ქართველები

• ქართველი სპორტსმენები
ფეხბურთი
• ეროვნული ნაკრები
• ეროვნული ლიგა
• ეროვნული ლიგა 2
• ლეგიონერები
• თასი
• ასაკობრივი ნაკრები
• სხვადასხვა
• ევროპა ლიგა
• კონფერენს ლიგა
• ინგლისი
• ესპანეთი
• იტალია
• გერმანია
• საფრანგეთი
• მსოფლიო
• ჩემპიონთა ლიგა
• ევროპის ჩემპიონატი
• სხვადასხვა
• ქალთა ფეხბურთი
• ტრანსფერები
კალათბურთი
• ეროვნული ნაკრები
• სუპერლიგა
• თასი
• NBA
• ლეგიონერები
• ევრო ლიგა
• ევროპის ჩემპიონატი
• მსოფლიოს ჩემპიონატი
• ასაკობრივი ნაკრები
• სხვადასხვა
ჭიდაობა
• ძიუდო
• თავისუფალი
• კლასიკური
• ქართული
• სუმო
• სამბო
• ქალთა ჭიდაობა
• ბერძნულ-რომაული
ჩოგბურთი
• როლან გაროსი
• უიმბლდონი
• ავსტრალიის ღია პირველობა
• ამერიკის ღია პირველობა
• მონტე კარლო
• ATP ცინცინატი
• მადრიდის მასტერსი
• რომის მასტერსი
• მაიამის მასტერსი
• სხვადასხვა
რაგბი
• ეროვნული ნაკრები
• დიდი 10
• თასი
• ლეგიონერები
• 6 ერი
• ტესტები
• ერთა თასი
• მსოფლიო თასი
• ასაკობრივი ნაკრები
• სხვადასხვა
ფორმულა 1
• მონაკოს გრან-პრი
• ბრიტანეთის გრან-პრი
• იტალიის გრან-პრი
• ბელგიის გრან-პრი
• ბაჰრეინის გრან-პრი
• საუდის არაბეთის გრან-პრი
• იაპონიის გრან-პრი
• ჩინეთის გრან-პრი
• მაიამის გრან-პრი
• ემილია-რომანიის გრან-პრი
• აბუ დაბის გრან-პრი
MMA
• UFC
სხვადასხვა
• კრივი
• ველოსპორტი
• ტანვარჯიში
• ცურვა
• ჭადრაკი
• მძლეოსნობა
• ძალოსნობა
• მკლავჭიდი
• ტყვიის სროლა
• კარატე
• ნიჩბოსნობა
• მშვილდოსნობა
• ფარიკაობა
• წყალბურთი
• ხელბურთი
• ფრენბურთი
• ავტოსპორტი
• ჰოკეი
• თხილამურებით სრიალი
• ფიგურული სრიალი
• საინტერესო ამბები
• სხვადასხვა
• ფიტნესი
• ფიგურული ციგურაობა
• სხვა სახეობები

მალტა-საქართველო - დროა, მოგებები გავიხსენოთ

<p>დღეს, 6 სექტემბერს, ჩვენი დროით 22:25-ზე საქართველოს ნაკრები სტუმრად მალტის ეროვნულ გუნდს დაუპირისპირდება <br> დღეს, 6 სექტემბერს, ჩვენი დროით 22:25-ზე, ევროპის 2012 წლის ჩემპიონატის შესარჩევ ციკლში საქართველოს ნაკრები სტუმრად მალტის ეროვნულ გუნდს დაუპირისპირდება.</p><p>შესარჩევი ციკლის F ჯგუფში დღესვე ხორვატიის ნაკრები ისრაელს უმასპინძლებს, ლატვიის ეროვნული გუნდი კი ჯგუფის ლიდერ საბერძნეთს მიიღებს.</p><p>F ჯგუფში ამ დროისთვის ასეთი მდგომარეობაა:</p><p><em>გ თ მ ფ წ ბ ქ</em></p><p>1. საბერძნეთი 7 5 2 0 9-3 17</p><p>2. ხორვატია 7 5 1 1 13-4 16</p><p>3. ისრაელი 8 4 1 3 10-8 13</p><p>4. საქართველო 8 2 3 3 5-6 9</p><p>5. ლატვია 7 2 1 4 6:9 7</p><p>6. მალტა 7 0 0 7 3:16 0</p><p>მალტა-საქართველოს მატჩს საზოგადოებრივი მაუწყებლის I არხი პირდაპირ ეთერში წარმოადგენს.</p><p><strong>* * *</strong></p><p>ორი მატჩიც და საქართველოს ნაკრებისთვის ეს შესარჩევი ციკლიც დამთავრდება; რაღა შეიძლება მოხდეს? ანუ, რა იქნება ჩვენი ნაკრებისათვის მაქსიმუმი?</p><p>სამწუხაროდ, ზედიზედ სამმა წაგებამ (ისრაელთან, ხორვატიასთან, ლატვიასთან) აშკარად მოკრძალებული მიზნებიღა დაგვიტოვა: მეორე ადგილზე უკვე ვეღარანაირად ვერ გავდივართ, მესამე ადგილის დაკავების ბევრად უკეთესი შანსი ისრაელს აქვს და ეგ კი არა, შესაძლოა... ლატვიამაც გაგვასწროს! თუმცა, ამ ბოლო ვარიანტისა ნაკლებად გვჯერა: მართალია, ლატვიელებს ჩვენზე ერთი მატჩით მეტი აქვთ ჩასატარებელი, მაგრამ ნუ დაგვავიწყდება, რომ ალექსანდრ სტარკოვსის გუნდს მალტასთან შეხვედრის გარდა ხორვატებთან და ბერძნებთან დარჩათ თამაშები.</p><p>მოკლედ, თუ რაიმე სასწაული არ მოხდა, საქართველოს ნაკრები, ამ შესარჩევ ციკლს, სავარაუდოდ, მეოთხე ადგილზე დაამთავრებს. არადა, ჯერ კიდევ ხუთი თვის წინ საქართველოს ნაკრებს პლეი ოფში გასვლის რეალური შანსი ჰქონდა, მაგრამ 29 მარტს ისრაელში 0:1 წავაგეთ, 3 ივნისს სტუმრად ხორვატებთან ასევე მინიმალური ანგარიშით (1:2) დავმარცხდით, რამდენიმე დღის წინათ კი თბილისში მეტად და მეტად მტკივნეული მარცხი ვიწვნიეთ ლატვიელებისაგან.</p><p>ამ წაგებით კი, ყველანაირი შანსი გადაგვეწურა და დარჩენილი ორი მატჩიც, ფაქტობრივად, პრესტიჟის საქმე ექნება. ანუ, ლამის არის, წინა შესარჩევი ტურნირების დასკვნითი ეტაპი განმეორდეს, - აი, "კარის გაჯახუნება" რომ ვიცოდით და ხანდახან, ჯგუფის ზოგიერთ ფავორიტს გავამწარებდით ხოლმე; დაახლოებით ასეთივე სიტუაციაა ახლაც: იმედია, მალტასთან დღევანდელ მატჩში ამ მოუგებელ სერიასაც შევწყვეტთ და ნურც ის გამოვრიცხოთ, რომ, შესაძლოა, შესარჩევი ტურნირის ბოლო ტურში საბერძნეთს ძვირფასზე-ძვირფასი ქულები დავაკარგვინოთ. თანაც, ბერძნები (ხორვატებთან ერთად) ჯგუფში პირველი ადგილის დაკავებისათვის იბრძვიან და ვეჭვობთ, რომ ფერნანდუ სანტუშის გუნდს ბოლო ტურისათვის პირველი ადგილი განაღდებული ჰქონდეს.</p><p>თუმცა, ნებისმიერი ქართველი ქომაგისათვის, დღესდღეობით, ალბათ, სულ ერთია, რომელი გუნდი დაიკავებს ჩვენს ქვეჯგუფში პირველ ადგილს და რომელი მოხვდება პლეი ოფში; ჩვენთვის ახლა მთავარი ხომ იმ "დავიწყებული" მოუგებელი სერიის შეწყვეტაა: 26 მარტს, თბილისში ხორვატიის ნაკრების დამარცხების შემდეგ თემურ ქეცბაიას გუნდმა ზედიზედ ოთხი შეხვედრა წააგო! ასეთ დროს კი, ალბათ, არც იმას აქვს არსებითი მნიშვნელობა, ამ ოთხი მატჩიდან სამი რომ ოფიციალური შეხვედრა იყო და ერთიც - ამხანაგური (პოლონეთთან); ისე, მართლაც პარადოქსია: 2010 წელს საქართველოს ნაკრებმა თავის ისტორიაში საუკეთესო შედეგი უჩვენა და წელიწადი წაუგებლად ჩაამთავრა, წლეულს კი მარტის ბოლო რიცხვებიდან მოყოლებული თამაშს-თამაშზე ვაგებთ...</p><p><strong>უსიამოვნო სერიები</strong></p><p>საქართველოს ნაკრებს ვიდრე თემურ ქეცბაია ჩაიბარებდა, ჩვენს უპირველეს გუნდს თავის ისტორიაში უცუდესი შედეგი ჰქონდა - ზედიზედ 15 მოუგებელი მატჩი, ვეჭვობთ, როდისმე კიდევ განმეორდეს; ეგაც რომ არ იყოს, ქეცბაიას წინამორბედი, ექტორ რაულ კუპერი სხვა ანტირეკორდზეც "მიდიოდა". არგენტინელი სპეციალისტის ხელმძღვანელობით საქართველოს ნაკრებს ზედიზედ ხუთი მატჩი ჰქონდა წაგებული (მალტასთან, იტალიასთან, ისლანდიასთან, ჩერნოგორიასთან, ბულგარეთთან).</p><p>თუმცა, ეს პირველი შემთხვევა ნამდვილად არ ყოფილა ჩვენი ნაკრების ისტორიაში: 1996 წელს ასევე ზედიზედ 5 წაგება გვქონდა: რუმინეთთან, კვიპროსთან, ნორვეგიასთან, იტალიასთან, ინგლისთან; ჩვენი უპირველესი გუნდისათვის ზედიზედ ოთხი მარცხიც არ ყოფილა "უცხო" თუ "უჩვეულო": პირველად მსგავსი რამ 1992-94 წლებში მოხდა, როცა კვიპროსთან და აზერბაიჯანთან ამხანაგურ მატჩებში ერთნაირი ანგარიშით (0:1) დავმარცხდით, რასაც სადებიუტო ციკლში მოლდოვასთან და ლატვიასთან წაგებები მოჰყვა; ამის შემდეგ ხუთი წელი გავიდა, ვიდრე მსგავსი სერია გვექნებოდა: 1999 წელს ნორვეგიასთან ზედიზედ ორ მარცხს (1:4, 0:1) საბერძნეთთან და სლოვენიასთან წაგებები (ორივეჯერ - 1:2) "მივაყოლეთ"; სულ ბოლოს კი ზედიზედ ოთხი წაგება 2006 წელს გვქონდა, მაგრამ ამ შემთხვევაში ეს ოთხივე მარცხი, მეტოქეებიდან გამომდინარე, მეტ-ნაკლებად "გამართლებულიც" იყო: საფრანგეთის, უკრაინის, გერმანიისა და იტალიის ნაკრებებმა მოგვიგეს!..</p><p>აი, რაც შეეხება ანტირეკორდს, საქართველოს ნაკრების ისტორიაში მხოლოდ ერთადერთხელ იყო, ზედიზედ 7 მატჩი რომ წავაგეთ; ყველაფერი კი 2003 წლის შემოდგომაზე დაიწყო, როცა ალბანეთთან და რუსეთთან ოფიციალურ მატჩებში დავმარცხდით. რასაც მომავალი წლის ზამთარში კვიპროსის საერთაშორისო ტურნირზე სამი წაგება მოჰყვა (რუმინეთთან, კვიპროსთან, სომხეთთან) და გაგრძელდა იმავე, 2004 წლის გაზაფხულზე, როცა კიდევ ორი ამხანაგური შეხვედრა (ისრაელთან, მოლდოვასთან) დავთმეთ.</p><p>იმედია, მსგავსი უსიამოვნო სერია აღარასოდეს განმეორდება და დღეის შემდეგ ახალი, ამჯერად უკვე წაუგებელი სერიაც უნდა დავიწყოთ; ბოლოს და ბოლოს, მეტოქის "სიძლიერის" ფაქტორსაც თავი რომ დავანებოთ, ჩვენმა ნაკრებმა კიდევ ერთი ნავსი ხომ უნდა გატეხოს? შეგახსენებთ, რომ უკვე ხუთ წელიწადზე მეტია, საქართველოს ნაკრებს ოფიციალურ მატჩებში სტუმრად არ გაუმარჯვია - 2006 წლის 16 აგვისტოს, ფარერების ნაკრებს 5:0 რომ მოვუგეთ, იმის მერე საგარეო გამარჯვების მოლოდინში ვართ...</p><p><strong>ყველასათვის სასურველი მეტოქე</strong></p><p>შვიდი მატჩი და შვიდივე წაგება, - აი ასეთია მალტის ნაკრების "მონაგარი" ამ შესარჩევ ციკლში; თუმცა, ამაში მოულოდნელი არც არაფერია: ნებისმიერი შესარჩევი ეტაპის დაწყების წინ მალტის ნაკრებს ჯგუფის გამოკვეთილი აუტსაიდერობა ხომ გარანტირებული აქვს! ანუ, მოულოდნელობა კი არა, ხმაურიანი სენსაცია არის ის ფაქტი, როცა მალტელები ამა თუ იმ შესარჩევ ციკლში თუნდაც ერთ ქულას რომ დააგროვებენ-ხოლმე.</p><p>თავად განსაჯეთ: მალტის ნაკრები მეთერთმეტედ მონაწილეობს ევროპის ჩემპიონატის შესარჩევ ეტაპზე და შესარჩევ ციკლს მუდამ ბოლო ადგილზე ამთავრებდა. აღარაფერს ვამბობთ ქულათა მარაგსა თუ მართლაც დანატრებულ გამარჯვებებზე - რამდენიც გნებავთ, იმდენი შემთხვევა ყოფილა, როცა მალტელებს შესარჩევი ციკლი ერთი კინკილა გამარჯვების გარეშე დაუსრულებიათ. მეტსაც ვიტყვით: მალტელები ევროპის ჩემპიონატის შესარჩევ ეტაპზე 1970 წლიდან ასპარეზობენ და დღემდე მხოლოდ სამჯერ შეძლეს გამარჯვების მოპოვება: 1975 წლის 23 თებერვალს საბერძნეთთან (2:0), 1982 წლის 5 ივნისს ისლანდიასთან (2:1) და 2006 წლის 11 ოქტომბერს უნგრეთთან (2:1).</p><p>ბევრად ურესი შედეგი აქვთ მალტელებს მსოფლიოს ჩემპიონატის შესარჩევ ეტაპზე: 1973 წლიდან დღემდე მხოლოდ ერთადერთი გამარჯვება რომ აქვთ მოპოვებული! ეს მართლაც "ისტორიული" მატჩი კი 1993 წლის 12 მაისს ჩატარდა, როცა მალტელებმა სტუმრად ესტონელებს აჯობეს (1:0).</p><p>მოკლედ, მართლაც საინტერესო სიტუაციაა დღევანდელი მატჩის წინ: მასპინძლებმა ოფიციალური მატჩი უკანასკნელად 5 წლის წინათ მოიგეს. ჩვენებმაც სტუმრად ოფიციალურ შეხვედრებში ბოლოს 5 წლის წინათ გაიმარჯვეს; იმედი დავიტოვოთ, რომ მალტელების უსიამოვნო სერია კვლავაც გაგრძელდება - მით უფრო, რომ ამ ქვეყნის ნაკრებთან (სხვა გუნდებისგან განსხვავებით) დადებითი ბალანსით თავს მოვიწონებთ.</p><p>ჰო, საბედნიეროდ, თანამედროვე ფეხბურთში ჯერ კიდევ "არსებობენ" ისეთი ნაკრებები, რომლებთანაც უარყოფითი ბალანსი არ გაგვაჩნია და ერთ-ერთი ასეთთაგანი მალტაა: დღემდე ჩატარებულ ექვს შეხვედრაში ოთხი მატჩი ჩვენ მოვიგეთ, ერთი ფრედ დავამთავრეთ და ერთხელაც წავაგეთ.</p><p>საერთოდაც, მალტელებისათვის უდიდესი მიღწევაა, როცა წელიწადის განმავლობაში ერთ ამხანაგურ შეხვედრას მაინც მოიგებენ და ასე მოხდა 2009 წლის 12 აგვისტოსაც, როცა საქართველოს ნაკრებთან 2:0 გაიმარჯვეს!</p><p>სხვათა შორის, იმის შემდეგ ორი წელიწადი გავიდა და მალტელებმა ჩვიდმეტ ჩატარებულ მატჩში ერთხელ უკვე გაიმარჯვეს (წლეულს, 8 აგვისტოს ცენტრალური აფრიკის რესპუბლიკის ნაკრები 2:1 დაამარცხეს). აი, ასეთი მეტოქე ჰყავს დღეს საქართველოს ნაკრებს და, ალბათ, მართლაც, დროა, რომ ჩვენი უპირველესი გუნდის ოთხმატჩიანი წარუმატებელი სერიაც შეწყდეს...</p><p><strong>ყველა ქართულ-მალტური დაპირისპირება</strong></p><p><em>სანაკრებო მატჩები</em></p><p><em>საერთაშორისო ტურნირი</em></p><p>10.02.94. ლა ვალეტა. ტა ქალი. 12 000 მაყურებელი</p><p><em><strong>მალტა-საქართველო 0:1 </strong></em></p><p>0:1 ქეცბაია (16. პენალტით)</p><p>მალტა: კლუეტი, ბუჰაჯარი (31. სალიბა), კამილერი, გუჩი (46. გალეა), ბრინკატი, ბუტიგეგი, გრეგორი, ველა, სპიტერი (74. კარდონა), ლაფერლა, სკერი.</p><p>საქართველო: ზოიძე - ზ. რევიშვილი, ცხადაძე, შელია (75. ბერაძე), კუდინოვი (75. სიდამონიძე) - ყაველაშვილი, ნემსაძე, ჯამარაული, ქეცბაია - ქინქლაძე - ყიზილაშვილი.</p><p>მთავარი მწვრთნელი: ალექსანდრე ჩივაძე</p><p>კაპიტანი: კახა ცხადაძე</p><p>გაფრთხილება: სპიტერი, ცხადაძე, შელია ყაველაშვილი</p><p>არბიტრი: დ. იამსეკი (სლოვენია)</p><p><em>ამხანაგური მატჩი</em></p><p>19.07.94. თბილისი. ეროვნული. 35 000 მაყურებელი</p><p><em><strong>საქართველო-მალტა 1:1 </strong></em></p><p>0:1 სპიტერი (33), 1:1 შ. არველაძე (37-პენ)</p><p>საქართველო: ზოიძე - ზ. რევიშვილი, ნემსაძე, შელია, გ. ჯიშკარიანი - რ. არველაძე, ინალიშვილი (46. ყაველაშვილი), ჯამარაული, ტუღუში (46. ა. არველაძე) - ქინქლაძე - შ. არველაძე.</p><p>მთავარი მწვრთნელი: ალექსანდრე ჩივაძე</p><p>კაპიტანი: გოჩა ჯამარაული</p><p>მალტა: კლუეტი, ბუჰაჯარი (85. ე. კამილერი), ჯ. კამილერი, სალიბა, გალეა, ველა, ბუტიგეგი, კარაბოტი, კ. ბუზუტილი, ლაფერლა, სპიტერი (55. ა. ბუზუტილი, 76. სუდა).</p><p>გაფრთხილება: ნემსაძე, ჯ. კამილერი, ჯამარაული</p><p>არბიტრი: უ. მაიერი (შვეიცარია)</p><p><em>საერთაშორისო ტურნირი</em></p><p>08.02.98. ლა ვალეტა. ტა ქალი. 2 500 მაყურებელი</p><p><em><strong>მალტა-საქართველო 1:3</strong></em></p><p>0:1 ყაველაშვილი (13), 1:1 ოვერენდი (58), 1:2 ჯამარაული (71), 1:3 ყაველაშვილი (74)</p><p>მალტა: მუსკატი, ოვერენდი, ჩეტკუტი, სიქსმისი, სანტი (46. სუდრა, 76. კარაბოტი), ზაჰრა, ბრინკატი, ტერნერი, სალიბა (64. გიგლიო), აგიუსი (83. სულთანა), ნვოკო.</p><p>საქართველო: გვარამაძე - ჩიხრაძე (46. იაშვილი), შელია, სილაგაძე (79. ცქიტიშვილი), კალაძე (79. ხვადაგიანი) - შეყილაძე, ჯამარაული (77. გახოკიძე), ნემსაძე, ქეცბაია - ქინქლაძე - ყაველაშვილი.</p><p>მთავარი მწვრთნელი: ვლადიმერ გუცაევი</p><p>კაპიტანი: გიორგი ნემსაძე</p><p>გაფრთხილება: ბრინკატი, ჩეტკუტი, გიგლიო; ჩიხრაძე, შელია, ქეცბაია, სილაგაძე, გახოკიძე</p><p>არბიტრი: რ. ზედლაჩეკი (ავსტრია)</p><p><em>ამხანაგური მატჩი</em></p><p>01.03.06. ლა ვალეტა. ტა ქალი. 2 000 მაყურებელი</p><p><em><strong>მალტა-საქართველო 0:2</strong></em></p><p>0:1 მარცვალაძე (9), 0:2 კანკავა (18)</p><p>მალტა: ჰარეი, ბრიფა, დიმეჩი, ველმანი, აზოპარდი, კამენზული (46. ბარბარა), მატოქსი (46. კოენი), სიანტარი, მალი, მიფსუდი, აგიუსი.</p><p>საქართველო: ნ. რევიშვილი - მჭედლიშვილი (55. ბჟალავა), ღვინიანიძე, გ. ფოფხაძე, ცქიტიშვილი - კანკავა, განუგრავა, დ. მუჯირი (61. კ. მახარაძე ), კობიაშვილი - მარცვალაძე, რ. გოცირიძე (82. გ. ნუგზარის ძე ჭელიძე).</p><p>მთავარი მწვრთნელი: კლაუს ტოპმიოლერი</p><p>კაპიტანი: ლევან კობიაშვილი</p><p>გაფრთხილება: აგიუსი, ფოფხაძე, კანკავა, კობიაშვილი, მახარაძე, რევიშვილი</p><p>გაძევება: კანკავა</p><p>არბიტრი: ვ. ბანარი (მოლდოვა)</p><p><em>ამხანაგური მატჩი</em></p><p>12.08.2009. ლა ვალეტა. ტა ქალი</p><p><em><strong>მალტა-საქართველო 2:0</strong></em></p><p>1:0 მიფსუდი (64), 2:0 მიფსუდი (74)</p><p>მალტა: მ. მუსკატი (46. ჰოგი) - ა. მუსკატი, საიდი, ა. აგიუსი, აზოპარდი (60. ფაილა) - პეისი, ჯ. აგიუსი (90. ფენეჩი), კოჰენი (83. ბაჟადა), შემბრი (46. ვუდსი) - ამუტი (60. ბრაფა), მიფსუდი.</p><p>საქართველო: ლომაია - ღვინიანიძე (82. თ. ღონღაძე), გ. კაშია, ხიზანიშვილი, ფოფხაძე (85. სანაია) - ხმალაძე, ცქიტიშვილი (64. დევდარიანი), კობიაშვილი - სეთურიძე (68. მერებაშვილი), ყენია - დვალიშვილი.</p><p>მთავარი მწვრთნელი: ექტორ რაულ კუპერი</p><p>კაპიტანი: ლევან კობიაშვილი</p><p>გაფრთხილება: სამუტი - ხიზანიშვილი, დევდარიანი</p><p>არბიტრი: პ. კოლისი (კვიპროსი)</p><p><strong>ყოველდღიური სპორტული გაზეთი "ლელო"</strong></p>

• oldcoyot

  ბატნებო,დღევანდელი ქართული ფეხბურთი რომ უსახურია, მაგას დავა არ სჭირდება.ეროვნულ ნაკრებებსა და გუნდებს გულშემატკივრობაც რომ უნდა გინდრა სპორტის სახეობა იყოს, არც მაგაშია ორი აზრი.ასპარეზობებზე სიარული კი მგონი მაინც საჭიროა.მაგალითისათვის შვილიშვილებით დავდივარ ეროვნული გუნდების გამსვლაზე, რათა შეეჩვიონ ეროვნულის ნაკრებების და საერთოდ ჩვენი ეროვნულობის მნიშვნელობა და სისხლძარღვებში გაუჯდეთ ეს გრძნობა.მე თვითონ თავს ძლივს ვიკავებ ზოგჯერ ადეკვატურ მიდგომას როცა ვერ ვგრძნობ სპოტსმენებისაგან, მაგრამ უკეთესის იმედით მაინც უკან არ ვიხევ.ჩემი აზრით ფეხვურთელთა ნაკრებში ერთი-ორი ვეტერანის (კობი, კალაძე,თან აუცილებელი სულაც არაა მუდმივად სასტარტში იყვნენ)გარშემო შეიკრიბოს მონდომებული ახალგაზრდებისგან შემდგარი ნაკრები და თავი გაანებონ მუდმივად პერსპექტიულ ,მრავალჯერ გამოცდილ "სპორტსმენებს", რომელთაც არც შეუძლიათ და არც უნდათ ბოლომდე დახარჯვა თავისი ერისა და ქვეყნისათვის.კიდევ ორი თამაში და კიდევ თითქმის ერთი წელი აქვს ქეცბაიას ნაკრების გადასახალისებლად და ესეც თუ ისევ იგივე ბალასტით ჩაატარა, მაშინ,მიუხედავად იმისა დიდ პატივს ვცემ, დაიხუროს ქუდი და წავიდეს...ხოლო თუ მართლა ისევ ამ შემადგენლობით აპირებს თამაშს, მაშინ ჯობდა ახლავე წასულიყო.გეგუჩაძეზე უკეთეს სპეციალისტს დღეს ვერ ვხედავ,ერთი ორი ახალგაზრდას გარდა, რომლებსაც ცოტაოდენი გამოცდილება კიდევ სჭირდება.

• tengo barca

  რა თქმა უნდა არ უნდათ სირბილი კლუბებში მერე კარგად რო გამოვიდნენ. მაგრამ თარგამაძეძე ამაგს ვერ ვიტყვი ბიჭი ბოლომდე დაიხარჯა და საერთოდ საქართველოს ჩემპიონატის ფეხბურთელები უფრო მეტნი რო იყვნენ ნაკრებში კაი იქნება. ისე ეგ ბარსელონას სენია მუდამ გამარჯვება ამ ბოლო პერიოდში :)

• Gela

  tengo barca არა არ ვარ ბარსელონას ფანი :D კი ბატონო შენ თუ გინდა უქომაგე,მე არ მინდა და არ წავალ,რაგბის თამაშებზე როცა მქონია საშუალება ყოველთვის დავდიოდი და ეხლაც ვივლი,ღმერთმა დაგვიფაროს და 10 თამაში ზედიზედ რო წააგონ მე მე 11 ზე მაინც მივალ,იმიტო რო მორაგბეებში მე ვხედავ ბრძოლის ჟინს,შეიძლება ყველაფერი ყოველთვის ვერ მოიგო მაგრამ ამ ბიჭებს მონდომება ყოველთვის ქონდათ,იგივეს თქმა შემიძლია მოჭიდავეებზე,მაგრამ ფეხბურთელებზე ვერ ვიტყვი მაგას,შენ შეიძლება არ დამეთანხმო მაგრამ მე რასაც ვუყურებ მაგათ თამაშს სირბილი ეზარებათ,ან არა აქვთ სირბილის თავი,ლატვიასთან ყველაზე ბებერი კობიაშვილი და კალაძე დარბოდნენ მარტო,შეიძლება ყველა თამაში წააგო,მარა უნდა დაანახო გულშემატკივარს რო ცდილობ მაინც შედეგის მიღწევას,ესენი დგანან მარტო და ეგრე შედეგი არ გვექნება არა

• tengo barca

  რადგან ბრწყინვალედ არ გამოვდივართ მოედანზე ესეიგი ნაკრებს არ უნდა ვუქომაგო? რა სისულელეა? თუ მარტო იმას უნდა ვუქომაგოთ ვინც წარმატებას აღწევს? ესეიგი ოდესმე საქართველოს ნაკრები თუ მიაღწევს წარმატებას იმ მომენტიდან დავიწყო გულშემატკივრობა. ძალიან მომწონს ქართული კლუბები "ზესტაფონი" ავღნიშნავ უფრო და ეხლა რა იყო არ უნდა ვუქომაგო რადგან ლიგაზე ვერ გავიდნენ? კარგი რაა. შენ უეჭველი ბარსელონას გულშემატკივარი ხარ.

• Gela

  300ჯერ მაქ დაწერილი და არ მიქვეყნებენ,იქნებ ეხლა მაინც მეღირსოს,ნუ გიყვართ რა წინასწარ ბაქიბუქობა,ეგაა ბოლოს რო გვიღებს ყველაფერში,იცით თქვენ იმ მალტას რამდენი თავისზე ერთი შეხედვით "დიდი" გუნდი ყავს გამწარებული?მოკლედ მე ქართულ ფეხბურთს აღარ ვუყურებ რა,სხვისი არ ვიცი,რაშიც მაგრები ვართ ისევ იმას უნდა მივაწვეთ,კალათბურთი,რაგბი,ჭიდაობა,რავიცი რამდენი სახეობა ვთქვა სადაც ყოველთვის ბრწყინვალედ გამოვდიოდით,არაა ეს ფეხბურთი ჩვენი საქმე და ტვინი ნუ წაიღეთ რაა.ზვიადმა რაც თქვა ყველაფერში ვეთანხმები,ამ ქვეყანაში ფულიანი მამიკოს შვილი თუ არ ხარ ვერ ჩამოყალიბდები პროფესიონალ ფეხბურთელად და იძულებული ხდები ადრეულ ასაკში დაანებო თამაშს თავი

• tengo6

  ძალიანაც კარგი, რომ ოპტიმისტია. ნაყიდი საერთოდ რა შუაშია? ნაკრები შენების პროცესშია ნი ითხოვთ შედეგს ესე სწრაფად. შედეგი იქნება მინიმუმ სამი წლის შემდეგ აცადეთ ქეცბაია მუშაობა. მანამდე კი კალათბურთით, რაგბით და ქართველი ლეგიონერების თამაშით დატკბით ;)

• zviadi

  რატომ არის ასეთ დღეში ჩვენი ფეხბურთი და ნიჭიერი ბავშვების მშობლებს ფული არ აქვთ რომ ბავშმა ფეხბურთზე იაროს. ფულიანი მამიკოს ბავშვების 90 პროცენტი უნიჭოა. მწვრთნელები აზრზე არ არიან როგორ ავარჯიშონ ბავშვები. ელემენტარულად სწორი სირბილი არ იციან. ახლა მეორე საკითხი- ნაკრების ფეხბურთელი სამ ერთმანეთზე გადაბმულ პასს რომ ვერ გააკეთებს და საჯარიმოში ჩაწოდებებზე იქნება ორიენტირებული ორმეტრიან მცველებთან მითხარით ასეთ მწვრთნელს რა უნდა ნაკრების სათავეში. ნაკრების ფეხბურთელები რომ 15 კუთხურს მოაწვდიან და არცერთი კუთხური სახიფათოობის განცდას არ დაგიტოვებს მითხარით რა უნდა ასეთ მწვრთნელს ნაკრების სათავეში.აი ეს სჭირს ქართულ ფეხბურთს. მომავალიც მაგარი გვეზრდება ახალგაზრდულ ნაკრებში. ვაი ჩვენს პატრონს.

• ramo

  ეს ჟურნალისტი ან ნაყიდია,ან ძალდ ოპტიმისტი ან უვიცი. ლატვიამ რომ მოუგოს მალტას, აუცილებლად გაგვასწრებს. ჩვენები რა მალტას მოუგებენ თუ საბერძნეთს ფრეს გაუგორებენ? ჩვენ ხომ ვიცით ესენი არავის არაფერს არ გადაუღუნავენ.

• benga

  sabro,is kitxe-saertod aqvt sircxvilis grdznoba? klasi ar ekot latviastano,chkuatmkopeli itkvis amas? latvia ra, germaniaa? klasi ki ara,sxva adgili da jigari ar ekot. bevri minaxavs am sportshi,magram ver amomixsnia amocana - ratomaa aseti machanchala qartuli pexburti?

• benga

  ლევანი კახელი - მაგარი იყო)))

• sarbo

  "ქართველებსაც შეგვიძლია" რო უწერიათ ინგლისურად ბანერზე და გამოკრული რო აქვთ ყველა თამაშზე სტადიონზე ამ დაფინანსებულ გულშემატკივრებს, სირცხვილი არაა?

• devivi

  სამწუხაროდ წავაგებთ.........

• zviadi

  რომელი მოგებები გავიხსენოთ? დამატებით დროში რომ შეაგდო სირაძემ? არ ვარგხართ ჟურნალისტები თორემ ფედერაციას კრიტიკის ქარცეცხლში გაატარებდით. რასაც გვიბედავენ 80 პროცენტი თქვენი ბრალია. უცხოელ ჟურნალისტებს მიბაძეთ და ისწავლეთ მათგან.

• levani kaxeti

  დაატრიალებენ დღეს ქარბორბალას მალტაზე ჩვენი არწივები, იქ ამბავი ატყდება, დედა შვილს არ აიყვანს ხელში, აღარც ბურთი გამოჩნდება და აღარც მოედანი; განსაკუთრებით აი ეს ვეფხვი იაქტიურებს, გერდ მიულერის პოზაში რომ წამოჭიმეს ზემოთ, სურათზე.

"საქართველოს ნაკრები სამაგალითოა" - ამბობს სომხეთის ეროვნული გუნდის ყოფილი კაპიტანი

თბილისური მატჩი ბოლო აღმოჩნდა - ილიევს ბულგარეთის ნაკრებიდან უშვებენ

რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..

ქართველი მსაჯები სომხეთისა და ირლანდიის მატჩს განსჯიან

"ფენერბაჰჩეს" დომენიკო ტედესკო ჩაიბარებს

ნიკოლოზ ბასილაშვილი ჩინური ტურნირის პირველივე წრეში დამარცხდა

"ნოტინგემმა" ეშპირიტუ სანტუ გაათავისუფლა - მოურინიო მისი შეცვლის ერთ-ერთი მთავარი კანდიდატია

"მარტო უნდა დავტოვოთ" - სკალონის ჰკითხეს, ითამაშებს თუ არა მესი 2026 წლის მსოფლიო ჩემპიონატზე

"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია

აბურჯანია კარიერას საუდის არაბეთში გააგრძელებს

U21 | საქართველო V ჩრდილოეთ ირლანდია - მატჩისწინა ვარჯიში წყალტუბოში

ხარატიშვილი ჩეხურ კლუბში გადავიდა

„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ -  გიორგი ფოფხაძე

უთავმოყვარეო და მშიშარა უწოდეს - სანტუშს აზერბაიჯანის ნაკრების დატოვება მაინც მოუწია

პსჟ ბარკოლასთან კონტრაქტის გაგრძელებაზე მოლაპარაკებას აწარმოებს

რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი

მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია

[PHOTO] არდა გიულერის ემოციები ესპანეთთან განადგურების შემდეგ

[VIDEO] შერჩათ თურქებს იამალი? - ესპანელი კურიოზულ სიტუაციაში აღმოჩნდა