<p>მადრიდის "რეალმა" სატრანსფერო ბაზარზე ფეხბურთელების შესაძენად 55 მილიონი ევრო დახარჯა <br> ჟოზე მოურინიო ძალზე სერიოზულად მიუდგა სეზონისწინა შეკრებას, "რეალი" უკვე შესანიშნავ ფორმაშია და პორტუგალიელი მეორედ შეეცდება "ბარსელონას" ჰეგემონიის დამხობას. თავად სახელი - მადრიდის "რეალი" უკვე ასოცირდება მოგებებთან.</p><p>ამიტომაც, "სამეფო კლუბის" გულშემატკივრებს სურთ, რომ გუნდმა ტიტული ტიტულზე მოიგოს. მაგრამ ეს არ ხდება. "რეალის" პრეზიდენტი ფლორენტინო პერესი ბოლომდე ენდობა მოურინიოს, რომელსაც გრანდის არსებობის ისტორიაში ყველაზე მეტი თავისუფლება მიეცა - არასდროს, "რეალის" არც ერთ მწვრთნელს არ ჰქონია ამხელა გავლენა კლუბში და უფლებები, რაც მოურინიოს. თუმცა არასდროს არავისგან იმდენი არ მოუთხოვიათ, რასაც "განსაკუთრებულს" სთხოვენ.</p><p>უნდა ითქვას, რომ პორტუგალიელიც ყველაფერს აპირებს საიმისოდ, რომ "ბარსელონას" აჯობოს და იმაზე მნიშვნელოვანი ტიტულები წაართვას, ვიდრე ესპანეთის თასია. სხვათა შორის, სტატისტიკის მიხედვით, ჟოზე მოურინიო წარმატებას კლუბში მეორე სეზონში აღწევს ხოლმე.</p><p>"რეალმა" ხუთი მნიშვნელოვანი შენაძენი გააკეთა, აქედან "ჰითი" ბუნდესლიგის საუკეთესო ფეხბურთელის, ნური შაჰინის ყიდვაა. ნური ჯერჯერობით ტრავმირებულია და "რეალში" დებიუტი არ ჰქონია, მოურინიო არც ახლა დარჩენილა თანამემამულის დამატების გარეშე და ფაბიო კოენტრაო იყიდა, რომელიც ანხელ დი მარიას კონკურენციას გაუწევს.</p><p>ხოსე კალეხონი და რაფაელ ვარანი უფრო მომავლის გათვლით არიან შეძენილები. აი, ჰამით ალთინთოპის ტრანსფერის მიზანშეწონილობაზე ბევრი კამათი შეიძლება, თუმცა თურქის სანაცვლოდ "რეალს" ევროც კი არ გადაუხდია.</p><p>გუნდი მზადაა ითამაშოს სწრაფად, ეგრევე გადავიდეს კონტრშეტევებზე, რაც განსაკუთრებით წაადგება "რეალს" "ბარსელონას" წინააღმდეგ, "ბარსა" ხომ უფრო პოზიციური თამაშის ოსტატია. გუნდში დიდებული განწყობაა, პროგრესი აშკარაა და ის, თუნდაც, "ბარსასთან" სუპერთასის წაგებულ დაპირისპირებაში გამოჩნდა.</p><p>გულშემატკივრები იმედით უყურებენ ახალ სეზონს, რომელიც "რეალმა" 6:0 მოგებით დაიწყო. ერთია, ადრე ხომ არ შევიდა ფორმაში "სამეფო კლუბი", ხომ არ გადაიწვება სანამ სეზონი დასრულდება?</p><p><strong>ციტატები</p><p></strong>კრიშტიანო რონალდო: "კოენტრაო უნივერსალია და ამით ის მსოფლიოში ერთ-ერთი საუკეთესო ფეხბურთელია".</p><p>მარტინ ვასკესი ("რეალის" ყოფილი ფეხბურთელი): "რეალში" ცვლილებები ჯერ კიდევ გასულ სეზონში დაიწყო, ეს კი უკვე ამ ცვლილებების დაგვირგვინებაა".</p><p>ჟოზე მოურინიო: "ესპანეთის სუპერთასის მატჩებში ყველას ვანახეთ, რომ უკეთ ვთამაშობთ, ვიდრე გასულ წელს".</p><p><strong>სეზონის მიზანი - ჩემპიონობა</p><p></strong>ჯერ ერთხელაც არ ყოფილა, რომ "რეალისთვის" სეზონის წინ ჩემპიონობის გარდა სხვა რამე დაეგეგმოთ. სხვა საქმეა, შეძლებს კი "სამეფო კლუბი" "ბარსელონას" ტახტიდან გადმოგდებას? კი, "რეალი" აშკარად უკეთ თამაშობს, მაგრამ "ბარსელონაც", რომ გაძლიერდა, ფაქტია. პროგნოზს კი ასეთს გავაკეთებთ - ვინ მოიგებს ამ დუელში არ ვიცით, მაგრამ ერთი ცხადია - გულშემატკივრებს დიდი სანახაოება ელით.</p><p><strong>ტრანსფერები</p><p></strong>მივიდნენ: ჰამით ალთინთოპი ("ბაიერნი", თავ. აგენტი), ხოსე მარია კალეხონი ("ესპანიოლი", 5 მლნ. ევრო), ფაბიო კოენტრაო ("ბენფიკა", 30 მლნ), ნური შაჰინი ("დორტმუნდი", 10 მლნ), რაფაელ ვარანი ("ლანსი", 10 მლნ).</p><p>წავიდნენ: გარაი, დუდეკი, პედრო ლეონი, დრენტე, გაგო, კანალესი, მატეოსი.</p><p><strong>დოსიე</p><p></strong>რეალ მადრიდ კლუბ დე ფუტბოლ</p><p>დაარსდა: 1902 წ.</p><p>სტადიონი: სანტიაგო ბერნაბეუ, 80 350</p><p>პრეზიდენტი: ფლორენტინო პერესი</p><p>მწვრთნელი: ჟოზე მოურინიო</p><p>კლუბის წევრი: 65 000</p><p>31-გზის ჩემპიონი (1932, 1933, 1954, 1955, 1957, 1958, 1961, 1962, 1963, 1964, 1965, 1967, 1968, 1969, 1972, 1975, 1976, 1978, 1979, 1980, 1986, 1987, 1988, 1989, 1990, 1995, 1997, 2001, 2003, 2007, 2008), თასის 18-გზის მფლობელი (1905, 1906, 1907, 1908, 1917, 1934, 1936, 1946, 1947, 1962, 1970, 1974, 1975, 1980, 1982, 1989, 1993, 2011), სუპერთასის 8-გზის მფლობელი (1988, 1989, 1990, 1993, 1997, 2001, 2003, 2008), ესპანეთის ლიგის თასი (1985), ჩემპიონთა თასი (1956, 1957, 1958, 1959, 1960, 1966, 1998, 2000, 2002), უეფას თასი (1985, 1986), უეფას სუპერთასი (2002), საკონტინენტთაშორისო თასი (1960, 1998, 2002)</p><p>მეტსახელი: ლოს ბლანკოსი, ლოს მერენგესი, ლოს ვიკინგოსი, გალაქტიკო</p><p>გასულ სეზონში: მე-2 ადგილი</p><p>ოფიციალური საიტი: http://www.realmadrid.com</p><p>ყველაზე მეტი თამაში 2010/11: იოზილი (36), კასილიასი (35), დი მარია (35), კრიშტიანო რონალდო (34), ჩაბი ალონსო (34).</p><p>ყველაზე მეტი გოლი 2010/11: კრიშტიანო რონალდო (40), ბენზემა (15), იგუაინი (10), კაკა (7), იოზილი (6).</p><p><strong>გუნდი 2011/12</p><p>მეკარეები</strong></p><p>1. იკერ კასილიასი 20.05.1981</p><p>13. ანტონიო ადანი 13.05.1987</p><p>25. ტომას მეხიასი 30.01.1989</p><p><strong></p><p>მცველები</strong></p><p>2. რიკარდო კარვალიო (პორტუგალია) 18.05.1978</p><p>3. კაპლერ ლიმა პეპე (პორტუგალია) 26.02.1983</p><p>4. სერხიო რამოსი 30.03.1986</p><p>12. მარსელო ვიეირა (ბრაზილია) 12.05.1988</p><p>15. ფაბიო კოენტრაო (პორტუგალია) 11.03.1988</p><p>17. ალვარო არბელოა 17.01.1983</p><p>18. რაულ ალბიოლი 04.09.1985</p><p>19. რაფაელ ვარანი (საფრანგეთი) 25.04.1993</p><p><strong></p><p>ნახევარმცველები</strong></p><p>5. ნური შაჰინი (თურქეთი) 05.09.1988</p><p>6. სამი ხედირა (გერმანია) 04.04.1987</p><p>8. რიკარდო კაკა (ბრაზილია) 22.04.1982</p><p>10. მესუთ იოზილი (გერმანია) 15.10.1988</p><p>11. ესტებან გრანერო 02.07.1987</p><p>14. ჩაბი ალონსო 25.11.1981</p><p>16. ჰამით ალთინთოპი (თურქეთი) 08.12.1982</p><p>22. ანხელ დი მარია (არგენტინა) 14.02.1988</p><p>24. ლასანა დიარა (საფრანგეთი) 10.03.1985</p><p><strong></p><p>თავდამსხმელები</strong></p><p>7. კრიშტიანო რონალდო (პორტუგალია) 05.02.1985</p><p>9. ქარიმ ბენზემა (საფრანგეთი) 19.12.1987</p><p>20. გონსალო იგუაინი (არგენტინა) 10.12.1987</p><p>21. ხოსე მარია კალეხონი 11.02.1987</p><p>29. ალვარო მორატა 23.10.1992</p><p><strong>ყოველდღიური სპორტული გაზეთი "ლელო"</strong></p>
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
"შავი ლომი" - სამხრეთ აფრიკაში "ჩიტასთან" ორი ტესტისთვის
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
შოკირებული იყო და შეხვედრა განაწყენებულმა დატოვა - ამორიმს "მანჩესტერ იუნაიტედის" ხელმძღვანელობამ მოთხოვნა წაუყენა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
"მადლობა უფალს, რომ ეს შანსი მომცა" - თორნიკე შენგელია "ბარსელონაში" დებიუტისთვის ემზადება
კორსანტიას 15-ქულიანი დებიუტი ესპანეთში
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"თუ სხვა რამის გამო გაბრაზდა, არასწორი ადამიანი აირჩია" - დე ბრუინსა და კონტეს შორის დაპირისპირება მწიფდება? [PHOTO]
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო