ქუთაისმა ბათუმში ბოლო წამზე იმარჯვა, ზესტაფონმა რაში 16 სამქულიანით უშანსოდ დატოვა

საოცარი მატჩი შედგა ბათუმში, საქართველოს თასის გათამაშების მეოთხედფინალურ სერიაში. 2-მატჩიანი დაპირისპირების პირველ შეხვედრაში ბათუმმა ქუთაისს უმასპინძლა და ბოლო წამზე მიღებული სამქულიანით 70:72 დამარცხდა. არადა, ბათუმელები მატჩის 24-ე წუთისთვის 22 ქულით იგებდნენ. შეხვედრის დასრულებამდე 14 წუთით ადრე ანგარიში მასპინძლებს 60:38 მიჰყავდათ, მაგრამ ქუთაისი რისი გუნდია, ასეთი, თითქოს გამოუვალი სიტუაციიდან არ გამომძვრალიყო.   ხსენებული მომენტიდან ზუსტად 9 წუთში, თამაშის დასრულებამდე 7 წუთით ადრე ანგარიში უკვე თანაბარი იყო – 65:65. ქუთაისელებმა ეს მონაკვეთი 26:5 მოუგეს მასპინძლებს და თამაში ქულა-ქულაში გაგრძელდა. ხან იმერული კლუბი გალიდერდებოდა, ხანაც – აჭარული, ბოლო მომენტში კი დრამა გათამაშდა. 2 ქულით მოლიდერე ქუთაისელებმა შეტევა გააცუდეს და სწრაფ შეტევაში ბათუმელთა ამერიკელმა ლეგიონერმა, მაირინ ტომასმა ბურთი საბა სალაძეს გადააწოდა. საბამ ორქულიანით ანგარიში გაათანაბრა და პლუს მასზე დაჯარიმდნენ კიდეც.   სალაძემ ბონუს-საჯარიმოც ჩააგდო და ბათუმი 70:69 დააწინაურა. დასრულებამდე 5 წამი რჩებოდა და ცხადია, კოტე ტუღუშმა წუთშესვენება აიღო, რათა სტუმართა ბოლო შეტევა დაეგეგმა. გვერდიდან შემოტანილი ბურთი დეტრეკ ბრაუნინგმა მიიღო, 2-3 წამი დაამუშავა, სასროლად საჭირო სივრცე მონახა და… ამერიკელი ლეგიონერის სამქულიანი ბათუმელთა კალათში ჩაეშვა და დროც ამოიწურა. ქუთაისელებმა 72:70 მოიგეს და მეორე მატჩის წინ 2-ქულიანი უპირატესობა შეიქმნეს. 2-მატჩიან სერიაში მოგებას პირობითი მნიშვნელობა აქვს. ბრაუნინგს რომ არ ჩაეგდო, ქუთაისი მეორე მატჩის წინ მხოლოდ იმას დაკარგავდა, რომ 2-ქულიანი უპირატესობის ნაცვლად 1-ქულიანი ჩამორჩენა ექნებოდა.   მატჩის გმირი ბრაუნინგი გახდა, რომელმაც გამარჯვების სამქულიანიანად 26 ქულა ჩააგდო. ამასთან, მან 7 პასი და 8 მოხსნაც მიითვალა. 11 ქულა ჰქონდა კახა ჯინჭარაძეს და 10 – დეტრეკ ბრაუნინგს. ბათუმელთაგან საუკეთესო გიორგი ოჩხიკიძე, რომელმაც 22 ქულა, 9 პასი და 4 მოხსნა დააგროვა, მაიკინ ტომასმა შეხვედრა 15 ქულით, 11 მოხსნითა და 7 პასით დაასრულა.    თასის გათამაშების მეოთხედფინალის ბოლო წყვილი ზესტაფონის მარგვეთი და თბილისის რაშია. მოედნის უპირატესობა ზესტაფონელებს აქვთ და ამიტომ ისინი საპასუხო მატჩს შინ 24 მარტს ითამაშებენ, პირველი შეხვედრა კი დღეს თბილისი არენაზე გაიმართა. ბრძოლა არ შედგა. მარგვეთმა რაშს პერიმეტრიდან მოუთავა საქმე: 32 ცდიდან 16 სამქულიანი ჩააგდო და ასეთ დროს მეტოქე უძლურია, რაოდენ დიდი უპირატესობაც არ უნდა ჰქონდეს სამწამიანში.    არადა, ფარქვეშ რაში აშკარად ყოჩაღობდა. ანდრე უეირის შემჩერებელი მარგვეთში ვერ მოინახა, თუმცა სხვადასხვა ხერხებით სტუმრები უფრო გადიოდნენ ფონს და მთავარ საქმე, ბურთი მეტოქის კალათში ჩაგდებას მეტი წარმატებით ახერხებდნენ. ზესტაფონმა მოიგო ყველა პერიოდი – განსაკუთრებით დამაჯერებლად კი პირველი – 28:15. დიჯეი დევისმა 9-დან 6 სამიანი ჩააგდო, გიორგი კობახიძემ კი 9-დან 5.  რაშის მოთამაშეები ცდას არ აკლებდნენ, შეცვლაზე შესულმა ცენტრმა – გიორგი მესხმა 20 ქულა და 10 მოხსნა მიითვალა, მაგრამ ამან ეფექტი ვერ მოახდინა. ზესტაფონელებმა მეტოქე სათოფეზე აღარ გაიკარეს და 2-მატჩიანი სერიის პირველი ნახევრის შემდეგ 23-ქულიან ჰანდიკაპს დაეპატრონნენ – 111:88.   თასის მეოთხედფინალის საპასუხო შეხვედრები 23 და 24 მარტს გაიმართება.

შაქრო პაპა

ქართველი მარტო სუდია იყო მოედანზე?)))

ვინგსმა ფრთები თელავთან გაშალა | დებიუტანტმა პირველი გამარჯვება მოიპოვა

გურჯაანმა ვსა-ც დაამარცხა | თსუ-მ რუსთავში იმარჯვა და პირველობა გაიმყარა

მატჩის გმირი, გურჯაანელი კინგი | დელტამ კსუ-კავკასია ბოლო წამებზე დაამარცხა

საქართველოს ნაკრებმა დანიასთან მატჩისთვის მზადება შენგელიას გარეშე დაიწყო

ბასტონის "ბარსელონა" ეპატიჟება - კატალონიელებისთვის საწადელის მიღწევა რთული იქნება

ყველაზე ძვირადღირებული მცველი ისტორიაში? - "ლივერპული" ფეხბურთელს უკვე შეუთანხმდა

ცუდი შედეგების მიუხედავად, სპალეტის "იუვენტუსში" ახალ კონტრაქტს შესთავაზებენ

მერაბ რატიშვილი მონტენეგრო-საბერძნეთის მატჩს უკომისრებს

[VIDEO] გოგლიჩიძის გარეშე და ჩაკვეტაძის ერთი ტაიმი - "უოტფორდმა" სახლში "იფსვიჩთან" წააგო

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

ლუის ენრიკე: კვარაცხელია სრულიად განსხვავებული ფეხბურთელია

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

იმედს არ კარგავენ - "ბენფიკამ" პრესტიანი მადრიდში მაინც ჩაიყვანა

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

"ეგონათ, სიგიჟე გავაკეთეთ! პსჟ-ის ეს ფეხბურთელი 250 მილიონად არ მივყიდეთ" - ლაპორტამ დღემდე უცნობი ამბავი გაამხილა

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

მიქაუტაძის პოსტს დიდი განხილვა მოჰყვა - ქართველის გზავნილი როგორც კრიტიკის, ასევე სიამაყის საფუძველი გახდა

თუ გვარდიოლა წავა - "სიტის" მწვრთნელი ენცო მარესკა გახდება

ქალთა ნაკრები საბერძნეთთან მატჩისთვის მზადებას განაგრძობს

"სპორტინგი" მზადაა ქოჩორაშვილი გაასხვისოს - ფასიც დასახელდა

უეფას სამართალი - "რეალთან" მატჩის წინ პრესტიანი და შესაბამისად "ბენფიკაც" დასაჯეს