- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
რატომ არ აიღო კოკოშკოვმა მაკედონიასთან ჯარიმა?
<p>დავით უსტიაშვილი: "მსგავს სიტუაციებში გაცილებით სახელიანი მწვრთნელებიც ისე მოქცეულან, როგორც იგორ კოკოშკოვი" <br> საქართველოს ნაკრების ევრობასკეტზე გამოსვლას ყველა ცალსახად დადებითად აფასებს - საქართველო ევროპის 12 საუკეთესო გუნდს შორის მოხვდა. თუმცა, ზოგის თქმით, ჩვენს გუნდს მეტის მიღწევა შეეძლო და ყურადღებას ამახვილებს სხვადასხვა ხელისშემშლელ ფაქტორზე. მაგალითად კალათბურთელთა ტრავმებზე, ტურნირის გადატვირთულ გრაფიკზე, ნატურალიზებულსა თუ მწვრთნელზე.</p><p>ბოლო დროს აგორდა იგორ კოკოშკოვის საწინააღმდეგო ტალღა, შეცდომებზე უთითებენ და აცხადებენ, მომავალი ციკლისთვის უკეთესი მწვრთნელი გვინდაო.</p><p>გამოგიტყდებით, მეც მინდა მთავარ მწვრთნელად დევიდ ბლატი, მაგრამ ეს იმას არ ნიშნავს, რომ იგორ კოკოშკოვის გარჯა უარყოფითად შეფასდეს და მის დამსახურებას ხაზი გადაესვას.</p><p>კატეგორიულ განცხადებამდე, საინტერესოა, გავიგოთ პასუხი იმ მოქმედებებზე, რომლებსაც კოკოშკოვის შეცდომებად თვლიან.</p><p>ამ საკითხში დაგვეხმარება საქართველოს ნაკრების მეორე მწვრთნელი <strong>დავით უსტიაშვილი</strong>, რომელსაც გუშინ ველაპარაკეთ. ჯერ გუნდის გამოსვლის ზოგადი შეფასება ვთხოვეთ.</p><p>- ევროპის ჩემპიონატზე საქართველოს ნაკრების თამაშს არაერთი უცხოელი სპეციალისტი აფასებს დადებითად, თუნდაც ისეთი მწვრთნელები, როგორებიც არიან მარკოვიჩი, ბლატი... მაკედონელთა თავკაცმა, დოკუზოვსკიმ, რომლის გუნდმა ევრობასკეტზე მეოთხე ადგილი დაიკავა, აღნიშნა - საქართველოსთან რომ გაგვიჭირდა, ისეთი რთული შეხვედრა მანამდე არ გვქონიაო.</p><p>ჩვენმა გუნდმა ჯგუფური ეტაპის ბარიერი გადალახა და საუკეთესო 12 ნაკრებს შორის მოხვდა, რაც უთუოდ დიდი წარმატებაა. ისიც გასათვალისწინებელია, რომ საქართელოს ნაკრებს პირველი ეტაპის შემდეგ ტრავმების გამო ზაზა ფაჩულია და გიორგი ცინცაძე დააკლდა.</p><p><strong>- ტრავმები შესაძლოა გადაღლამაც გამოიწვია. ვფიქრობ, ევრობასკეტზე მოკლე დროში ძალიან ბევრი მატჩი ტარდება.</strong></p><p>- ამ მხრივ ყველა გუნდი თანაბარ პირობებშია. სამწუხაროა, რომ ტრავმების გამო ორი წამყვანი კალათბურთელი გამოგვაკლდა. ზაზაცა და გიორგიც სასტარტო ხუთეულის წევრები არიან და მათი არყოფნა ძალიან დაგვეტყო, განსაკუთრებით მაკედონიასა და ფინეთთან მატჩებში. ამ გუნდებთან ნამდვილად შეიძლებოდა წარმატებით თამაში. თუმცა ყველამ დაინახა, რომ საქართველოს ნაკრებმა ყოველ მატჩში ბოლომდე იბრძოლა და ევრობასკეტზე დადებითი კუთხით წარმოჩინდა.</p><p><strong>- მაკედონიასთან მატჩზე გკითხავთ. ბოლო 16 წამში მაკალებზე ჯარიმა რატომ არ აიღეთ?</strong></p><p>- იმ შეხვედრის ბოლოს შეტევაში გვიჭირდა. მაკალებზე ჯარიმა რომ აგვეღო, იყო დიდი ალბათობა, რომ იგი საჯარიმოებს გამოიყენებდა, ჩვენ კი დარჩენილ დროში ვერ ჩავაგდებდით. ასეთ შემთხვევაში იტყოდნენ, თამაში მწვრთნელმა წააგოო. გადავწყვიტეთ, უჯარიმოდ გვეთამაშა და მაკედონელთა ნატურალიზებული თუ ვერ ჩააგდებდა, ყველაფერი ოვერტაიმში გაგრძელდებოდა. სხვათა შორის, მსგავს სიტუაციებში გაცილებით სახელიანი მწვრთნელებიც ისე მოქცეულან, როგორც იგორ კოკოშკოვი.</p><p><strong>- იყო კიდევ ერთი გადაწყვეტილება, რაზეც შესაძლოა მწვრთნელს არ დავთანხმებოდით. გემახსოვრებათ, კლაიპედაში სლოვენიასთან მატჩისას ზონურ დაცვაზე გკითხეთ, რომლის დროსაც მეტოქემ 15 სამქულიანი ჩააგდო. პრესინგისას ამდენი შორეული ტყორცნის რეალიზაცია წარმოუდგენელია. </strong></p><p>- მაშინაც ვთქვი, რომ სლოვენიელთა წინააღმდეგ ზონური დაცვა ოპტიმალური ვარიანტი იყო. სწორედ ამის წყალობით ბოლო წამებამდე თამაშში ვიყავით და გამარჯვების შანსს ვინარჩუნებდით, რადგან სლოვენიელები ძირითადად სამქულიანების იმედად იყვნენ. ოდნავ უარესად რომ ესროლათ, შესაძლოა მოგვეგო კიდეც.</p><p>თუ დააკვირდით, რიგ ეპიზოდებში პერსონალურ დაცვაზე გადავედით, რამაც არ გაამართლა, სლოვენიელებიც სწორედ ამას ელოდნენ.</p><p>საერთოდ, მინდა აღვნიშნო: ეს ნიუანსები ზოგისთვის შეცდომაა, ზოგისთვის - არა. ვთვლი, რომ იგორ კოკოშკოვმა ყველა სათამაშო სიტუაციაში ადეკვატური გადაწყვეტილება მიიღო. არ უნდა დაგვავიწყდეს, ვის წინააღმდეგ გვიწევდა თამაში - გადახედეთ სად და რამდენ წუთს თამაშობენ სლოვენიელი, რუსი კალათბურთელები და შემდეგ ჩვენს შემადგენლობას შეადარეთ. ამის ფონზე საქართველოს ნაკრებმა მართლაც ღირსეულად იბრძოლა. ალბათ, ბევრს არ ეგონა ფავორიტებთან ასე თუ ვითამაშებდით.</p><p><strong>- რუსეთთან მატჩის გახსენებასაც გთხოვთ. იყო ეპიზოდი, როცა თამაშში გარდატეხის შეტანა შეიძლებოდა.</p><p></strong>- ორი ქულით რომ ჩამოვრჩით, რამდენიმე შეტევა გავაფუჭეთ, ხან ფარქვეშიდან ვერ ჩავაგდეთ, ხან ბურთი დავკარგეთ. ამის მიზეზი იყო დაძაბულობა, რომელიც მატჩს ახლავდა. თამაშის მოსაგებად გამოცდილება დაგვაკლდა. მას მერე გამოჩნდა, რა დონის გუნდთან გვქონდა საქმე - რუსეთის ნაკრებმა ხომ ევრობასკეტი მესამე ადგილზე დაასრულა.</p><p><strong>- ჩემპიონატის დაწყებამდე შეიძლება გვევარაუდა, რომ ზოგიერთ მატჩში კალათბურთელებს დაასვენებდით.</strong></p><p>- სამწუხაროდ, ამის შანსი არ მოგვეცა. თუნდაც რუსეთთან და სლოვენიასთან საბრძოლველად ვემზადებოდით და მატჩები ისე წარიმართა, რომ გამარჯვების შანსს ბოლომდე ვინარჩუნებდით. ასეთ ვითარებაში ვინმეს დასვენებაზე ფიქრიც წარმოუდგენელი იყო.</p><p><strong>- აქამდე წაგებულ მატჩებზე ვილაპარაკეთ, მოგებულებზეც ვთქვათ. გამოჩნდა, რომ ბელგია სუსტი იყო, სამაგიეროდ, უკრაინას ჰყავდა კარგი ნაკრები.</p><p></strong>- ვერ ვიტყვი, ბელგია ხელწამოსაკრავი იყო-მეთქი. უბრალოდ, სადებიუტო მატჩში ჩვენ გაცილებით უკეთესად ვითამაშეთ და ბევრი რამ ამ შეხვედრამაც გადაწყვიტა. მეორე დღეს ბელგიამ ბულგარეთთან თითქმის მოგებული მატჩი წააგო. ვფიქრობ, იმ შეხვედრაში რომ ეყოჩაღა, პირველ ტურში გაფუჭებულ ფსიქოლოგიურ მდგომარეობას გაიუმჯობესებდა და სულ სხვა კალათბურთს ითამაშებდა.</p><p>რაც შეეხება უკრაინასთან დაპირისპირებას, საქართველო-უკრაინას შორის გამარჯვებული მომდევნო ეტაპის საგზურს თითქმის ინაღდებდა. მატჩის მსვლელობისას სხვადასხვა სტილის დაცვას ხშირად ვუნაცვლებდით და მეტოქეს თამაშის დალაგების საშუალებას არ ვაძლევდით. სხვათა შორის, პრესკონფერენციაზე უკრაინის ნაკრების კალათბურთელმაც თქვა - წაგების მთავარი მიზეზი მეტოქის დაცვა იყო, რომელსაც ალღო ვერ ავუღეთო.</p><p><strong>- რამდენიმე კალათბურთელზეც გკითხავთ. მარკიზ ჰეინსზე იგორ კოკოშკოვის მოსაზრება ვიცით. მასზე თქვენ რას ფიქრობთ?</strong></p><p>- სამწუხაროდ, ტორინ გრინს ისეთი ტრავმა ჰქონდა, რომ ევრობასკეტზე თამაშს ვერ შეძლებდა. გრინი გაცილებით გამოცდილია. მის ადგილას მარკიზ ჰეინსი ავიყვანეთ, რომელსაც დიდი პოტენციალი აქვს, თუმცა ლიტვაში შესაძლებლობები ვერ გამოავლინა. ვფიქრობ, ამაში ხელი ერთმა გარემოებამაც შეუშალა: იგი ხან პლეიმეიქერად თამაშობდა, ხან მსროლელად. ერთ რომელიმე ამპლუაში რომ გარჯილიყო, ალბათ, უფრო მეტ სარგებელს მოგვიტანდა.</p><p><strong>- ტაირონ ელისი?</strong></p><p>- იგი ამპლუით მსროლელია. ევრობასკეტისთვის კი ისეთი კალათბურთელი გვსურდა, სხვადასხვა პოზიციებზე საჭიროებისამებრ რომ გამოვიყენებდით.</p><p><strong>- მეტ სათამაშო დროსა და შედეგს ველოდით ვლადიმერ ბოისასგან...</strong></p><p>- ვოვა გამოცდილი მოთამაშეა, თუმცა არ უნდა დავივიწყოთ, რომ მას მუხლის ჯვარედინი მყესის ოპერაცია აქვს გადატანილი. მსგავსი ოპერაცია 90-იან წლებში მეც გავიკეთე და მას მერე ძალიან გამიჭირდა ძველი კონდიციების დაბრუნება. თუმცა იმედი მაქვს, რომ ბოისა ნელ-ნელა ძველ ფორმას დაიბრუნებს. ნაკრებს მისი გამოცდილება ძალიან სჭირდება.</p><p><strong>- მაკედონიასთან მატჩმაც დაგვანახა, რომ მანამდე ნიკა ცქიტიშვილის მეტად დატვირთვაც შეიძლებოდა. </strong></p><p>- მაკედონელთა თამაში კარგად გვქონდა შესწავლილი და ვიცოდით, რომ ცქიტიშვილისთვის სივრცეები ხშირად გამოჩნდებოდა. ასეც მოხდა და ნიკამ საუკეთესო თამაში მაკედონიასთან უჩვენა. სხვა თამაშებში ცქიტიშვილსაც და მისი ამპლუის სხვა კალათბურთელებსაც არეალს მაქსიმალურად უზღუდავდნენ.</p><p><strong>- ბოლოს თორნიკე შენგელიაზე გკითხავთ, რომელიც ტურნირის ერთ-ერთ აღმოჩენად იქცა. </strong></p><p>- თორნიკე ახალგაზრდაა, თუმცა საკუთარი დამაჯერებელი გარჯით ბევრი გააკვირვა. მან დიდი წვლილი შეიტანა ბელგიასა და უკრაინასთან გამარჯვებებში. შენგელიას პოტენციალში კიდევ ერთხელ ყველა დარწმუნდა,რომ ახლა უფრო მეტი შრომა სჭირდება, რათა რეზერვი სრულად აამოქმედოს.</p><p><strong>ყოველდღიური სპორტული გაზეთი "ლელო"</strong></p>
-
zag
ძლივ პოზიტიური და თანაც რეალური კომენტარები საღი კრიტიკის თანხლებით არ ვნახე:)
-
dito
კოკოშკოვს მართლაცდა დიდი მადლობა უნდა ვუთხრათ. კოკოშკოვამდე საერთოდ გუნდი არ იყო, არანაირი სწორი თამაშის ელემენტები არ იგრძნობოდა კოკოშკოვამდე და მან გუნდი ჩამოაყალიბა, თუმცა ამ ჩემპიონატში ყოველთვის გუნდური თამაშის არქონით ვაგებდით. დადებითი მომენტები, რომელიც თქვენ აღნიშნეთ გამოწვეული იყო სწორედ გუნდური სწორი თამაშით რაც სამწუხაროდ არცთუ ხშირად ხდებოდა. სწორედ იმ მომენტებში ჩანდა რა შეუძლია საქართველოს ნაკრებს და როგორ უნდა ითამაშოს. არ შეიძლება ვილაპარაკოთ იმაზე, თუ მაკედონიასთან ბოლო მომენტში რა მოხდა. შეცდომა იმ მომენტში კი არ იყო არამედ პრობლემა უფრო ღრმაა. პრობლემა მანამდე იყო სანამ ბოლო წუთები დადგებოდა. პრობლემა იყო უბურთოდ არმოძრაობა,ბევრი ბურთის დაკარგვა,(კაცი არ იხსნებოდა პასს ვერ აძლევდნენ და ბურთი იკარგებოდა), პრობლემა იყო ის რომ სწრაფი შეტევები ვერ კეთდებოდა, პრობლემები იყო ზონურ დაცვაში. ამაზე არის ლაპარაკი საჭირო და არა იმაზე ის ვიღაც ზანგი ბოლო წამებში ჩააგდებს თუ არა. მთავარია სწორი თამაში და შედეგზე ამის მერე უნდა ვიფიქროთ. კალათბურთი რაღაცით ნარდსაც გავს სადაც შეიძლება ვიღაცამ დუშაშივით ისეთი ჩააგდოს თვითონაც გაუკვირდეს მაგრამ მარტო ბოლო დუშაშით ნარდსაც ვერ მოიგებ საჭიროა თვითონ თამაშის პროცესში სწორად მოქმედება, რომელიც კალათბურთში მწვრთნელმა უნდა დაარეგულიროს. მითუმეტეს თუ მოთამაშეები გყავს. ასეთი კითხვები უნდა დაუსვან კოკოშკოვს, მოუსმინონ თუ რა პასუხებს გასცემს კიდევ ვამბობ თუ კოკოშკოვი იტყვის თუ როგორ შეუძლია ამ პრობლემების მოგვარება და ფედერაციაში ჩათვლიან, რომ იგი შესძლებს და ეყოფა კომპეტენცია დარჩეს, მაგრამ თუ გადაწყვეტენ, რომ წავიდეს მაშინ ჯერ უკეთესი უნდა ვიპოვოთ და მერე გავუშვათ. თუმცა მე მაინც ვფიქრობ, რომ კოკოშკოვმა ბევრი გააკეთა მაგრამ ხუთეულში მოსახვედრად მას აშკარად კომპეტენცია არ ეყო. შეიძლება ფეოლაში რომ ახალი მწვრთნელი ლაპარაკობს ისე გამომივიდეს, მაგრამ ჩემი სუბიექტური აზრია ის რომ ბოისას და ასევე ფაჩულიას ტემპში არ უნდა ითამაშოს გუნდმა, არამედ საჭიროა უბურთოდ სწრაფი მოძრაობა და სწრაფი პასები. სწორედ ამ კუთხით უნდა გამოვლინდეს ცქიტიშვილის და შერმადინის პოტენციალი, როგორც შედარებით სწრაფი მაღალი უკანახაზელებისა. აქ სანიკიძეზე და შენგელიაზე საერთოდ ლაპარაკი არ არის, მათ მართლაც ამ კუთხით უდიდესი სარგებლის მოტანა შეუძლიათ. როცა მოთამაშე ბურთს მიიღებს ყველა უნდა ეცადოს რომ გაიხსნას და ბურთიან მოთამაშეს ყოველთვის უნდა ჰქონდეს შესაძლებლობა მინიმუმ 2 სხვადასხვა პასის გაკეთებისა. ბურთზე სწრაფად ვერავინ ვერ მოძრაობს და პასები თამაშის აჩქარების საუკეთესო საშუალებაა. ამის შემდეგაც აუცილებლად გამოჩნდება ხოლმე ბურთიანი თამაშის გაგრძელების და კარგ პოზიციაზე კაცის გაყვანის შესაძლებლობა.(მაგალითად როგორც ამას ფეხბურთში ბარსელონა აკეთებს) მაგრამ ამისათვის უბურთო მოთამაშეების სწორი და სწრაფი მოძრაობაა საჭირო. უბურთო მოთამაშეების სწორი და სწრაფი მოძრაობის მხრივ სამაგალითო იყო ესპანეთი. ესპანელების სწრაფი შეტევები სწორედ ასე ხორციელდებოდა და არა მარტო ბურთიანი კაცის სწრაფი სირბილით. მიმაჩნია, რომ ესპანეთმა სწორედ გუნდური თამაშით მოიგო თორემ ფრანგებზე უკეთესი მოთამაშეები არ ჰყავდათ.მეტიც მიმაჩნია, რომ ფრანგების წაგებაში ყველაზე მეტი როლი პარკერმა შეასრულა. გუნდური თამაშის დროს შეიძლება უფრო მეტი შედეგისათვის მიეღწიათ. ავიღოთ თუნდაც მაკედონიის მაგალითი. მათი წარმატების მიზეზი სწორედ გუნდურობა იყო. რაც შეეხება დაცვას, ზონური დაცვა მართლაც ეფექტური იარაღია, მაგრამ საჭიროა გუნდური თამაში, რათა ზონური დაცვა ეფექტურად ამოქმედდეს. შეუძლია ეს გააკეთებინოს გუნდს კოკოშკოვმა? შეუძლია ზემოთ ჩამოთვლილი და სხვა პრობლემების გამოსწორება? მე არ ვიცი, აქამდე ვერ შეძლო. თუმცა სანამ გაუშვებ უკეთესი მწვრთნელი უნდა მოძებნო.
-
dito
კოკოშკოვს მართლაცდა დიდი მადლობა უნდა ვუთხრათ, კოკოშკოვამდე საერთოდ გუნდი არ იყო, არანაირი სწორი თამაშის ელემენტები არ იგრძნობოდა კოკოშკოვამდე და მან გუნდი ჩამოაყალიბა და ყველა ქართველ მწვრთნელზე ორი თავით მაღლა დგას. თუმცა ამ ჩემპიონატში ყოველთვის გუნდური თამაშის არქონით ვაგებდით. დადებითი მომენტები, გამოწვეული იყო სწორედ გუნდური სწორი თამაშით რაც სამწუხაროდ არცთუ ხშირად ხდებოდა. სწორედ იმ მომენტებში ჩანდა რა შეუძლია საქართველოს ნაკრებს და როგორ უნდა ითამაშოს. არ შეიძლება ვილაპარაკოთ იმაზე, თუ მაკედონიასთან ბოლო მომენტში რა მოხდა. შეცდომა იმ მომენტში კი არ იყო არამედ პრობლემა უფრო ღრმაა. პრობლემა მანამდე იყო სანამ ბოლო წუთები დადგებოდა. პრობლემა იყო ის, რომ არ ხდებოდა უბურთო მოთამაშეების სწორი და სწრაფი მოძრაობა, ბევრი ბურთის დაკარგვა,(კაცი არ იხსნებოდა პასს ვერ აძლევდნენ და ბურთი იკარგებოდა), პრობლემა იყო ის რომ სწრაფი შეტევები ვერ კეთდებოდა, პრობლემები იყო ზონურ დაცვაში. ამაზე არის ლაპარაკი საჭირო და არა იმაზე ის ვიღაც ზანგი ბოლო წამებში ჩააგდებს თუ არა. მთავარია სწორი თამაში და შედეგზე ამის მერე უნდა ვიფიქროთ. კალათბურთი რაღაცით ნარდსაც გავს სადაც შეიძლება ვიღაცამ დუშაშივით ისეთი ჩააგდოს თვითონაც გაუკვირდეს მაგრამ მარტო ბოლო დუშაშით ნარდსაც ვერ მოიგებ საჭიროა თვითონ თამაშის პროცესში სწორად მოქმედება, რომელიც კალათბურთში მწვრთნელმა უნდა დაარეგულიროს. მითუმეტეს თუ მოთამაშეები გყავს. ასეთი კითხვები უნდა დაუსვან კოკოშკოვს, მოუსმინონ თუ რა პასუხებს გასცემს კიდევ ვამბობ თუ კოკოშკოვი იტყვის თუ როგორ შეუძლია ამ პრობლემების მოგვარება და ფედერაციაში ჩათვლიან, რომ იგი შესძლებს და ეყოფა კომპეტენცია დარჩეს, მაგრამ თუ გადაწყვეტენ, რომ წავიდეს მაშინ ჯერ უკეთესი უნდა ვიპოვოთ და მერე გავუშვათ. თუმცა მე მაინც ვფიქრობ, რომ კოკოშკოვმა ბევრი გააკეთა მაგრამ ხუთეულში მოსახვედრად მას აშკარად კომპეტენცია არ ეყო. შეიძლება ფეოლაში რომ ახალი მწვრთნელი ლაპარაკობს ისე გამომივიდეს, მაგრამ ჩემი სუბიექტური აზრია ის რომ ბოისას და ასევე ფაჩულიას ტემპში არ უნდა ითამაშოს გუნდმა, არამედ საჭიროა უბურთოდ სწრაფი მოძრაობა და სწრაფი პასები. სწორედ ამ კუთხით უნდა გამოვლინდეს ცქიტიშვილის და შერმადინის პოტენციალი, როგორც შედარებით სწრაფი მაღალი უკანახაზელებისა. აქ სანიკიძეზე და შენგელიაზე საერთოდ ლაპარაკი არ არის, მათ მართლაც ამ კუთხით უდიდესი სარგებლის მოტანა შეუძლიათ. როცა მოთამაშე ბურთს მიიღებს ყველა უნდა ეცადოს რომ გაიხსნას და ბურთიან მოთამაშეს ყოველთვის უნდა ჰქონდეს შესაძლებლობა მინიმუმ 2 სხვადასხვა პასის გაკეთებისა. ბურთზე სწრაფად ვერავინ ვერ მოძრაობს და პასები თამაშის აჩქარების საუკეთესო საშუალებაა. ამის შემდეგაც აუცილებლად გამოჩნდება ხოლმე ბურთიანი თამაშის გაგრძელების და კარგ პოზიციაზე კაცის გაყვანის შესაძლებლობა.(მაგალითად როგორც ამას ფეხბურთში ბარსელონა აკეთებს) მაგრამ ამისათვის უბურთო მოთამაშეების სწორი და სწრაფი მოძრაობაა საჭირო. უბურთო მოთამაშეების სწორი და სწრაფი მოძრაობის მხრივ სამაგალითო იყო ესპანეთი. ესპანელების სწრაფი შეტევები სწორედ ასე ხორციელდებოდა და არა მარტო ბურთიანი კაცის სწრაფი სირბილით. მიმაჩნია, რომ ესპანეთმა სწორედ გუნდური თამაშით მოიგო თორემ ფრანგებზე უკეთესი მოთამაშეები არ ჰყავდათ.მეტიც მიმაჩნია, რომ ფრანგების წაგებაში ყველაზე მეტი როლი პარკერმა შეასრულა. გუნდური თამაშის დროს შეიძლება უფრო მეტი შედეგისათვის მიეღწიათ. ავიღოთ თუნდაც მაკედონიის მაგალითი. მათი წარმატების მიზეზი სწორედ გუნდურობა იყო. რაც შეეხება დაცვას, ზონური დაცვა მართლაც ეფექტური იარაღია, მაგრამ საჭიროა გუნდური თამაში, რათა ზონური დაცვა ეფექტურად ამოქმედდეს. შეუძლია ეს გააკეთებინოს გუნდს კოკოშკოვმა? შეუძლია ზემოთ ჩამოთვლილი და სხვა პრობლემების გამოსწორება? მე არ ვიცი, აქამდე ვერ შეძლო. თუმცა სანამ გაუშვებ უკეთესი მწვრთნელი უნდა მოძებნო.
-
rojer
მადლობა გადაუხადეთ კოკოშკოვსა და მის შტაბს მთლიანად. გაითვალისწინეთ იგივე კალათბურთელები და უკეთესებიც ყავთ ზოგიერთ ქვეყნებს და უფრო ნაკლები შედეგები გააჩნიათ. მ ა დ ლ ო ბ ა კ ო კ ო შ კ ო ვ ს
-
zaza968
აქ არ იყო პრეტენზიები. გაჩნდა რაღაც კითხვები, რაზედაც მცვრთნელებმა უპასუხეს დამაჯერებლად.ეს არის ეს.მე მაგალითად დადებითად ვაფასებ ნაკრების გამოსვლას.
-
Giorgipirweli
რამდენიმე წლის წინ ვერც ვიოცნებებდით, რომ ევროპის ჩემპიონატზე საკუთარ ნაკრებს ვუგულშემატკივრებდით. ამ კაცმა გუნდი გუნდს დაანსგავსა, ევროპაზე გაიყვანა. იქ კიდევ ჯგუფიდან გავედით. მეტი რა გინდათ ამ რამდენიმე წელიწადში. ასეთ დიდ ტურნირს გამოცდილება უნდა. მოთამაშეებმაც და მწვრთნელმაც დიდი გამოცდილება მიიღეს. რატომ არ თამაშობდა ნაკრები პრესინგს? იმიტომ, რომ პრესინგი რომ ითამაშო, ჯერ ერთი სისწრაფეში და ტექნიკაში არ უნდა ჩამოუვარდებოდე მეტოქეს. მეორე, ყველა მოთამაშის სრულფასოვანი შემცვლელი უნდა გყავდეს იმიტომ, რომ პრესინგი დიდ ფიზიკურ დატვირთვას მოითხოვს და ჯარიმების მიღების ალბათობაც ბევრად დიდია. ისე, რომ დაანებეთ ამ კაცის კრიტიკას თავი. როცა იმ დონის გუნდი გვეყოლება, რომ კოკოშკოვი ჩვენს დონეს ვეღარ დააკმაყოფილებს, მაშინ მოვძებნოთ სხვა მწვრთნელი. ახლა კი მადლობა ვუთხრათ მწვრთნელსაც და მოთამაშეებსაც.
-
imeda
უნამუსობააა და მეტი არაფერი, უნდა ვიყოთ თანმიდევრულები. მიზანი იყო ჯგუფიდან გასვლა და შესრულებულია დიდი მადლობა ბიჭებს და მწვრთნელს. დანარჩენი მერე. ორი ტრამვირებული კალათბურთელი დავბრუნდით, ერთი თვე ვერ ითამაშებს ფაცჰულია, 6 თვე ვერ ითამაშებს გიორგი. დიდი მადლობა მათ და ყველას ასეთი თავდადებისთვის პლეიოფი დავგეგმოთ შემდეგისთვის. მჯობნის მჯობნს რა დალევს. კოკოშკოვის მოღვაწეობა საუკეთესოდ უნდა შეფასდეს
-
Dato
მარტო ამ კრიტიკიდანაც კარგად ჩანს რომ ჩვენ გულშემატკივრობის საერთოდ არაფერი გაგვეგება და არაფრის ღირსები არა ვართ,კაცმა 12 საუკეთესო გუნდში გაგვიყვანა რა გინდათ მეტი?რატო მოგინდებათ ხოლმე მაშინვე მსოფლიო ჩემპიონატის მოგება?წესით მაგარი საგინებლები ხართ ყველა ის ხალხი ვინც ან კოკოშკოვს ან ჩვენ რაგბისტებს აკრიტიკებთ მაგრამ ვინ გამომიქვეყნებს მერე კომენტარს,ეგრე რამ გაგაბოროტათ მაგას ვერ ვხვდები,ყველაფერი უნდა აკრიტიკოთ რა სხვანაირად არ შეგიძლიათ,ევროპის ჩემპიონატი რო მოგვეგო მაშინაც გინებას დაუწყებდით კოკოშკოვს "კალათბურთში ჩვენ ისეთი ტრადიციები გვაქ უფრო ლამაზად უნდა მოგვეგოო",მარა შეგნება რო არა აქ კაცს ელაპარაკე იმას რამდენიც გინდა,რა აზრი აქ რო?
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"წავაგეთ ნაკრებთან, რომელმაც კალათბურთის თამაში 12 თვის წინ დაიწყო" - რას წერენ ფრანგი გულშემატკივრები საქართველოსთან მარცხის შემდეგ?
შენგელია: გასაკვირია ჯიკიჩი ევროლიგის გუნდს რომ არ წვრთნის
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!