გიორგი ლომაია: მიხარია, რომ ნაკრებში მეკარის პრობლემა აღარ არის

ნაკრების ყოფილი მეკარე ნუკრი რევიშვილის, გიორგი ლორიასა და როინ კვასხვაძის პერსპექტივაზე საუბრობს ბაქოს "ინტერის" მეკარე, საქართველოს ნაკრების ყოფილი წევრი გიორგი ლომაია ამბობს, რომ საქართველოს სამი ძლიერი მეკარე ეზრდება და დარწმუნებულია, რომ მათ დიდი პესპექტივა გააჩნიათ."საქართველოს ნაკრებიდან იმიტომ არ წავსულვარ, რომ ეს ძალიან მინდოდა, ან მიხაროდა. ქვეყნის ღირსების დაცვა ყველაზე ძვირფასი გრძნობაა. წარსულის გახსენება აღარ მსურს, მაგრამ მეკარეების შეცდომებზე იმდენი ილაპარაკეს, რომ თავი შეურაცხყოფილად ვიგრძენი; ჩავთვალე, რომ ჩემი გაჩერება აღარ შეიძლებოდა...დრო გავიდა და მიხარია, ჩემი ამ ნაბიჯით უნიჭიერეს მეკარეებს გაეხსნა გზა - ნუკრი რევიშვილი, გიორგი ლორია და როინ კვასხვაძე ძალიან ნიჭიერი ბიჭები არიან. ნაკრებში პირველ ორს ათამაშებენ, კვასხვაძე ჯერ არ ჩანს, მაგრამ არავისზე ნაკლები პერსპექტივა არ აქვს.სამივემ მაღალ დონეზე გამოიჩინა თავი, რევიშვილმა რუსეთის პრემიერლიგასა და ნაკრებში, ლორიამ "დინამოსა" და ეროვნულში, კვასხვაძემ კი "ზესტაფონში". მიზეზი კი ისაა, რომ ჩვენ ნიჭიერი მეკარეები არასოდეს გვაკლდა, მაგრამ ნდობა და გასაქანი არ ჰქონიათ. ახლა კი, მოხდა სასწაული და ნდობა გამოუცხადეს, ჯერ კლუბში მისცეს თამაშები და თავდაჯერებულები ნაკრებშიც გამოჩნდნენ. ახლა თითოეული მათგანი კარგად დგას.ჩვენს ნაკრებში თუკი ადრე მეკარე იყო პრობლემა, ახლა ყველა აღიარებს, რომ ეს პრობლემა მოგვარდა. მიმაჩნია, რომ ლატვიის ნაკრებთან დაშვებული შეცდომის გამო ლორიას გვერდში უნდა დავუდგეთ, რადგან მსგავსი რამ ბევრად ცნობილ მეკარეებსაც მოსვლიათ, მაგრამ ხელი არ უკრავთ და ამის გამო არც უნანიათ. ბევრი ქართველი მეკარე კი სწორედ ასეთმა სტრესმა გადაიყოლა. დარწმუნებული ვარ, ლორია ძალიან მაღალ დონის კლუბშიც მოახერხებს თავის დამკვიდრებას", - ამბობს ლომაია.გიორგის თქმით, ჯერ საქართველოში დაბრუნებაზე არ ფიქრობს: "აზერბაიჯანში საკმაოდ კარგ და ძლიერ გუნდში ვარ, მწვრთნელები ქართველები არიან და ფეხბურთელებიც ბევრნი ვართ. აქ თავს კარგად ვგრძნობ და ჯერ დაბრუნებაზე არ ვფიქრობ. თუმცა სამშობლოში თამაში ყოველთვის იყო ჩემი ოცნება და გამიხარდება, გუნდები თუ გაძლიერდებიან.სხვათა შორის, ჩემთვის და აზერბაიჯანელებისთვისაც მოულოდნელი იყო, წელს ორი ქართული გუნდი ევროპის ლიგის პლეი ოფში რომ მოხვდა. ცხადია, ეს ამბავი ძალიან გამიხარდა, როგორც ჩანს, ორი ძლიერი კლუბი გვყავს და თუ მათ სხვებიც დაემატება, ჩემპიონატის დონე მნიშვნელოვნად გაიზრდება."ინტერის" შეკრებების დროს "დინამო"-აეკ-ის შეხვედრას დავესწარი და გამიკვირდა, ჩვენები ასეთ ცნობილ და ბევრად მდიდარ კლუბს ტოლსწორად რომ ეთამაშნენ.აზერბაიჯანის კლუბებს ბევრად მეტი ფინანსური შესაძლებლობები აქვთ, ფეხბურთელები რომ მოიწვიონ, მაგრამ საქართველოს გუნდები მაინც მეტს აღწევენ და ეს უკვირთ. თუმცა, იმას აღიარებენ, რომ კავკასიაში საქართველო წამყვანი საფეხბურთო ქვეყანაა და პოტენციალიდან გამომდინარე, ბევრად მეტიც შეუძლია.სიმართლე გითხრათ, საქართველოში სიამოვნებით დავბრუნდები. მაგრამ ისეთ ასაკში ვარ, პირობებს დიდი მნიშვნელობა აქვს. საწყენია, რომ დღეს აზერბაიჯანის მსგავსი პირობები საქართველოში რომ არ არის. თორემ, ბევრი მოთამაშე სიამოვნებით დაბრუნდებოდა და დარწმუნებული ვარ, საკმაოდ კარგი ჩემპიონატი გვექნებოდა".ლომაიას აზერბაიჯანის ჩემპიონატის ბოლოსწინა ტურში "ბაქისთან" მომხდარ სკანდალსა და გაძევებაზეც ველაპარაკეთ. შეგახსენებთ, რომ 0:0-ზე მთავარმა არბიტრმა ქართველი მეკარე მოედნიდან გააძევა და "ინტერის"კარში პენალტი დანიშნა."შესაძლოა, კარიდან გამოსვლის დროს მეც ვერ მოვზომე და თავდამსხმელისკენ ფეხი ცუდად მოვიქნიე, მაგრამ ეს შეგნებულად არ გამიკეთებია. რაც მთავარია, თავდამსხმელმაც კარგად "გამიფორმა" მომენტი და იმ დღეს მსაჯიც ისე უცნაურად გვექცეოდა, არ გამკვირვებია, რომ გამაძევა. ჩვენს წინააღმდეგ მსაჯობა მას დავალებული ჰქონდა და რომ არ მეუხეშა, ჩვენს წინააღმდეგ მაინც რამეს მოიფიქრებდა. თუმცა უხეში მოთამაშის სახელი არ მქონია და არც იმ ფორვარდისთვის მსურდა მკერდში ფეხის მირტყმა", - ამბობს ლომაია.ყოველდღიური სპორტული გაზეთი "ლელო"

ფრე წაგების შემდეგ - გოგლიჩიძემ და ჩაკვეტაძემ შეუცვლელად ითამაშეს

Eureka. მამარდაშვილის სახით ყველა პრობლემის მიზეზი მოძებნეს - რას წერს ინგლისური გამოცემა ალისონის არყოფნაზე

L'Équipe: 5 ფაქტი, რომელიც ევროპირველობების რეკორდსმენ მამარდაშვილზე უნდა ვიცოდეთ

19-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

17-წლამდე ვაჟთა ნაკრები სან მარინოში მიემგზავრება

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა