტურნირი "ქუთაისმა" მოიგო