<p>გუშინ გამართულ წილისყრაზე ხინჩეგაშვილი ფინალამდე ასცდა მსოფლიოს მოქმედ ჩემპიონს, რუს ვიქტორ ლებედევს</p><p><br> სტამბოლში გრძელდება მსოფლიოს პირველობა ჭიდაობაში, რომელშიც დღეს თავისუფალი სტილით მოჭიდავეებიც ჩაებმებიან -ქალების ორ ბოლო წონასთან ერთად ვაჟთაგან 55-ის ფალავნებიც იჭიდავებენ.</p><p>ეს წონა ჩვენტვის განსაკუთრებით საინტერესოა, როგორც სტრატეგიული - სწორედ აქ ჭიდაობს ვლადიმერ ხინჩეგაშვილი, წლეულს ახალგაზრდებში დუბლის მომგები და უფროსებში ევროპის ვიცე-ჩემპიონი.</p><p>მისგან ახლაც მედალს ველოდით და გუშინ გამართულმა წილისყრამ დიდწილად გაუმართლა კიდეც - ჩვენებური ფინალამდე ასცდა მსოფლიოს მოქმედ ჩემპიონს, რუს ვიქტორ ლებედევს და კიდევ ერთ საშიშ მეტოქეს, აზერბაიჯანელ ევროპის ექს-ჩემპიონ მაჰმუდ მაგომედოვს (თუმცა ამას ხინჩეგაშვილმა წლეულს ევროპაზე მოუგო და ბრინჯაოს დააჯერა).</p><p>ქართველი ფალავანი პირველ შეხვედრასაც სუსტ მეტოქესთან - ვენესუელელ ფერნანდო ხოსე პარედეს როხასთან ჩაატარებს. ბოლო თვეებში ვენესუელელებმა ძიუდოსა თუ ბერძნულ-რომაულ ჭიდაობაში სიურპრიზები კი შემოგვთავაზეს, მაგრამ იმედია, ხინჩეგაშვილი მოწოდების სიმაღლეზე აღმოჩნდება.</p><p>პარედეს როხასთან წარმატების შემთხვევაში მომდევნო წრეში მას ჩინელი მუდე ქი ელოდება, ხოლო თუ იმასთანაც წარმატებით იჭიდავებს (რისი დიდი იმედიც გვაქვს), მერვედფინალში გასასვლელ შეხვედრას ბრიტანელ კრეიგ ტომას მაკენასა და ნამიბიელ ნაატელა სემ შილიმელას შორის მოგებულთან ჩაატარებს.</p><p>როგორც ვხედავთ, ხინჩეგაშვილს ისეთი ბადე აქვს, მერვედფინალში გასვლა არ უნდა გაუჭირდეს. იმ ეტაპზე მისი მეტოქე ისეთი ძლიერი ფალავნების პაექრობაში გაირკვევა, როგორიც უზბეკი მსოფლიოს ორგზის ჩემპიონი დილშოდ მანსუროვი, ჩრდილო კორეელი მსოფლიოს ჩემპიონი კიონგ II იანგი, ახალგაზრდებში მსოფლიოს გამარჯვებული ირანელი ჰასან რაჰიმი, ბულგარელი მსოფლიოს ჩემპიონი და ოლიმპიური პრიზიორი რადოსლავ მარინოვ ველიკოვი, ევროპის წლევანდელი ბრინჯაოს მედალოსანი ბელარუსი ულადძისლაუ ანდრეიუ და სხვები არიან. ჩვენებურის მხარესაა მასპინძელი აჰმედ პეკერიც, მაგრამ ის ხინჩეგაშვილს ნახევარფინალამდე არ ხვდება.</p><p>წინასწარი შეხვედრები თურქეთის დროით 14 საათზე დაიწყება, ფინალები - ასევე იქაური დროით 19.30-ზე.</p><p>ხვალ ჩემპიონატში 60, 84 და 96-ის ფალავნები გამოვლენ ანუ ჩვენგან ევროპის შარშანდელი ვიცე-ჩემპიონი მალხაზ ზარქუა (60), ახალგაზრდებში წლეულს დუბლის კიდევ ერთი მომგები და ხინჩეგაშვილის მსგავსად, უფროსებში ევროპის ვერცხლის მედალოსანი დავით მარსაგიშვილი (84) და ევროპისა და მსოფლიოს ჩემპიონი, ოლიმპიური პრიზიორი გიორგი გოგშელიძე (96).</p><p>ჩვენი გუნდის დანარჩენი სამეული - შალვა მუზიაშვილი (66), ევროპის პრიზიორი დავით ხუციშვილი (74) და ევროპის ექს-ჩემპიონი დავით მოძმანაშვილი (120) ზეგ იასპარეზებს.</p><p><strong>ყოველდღიური სპორტული გაზეთი "ლელო"</strong></p>
U23. მსოფლიოს ჩემპიონატზე სულეიმანიშვილმა ვერცხლის მედალი მოიპოვა
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ზამთრის სერიებისა და წლის ბოლო 3×3 საკალათბურთო ტურნირის გამარჯვებული არგო გახდა
იმედები ვერ გაამართლა - "ატლეტიკო" სორლოტის გაყიდვას ეცდება
დეკემბერში პსჟ-ს საუკეთესო ფეხბურთელად საფონოვი დაასახელეს
"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის
ფუტსალი | საქართველოს ნაკრები სომხეთთან დამარცხდა
"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა
ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის
კარგი ამბავი - ბათუმის "დინამოს" ახალი მფლობელი ჰყავს
უარი "ჩელსის, "ლივერპულსა" და "მანჩესტერ იუნაიტედს" - სემენიომ არჩევანი სხვა ინგლისურ გრანდზე შეაჩერა
[VIDEO] ახალწვეული კუპერ ფლეგისა და ენტონი დევისის ბრწყინვალე მატჩი - "დალასმა" ნიკოლა იოკიჩის "დენვერი" დაამარცხა
[VIDEO] მამუკელაშვილის 4 სამქულიანი და კარგი მატჩი - სანდრომ "ტორონტოს" ძირითად შემადგენლობაში ითამაშა
საზონოვს მალე, ალბათ, "ტორინოს" დატოვება მოუწევს
დასაევი: საფონოვი რა, ასეთი დიადია?
სანდრო ალთუნაშვილი "ჰაპოელის" ფეხბურთელი გახდა
ოფიციალურად - "ლიონმა" "რეალისგან" ენდრიკი ინათხოვრა
სპორტის სამინისტრომ 2025 წლის საუკეთესო სპორტსმენები დაასახელა
პსჟ-ს ტრავმის გამო შემტევი გამოაკლდა
ლევან კობიაშვილმა ფიფას კომიტეტის სხდომას უხელმძღვანელა
ტიკნიზიანი: სომხეთის დედაქალაქი მაიამია - ყოველ სომეხს აშშ-ს პასპორტი უნდა ჰქონდეს
პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული