<p>ხვალ, 9 სექტემბერს ახალ ზელანდიაში მსოფლიოს თასი დაიწყება, "ბორჯღალოსნები" კი ბრძოლაში 14 სექტემბრიდან ჩაერთვებიან <br> ხვალ, 9 სექტემბერს ახალ ზელანდიაში მსოფლიოს რაგბის უდიდესი ფორუმი დაიწყება. გახსნით მატჩში ერთმანეთს მასპინძლები და მათი მეზობელი ტონგას ნაკრები დაუპირისპირდება.</p><p>საქართველოს ეროვნული გუნდი კი ბრძოლაში 14 სექტემბრიდან ჩაერთვება. "ბორჯღალოსნები" ორ თვეზე მეტია მსოფლიოს თასის გათამაშებისთვის ემზადებიან. ცხადია, რაგბის ქართველი ქომაგისთვის საინტერესოა, რას ფიქრობს მზადების განვლილ ეტაპებზე და რას გეგმავს სამომავლოდ ჩვენი გუნდის მთავარი მწვრთნელი რიჩი დიქსონი, რომელიც მაშინ მოვიხელთეთ, როცა ქვინზთაუნში ოქლენდიდან ახალი დაბრუნებული იყო.</p><p>- როგორ მოვემზადეთ ეს თამაშისას გამოჩნდება. თუმცა, მოკლედ მაინც შემიძლია მოგითხროთ, მზადების განვლილი ეტაპების შესახებ. პირევლი საწვრთნელი შეკრება თბილისში გავიარეთ. იქ ორი კვირის განმავლობაში ფიზიკური კონდიციების გაუმჯობერსებაზე ვზრუნავდით. მორაგბეებს ტესტები ჩავაბარებინეთ, ძირითადად სისწრაფესა და გამძლეობაზე.</p><p>მერე, საფარნგეთში, კანში გავემგზავრეთ. იქ ერთი კვირა ისევ ფიზიკურ მომზადებას დავუთმეთ. ამის შემდეგ კი ბურთით ვარჯიშზე გადავედით. მზადების მომდევნო ეტაპი ქალაქ ისუარში გავიარეთ. აქ ორი საკონტროლო შეხვედრა გავმართეთ.</p><p><strong>- რა დაგანახათ იმ ორმა თამაშმა?</p><p></strong>- ჩვენ ამ ეტაპზე საწვრთნელი შეხვედრის შედეგებს დიდ მნიშვნელობას არ ვანიჭებდით. საკმაოდ დიდმა დატვირთვებმა გუნდის თამაშზე, ცხადია, გავლენა იქონია, მაგრამ ჩვენ გრძელვადიანი მიზანი გვქონდა, მთავარი იყო მორაგბეები საქმეში გვენახა და ძირითადი შემადგენლობის კრიტერიუმები გაგვესაზღვრა.</p><p>ამ ორი თამაშისგან სარგებელი ის მივიღეთ, რომ ნაკრების ყველა წევრს მიეცა საშუალება თავისი შესაძლებლობები კიდევ ერთხელ წარმოეჩინა. რის შედეგადაც, მწვრთნელებმა მომავალი საქმიანობის დაგეგმვა შევძელით.</p><p><strong>- ისუარის შემდეგ ისევ კანში დაბრუნდით. ბიჭები შვებულებაში გაუშვით...</p><p></strong>- დიახ, ეს აუცილებელი იყო. მათ ბევრი იშრომეს და ცოტა დასვენება, სულის მოთქმა სჭირდებოდათ. მერე ერთი კვირა ისევ კანში, უფრო ინტენსიურად ვიმუშავეთ. ვფიქრობ, ძალიან კარგი გუნდი შევქმენით, ჯერჯერობით კმაყოფილი ვარ.</p><p><strong>- ინვერქარგილში პირველ თამაშამდე დრო საკამოდაა, როგორია საქართველოს ნაკრების მზადების გრაფიკი?</p><p></strong>- საკამოდ მომქანცველი მგზავრობის შემდეგ, ბიჭებმა ჩამოსვლის დღესვე ივარჯიშეს მსუბუქად ძალოსნობის დარბაზში. მეორე დღე განტვირთვის იყო. მაორებმა ძალიან სახალისო წარმოდგენა გაგვიმართეს. საღამოს ისევ სიმძიმეების აზიდვაში ვივარჯიშეთ.</p><p>დღეს კი გუნდი პირველად შევიდა მინდორზე და საკმაოდ ნაყოფიერი, კარგი ვარჯიში გამოვიდა.</p><p><strong>- ვარჯიშისას ვერსად გნახეთ...</p><p></strong>- ნაკრების მენეჯერთან, ვასილ აბაშიძესთან ერთად ოქლენდში, მწვრთნელებისა და მენეჯერების სავალდებულო შეხვედარზე ვიყავი. ყველა გუნდის მთავრი მწვრთნელი შეიკრიბა და მსაჯთა კომიტეტის ხელმძღვანელმა პედი ობრაიანმა მსოფლიოს თასის მომსახურე ათ მთავარ მსაჯთან შეგვახვედრა. მან მოხსენება წაიკითხა, სადაც განმარტებული იყო, არბიტრები რას მიაქცევდნენ ძირითადად ყურადღებას.</p><p><strong>- არგენტინი</strong><strong>ს ნაკრებმა სასტარტო შემადგენლობა გუშინ, 7 სექტემბერს</strong><strong> დაასახელა, დღეს მათ ახალზელანდიელბმაც მიჰბაძეს. ჩვენ როდის გვეცოდინება საქართველოს ნაკრების იმ მორაგბეთა ვინაობა, ვინც შოტლანდიის ნაკრებთან ძირითად შემადგენლობაში ითამაშებს?</p><p></strong>- ჯერჯერობით საბოლოოდ ჩამოყალიბებულნი არ ვართ. ხვალ ვარჯიშის წინ მწვრთნელები შევიკრიბებით და მოვითათბირებთ. შემადგენლობასაც, ალბათ, იმავე დღეს გამოვაცხადებთ, ოღონდ ერთი შენიშვნით. ის საბოლოო არ იქნება და მატჩამდე შეიძლება შეიცვალოს.</p><p><strong>- რას ელოდებით თქვენ მსოფლიოს თასის ამ გათამაშებისგან და რას უნდა ელოდონ რაგბის ქართველი ქომაგები?</p><p></strong>- ამ კითხვაზე პასუხი ძალიან მარტივია. ჩვენ უნდა დავამტკიცოთ, რომ 2007 წლის მსოფლიო თასის გათამაშების შემდეგ პროგრესი განვიცადეთ. ქომაგებს კი გარწმუნებთ, რომ საქართველოს ნაკრები ისე ითამაშებს, რომ მისით აუცილებლად იამაყებთ.</p><p><strong></p><p>- ჩვენ საკმაოდ ძლიერი მეტოქეები გვყავს ჯგუფში. პირველი თამაში ელტური რაგბის წარმომადგენელ შოტლანდიის ნაკრებთან გვაქვს. წარმატებით თამაში ძალ</strong><strong>ი</strong><strong>ან გაგვიჭირდება...</p><p></strong>- ეს ბევრ რამეზე იქნება დამოკიდებული ხვალ მსოფლიოს თასის პირველი მატჩია. დავაკვირდებით ნამდვილად ასრულებენ თუ არა მსაჯები ინსტრუქციას. ზეგ კი ჩვენი ოთხივე მეტოქე თამაშობს. ცხადია, ამ მატჩებსაც ყურადღებით ვნახავთ.</p><p>ჩვენი ორიენტირი ამ ეტაპზე შოტლანდიის ნაკრებია. მათ რუმინელებთან მატჩის შემდეგ მალევე უწვთ ჩვენთან თამაში. ჩვენ კი ამ დროს წყნარად მოვემზადებით მათთან საპაექროთ. ვნახოთ რა გამოვა.</p><p>მის მერე, კი უკვე მომდევნო მეტოქეზე, ინგლისის ნაკრებზე დავიწყებთ ფიქრს. "სკოტებთან" მატჩის შედეგს ძალიან დიდი მნიშვნელობა ექნება. დასკვნებს და შესაბამის ცვლილებებს, სწორედ ამ შეხვედრის შედეგიდან გამომდინარე გავაკეთებთ.</p><p><strong>ყოველდღიური სპორტული გაზეთი "ლელო"</strong></p><p><p style="text-align: center;"><a href="http://www.laripoker.com/" target="_blank"><img src="/media/images/new_photo/lariwin-1.png" border="0" alt="Sportall.Ge" title="რიჩი დიქსონი: ისე ვითამაშებთ, რომ ჩვენით იამაყებთ" /></a></p><p><a href="http://goodline.ge/" target="_blank"><img src="/media/images/new_photo/goodline-3.png" border="0" alt="Sportall.Ge" title="რიჩი დიქსონი: ისე ვითამაშებთ, რომ ჩვენით იამაყებთ" /></a></p></p>
მოხევე
მიყვარს ბაბუ რიჩი :)) ძალზედ ლაკონური და მიზანშიგარტყმული პასუხები იცის :))) კიტხვა აღარ გაგიჩნდება და იმასაც მიხვდები იმის უკან რას გულისხმობს :)) (შინაურულად)
გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება
მეცხრე ადგილი მსოფლიო ჩემპიონატზე - საქართველომ შოტლანდია დაამარცხა
მარცხი მოსალოდნელი შედეგით - საქართველოს ნაკრები სამხრეთ აფრიკასთან დამარცხდა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!