- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გუნდები მეორე წრის მიჯნაზე
<p>დღეს საქართველოს რაგბის ჩემპიონატი მეორე წრის პირველი ტურის მატჩებით განახლდება <br> დღეს საქართველოს ჩემპიონატი მეორე წრის პირველი ტურის მატჩებით განახლდება. თითქმის ორ თვეზე მეტი ხნით შესვენებისას გუნდებში საკმაოდ სერიოზული ცვლილებები განხორციელდა. სატრანსფერო ფანჯარა ზოგმა კარგად გამოიყენა და გაძლიერდა, ზოგიც მეტ-ნაკლებად დასუსტდა. თუმცა, ყველაფერი მხოლოდ მოედანზე გამოჩნდება.</p><p>დავიწყოთ გათამაშების ლიდერით. ქუთაისის "აიამ" პირველ წრეში შესანიშნავად ითამაშა და შვიდი თამაშიდან შვიდივე მოიგო. პირველი წრის შემდეგ გუნდი დატოვა და საფრანგეთის ერთ-ერთ გრანდში, პარიზის "სტად ფრანსეში" გადაბარგდა შერკინების პირველხაზელი ზურაბ ჟვანია. "აიას" მინიმუმ თვენახევრის განმავლობაში ვერ დაეხმარება გარემარბი ირაკლი ჩხიკვაძე, რომელიც საქართველოს ნაკრებში მსოფლიოს თასზე იასპარეზებს.</p><p>გუნდს საფრანგეთიდანვე დაუბრუნდა მგეზავი ზურაბ ზვიადაძე. საკმაოდ სერიოზული ძალაა უკანა ხაზში კიდევ ერთი შუამარბი გია ცნობილაძე. შერკინებაში "აიამ" ახალგაზრდა მორაგბეები, საკუთარი სარაგბო სკოლის სამი აღზრდილი დაიმატა.</p><p>ქუთათურები მე-8 ტურის მატჩს სტუმრად გამართავენ ბოლოსოწინა, მეშვიდე ადგილზე მყოფ რუსთავის "ხარებთან", რომელსაც წრეებს შორის შესვენებაზე არავინ დაუმატებია. გუნდიდან ახალხან წავიდა მესამეხაზელი კახაბერ კობერიძე, რომელიც ამიერიდან საფრანგეთის სარაგბო ჩემპიონატის ელიტური, მეორე დივიზიონის "ალბიში" ითამაშებს.</p><p>ყველაზე დიდი ცვლილებები საქართველოს ჩემპიოანტის ახალბედა, "არმიას" რიგებშია, რომელიც ლიდერს ხუთი ქულით ჩამორჩება და სატურნირო ცხრილში მეორე ადგილზეა. არმილები საგრძნობლად გაძლიერდნენ და თავის პირველივე სეზონზე ჩემპიონობას უმიზნებენ.</p><p>თავად განსაჯეთ, გუნდს უკანა ხაზში დაემატა გიორგი შკინინი, ალექსანდრე ტუჩაშვილი, ვანო გაბროშვილი და ფრიდონ უდესიანი. საგრძნობლად გაძლიერად არმიელთა შერკინება, საფრანგეთიდან დაბრუნდა მესამეხაზელი ბესო უდესიანი, რუმინეთიდან კი ასევე მესამეხზელი ლაშა თავართქილაძე. პირველი ხაზი საგრძნობლად გააძლიერა თბილისის "აკადემიას" ლიდერმა, შერკინების კვაჭმა ბექა მეკოკიშვილმა, ქუთაისის "აიადან" კი "არმიას" საქართველოს ახალგაზრდული ნაკრების შერკინების ბურჯი ზურაბ ერისთავი დაემატა.</p><p>"არმიაში" ითამაშებენ ასევე, საქართველოს ამავე ნაკრების მესამეხაზელები გიორგი თხილაიშვილი და ხვიჩა ბუჯიაშვილი. ამასთან არმიელებს მე-2 წრის საწყის ეტაპზე ვერ დაეხმარებიან ცხრა ნომერი ბიძინა სამხარაძე და შერკინების კვაჭი ჯაბა ბრეგვაძე, რომლებიც საქართველოს ნაკრებში ითამაშებენ ახალ ზელანდიაში.</p><p>"არმიას" მეტოქე მე-8 ტურში ქვეყნის მრავალგზის ჩემპიონი თბილსის "ლოკომოტივი" იქნება, რომელიც მე-2 წრის წინ საკამოდ ბევრმა მოთამაშემ დატოვა. გუნდიდან წავიდნენ მეორეხაზელები გიორგი ოზგებაშვილი და ბაჩუკი გუჯარაიძე. საფრანგეთის სარაგბო ჩემპიოანტის ელიტური, მეორე დივიზიონის "პოში" გადაბარგდა ზერო პეტრიაშვილი, უკანახაზელთაგან რატი ხუციშვილმა კარიერის გაგრძელება თბილისის "ლელოში" გადაწყვიტა.</p><p>საქართველოს ნაკრებში საწვრთნელ შეკრებაზე ყოფნისას მუხლი დაიშავა და საოპერაციო შეიქნა გუნდის ლიდერი, მესამეხაზელი ზვიად მაისურაძე. რკინიგზელებს დააკლდებათ კიდევ ერთი მესამეხაზელი გივი ბერიშვილი, რომელიც "ბორჯღალოსნებთან" ერთად ახალ ზელანდიაში გაემგზავრება.</p><p>"ლოკომოტივის" ნამატი დანაკლისთან შედარებით უმნიშვნელოა. რუმინეთიდან მობრუნდა პირველხაზელი ოთარ ტურაშვილი, უკანა ხაზში კი საქართველოს ერთ-ერთმა ყველაზე ტიტულოვანმა გუნდმა ილია გოგიშვილი დაიმატა.</p><p>მიმდინარე გათამაშების ერთ-ერთმა ფავორიტმა თბილისის "ლელომ" ეროვნულ ნაკრებში სამი მორაგბე მიავლინა, გარემარბი ლექსო გუგავა, შუამარბი ალექსანდრე თოდუა და მგეზავი ლაშა ხმალაძე.</p><p>გუნდი არავის დაუტოვებია, უკანა ხაზში რატი ხუციშვილის მიწვევის თაობაზე უკვე ვთქვით. შერკინებაში კი ლელოელებს ყოფილი "ყოჩი" გაგა ჯორჯაძე დაეხმარება. აღსანიშნავია, რომ მსოფლიოს თასის გათამაშების დასრულების შემდეგ "ლელოში" მესამეხაზელი გიორგი ჩხაიძე ითამაშებს, რომელიც აქამდე საფრანგეთის ელიტური, პირველი დივიზიონის "მონპელიეში" ასპარეზობდა.</p><p>საქართველოს ჩემპიონატის პირველი წრეში შესანიშნავად ითამაშა თბილისის "აკადემიამ", რომელიც წლევანდელი გათამაშების უდავო მშვენება იყო. აკადემიელებმა სატრანსფერო ფანჯრისას ლიდერი და მთავარი მექულე ბექა მეკოკიშვილი დაკარგეს. დამატებით კი, მხოლოდ საკუთარი სკოლის რამდენიმე აღზრდილი დაიმატეს.</p><p>ხაზგასმით უნდა აღინიშნოს, რომ "აკადემია" ერთადერთი გუნდია საქართველოში, რომელიც მხოლოდ საკუთარი სკოლის აღზრდილებით "საზრდოობს".</p><p>თითქმის არაფერი შეცვლილა თბილისის "არმაზში", რომელიც ხუთი ქულით მეექვსე ადგილზეა და უმაღლეს ლიგაში დარჩენისთვის იბრძვის.</p><p>აი, საქართველოს ერთ-ერთი ყველაზე ამბიციური გუნდის, თბილისის "ყოჩების" ბოლო ადგილზე ყოფნა კი მიმდინარე სეზონის ყველაზე დიდი მოულოდნელობაა. "ყოჩებმა" შვიდიდან შვიდივე შეხვედრა წააგეს და გავარდნის ყველაზე რეალური კანდიდატები არიან.</p><p>გუნდში უკრაინიდან დაბრუნდა მესამეხაზხელი ჯაბა მალაღურაძე, პირველ ხაზს კი, სადაც "ყოჩებს" ყველაზე დიდი პრობლემები ჰქონდა, ლევან შენგელია გააძლიერებს.</p><p><strong>VIII ტური </strong></p><p>არმია-ლოკომოტივი, არმაზი-ლელო, აკადემია-ყოჩები, ხარები-აია</p><p>სატურნირო მდგომარეობა</p><p>თ მ ფ წ ბ ქ</p><p>1.აია 7 7 0 0 +97 14</p><p>2.არმია 7 4 1 2 +19 9</p><p>3.აკადემია 7 3 2 2 +8 8</p><p>4.ლელო 7 4 0 3 +36 8</p><p>5.ლოკომოტივი 7 4 0 3 +22 8</p><p>6.არმაზი 7 2 1 4 -31 5</p><p>7.ხარები 7 2 0 5 -59 4</p><p>8.ყოჩები 7 0 0 7 -92 0</p><p><strong>ყოველდღიური სპორტული გაზეთი "ლელო"</strong></p>
19-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
17-წლამდე ვაჟთა ნაკრები სან მარინოში მიემგზავრება
ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
ქართველების "მეცი" "ნანტთან" ფრეს დასჯერდა
კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა
[VIDEOS] გულიაშვილმა ესპანეთში დუბლი შეასრულა
ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა