- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ჯოკერის მორიგი გმირობა
<p>აშშ-ის ღია პირველობაზე ჯოკოვიჩმა ფედერერთან მარათონში ორი მატჩბოლი მოიგერია და ფინალში გავიდა <br> ამ სეზონში მეორედ, "დიდი სლემის" მამაკაცთა ტურნირზე ნახევარფინალამდე მიაღწია ATP-ის რეიტინგის პირველმა ოთხმა ნომერმა (ამერიკის ღიაზე ასეთი რამ ბოლო 19 წლის განმავლობაში პირველად მოხდა). თანაც ლიდერებმა ეს განსაკუთრებული გართულების გარეშე გააკეთეს.</p><p>რაფაელ ნადალს არც ერთი სეტი არ წაუგია, ნოვაკ ჯოკოვიჩმა და როჯერ ფედერერმა თითო პარტია დათმეს და მხოლოდ ენდი მიურეი იყო მეორე წრეში ახლო დამარცხებასთან, როცა რობინ ჰაასესთან სეტებში 0:2-ს აგებდა, მაგრამ შემდეგ იმ მატჩშიც და ტურნირშიც კარგი ტემპი აკრიფა და ისევ ფავორიტთა შორის ჩაეწერა.</p><p>სათამაშო დღეს ჯოკოვიჩი და ფედერერი ხსნიდნენ. პირველ სეტში მათ მიღებაზე თამაში არ გამოსდიოდათ, მიუხედავად იმისა, რომ პირველი ბურთს მხოლოდ 60-პროცენტიანი სიზუსტით აწვდიდნენ.</p><p>ამიტომაც, ამ პარტიის ლოგიკური დასასრული გახდა ტაი-ბრეიკი, სადაც თავიდან ფედერერი კარგად გამოიყურებოდა და თითქოს გადამწყვეტი უპირატესობაც მოიპოვა - 5:2-ზე შვეიცარიელს ორი მოწოდება ჰქონდა. მართალია, პირველზე ორმაგი შეცდომა დაუშვა, მაგრამ შემდეგ მაინც მოიპოვა სამმაგი სეტბოლი.</p><p>აქ ნოვაკის გმირობის ჯერი დადგა - სერბმა ზედიზედ სამი ბურთი ჩააგდო, შემდეგ მეოთხე სეტბოლიც მოიგერია, მაგრამ "შემოკლებული გეიმი" მაინც დათმო - 7:9.</p><p>შემდეგ პარტიაში ფედერერმა შეინარჩუნა ინიციატივა და შეტევაში ბრწყინვალედ მოქმედებდა. უკვე სეტის სტარტზე მან ბრეიკის შესრულება მოახერხა.</p><p>სამი გეიმის შემდეგ ჯოკოვიჩმა ისარგებლა მეტოქის ოდნავი მოდუნებით და აღადგინა თანაფარდობა, თუმცა როჯერი მაშინვე მოეგო გონს და მეშვიდე გეიმში სერბის მოწოდება "მშრალი" ანგარიშით აიღო, რის შემდეგაც სეტი გამარჯვებამდე მიიყვანა - 6:4.</p><p>მაგრამ ასეთ ტემპში შეხვედრის დასრულება შვეიცარიელმა ვერ მოახერხა. მესამე სეტის დასაწყისში მან კონცენტრაცია დაკარგა და ეს ჩავარდნა კარგა ხანს გაგრძელდა.</p><p>ამასობაში, ნოვაკმა აქტიურობას უმატა და ფედერერი კუთხეებში არბენინა, რასაც როჯერის მხრიდან ბევრი შეცდომა მოყვა. ასეთ სიტუაციაში ფედერერი ვეღარ ახერხებდა ისე აქტიურობას, როგორც ამას პირველ ორ პარტიაში აკეთებდა.</p><p>ჯოკოვიჩმა დამაჯერებლად მოიგო მესამე სეტი, მეოთხეს ბოლოს კი უკვე აშკარად გამოიკვეთა მისი უკეთესი ფიზიკური მომზადება - როჯერმა პარტიის დასაწყისში წააგო თავისი მოწოდება, ბრძოლას თავი მიანება და ძალები მეხუთე სეტისთვის შეინახა.</p><p>ამგვარმა პრაქტიკამ კინაღამ გაამართლა. გადამწყვეტ პარტიაში თავიდან მეტოქეები მორიგეობით იღებდნენ საკუთარ მოწოდებებს, მერვე გეიმში კი ნოვაკს ნერვებმა უმტყუნეს - თავიდან მან 0:30-ზე ორმაგი შეცდომა დაუშვა, შემდეგ ბრეიკ-პოინტის დროს შეცდა.</p><p>ფედერერმა მატჩზე ჩაწოდების უფლება მიიღო და ძალიან ახლოს იყო ფინალში გასვლასთან - როჯერმა ორი მატჩბოლი მოიპოვა. ერთ-ერთის დროს ჯოკოვიჩს შემთხვევითი მიღება გამოუვიდა, თუმცა მისი კროსი ხაზზე მართლაც ბრწყინვალე გამოვიდა. მოკლედ ნოვაკმა საფრთხე მოიგერია, შვეიცარიელი კი ანერვიულდა და როცა საქმე ბრეიკ-პოინტამდე მივიდა, ორმაგი შეცდომა დაუშვა.