მარიაზე შური იძიეს

ტოკიოს სუპერტურნირის ნახევარფინალში პოლონელმა აგნიეშკა რადვანსკამ ბელარუს ვიქტორია აზარენკას სამ სეტში სძლია გუშინ, ტოკიოს სუპერტურნირზე ფინალისტები გამოვლინდნენ. პოლონელმა აგნიეშკა რადვანსკამ სამსეტიან ბრძოლაში დაამარცხა ვიქტორია აზარენკა, ვერა ზვონარევამ კი ორ სეტში მოუგო პეტრა კვიტოვას და თუ ფინალშიც გაიმარჯვებს, რეიტინგის მეორე პოზიციაზე დაბრუნდება.კვიტოვამ და ზვონარევამ, რომლებსაც გუშინდელ მატჩამდე სეტი არ ჰქონდათ წაგებული, წელს უკვე ორჯერ მოასწრეს ერთმანეთში თამაში. ორივე შეხვედრამ იოლ ბრძოლაში ჩაიარა: მელბურნის ჰარდზე რუსმა 6:2, 6:4 მოიგო, მადრიდის გრუნტზე კი ძლიერი ჩეხი აღმოჩნდა - 6:1, 6:4.ამ ნახევარფინალის დასაწყისში კვიტოვას სერიოზული სათამაშო უპირატესობა ჰქონდა, რაც ანგარიშშიც გამოიხატა. ჩეხმა ინიციატივა მოიპოვა და ძალიან ძლიერად უტევდა, საერთოდ კი დაახლოებით ისეთ სტილში თამაშობდა, როგორც წლევანდელ ტრიუმფალურ უიმბლდონზე. ზვონარევას კი პირველივე გეიმებიდან არ წაუვიდა თამაში და უამრავი შეცდომა დაუშვა. მაგრამ 4:0-ზე კვიტოვა ოდნავ მოდუნდა, ტემპს უკლო და ამან რუს ჩოგბურთელს ბრძოლაში ჩაბმის საშუალება მისცა.თანდათან იმატა გრძელი გათამაშებების რიცხვმა, რაც რუს ჩოგბურთელს აძლევდა ხელს. თუმცა ისე ჩანდა, რომ პირველი პარტიის გადარჩენა არ მოხერხდებოდა.ბრეიკის გაკეთების შემდეგ ზვონარევამ დაძაბულ ბრძოლაში ისევ წააგო თავისი მოწოდება და კვიტოვამ ოთხგეიმიანი უპირატესობა აღადგინა - 5:1. მაგრამ პეტრამ ორჯერ ვერ ჩააწოდა სეტზე, სამი მატჩბოლიც გაანიავა და საქმე ტაი-ბრეიკამდე მივიდა, სადაც უკვე ფსიქოლოგიური უპირატესობა რუსის მხარეს იყო - 7:2.მეორე სეტის დასაწყისში კვიტოვამ ზედიზედ ორ გეიმში ორმაგი ბრეიკ-პოინტი მიიღო, მაგრამ სიზუსტე არ ეყო ამ შანსების გამოსაყენებლად. თანაც ჩეხს მოწოდებაც აღარ ჰქონდა ისეთი ძლიერი, როგორც პირველ სეტში. საბოლოოდ, ზვონარევამ მეორე სეტი “მშრალი” ანგარიშით მოიგო და საათნახევარში მოიპოვა ფინალის საგზური.* * *ფინალის მეორე საგზური ვიქტორია აზარენკამ და აგნიეშკა რადვანსკამ გაითამაშეს. მათ შორის მატჩები, როგორც ყოველთვის, დაძაბული გამოდის, მაგრამ უფრო ხშირად ბელარუსი ჩოგბურთელი იმარჯვებს - ხუთი ორის წინააღმდეგ. ბელარუსმა წელსაც მოუგო პოლონელს - ინდიან უელსში მესამე წრის მატჩის მესამე სეტის ტაი-ბრეიკზე.ამ მატჩმაც ბრძოლაში ჩაიარა. აზარენკა თავის სტილში მოქმედებდა - ბევრს უტევდა და შეცდომებსაც უშვებდა (“ვინერსებიც” და უნებლიე შეცდომებიც მეტოქეზე თითქმის 30-ით მეტი ჰქონდა). რადვანსკას თავისი იარაღი აქვს - მან იცის დაცვაში კარგი მოქმედება და ბურთის თამაშში დატოვება. ის კარგად ფლობს კომბინაციურ ჩოგბურთს. რა თქმა უნდა, ამ ასპექტში ბევრად ჩამორჩება კომბინაციური სტილის საუკეთესო მოთამაშეს მარტინა ჰინგისს, მაგრამ ბევრი გათამაშება მისი შესრულებით მართლაც საინტერესოდ გამოიყურება. მოკლედ, ხან რადვანსკა ახერხებდა თამაშის ტემპის დაგდებასა და კომბინაციების მოფიქრებას, ხან აზარენკას გამოსდიოდა ძლიერი მოწოდებები და დარტყმები.პირველ და მეორე სეტებში აზარენკა სტარტზევე აკეთებდა ბრეიკს, მაგრამ შემდეგ რადვანსკა ახერხებდა ანგარიშის გათანაბრებას და წინ გასვლას. თუმცა ეს მხოლოდ პირველ პარტიაში აღმოჩნდა საკმარისი გამარჯვებისთვის, მეორეში კი აგნიეშკამ ვერ შეინარჩუნა ორგეიმიანი უპირატესობა და 4:2 4:6-ად იქცა. მაგრამ ვიქტორიამ გადამწყვეტ პარტიაში წარმატების განვრცობა ვერ მოახერხა. დარტყმებს, რომლებიც მეორე სეტში მიზანში ხვდებოდა, ამჯერად ან ბადე ეღობებოდა ან აუტში გადადიოდა. საბოლოოდ, რადვანსკამ ორი ბრეიკი გააკეთა, რომელთა გაბათილება აზარენკამ ვერ მოახერხა - 6:3, 4:6, 6:2 რადვანსკას სასარგებლოდ.WTAToray Pan Pacific Openტოკიო (იაპონია). ჰარდი1/2 ფინალივერა ზვონარევა (რუს, 4)-პეტრა კვიტოვა (ჩეხ, 5) 7:6(2), 6:0; აგნიეშკა რადვანსკა (პოლ, 9)-ვიქტორია აზარენკა (ბლრ, 3) 6:3, 4:6, 6:2.ყოველდღიური სპორტული გაზეთი "ლელო"

[PHOTO] პირველი ქალი ჩოგბურთელი, რომელმაც მკერდი გაიდიდა - ფრანგმა გოგონამ მიზეზი ახსნა

სენსაციებით დატვირთული დღე შანხაიში - ტურნირს რამდენიმე ვარსკვლავი ერთიანად გამოეთიშა

ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა

"იმედი მაქვს, "ბარსელონაში" დავრჩები" - მარკუს რაშფორდი

შენგელიას 13 ქულა და "ბარსელონას" საშინაო მარცხი "ჟალგირისთან"

საქართველო - მოლდოვა | ქალთა ნაკრებმა მატჩისწინა ვარჯიში გამართა

მესიმ "ინტერ მაიამისთან" კონტრაქტი გაახანგრძლივა

"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა

2 წელზე მეტი გავიდა - პოგბა მოედანზე დაბრუნებასთან ახლოსაა

მძიმე ტრავმის შემდეგ ჯამალ მუსიალამ ვარჯიში დაიწყო

ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა

საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს

ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა

[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"

ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს

[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე

"თოფურია ყალბია. ის ქართველიც კი არ არის, გერმანიაში დაიბადა და გერმანელია" - პიმბლეტმა Marca-ს ეთერიდან თოფურია გამოიწვია

[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა

"ბარსელონამ" შეიძლება ტერ შტეგენი სხვა კლუბში გაუშვას

"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს

ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს

"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა

გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა