დესპოტი და პროფესორი, ვისი აჯობებს?

გერმანია. ბუნდესლიგა. V ტურის წინ: "ლევერკუზენმა" მოიგო, "ბაიერნს" ლიდერობის შენარჩუნება უნდა, "ჰამბურგს" ღირსების... სანაკრებო პაუზა გადავაგორეთ, საკლუბო ფეხბურთი სრული სვლით გვიბრუნდება. ბუნდესლიგის მეხუთე ტური გუშინ დებიუტანტ „აუგსბურგისა“ და ვიცე-ჩემპიონ „ლევერკუზენის“ დაპირისპირებამ გახსნა, რომელშიც სტუმრებმა 4:1 იმარჯვეს.დღეს, 10 სექტემბერს მიუნხენის „ბაიერნს“ „ფრაიბურგთან“ საშინაო მატჩში გამარჯვება და ლიდერობის შენარჩუნება უნდა, მოქმედი ჩემპიონი დორტმუნდის „ბორუსია“ კი „ჰერტას“ უმასპინძლებს და წესით, მარტივად უნდა მოიგოს. „ვერდერისა“ და „ჰამბურგის“ ჩრდილოური დერბი მნიშვნელოვანი მოვლენაა (მით უმეტეს, რომ ჰამბურგელები ბოლო ადგილზე არიან და ქულები ჰაერივით სჭირდებათ), ხვალ კი, ტურის ცენტრალურ შეხვედრაში ფელიქს მაგათი თავისი „ვოლფსბურგით“ რალფ რანგნიკის „შალკეს“ დაუპირისპირდება.ჩემპიონების დუელი დორტმუნდშივაღიარებთ, „ჰერტას“ ჩემპიონად მოხსენიება ხმამაღალი განცხადებაა, მაგრამ მეორე ბუნდესლიგის ჩემპიონსაც ხომ ჩემპიონი ჰქვია. ბერლინელები პირველ ტურში „ნიურნბერგთან“ რომ დამარცხდნენ, მას მერე წაუგებლად ასპარეზობენ და ჰამბურგსა და ჰანოვერში ორ საპატიო ფრესაც მიაღწიეს. ამჯერად, ლევან კობიაშვილის გუნდი გაცილებით რთული ამოცანის წინაშე დგას.თანაც, „დორტმუნდს“ გამარჯვება აუცილებლად სჭირდება, რათა „ბაიერნი“ ძალიან წინ არ გაუშვას. თუმცა მოქმედი ჩემპიონი ჯერ ვერ ბრწყინავს, რაც, შესაძლოა, „ჰერტას“ შანსი იყოს. დორტმუნდელთა მთავარი მწვრთნელი იურგენ კლოპი კი გულშემატკივრებს მოთმინებისკენ მოუწოდებს: „სანერვიულო არაფერია, თამაშს აუცილებლად გამოვასწორებთ,“ - ამბობს კლოპი.გომესი სისეს წინააღმდეგ„ბაიერნი“ „ალიანც არენაზე“ „ფრაიბურგს“ ელის, რაც იმას ნიშნავს, რომ მიუნხენელებს სამი ქულის აღება აქვთ დაგეგმილი - მიუხედავად იმისა, რომ რეკორდმაისტერს არიენ რობენი კვლავ არ ეყოლება. სამაგიეროდ, ფორმაშია ტოპ-თავდამსხმელი მარიო გომესი, რომელმაც წინა ტურში „კაიზერსლაუტერნთან“ ჰეთ-თრიკი შეასრულა. თუმცა, „ფრაიბურგსაც“ ჰყავს თავისი გოლეადორი, რომელიც გომესს დიდად არ ჩამოუვარდება - პაპის დემბა სისეს ვგულისხმობთ, რომელსაც აგვისტოში „ფრაის“ დატოვება უნდოდა, მაგრამ ბრაისგაუელების მიერ მოთხოვნილი 15 მილიონი ევრო არავინ გადაიხადა და სენეგალელიც „ფრაიბურგში“ მინიმუმ ზამთრამდე დარჩა.გომესის დარად, გასულ ოთხ ტურში სისესაც ოთხი გოლი აქვს და ბომბარდირთა დავაში მოწინავეა. ვნახოთ, დღეს ვინ აჯობებს და ნურც ის დაგვავიწყდება, რომ გომესს „ბაიერნში“ გაცილებით უკეთესი მეპასეები ჰყავს, ვიდრე სისეს, რომელიც თამაშებს ხშირად მარტო იგებს ხოლმე.მაინცს შიურლე ენატრება„მაინცი“ „ჰოფენჰაიმს“ სტუმრობს. თომას ტუხელის ბიჭებმა ევროპის ლიგიდან ნაადრევად გავარდნა ნორმალურად გადაიტანეს, აი, ლიდერ ანდრე შიურლეს დაკარგვა კი (ლევერკუზენში გადავიდა) - ვერა! ჯერჯერობით ყველაზე გამორჩეული მაინცელი თავდამსხმელი სამი ალაგუია, სხვები კი იმის ნახევარსაც ვერ აკეთებენ, რასაც შარშან ამ დროს აკეთებდნენ, როცა „მაინცი“ ბუნდესლიგის ცხრილს ყველასათვის მოულოდნელად სათავეში ედგა. რაც შეეხება კარნავალელთა მეტოქეს: „ჰოფენჰაიმს“ იოზიპ შიმუნიჩის დაკარგვის შემდეგ (ეს უკანასკნელი ზაგრების „დინამოში“ გადავიდა) დაცვაში გაუჭირდათ. „სოფლელების“ მწვრთნელი ჰოლგერ სტანისლავსკიც ამბობს, ახალი ცენტრალური მცველი რომ არ შევიძინეთ, ძალიან მივქარეთო. მის განკარგულებაში ახლა მხოლოდ ოთხი ცენტრალური მცველია.კაკაუ შტუტგარტშიც გაიტანს?„შტუტგარტმა“ სეზონი ძალიან კარგად დაიწყო (3:0 შალკესთან), მაგრამ მერე აურია. მომდევნო სამ ტურში შვაბებს აღარ მოუგიათ და ოთხი ტურის შემდეგ ოთხი ქულა აქვთ. მწვრთნელი ბრუნო ლაბადია ამბობს, გაცილებით მეტი შეგვიძლიაო და თუ მართლა ასეა, „შტუტგარტს“ თავისი შესაძლებლობების გამოვლენის შანსი დღეს ძალიან კარგ ფორმასი მყოფ, ჯერ კიდევ დაუმარცხებელ „ჰანოვერთან“ მიეცემა. შვაბთა თავდამსხმელმა კაკაუმ გერმანიის ნაკრების ფორმით გოლი გაიტანა (2:2 პოლონეთთან) და კლუბში თავდაჯერებული დაბრუნდა - შტუტგარტის ქომაგებს დღესაც მისი იმედი აქვთ. „ჰანოვერი“, როგორც გითხარით, დაუმარცხებელია და „წითლები“ ყველაფერს გააკეთებენ საიმისოდ, რომ „მერსედეს ბენც არენადან“ მინიმუმ ქულა მაინც წაიღონ.ტიფერტი: გაგვიჭირდება!მიონხენგლადბახის „ბორუსიამ“ სეზონი მშვენივრად დაიწყო და ქომაგებს იმედი მიეცათ, რომ მათი საყვარელი გუნდი წელს გადარჩენისთვის არ იბრძოლებს, მაგრამ მერე გუნდის 22 წლის ლიდერი მარკო როისი დაშავდა და ყველას ხასიათი წაუხდა. როისმა ტრავმის გამო გერმანიის ნაკრებში თამაში იუარა და მისი ასპარეზობა „კაიზერსლაუტერნთანაც“ კითხვის ნიშნის ქვეშაა. სამაგიეროდ, ლუსიენ ფავრს დაცვის ბურჯი შტრანცლი უბრუნდება. მოედანზე გასასვლელად მზად არიან ბობადილია და არანგოც.კაიზერსლაუტერნში კი ნელ-ნელა შიშმა იმატა. ოთხი ტურის შემდეგ ბოლოსწინა ადგილზე ყოფნა ბევრს არაფერს ნიშნავს, მაგრამ გუნდის თამაში იმდენად უკეთესის სურვილს ტოვებს, რომ „წითელი ეშმაკების“ კაპიტანი კრისტიან ტიფერტიც აღიარებს, წელს ელიტაში ადგილის შენარჩუნება გაგვიჭირდებაო. მარკო კურცის შეგირდებს ჯერ ერთი მატჩიც არ მოუგიათ და აგვისტოს მიწურულს უმთავრესი ფეხბურთელი, ივო ილიჩევიჩიც დაკარგეს - ეს უკანასკნელი „ჰამბურგში“ გადავიდა.ჩრდილოეთის დერბი გერეროსთან ერთადსპორტული თვალსაზრისით ჩრდილოეთის დერბი რაც არ უნდა უმნიშვნელო იყოს (სეზონის დასაწყისში კი უმნიშვნელობა გამორიცხულია), „ვერდერისა“ და „ჰამბურგის“ დაპირისპირებას ყოველთვის დიდი ამბები სდევს ხოლმე თან. ბრემენელთათვის ეს პირველი თამაში იქნება მას მერე, რაც გუნდი დაცვის ბურჯმა პერ მერტეზაკერმა დატოვა. სამაგიეროდ, დიდი შანსია, რომ ერთწლიანი იძულებითი პაუზის შემდეგ, „მუსიკოსების“ განაცხადში კვლავ ვიხილოთ ბრაზილიელი უკანახაზელი ნალდო, რომლის დაბრუნებას ბრემენელი ქომაგები მოუთმენლად ელიან. „ვერდერის“ თავკაცი თომას შააფი უშუალოდ დღეს გადაწყვეტს, ღირს თუ არა უკვე ნალდოს ძირითად შემადგენლობაში გამწესება.„ჰამბურგში“ მწვრთნელ მიხაელ იონინგს სასწრაფოდ გამარჯვება სჭირდება - თუ არა და დიდია იმის შანსი, რომ გააგდონ. HSV ბოლო ადგილზე ჯერჯერობით უიმედოდაა და 4 ტურში უკვე 14 გოლი აქვს მიღებული. „ჰამბურგს“ მარჯვენა მცველი დენის დიკმაიერი ისევ დაუშავდა და მას 22 წლის ახალწვეული მაიკლ მანსიენი შეცვლის. სამაგიეროდ, სათამაშოდ მზადაა პერუელი თავდამსხმელი პაოლო გერერო, რომელსაც ფრენის იმდენად ეშინია, რომ „ჰამბურგის“ შვეიცარიულ ტურნეზე თვითფრიმავში მიღებული სტრესის გამო ვერ იასპარეზა...მაგათი ხვდება რანგნიკს და რაულსხვალ, პირველი მატჩი „კიოლნისა“ და „ნიურნბერგის“ არცისე საინტერესო თამაშია. კიოლნელებმა სანაკრებო პაუზამდე „ჰამბურგთან“ უმნიშვნელოვანესი გამარჯვება იზეიმეს (4:3), რამაც „თხების“ თავკაცი სტალე სოლბაკენი „ჩემოდნებიდან ჩამოსვა“. „ნიურნბერგთან“ შეხვედრისთვის ამ უკანასკნელს ძირითადი მეკარე მიხაელ რენზინგი უბრუნდება. სამაგიეროდ, აგვისტოს მიწურულს შეძენილი ჯემალი ტრავმირებულია და ხვალ ვერ იასპარეზებს. „ნიურნბერგის“ მთავარი იარაღი ყოფილი კიოლნელი ჰეგელერია. 23 წლის ფეხბურთელი ნებისმიერ პოზიციაზე ბრწყინავს - სადაც არ უნდა ათამაშოს დიტერ ჰეკინგმა, ჰეგელერი ყველგან საუკეთესოა ხოლმე.