სპორტული აფერისტობა "ლელოს" სახელით

ან "სპორტ ექსპრესმა" დაუკითხავად გამოიყენა ჩვენი გაზეთის სახელი, ან ჩვენთვის უცნობ "ლელოს" იატაკქვეშეთში ბეჭდავენ "სპორტ-ექსპრესის" ტრადიციულ გამოკითხვაში "ვარსკვლავი" აგვისტოს საუკეთესო ფეხბურთელად პეტერბურგის "ზენიტისა" და რუსეთის ნაკრების 28 წლის თავდამსხმელი ალექსანდრე კერჟაკოვი დაასახელეს, საერთო ჩათვლაში კი 50 საუკეთესოში მხოლოდ ორი ქართველი მოხვდა: 23 ქულით 27-ე ადგილზე მეკარე გიორგი ლომაია გავიდა, რომელმაც ზამთარში "თანამეგობრობის თასზე" ბაქოს "ინტერის"გამარჯვებაში მნიშვნელოვანი როლი ითამაშა, 32-ზე კი ნიჟნი ნოვგოროდის "ვოლგაში" რამდენიმე ეფექტური მატჩის ჩამტარებელი პლეიმეიკერი გოჩა ხოჯავა აღმოჩნდა.საქართველოდან გამოკითხვის მონაწილედ მითითებულია ჩვენი გაზეთი "ლელო", რომელმაც შემდეგი ხუთელი "დაასახელა": 1 - ანდრეი იარმოლენკო (კიევის "დინამო"), 2 - ალექსანდრე კერჟაკოვი ("ზენიტი"), 3 - მარატ იზმაილოვი ("სპორტინგი") , 4 - ანატოლი ტიმოშჩუკი ("ბაიერნი"), 5 - რომან შიროკოვი ("რუბინი").როდესაც მსგავს გამოკითხვაში მონაწილეობას გვთავაზობენ, ქართული და უცხოური ფეხბურთის განყოფილებების ჟურნალისტები ერთად ვმონაწილეობთ. თუმცა, გვეუცნაურა, რომ ამის თაობაზე გაზეთში არავინ არაფერი უწყოდა, არც ქართულ ფეხბურთში დასაქმებულმა ჟურნალისტებმა და არც "უცხოურში", მთავარმა რედაქტორმაც გაიოცა, ჩემთვის ამის შესახებ არავის არაფერი უთქვამსო. მოკლედ, ბევრი დრო არ დაგვჭირვებია იმის დასადგენად, რომ ამ გამოკითხვაში "ლელო" არ მონაწილეობდა."სპორტ-ექსპრესი" პოპულარული გამოცემა იმიტომაც გახდა, რომ ხარისხიანად და რაც მთავარია, სიმართლეს წერს. ასე რომ, მკითხველის შეცდომაში შეყვანის მცდელობა არ გვსურს დავიჯეროთ.მაგრამ გვაეჭვებდა ის ფაქტი, რომ წლეულს გამოკითხვაში ისეთ გაზეთებსაც მიუღიათ მონაწილეობა, როგორიც არის მაგალითად "ალია", რომელიც სპორტს არ აშუქებს და ამ სფეროში კომპეტენტურად ისევე ვერ ჩაითვლება, როგორც "ლელო" პოლიტიკისა და ეკონომიკის საკითხებში.ორი ვარიანტია: ან საქართველოში იატაკქვეშეთში ბეჭდავენ ჩვენთვის უცნობ გაზეთს, რომელიც "ლელოს" სახელით მოქმედებს, ან ელემენტარულად, ამხელა გამოცემამ რუსული ფეხბურთის პიარისთვის მიმართა ამ ხერხს და ჩვენდა დაუკითხავად გამოიყენა გაზეთის სახელი - გამოკითხვაში კი 15 პოსტსაბჭოური ქვეყნის წარმომადგენლები მონაწილეობენ.ფაქტია, რომ ამ გამოკითხვას ყველა თავისი მოთამაშეების გამოსაჩენად იყენებს. მაგალითად, რუსები ყოველთვის ხაზს უსვამენ, რომ პრემიერლიგაში ჩაყვანილი უცხოელი ვარსკვლავები ჰყავთ, მაგრამ საქმე-საქმეზე რომ მიდგება, სამუელ ეტოოს, კევინ კურანის, რობერტო კარლოსისა და სხვა ვარსკვლავებზე წინ მაინც თავისიანებს აყენებენ.მიუხედავად იმისა, იმსახურებს თუ არა, სომხებიც, უმთავრესად, საუკეთესოდ თავისიანებს ასახელებენ - ამჯერადაც ასეა და დონეცკის "შახტარის" ნახევარმცველის, მართლაც უდავოდ ნიჭიერი ჰენრიხ მხითარიანის წარმოსაჩენად და დასაწინაურებლად არიან მობილიზებულნი.ცოდვა გამხელილი სჯობს - ასე იყო ქართული მედიაც იმ პერიოდში, როდესაც ჩვენი მოთამაშეები ევროპულ თუ რუსულ კლუბებში მეტნაკლებად ჩანდნენ. ახლა კი, რატომღაც, ქართული მედიის სახელით სხვათა მოთამაშეების პიარაქციაში მონაწილეობა არ გვსურს - მერე ხომ მთელს მსოფლიოს მოსდებენ, რომ პოსტსაბჭოეთის 15 ქვეყნის მედიის გამოკითხვაში რუსმა კერჟაკოვმა გაიმარჯვა. ამ ყველაფერს კი აღმოსავლეთ ევროპის საფეხბურთო ბაზარზე შესაბამისი ასახვაც მოჰყვება.აღნიშნული გამოკითხვაში აშკარად იკვეთება ტენდენცია - ასახელებენ რუსებს ან უკრაინელებს, მაგრამ ბოლოს გამოკითხვაში რუსი იმარჯვებს. ასე იყო ადრე, როდესაც ანდრეი შევჩენკო "მოლანში" გრგვინავდა, მაგრამ რატომღაც მის კონკურენტად რუსეთის ჩემპიონატში მოთამაშე ანდრეი არშავინს ასაღებდნენ. არშავინი რომ ჩინებული მოთამაშეა, რა მტკიცება უნდა, რუსეთის პრემიერლიგაც ახლა უდავოდ გაძლიერდა, მაგრამ ხუთი-ექვსი წლის წინათ სერია "ა"-სა და რუსეთის პირველობაზე გატანილი გოლი რატომ ფასობდა ერთნაირად, გაუგებარი მხოლოდ ეს იყო.კერჟაკოვიც მშვენიერი თავდამსხმელია, სულელები არ იყვნენ, "სევილიაში" რომ მიიწვიეს, მაგრამ ჩვენთვის რომ ეკითხათ, დაღესტანში ჩასული და ლამის ყოველ მატჩში გოლის გამტანი სამუელ ეტოო გვერჩივნა. თუმცა ისე ნამდვილად ვერ გავთავხედდებოდით, ასეთ სოლიდურ კამპანიაში საუკეთესოდ ქართველი დაგვესახელებინა - თანაც, სამწუხაროდ, არც ერთი ქართველი ამის საფუძველს არ გვაძლევდა.ყოველდღიური სპორტული გაზეთი "ლელო"

ერევნის ტურნირზე საქართველოს ნაკრებმა მოლდოვას დიდი ანგარიშით სძლია

"რომა" "იუვენტუსს" სწორედ ამიტომ ვარჩიე" - გასპერინი

"ნაპოლისთვის" მზად არ არის" - მარადონა უმცროსმა "კვარას" შემცვლელი გააკრიტიკა

დეკემბერში პსჟ-ს საუკეთესო ფეხბურთელად საფონოვი დაასახელეს

"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის

"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა

ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის

სანდრო ალთუნაშვილი "ჰაპოელის" ფეხბურთელი გახდა

ოფიციალურად - "ლიონმა" "რეალისგან" ენდრიკი ინათხოვრა

სპორტის სამინისტრომ 2025 წლის საუკეთესო სპორტსმენები დაასახელა

პსჟ-ს ტრავმის გამო შემტევი გამოაკლდა

ლევან კობიაშვილმა ფიფას კომიტეტის სხდომას უხელმძღვანელა

ტიკნიზიანი: სომხეთის დედაქალაქი მაიამია - ყოველ სომეხს აშშ-ს პასპორტი უნდა ჰქონდეს

პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული

18-წლამდელთა ნაკრები გიორგი ნემსაძემ ჩაიბარა

წლის საუკეთესო მებრძოლი - პოპულარულმა MMAJunkie-მ და ESPN-მა მერაბ დვალიშვილი აღიარეს

მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს

"ბარსელონა" დაცვას გააძლიერებს - რა გეგმები აქვთ კატალონიელებს ზამთრის სატრანსფერო ფანჯარაზე

"მილანმა" ორიჯის კონტრაქტი გაუწყვიტა - თითქმის 2-წლის უთამაშებლობის მიუხედავად, ის 4 მილიონს გამოიმუშავებდა

"თამაშობ და იცი, რომ ალისონი დაბრუნდება, მაშინვე სათადარიგოთა სკამზე ხარ" - კელეჰერი "ლივერპულიდან" წასვლაზე

გვარდიოლას გვარდიოლის დიდი ხნით შენარჩუნება უნდა - "სიტი" იოშკოსთან ახალ კონტრაქტზე მუშაობს

[PHOTO] მხოლოდ პირსახოცით - "შახტარის" ფეხბურთელის მეუღლის მიერ სააბაზანოდან გამოქვეყნებულ თამამ ფოტოებს დიდი აჟიოტაჟი მოჰყვა

ზირკზე კვლავ სერია A-ში? - მოლაპარაკებები უკვე დაწყებულია