</p><p>საკუთარი მოწოდების წაგების შემდეგ ფედერერის თამაში ბოლომდე მოიშალა და ჯოკოვიჩმა ამერიკის ღიაზე ზედიზედ მეორედ დაამარცხა როჯერი ისე, რომ მატჩის მსვლელობისას ორი მატჩბოლის მოგერიება მოუწია - 7:5.</p><p>"შესაძლოა, სეზონში საუკეთესო გამარჯვებას მივაღწიე. რატომ? იმიტომ, რომ სეტებში 0:2-ს ვაგებდი, კარიერაში კი ასეთი მატჩები ხშირად არ მომიგია. თუ არ ვცდები, ასეთი რამ ბოლოს ხუთი თუ ექვსი წლის წინ მოხდა... თანაც მე როჯერ ფედერერის წინააღმდეგ ვთამაშობდი, რომლის კლასი ყველასთვის ცნობილია.</p><p>როცა მას ანგარიში მიჰყავს, თითქმის არავის აძლევს დაწევის შანსს. მაგრამ მე შევძელი თამაშის მომატება და ორი ფანტასტიკური სეტი ვითამაშე: მესამე და მეოთხე. შემდეგ კი იყო კულმინაცია, როცა ჩემი საუკეთესო თამაში უნდა მეჩვენებინა და ეს გამომივიდა", - განაცხადა პრესკონფერენციაზე ჯოკოვიჩმა.</p><p><strong>* * *</p><p></strong>სერბი ფინალში რაფაელ ნადალს შეხვდება, რომელმაც ენდი მიურეი ოთხ სეტში დაამარცხა. მათი მატჩი არანაკლებად დაძაბული გამოვიდა, მიუხედავად იმისა, რომ აშკარად იგრძნობდა ნადალის უპირატესობა. ესპანელმა ჯერ კიდევ წინა წრეში ენდი როდიკის განადგურებით დაამტკიცა, რომ მართლაც ბრწყინვალე ფორმა აკრიფა, ახლა კი ეს მოსაზრება მიურეის დამარცხებით გაამყარა.</p><p>ამ ნახევარფინალის პირველ ორ პარტიაში მიურეი აქტიურად თამაშს ცდილობდა, მაგრამ, ამასთან, ბევრ უნებლიე შეცდომას უშვებდა, ნადალი კი გაცილებით საიმედოდ და ზუსტად თამაშობდა. ხანგრძლივ გეიმებში, რომელიც მატჩში მრავლად იყო, სწორედ რაფა გამოდიოდა გამარჯვებული.</p><p>მესამე სეტში მიურეიმ ბადესთან თამაში გააუმჯობესა, შეცდომების რაოდენობა შეამცირა და ამან მაშინვე იმოქმედა შედეგზე - ბრიტანელმა პარტია 6:3 მოიგო.</p><p>ენდიმ ინერციით კინაღამ ბრეიკი გააკეთა მეოთხე სეტის დასაწყისში, მაგრამ საკუთარი შეცდომების გამო ვერ გამოიყენა ეს შანსი. შესაძლოა, სწორედ ამ მომენტმა იმოქმედა მიურეიზე და მან ისევ უმატა შეცდომებს. ნადალმა ეს ფაქტორი კარგად გამოიყენა და მეოთხე სეტი დამაჯერებელი ანგარიშით - 6:2 მოიგო.</p><p>მაშ ასე, ზედიზედ მეორედ ამერიკის ღია პირველობის ფინალში ნადალი და ჯოკოვიჩი ითამაშებენ. შარშან რაფამ ოთხ სეტში (6:4, 5:7, 6:4, 6:2) მოუგო მაშინ ჯერ კიდევ მსოფლიოს მეორე ნომერს, თუმცა წელს ამ ჩოგბურთელებს შორის გამართული ხუთიდან ხუთი მატჩი (ხუთივე ფინალი იყო) ჯოკოვიჩის გამარჯვებით დასრულდა.</p><p><strong>კაცები</p><p></strong><em>1/4 ფინალი</p><p></em>ენდი მიურეი (ბრიტ, 4)-ჯონ ისნერი (აშშ, 28) 7:5, 6:4, 3:6, 7:6(2); რაფაელ ნადალი (ესპ, 2)-ენდი როდიკი (აშშ, 21) 6:2, 6:1, 6:3.</p><p><em>1/2 ფინალი</p><p></em>ნოვაკ ჯოკოვიჩი (სერ, 1)-როჯერ ფედერერი (შვეიც, 3) 6:7(7), 4:6, 6:3, 6:2, 7:5; რაფაელ ნადალი (ესპ, 2)-ენდი მიურეი (ბრიტ, 4) 6:4, 6:2, 3:6, 6:2.</p><p><em><strong>წყვილები. ფინალი</p><p></strong></em>იურგენ მელცერი/ფილიპ პეტცშნერი (ავსტრია/გერ, 9)-მარიუშ ფირსტენბერგი/მარცინ მატკოვსკი (პოლ, 6) 6:2, 6:2.</p><p><strong>ყოველდღიური სპორტული გაზეთი "ლელო"</strong></p>
მხოლოდ 1 გეიმი - ბასილაშვილმა პეკინის ტურნირზე გამოსვლა დაასრულა
უცნაურია - მუსეტიმ ზედიზედ მეხუთე ფინალი წააგო
ბასილაშვილი ფორმაში შედის - ATP-ის ტურნირის მეოთხედფინალში გავიდა და ასეულში დაბრუნების შანსი აქვს
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