ზემოთაც ვთქვით, რომ ტურს „შალკესა“ და „ვოლფსბურგის“ მეტად საინტერესო ჯახი დახურავს. ამ შეხვედრის უმთავრესი ინტრიგა მწვრთნელების, ფელიქს მაგათისა და რალფ რანგნიკის დაპირისპირებაა - „დესპოტი ფელიქსი“ და „პროფესორი რალფი“ არ მალავენ, რომ ერთმანეთს დასანახად ვერ იტანენ. სპორტული თვალსაზრისით, ეს სეზონი რანგნიკის გუნდმა საკმაოდ კარგად დაიწყო: ოთხი ტურში მოპოვებული 9 ქულა გელზენკირხენელთათვის ოპტიმალური მიღწევაა. „ვოლფსბურგმა“ კი მტკივნეული სტარტი (3 ქულა) აიღო და შესაბამისი იყო მაგათის რეაქციაც: ფელიქსმა აგვისტოს ბოლო დღეებში სატრანსფერო ბაზარს კიდევ ერთხელ შეუტია და ჰლებისა და იონსონის სახით მეთერთმეტე და მეთორმეტე ახალწვეულები წარმოადგინა. სამაგიეროდ, „ვოლფსბურგი“ დიეგომ, კიაერმა და პეკარიკმა დატოვეს. აღსანიშნავია, რომ ბელორუსი ჰლები „მგლებს“ ჯერ ვერ დაეხმარება.საინტერესოა მაგათისა და რაულის შეხვედრაც: ხომ გახსოვთ, ვეტერანი ესპანელი თავდამსხმელი „შალკეში“ თავის დროზე სწორედ ფელიქსმა გადაიყვანა და როცა მაგათი გელზენკირხენიდან წავიდა, „შალკეს“ დატოვებაზე რაულიც საკმაოდ სერიოზულად ფიქრობდა...გუშინაუგსბურგი-ლევერკუზენი 1:4დღესბორუსია (დ)-ჰერტა 17:30დისკვალიფიკაცია: გიოტცე, კელი (ორივე ბორუსია)ტრავმა: კოხი, ოვომოიელა, ბაკალორცი, ბარიოსი - ნოიმანიბაიერნი-ფრაიბურგი 17:30ტრავმა: ბრენო, რობენი, უსამი, ოლიჩი - ბუტშერი, როზენტალიმაინცი-ჰოფენჰაიმი 17:30ტრავმა: ფ. ჰელერი, სალაი - იაისლე, სალიჰოვიჩი, ვუკჩევიჩი, ვაისი, იბიშევიჩიშტუტგარტი-ჰანოვერი 17:30ტრავმა: ბაუერი, ბიჩაქჩიჩი, დელპიერი, ნიდერმაიერი, აუდელი, შიბერი - მილერი, აკდარი, ანდრეასენი, კარლიტოსიბორუსია (მ)-კაიზერსლაუტერნი 17:30ტრავმა: კაჩუნგა - ორბანი, შიმუნეკი, კუემაა, ნემეცი, ცელნერივერდერი-ჰამბურგი 20:30დისკვალიფიკაცია: ილიჩევიჩი (ჰამბურგი)ტრავმა: ბიონიში, სილვესტრი, ავდიჩი, აიქი - დიკმაიერი, შტეპანეკი, სალა, სონიხვალკიოლნი-ნიურნბერგი 17:30დისკვალიფიკაცია: ბუნიაკუ (ნიურნბერგი)ტრავმა: პეტიტი, პეცონი - რ. შეფერი, ნილსონი, დიდავი, ფრანტცივოლფსბურგი-შალკე 19:30ტრავმა: კრისი, ა. ფრიდრიხი, ჰლები, კალენბერგი - ესკუდერო, ჰუგლანდი, ყენია, კლუგეყოველდღიური სპორტული გაზეთი "ლელო"

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

[VIDEO] 2 წითელი ბარათი და 3 გაუქმებული გოლი - "ლევერკუზენმა" 9-კაციანი "ბაიერნი" ვერ დაამარცხა

თუ კეინი წავა - "ბაიერნი" ოსიმენის დამატებას შეეცდება

ფრე წაგების შემდეგ - გოგლიჩიძემ და ჩაკვეტაძემ შეუცვლელად ითამაშეს

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა