- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
რეკორდსმენის ტრაგედია
<p>მსოფლიოს ჩემპიონატის მესამე დღეს უსაინ ბოლტის ბედი გაიზიარა 110 მეტრზე თარჯრბენში მსოფლიოს რეკორდსმენმა, კუბელმა დაირონ რობლესმა <br> მსოფლიოს ჩემპიონატის მესამე დღეს ტეგუში მედლების ექვსი კომპლექტი გათამაშდა და ერთ-ერთ დისციპლინაში კვლავ ფავორიტის დისკვალიფიკაცია ვიხილეთ - უსაინ ბოლტის ბედი გაიზიარა 110 მეტრზე თარჯრბენში მსოფლიოს რეკორდსმენმა, კუბელმა დაირონ რობლესმა.</p><p>ამ გარბენში ფავორიტად სწორედ რობლესი და ჩინელი ლუ სიანი მიიჩნეოდნენ. მესამე ფავორიტი - დევიდ ოლივერი შარშანდელ სეზონში და წლევანდელის სტარტზე ბრწყინავდა, მაგრამ პლანეტის პირველობას ცუდ ფორმაში შეხვდა.</p><p>სტარტი უკეთ კუბელს გამოუვიდა, მაგრამ მალე მას ლიუ მიაუხლოვდა და მეათე ბარიერის წინ ოდნავი უპირატესობაც მოიპოვა. თუმცა ჩინელი ბოლო ბარიერს შეეხო, ოდნავ ტემპი დაკარგა და საბოლოოდ, წინ გაუშვა რობლესი და ამერიკელი ჯეისონ რიჩარდსონი. ეს უკანასკნელი ვერცხლის მედლის მოპოვების გამო აღფრთოვანებას ვერ მალავდა, მაგრამ რა იცოდა, რომ წინ უფრო დიდი ბედნიერება ელოდა.</p><p>ფინალის დასრულებიდან დაახლოებით ერთი საათის შემდეგ გაირკვა, რომ კუბელს დისკვალიფიკაცია მისცეს. რობლესმა ლიუ სიანის ბილიკზე დაადგა ფეხი, რითაც აზიელს ხელი შეუშალა და ჩინელებმა ფინალის შედეგი გააპროტესტეს. საბოლოოდ, რიჩარდსონმა ოქროს მედალი მიიღო, ლიუ სიანმა - ვერცხლი, ხოლო ბრინჯაოს მედალი ბრიტანელ ენდრიუ ტერნერს გადაეცა.</p><p>გუშინდელი დღის ბოლო სტარტი იყო 100 მეტრი სპრინტი ქალებს შორის. თავდაპირველად აქ ფრეიზერ-პრაისი ლიდერობდა, მაგრამ დისტანციის მეორე ნახევარზე მას სამმა სპრინტერმა გაუსწრო. გამარჯვება კარმელიტა ჯეტერმა მოიპოვა. ეს ამერიკელის სრულიად დამსახურებული ტრიუმფია, რადგან ბოლო ორი სეზონია ქალთა სპრინტის ლიდერი გახლავთ. 31 წლის ასაკში მან თავისი პირველი ინდივიდუალური ოქრო მოიგო მსოფლიოს ჩემპიონატზე. ვერცხლი ერგო სამგზის ოლიმპიურ ჩემპიონს ვერონიკა კემპბელ-ბრაუნს, ბრინჯაო - ტრინიდადის წარმომადგენელს კელინ-ენ ბაპტისტს.</p><p>სარბენ ბილიკზე მესამე ოქრო ქალებმა გაითამაშეს 400 მეტრ დისტანციაზე. აქ გარბენის ყველა მონაწილე აცხადებდა პრეტენზიას მედლისთვის. ფინალში მერვე შედეგით შეაბიჯა სახელოვანმა სანია რიჩარდსმა. მან მთელი შარშანდელი სეზონი გამოტოვა და წელს მხოლოდ ერთხელ გამოვიდა 50 წამიდან. მის თანამემამულეს ელისონ ფელიქსს ტეგუში დუბლის მოპოვება ჰქონდა დაგეგმილი - ის 200 მეტრზე სირბილის სპეციალისტია, მაგრამ ორჯერ გრძელ დისტანციაზეც ჰქონდა გამარჯვების იმედი. ასევე სათვალავში უნდა მიგვეღო ბოტსვანელი ამანტლე მონტშო, რომელიც ბრწყინვალედ გამოიყურებოდა "ბრილიანტის ლიგის" ეტაპებზე და რუსი ანასტასია კაპაჩინსკაია, ვისაც წელს სეზონის საუკეთესო დრო ეკუთვნოდა.</p><p>სხვებზე უკეთესი სტარტი მონტშომ აიღო. ბოლო ვირაჟის შემდეგ ის პირველი იყო, მაგრამ ფელიქსი შორს არ უშვებდა მოწინააღმდეგეს. მესამეზე მოდიოდა კიდევ ერთი ამერიკელი ფრანსენ მაკორორი. ფელიქსი სწრაფად ეწეოდა ლიდერს, მაგრამ მონტშოს საკმარისი ძალები აღმოაჩნდა. ყველაფერი ბოლო მეტრებზე გადაწყდა, სადაც ბოტსვანელმა ამერიკელს სულ რაღაც შვიდი მეასედი წამი მოუგო. ორივემ პირადი რეკორდები დაამყარა, მონტშომ კი თავის ქვეყანას პირველი ოქრო მოუტანა მსოფლიოს ჩემპიონატების ისტორიაში.</p><p><strong>* * *</strong></p><p>ტექნიკურ სახეობებშიც სამი ფინალი გაიმართა. დროში ძალიან გაიწელა ტურნირი კაცებს შორის ჭოკით ხტომაში, რადგან კვალიფიკაცია 16-მა მძლეოსანმა გაიარა.</p><p>გამარჯვების მთავარი პრეტენდენტი სეზონის ლიდერი, ფრანგი რენო ლავიენიე იყო, რომელიც დიდი ხანი დამაჯერებლად მიიწევდა წინ და ყველა სიმაღლე პირველ ცდაზე დაძლია. თუმცა კიდევ ოთხმა მეტოქემ აიღო 5,85 მეტრი. ოქროს ბედი 5,90 მეტრ სიმაღლეზე გადაწყდა. პოლონელმა პაველ ვოიცეხოვსკიმ, რომელმაც კვალიფიკაციისას 5,66 მეტრი ვერ დაძლია და სასწაულებრივ მოხვდა ფინალში, ბოლო ცდაზე დაძლია 5,90 მეტრი. იგივე მიღწევა ჰქონდა კუბელ ლაზარო ბორხესს, რომელმაც პირადი და ეროვნული რეკორდი 15 სანტიმეტრით გააუმჯობესა. ლავიენიემ კი 5,90-ზე ვერ ივარგა - ფრანგი ძალიან მაღლა აფრინდა, მაგრამ ტრაექტორია გამოუვიდა ცუდი. მისთვის ბრინჯაოს მედალი ნამდვილი იმედგაცრუებაა. ჩემპიონი ვოიცეხოვსკი გახდა, რომელსაც ბორხესზე ნაკლები ცდა დაუგროვდა.</p><p>კაცებს შორის უროს ტყორცნაში იაპონელმა ვეტერანმა კოჯი მუროფუშიმ იმარჯვა. ეს 36 წლის ათლეტის პირველი დიდი გამარჯვებაა 2004 წელს ათენის ოლიმპიურ თამაშებზე ტრიუმფის შემდეგ.</p><p>ქალებს შორის ბირთვის კვრაში ორი ცდის შემდეგ ორი ჩინელი ლიდერობდა, მაგრამ ისინი პრიზიორებს მიღმა აღმოჩდნენ. ზედიზედ მესამედ მსოფლიოს ჩემპიონი გახდა ზელანდიელი ვალერი ადამსი, რომელმაც თან მსოფლიოს ჩემპიონატების რეკორდი დაამყარა.</p><p>ცალკე აღნიშვნის ღირსია ცნობილი ამპუტანტი მორბენალი ოსკარ პისტორიუსი, ვინც დიდი გაჭირვებით მოიპოვა მსოფლიოს ჩემპიონატზე გამოსვლის უფლება. გუშინ, 400 მეტრზე მამაკაცებს შორის საკვალიფიკაციო გარბენები გაიმართა და სამხრეთაფრიკელმა ნახევარფინალამდე მიაღწია, მაგრამ უფრო წინ წასვლა ვერ შეძლო და ფინალის მიღმა დარჩა. თუმცა პისტორიუსის მსოფლიოს ჩემპიონატზე გამოსვლა მაინც გმირობად უნდა მოვნათლოთ.</p><p><strong>კაცები</strong></p><p><em>110 მ/თარჯრბენი</em></p><p>1. ჯეისონ რიჩარდსონი (აშშ) - 13,16; 2. ლიუ სიანი (ჩინ) - 13,27; 3. ენდრიუ ტერნერი (ბრიტ) - 13,44...</p><p><em>ჭოკი</em></p><p>1. პაველ ვოიცეხოვსკი (პოლ) - 5,90; 2. ლაზარო ბორხესი (კუბ) - 5,90; 3. რენო ლავიენიე (საფ) - 5,85...</p><p><em>ურო</em></p><p>1. კოჯი მუროფუში (იამ) - 81,24; 2. კრისტიან პარსი (უნგ) - 81,18; 3. პრიმაშ კოჟმუში (სლოვენ) - 79,39...</p><p><em>ქალები</em></p><p>100 მ</p><p>1. კარმელიტა ჯეტერი (აშშ) - 10,90; 2. ვერონიკა კემპბელ-ბრაუნი (იამ) - 10,97; 3. კელი-ენ ბაპტისტი (ტრინ) - 10,98...</p><p>400 მ</p><p>1. ამანტლე მონტშო (ბოტს) - 49,56; 2. ელისონ ფელიქსი (აშშ) - 49,59; 3. ანასტასია კაპაჩინსკაია (რუს) - 50,24...</p><p><em>ბირთვი</em></p><p>1. ვალერი ადამსი (ზელ) - 21,24; 2. ნადეჟდა ოსტაპჩუკი (ბლრ) - 20,05; 3. ჯილიან კამარენა-უილიამსი (აშშ) - 20,02...</p><p>მედლების ჩათვლა</p><p>ო ვ ბ ს</p><p>1. აშშ 4 3 1 8</p><p>2. კენია 2 2 2 6</p><p>3. რუსეთი 1 2 1 4</p><p>4-5. იამაიკა 1 1 0 2</p><p>4-5. კენია 1 1 0 2</p><p>6. ეთიოპია 1 0 1 2</p><p>7-10. ბოტსვანა 1 0 0 1</p><p>7-10. იაპონია 1 0 0 1</p><p>7-10. ზელანდია 1 0 0 1</p><p>7-10. პოლონეთი 1 0 0 1</p><p>11. კუბა 0 1 2 3</p><p>12. ბრიტანეთი 0 1 1 2</p><p>13-15. ბელარუსი 0 1 0 1</p><p>13-15. გერმანია 0 1 0 1</p><p>13-15. უნგრეთი 0 1 0 1</p><p>16-21. კოლუმბია 0 0 1 1</p><p>16-21. საფრანგეთი 0 0 1 1</p><p>16-21. ლატვია 0 0 1 1</p><p>16-21. სენტ კიტსი 0 0 1 1</p><p>16-21. სლოვენია 0 0 1 1</p><p>16-21. ტრინიდადი 0 0 1 1</p><p><strong>ყოველდღიური სპორტული გაზეთი "ლელო"</strong></p>
"სასქესო ორგანო გაჩვენოთ?" - ოლიმპიური ჩემპიონის სქესში ეჭვი შეიტანეს [PHOTO]
ვიქტორ სანეევის სახელობის ღია პირველობა
"თავმდაბლობას არ დავიწყებ, ვიცი, რომ წელსაც მეკუთვნოდა..." - ინტერვიუ ლაშა ტალახაძესთან
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
"დინამო თბილისი": სამი გოლი, სამი ქულა