<p>მარსელის “ოლიმპკის” თავდამსხმელი ლოიკ რემი რამდენიმე საინტერესო თემის ირგვლივ ჟურნალისტებს გაესაუბრა <br> მარსელის “ოლიმპკის” კრიზისზე ფრანგული და არამარტო ფრანგული პრესა ბევრს წერს. თუმცა ძნელია გუნდის ცუდი თამაში ლოიკ რემის დააბრალო. “მარსელის” მიერ გატანილი 9 გოლიდან 4 ხომ სწორედ ამ თავდამსხმელის ანგარიშზეა.</p><p>ის რამდენიმე საინტერესო თემის ირგვლივ ჟურნალისტებს გაესაუბრა. ინტერვიუს მცირე შემოკლებით გთავაზობთ.</p><p><strong>- ლოიკ, როგორი შეგრძნებაა ყოველ შეხვედრაში გუნდის საუკეთესო ფეხბურთელად ყოფნა?</p><p></strong>- ყოველ მატჩში ვცდილობ, რომ 100%-ით დავიხარჯო, გუნდისთვის სასარგებლო საქმე ვაკეთო. სეზონის დაწყებიდანვე შეტევის წინა ხაზზე ვარ, სადაც აუცილებლად პროდუქტიული უნდა ვიყო. თუმცა მაინც ვერ ვიტყოდი, რომ ამ წუთას გუნდში საუკეთესო ვარ. მე ჯერ კიდევ შემიძლია, რომ თამაშს მოვუმატო. თანაც ამ ეტაპზე, გუნდში, რომელიც ნამდვილად არ არის საუკეთესო ფორმაში, ძნელია ვინმეს გამოყოფა.</p><p><strong>- დიდიე დეშამმა თქვა, რომ თქვენ “ევიანთან” 3 და 4 გოლის გატანაც კი შეგეძლოთ.</p><p></strong>- დიახ, დეშამი მართალია. “ევიანთან” რამდენიმე კარგი მომენტი მქონდა. ისე მოხდა, რომ უფრო უკეთესად უნდა მეთამაშა, ვიდრე საბოლოოდ გამომივიდა. მიუხედავად უმნიშვნელოვანესი გამარჯვებისა, გაბრაზების მიზეზი ნამდვილად მქონდა. მართალია, საუკეთესო თამაში ვერ ვაჩვენეთ, მაგრამ მთავარი იყო, რომ მოვიგეთ. იმედია, შემდეგ თამაშებში მომენტების რეალიზაციას უკეთესად მოვახერხებ. ეს რაღაცნაირი მატჩი იყო, მინდორზე რომ გამოვდიოდით, სერიოზულ წნეხს ვგრძობდით საკუთარ თავზე. მეც და სხვე ფეხბურთელებიც ყურადღებას ვაქცევდით გულშემატკივართა მიერ გადმოფენილ ბანერებს, გვესმოდა მათი შეძახილები. მოგების წყალობით მათ ძალიან გაიხარეს.</p><p><strong></p><p>- წელს გოლები მხოლოდ თავით გაგაქვთ. გახსოვთ, როგორ უნდა ამის გაკეთება ფეხით?</p><p></strong>- რა თქმა უნდა მახსოვს. თუმცა მართალია, რომ მხოლოდ თავით გამაქვს. სანამ ასეთ დარტყმებს შედეგი მოაქვს, საწუწუნო არაფერი მაქვს. თუმცა ფეხითაც რომ შეიძლება გატანა, ამას არ უარვყოფ.</p><p><strong></p><p>- თქვენ განაცხადეთ, რომ აპირებთ, მოედანზე უფრო ხისტი გახდეთ. რამდენად მოახერხებთ ამას?</p><p></strong>- ვცდილობ, განსხვავებულ საფეხბურთო ჩვევებს დავეუფლო, მათ შორის არის სიხისტე. მაგალითად “ლიონთან” ვცდილობდი უფრო აგრესიულად მეთამაშა, ვიდრე წინა შეხვედრებში. ამ მატჩში გოლკიპერთან ერთი-ერთზე ერთადერთხელ გავედი და ისიც მან მაჯობა, რაც შემდეგ ძალიან ვინანე, რადგან ვალდებული ვიყავი, უკეთესად მეთამაშა. უპირველეს ყოვლისა, ჩემი მიზანია, მეტოქის კართან თამაშში მოვუმატო.</p><p><strong></p><p>- რატომ არ გამოგდით გოლების მანქანად გადაქცევა?</p><p></strong>- ვფიქრობ, რაღაც პერიოდის შემდეგ გამომივა სტაბილურ ფორვარდად ქცევა. არ არის აუცილებელი ყოველ შეხვედრაში ერთი და იმავე შეცდომის დაშვება. საჭიროა, რომ ცივსისხლიან თავდამსხმელად ვიქცე და მეტოქის საჯარიმოში მოძრაობას მოვუმატო. რა თქმა უნდა, მე “მარსელის” მსხნელ-გადამრჩენელი არ ვარ, მაგრამ ვცდილობ, რაც კი შემიძლია საუკეთესო მივცე გუნდს, ვიყო უფრო სტაბილური. სიხისტესაც იმიტომ უნდა მოვუმატო, რომ შარშანდელი სეზონის დასრულების შემდეგ მითხრეს, ზედმეტად რბილი და მორიდებული იყავიო. ვარჯიშებზე ხშირად მითითებენ, რომ ბურთის ჩაჭრაზე მეტი უნდა ვიმუშაო. ვფიქრობ, თუკი ასეთ დეტალებს დავხვეწ, ჩემგან კარგი თავდამსხმელი დადგება.</p><p><strong></p><p>- როგორ აფასებთ თქვენი და მატიე ვალბუენას პროგრესს?</p><p></strong>- არ მიკვირს მასთან შეთამაშება რომ მოვახერხე. ადრე, როცა მე უფრო მარჯვენა ფლანგზე ვთამაშობდი ხოლმე, მასზე შეკითხვებს ხშირად მისვამდნენ. ახლაც იმავეს გავიმეორებ: მატიე მაღალი კლასის ფეხბურთელია. ამას გარდა ჩვენ მეგობრები ვართ მოედანს მიღმაც, ასე რომ, მოედანზეც მშვენივრად ვუგებთ ერთმანეთს.</p><p><strong></p><p>- ვარჯიშებზე თუ მუშაობთ ერთმანეთთან მეტად შეთამაშებაზე.</p><p></strong>- სპეციალურად ამისთვის არ ვვარჯიშობთ. უბრალოდ მას კარგი ჩაწოდებები აქვს, მე კი მომენტის გათვლა მეხერხება კარგად და საგოლე სიტუაციის დაგვირგვინება. საქმეც ის არის, რომ არანაირი დამუშავებული კომბინაციები არ გვაქვს. ყოველ ჯერზე შეიძლება განსხვავებულად მოვიქცეთ.</p><p><strong></p><p>- ბოლო კვირები გუნდის ცხოვრებაში განსაკუთრებით რთული იყო.</p><p></strong>- პირველად ხდება, რომ “მარსელში” ასეთ სიტუაციაში მოვხვდი, თუმცა ამის მსგავსი რამ “ნიცაშიც” გამომიცდია და “ლანსშიც”. გუნდში მშვენიერი ატმოსფეროა, რისი წყალობითაც სულიერად არ ვეცემით, არც ბრძოლის შეწყვეტას ვაპირებთ. ცხრილში ბოლო ადგილზე არ ვართ, მაგრამ ის, რაც ჩვენს თავს ხდება, წარმოუდგენელია. ამ შემადგენლობით, რაც გვყავს, დაუშვებელია ასე ვთამაშობდეთ.</p><p><strong></p><p>- ფიზიკური მომზადების კუთხით მზად ხართ ლამის ყოველ მესამე დღეს სათამაშოდ?</p><p></strong>- დიახ. მე ფორმაში ვარ და ამისთვის მზად გახლავართ. თუკი მწვრთნელი ყოველ შეხვედრაში გადაწყვეტს ძირითადში ჩემს დაყენებას, წინააღმდეგი არ ვიქნები. იმედი მაქვს, რომ დედეც (ჟინიაკი) მალე შევა ფორმაში. კარგია, რომ მოიძებნებიან ფეხბურთელები, რომლებიც მზად არიან საჭირო მომენტში შეგცვალონ.</p><p><strong>ყოველდღიური სპორტული გაზეთი "ლელო"</strong></p>
პსჟ-ს ტრავმის გამო კიდევ ერთი ფეხბურთელი გამოაკლდა
"სიტი" პსჟ-ს კიდევ ერთი ვარსკვლავის გადაბირებას ცდილობს
"ზაბარნის ყველაფერში დავეხმარები" - მარკინიოსმა უკრაინელ მცველს თანადგომა აღუთქვა
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