გამარჯვება სოფიაში

საქართველოს ეროვნულმა ნაკრებმა სოფიაში ევროპის ჩემპიონატის შესარჩევი მატჩი 83:79 მოიგო ემოციავიდრე მიმოხილვას მიადგებოდით, საფინალო ანგარიშსაც წაიკითხავდით და ოქმსაც გადაათვალიერებდით. აქ ერთხელაც შეგახსენებთ: საქართველომ ბულგარეთში 83:79 გაიმარჯვა, მანუჩარ მარკოიშვილმა 23 ქულა ჩააგდო, ტორინ გრინმა გადამწყვეტ მომენტში ექვსიდან ხუთი საჯარიმო გამოიყენა, ზაზა ფაჩულიამ ქართველთა ფარი კარგად დაიცვა, ვიქტორ სანიკიძემ 8 ქულა, 9 მოხსნა და 6 პასი მოაგროვა, ნიკა ცქიტიშვილმა, თორნიკე შენგელიამ, გიორგი ცინცაძემ, გიორგი შერმადინმა, ლაშა გამყრელიძემ, კოტე ტუღუშმა, ნიკა მეტრეველმა (შაბათს ოფიციალური დებიუტი ჰქონდა), ანატოლი ბოისამ... საქართველოს დიდი სიხარული მოუტანეს.მათ ქართველობა პოლონეთთან გამარჯვებითაც გაახარეს, თუმცა 2 აგვისტოს დიდი სხვაობით მოიგეს და მეოთხე პერიოდში უკვე ყველა მშვიდად შესცქეროდა ჩვენი გუნდის ლაღ თამაშს. ბულგარეთთან კი ბოლო წამებამდე დაძაბული ბრძოლა მიმდინარეობდა და მასში ქომაგიც თავიდან ბოლომდე ჩაეფლო. დარბაზში ჩვენი კალათბურთელების თითოეულ ნაბიჯს გულშემატკივრები ემოციებით ხვდებოდნენ. ასე იყო COFFEE.GE-ში (სადაც კალათბურთელთა ახლობლები, საკალათბურთო საზოგადოება და მთავრობის წევრები იყვნენ შეკრებილნი) და ყველგან, სადაც შაბათს 19 საათიდან ტელევიზორი "პირველ არხზე" იყო მომართული. ...სწორედ ასეთ დაძაბულ მატჩში ბოლო წამებზე გამარჯვებას აქვს საოცარი გემო.საქართველოს ნაკრების თამაშს ისევე არ აკლდა მარილი, როგორც კახურ ხაშლამას - გუნდმა მთელი მატჩი სტაბილურად ჩაატარა და სერიოზული ჩავარდნა ერთხელაც არ მოსვლია; ფარქვეშიდან ჩაგდებულ ორქულიანებს ქართველები ხშირად აყოლებდნენ რაჭული ლორივით მსუყე სამქულიანებს; მიუხედავად იმისა, რომ ზოგჯერ შეტევაში თამაში ჭირდა, დაცვით მეტოქეს აშკარად ვაჯობეთ - საქართველოს ნაკრების დაცვა ისევე მწარე აღმოჩნდა ბულგარელთათვის, როგორც მეგრული წიწაკა...მასპინძელთა ნაკრებს კი ბულგარული წიწაკასავით აკლდა სიმწარეცა და ფერიც: ფილიპ ვიდენოვს თუ არ ჩავთვლით, ყველამ უფერულად ითამაშა. თუმცა ბულგარელებს კარგი ახალგაზრდები ჰყავთ და 2-3 წელიწადში დამწიფდებიან....როგორც ხედავთ, მატჩის შემდეგ ემოციები ჯერ არც ამ სტატიის ავტორს განელებია. თუმცა, არ უნდა დაგვავიწყდეს, რომ ბულგარეთში გამარჯვება ერთი ბარიერი იყო - საქართველოს ნაკრებს კი ფინიშამდე მისაღწევად (ევროპის ჩემპიონატზე მოსახვედრად) კიდევ ოთხი ბარიერი აქვს დასაძლევი.თავისუფლადშეხვედრის წინ ჩვენთვის სახეირო ფსიქოლოგიური ფონი შეიქმნა: ბულგარეთსა და საქართველოს 2-2 მოგება ჰქონდათ. მასპინძლებს წაგება ორ საუკეთესოში მოხვედრის საქმეს ძალიან გაურთულებდა, რადგან ბულგარელებს მომდევნო მატჩები პოლონეთსა და საქართველოში აქვთ სათამაშო. ჩვენს ნაკრებს მარცხის შემთხვევაშიც ევრობასკეტზე მოხვედრის კარგი შანსი დარჩებოდა. მოგება კი იგორ კოკოშკოვის გუნდს ჯგუფის ფავორიტად აქცევდა.ალბათ ამიტომ, ქართველები ფსიქოლოგიურ წნეხს არ გრძნობდნენ და მატჩი თავიდან ბოლომდე თამამად ჩაატარეს. თუ დააკვირდით, რთულ სიტუაციებშიც კი ზაზა ფაჩულიას პირიდან ღიმილი არ მოშორებია.შეხვედრის დასაწყისში ჩვენი კალათბურთელები დარწმუნდნენ, რომ ბულგარეთის ნაკრები უშეცდომო არ იყო - ტორინ გრინმა ერლ კალუეის ორჯერ კარგად აართვა ბურთი, ხოლო შენგელია-სანიკიძე-ფაჩულიას ტრიოს ტყუპი ივანოვების ბარიერის დაძლევა არ უჭირდა. პირველი მეოთხედის დასრულებამდე 2:39 წუთით ადრე მანუჩარ მარკოიშვილმა კალუეის ორ სამქულიანს ასევე შორეული ტყორცნით უპასუხა და - 18:18. ამ სამქულიანს მხოლოდ ანგარიშის გამთანაბრებლის მნიშვნელობა არ ჰქონდა - მანუმ მეტოქის კალათისკენ პირველივე გასროლა მიზანში მოარტყა, რაც იმის მომასწავებელი იყო, რომ შაბათი მისი დღე უნდა ყოფილიყო.თანაბრად ჩატარებული პირველი პერიოდის შემდეგ გუნდებმა სპურტები გაცვალეს: მეორე ათწუთეულში სასტარტოებისგან საქმე სათადარიგოებმა გადაიბარეს, ცქიტიშვილის, შერმადინის, მარკოიშვილის ორქულიანებს გამყრელიძემ საჯარიმოები მიაყოლა, ხოლო მატჩის მე-16 წუთზე მარკოიშვილი-გამყრელიძის სამქულიანებმა ბულგარეთის ნაკრების მწვრთნელ როსენ ბარჩოვსკის წუთშესვენების აღება აიძულა (37:31).ერთწუთიანმა დასვენებამ ქართველები მართლაც დააცხრო, ხოლო გამოფხიზლებულმა ფილიპ ვიდენოვმა სწრაფი დრიბლინგებით თანაგუნდელები 43:39 დააწინაურა. ამ ეპიზოდში დაცვაზე მეტად წუნი ქართველთა შეტევაში შეინიშნებოდა. თავად განსაჯეთ: ხუთ წუთში ჩვენმა გუნდმა 2 ქულა ჩააგდო (რაც ძალიან ცოტაა), ხოლო მეტოქისგან 12 მიიღო (რაც კატასტროფული მაჩვენებელი სულაც არ არის).ბულგარელთა გაქცევას ქართველები სულაც არ აუნერვიულებია. ისინი დიდი შესვენებიდან დაბრუნების შემდეგ უფრო თავისუფლად ათამაშდნენ - სანიკიძემ, ცინცაძემ და მარკოიშვილმა შორეული ტყორცნებით თანაგუნდელებს უპირატესობა დაუბრუნეს. შეტევაში სილაღეს დაცვაში სიმტკიცე ახლდა, ამიტომ ბულგარელებმა მესამე პერიოდში მხოლოდ 11 ქულა ჩააგდეს.თავისი სამქულიანი ნიკა ცქიტიშვილმა მეოთხე პერიოდის დასაწყისში ჩააგდო - 61:54. თუმცა მასპინძლებმა პოლონეთთან მატჩის სცენარის გამეორება სცადეს - ტემპს უმატეს და სამ წუთში 63:61 დაწინაურდნენ. მათ პოლონეთთან სამქულიანებით შეამცირეს სხვაობა, ქართველებს კი შორეული ტყორცნების უფლება არ მიუციათ. სწორედ ეს აღმოჩნდა გადამწყვეტი - ბულგარელებმა თავისი კოზირის (შორეული სროლების) გამოყენება ბოლო წუთებამდე ვერ მოახერხეს. ფარქვეშ შესულებს კი სანიკიძე-ფაჩულია-შენგელია-ცქიტიშვილი ხვდებოდნენ და სროლის უფლებას არ აძლევდნენ.მეოთხე პერიოდში ქართველები მოედნის ყველა წერტილიდან შედეგიანად უტევდნენ. 61:63 ჩამორჩენის შემდეგ ორი მნიშვნელოვანი იერიში ზაზა ფაჩულიამ დააგვირგვინა, ხოლო პერიმეტრიდან მარკოიშვილმა და გრინმა მასპინძლებს ღრმა ჭრილობები მიაყენეს. ტორინის შორეული ტყორცნის შემდეგ ტაბლოზე ანგარიშის გრაფაში 74:69 დაფიქსირდა, ხოლო წამმზომზე - 03:32 (მატჩის დასრულებამდე).დარჩენილ დროში სიტუაცია უფრო დაიძაბა. იგორ კოკოშკოვმა გამთამაშებლობა ამერიკელ ტორინს დაავალა, რაც სწორი ნაბიჯი იყო - გრინი ბურთს ცოცხალი თავით არ თმობდა და გადამწყვეტ მომენტში ალბათ ფარქვეშაც შეიჭრებოდა, თუმცა დრიბლინგი არ დასჭირვებია - ბულგარელები მასზე სამჯერ დაჯარიმდნენ და გრინის ზუსტმა საჯარიმოებმა საბოლოოდ რა ანგარიში დააფიქსირა, შესავალში მოგახსენეთ. ახლაც სიამოვნებით გავიმეორებთ - 83:79 ქართველთა სასარგებლოდ.ციფრებიმიუხედავად იმისა, რომ საბოლოოდ მხოლოდ ოთხქულიანი სხვაობა დაფიქსირდა, საქართველოს ნაკრებმა მასპინძლებს თითქმის ყველა კომპონენტში აჯობა: 20-დან 9 სამქულიანი ჩააგდო (ბულგარეთმა 19-დან 7), 33-დან 19 ორქულიანი გამოიყენა (ბულგარელებმა 45-დან 22), 26-დან 19 საჯარიმო ძუსტი იყო (ბულგარეთელთა 20-დან 14), 38-ჯერ მოხსნეს (ბულგარეთმა 30)... შეცდომაც მასპინძლებზე მეტი დავუშვით - 17:9, თუმცა, საბედნიეროდ, ამით ბულგარელებმა ვერ ისარგებლეს.გუშინწინდელ მატჩში ძალიან მნიშვნელოვანი იყო მანუჩარ მარკოიშვილის 23 და გრინის 14 ქულა. ტორინმა კიდევ ერთხელ დაამტკიცა, რომ მრავალმხრივი კალათბურთელია და შეიძლება უკეთესიც იყო მისი ელისის ნაცვლად ჩამოყვანა...ხოლო მარკოიშვილმა სამქულიანები სწორედ ბულგარეთისთვის შემოინახა: თუ წინა სამ შეხვედრაში მას მხოლოდ 3 სამიანი ჰქონდა ჩაგდებული, ბულგარეთთან 5-დან 4 შორეული ტყორცნა გამოიყენა. სწორედ გრინის და მანუს ძალისხმევით მოიგო ნაკრებმა "ჩარიანი" (მონარდეთა ენაზე) სხვაობით. შაბათს მანუჩარი და ტორინი გამოირჩნენ, პორტუგალიასთან - ფაჩულია და სანიკიძე, პოლონეთთან - ცინცაძე და ფაჩულია... ეს გუნდური თამაშის მაჩვენებელია.ბულგარეთი-საქართველო 79:8322:23, 21:16, 11:19, 25:25ბულგარეთი: დ. ივანოვი (23 წ. 15 ქ. 4 მ.), კ. ივანოვი (24 წ. 4 ქ. 5 მ.), ავრამოვი (10 წ. 3 ქ.), კოსტოვი (20 წ. 4 ქ.), ვიდენოვი (30 წ. 29 ქ. 3 მ. 3 პ.), კალოვეი (30 წ. 12 ქ. 4 მ. 4 პ. 4 ჩ.), ს. გეორგიევი (17 წ. 8 ქ. 3 მ.), ზ. გეორგიევი (10 წ. 2 ქ. 2 პ.), ა. გეორგიევი (20 წ. 2 ქ. 4 მ.), ვარბანოვი (15 წ.).საქართველო: გამყრელიძე (14 წ. 5 ქ.), ფაჩულია (33 წ. 12 ქ. 8 მ. 3 პ. 2 დ.), ცინცაძე (28 წ. 6 ქ. 2 მ.), შერმადინი (7 წ. 2 ქ.), ტუღუში (4 წ.), მარკოიშვილი (25 წ. 23 ქ. 7 მ.), სანიკიძე (32 წ. 8 ქ. 9 მ. 6 პ.), მეტრეველი (1 წ.), გრინი (31 წ. 14 ქ. 5 პ.), ცქიტიშვილი (16 წ. 8 ქ. 2 მ. 2 პ.), შენგელია (11 წ. 5 ქ. 4 მ.).მსაჯები: მილან მაზიჩი (სერბეთი), პეტროს პაპაპეტრუ (საბერძნეთი), რობერტ პაულიკი (ჩეხეთი)

mamuka

ჯიგრები ხართ,რა გახდა ერტი ჩარტერი ამ ლომებისტვის,ნამუსი არ არის?ფეხბურთელები მოლდოვაში ამხანაგურზე ჩარტერით გაუშვეს/
tazo

sagoolll dzmeb genacvalett magrebi xart!!!efre unda gaaagrdzelot da yvela gundi unda chamoitovott.....gmerti tqvensken dzmebo

საქართველო - ფინეთი. ორივე ნაკრების გულშემატკივართა დესანტი რიგისაკენ მიემართება

"ჩვენ დავბრუნდებით" - ფრანგების მწვრთნელმა საქართველოსთან მარცხის მიზეზი განმარტა

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია

„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე

პსჟ ბარკოლასთან კონტრაქტის გაგრძელებაზე მოლაპარაკებას აწარმოებს

რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი

მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია

[PHOTO] არდა გიულერის ემოციები ესპანეთთან განადგურების შემდეგ

[VIDEO] შერჩათ თურქებს იამალი? - ესპანელი კურიოზულ სიტუაციაში აღმოჩნდა

შენგელია: გასაკვირია ჯიკიჩი ევროლიგის გუნდს რომ არ წვრთნის

[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით

[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება

ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს

როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!