ვოზნიაცკის რევანში

აზარენკას ტრავმის შემდეგ კაროლინ ვოზნიაცკი ერთადერთია რეიტინგის ტოპ-ათეულიდან, რომელიც პეკინში სატურნირო ბადეს შემორჩა გუშინ, პეკინის ტურნირზე ყველა მეოთხედფინალისტი გაირკვა. ერთმა ჩოგბურთელმა ამ ეტაპზე უბრძოლველად გააღწია. ბელარუსმა ვიქტორია აზარენკამ აქილევსის მყესის დაზიანების გამო ვერ შეძლო ანასტასია პავლიუჩენკოვას წინააღმდეგ კორტზე გასვლა და რუსმა შემდეგ ეტაპზე ანდრეა პეტკოვიჩთან თამაშის უფლება მიიღო, რომელმაც წინა დღეს დაამარცხა მარიონ ბარტოლი.როგორც იცით, გერმანელისთვის ყოველი მოგება მნიშვნელოვანია წლის შემაჯამებელ ტურნირზე მოხვედრის მხრივ. ის დაახლოებით 300 ქულით ჩამორჩება მერვე ადგილზე მყოფ ბარტოლის და მას მხოლოდ იმ შემთხვევაში გაასწრებს, თუ პეკინში ფინალში თამაშის უფლებას მოიპოვებს. გარდა ამისა, საჩემპიონო რბოლაში პეტკოვიჩზე ოდნავ წინ არის აგნიეშკა რადვანსკა. პოლონელს საათნახევარიც არ დასჭირდა შვედი სოფია არვიდსონის დასამარცხებლად - 6:4, 6:2 და ახლა კარგ ფორმაში შესულ ანა ივანოვიჩს შეხვდება.მოულოდნელია მეოთხედფინალში რუმინელი მონიკა ნიკულესკუს ხილვა. რუმინელმა, რომელმაც ტურნირის სტარტზე ნა ლის მოუგო, ამჯერად ვირჟინ რაზანოს ბარიერი გადალახა. ფრანგმა მოიგო მარათონული პირველი სეტი, რომელიც საათზე მეტ ხანს გრძელდებოდა, მაგრამ შემდეგ ნიკულესკუმ ძალიან ბევრი შეცდომა დააშვებინა მეტოქეს და მომდევნო ორ სეტში მხოლოდ სამი გეიმი მისცა რაზანოს - 4:6, 6:1, 6:2. საინტერესოა, რომ ამ მატჩის მონაწილეები პეკინის ძირითად ბადეში კვალიფიკაციის გავლით მოხვდნენ. ნიკულესკუ დღეს რუს მარია კირილენკოს შეხვდება და ეს გახლავთ რუმინელის კარიერაში პირველი მეოთხედფინალი "პრემიერის" კატეგორიის ტურნირებზე.ვიქტორია აზარენკას ტრავმის შემდეგ კაროლინ ვოზნიაცკი ერთადერთია რეიტინგის ტოპ-ათეულიდან, რომელიც სატურნირო ბადეს შემორჩა. ის კვლავ ესტონელ კაია კანეპის ხვდებოდა, ვისათანაც ერთი კვირის წინ ტოკიოში სამ სეტში წააგო.კანეპის ამჯერადაც ჰქონდა ორივე სეტში წარმატების მიღწევის შანსი, მაგრამ ის ვერ გამოიყენა. ესტონელმა რამდენიმე ბრეიკ-პოინტი გაანიავა, 3:4-ზე კი საკუთარი მოწოდება წააგო - გეიმი ორმაგი შეცდომით დაასრულა. ამის შემდეგ კანეპიმ კიდევ ერთი ბრეიკ-პოინტი ვერ გამოიყენა და 3:6 დამარცხდა.მეორე პარტია ბრეიკების გაცვლით დაიწყო, მაგრამ მალე ვოზნიაცკიმ კიდევ ერთხელ აიღო მეტოქის მოწოდება. ისევ დაფიქსირდა 5:3, თუმცა დანიელმა ამჯერად ვერ მოახერხა პარტიის მშვიდად მოგება. მატჩბოლის მოგერიების შემდეგ კაიამ ანგარიში გაათანაბრა და საქმე ტაიმ-ბრეიკამდე მიიყვანა. თუმცა გადამწყვეტ მომენტში ესტონელი მოდუნდა და კაროლინმა გამარჯვება მოიპოვა. მატჩის სტატისტიკა პროგნოზირებადი იყო - კანეპის მეტი "ვინერსი" და უნებლიე შეცდომა ჰქონდა, მაგრამ შეცდომებმა კარგი დარტყმები გადაწონა.ვოზნიაცკის შემდეგი მეტოქე ფლავია პენეტა იქნება. იტალიელმა დომინიკა ციბულკოვა დაამარცხა, რომელმაც მანამდე იოლად დაამარცხა მეორე იტალიელი ფრანჩესკა სკიავონე (6:2, 6:2). თუმცა ამჯერად სლოვაკმა სუსტი მატჩი ჩაატარა და ძალიან ბევრი შეცდომა დაუშვა. მეორე სეტში მან თითქოს იპოვნა თავისი თამაში, მაგრამ ეს დიდხანს არ გაგრძელებულა, ფლავიამ კი მთელი მატჩი სტაბილურად მაღალ დონეზე წარმართა და სამ სეტში გაიმარჯვა - 6:1, 4:6, 6:4.WTAChina Openპეკინი (ჩინეთი). ჰარდისაპრიზო ფონდი: 4 500 000 დოლარი1/8 ფინალიანასტასია პავლიუჩენკოვა (რუს, 13)-ვიქტორია აზარენკა (ბლრ, 2) უარი; მონიკა ნიკულესკუ (რუმ)-ვირჟინ რაზანო (საფ) 4:6, 6:1, 6:2; მარია კირილენკო (რუს)-ტამირა პაჩეკი (ავსტრია) 6:1, 6:2; აგნიეშკა რადვანსკა (პოლ, 11)-სოფია არვიდსონი (შვედ) 6:4, 6:2; ფლავია პენეტა (იტა)-დომინიკა ციბულკოვა (სლოვაკ) 6:1, 4:6, 6:4; კაროლინ ვოზნიაცკი (დან, 1)-კაია კანეპი (ესტ) 6:3, 7:6(3).1/4 ფინალივოზნიაცკი (1)-პენეტა; ივანოვიჩი-რადვანსკა (11); კირილენკო-ნიკულესკუ; პავლიუჩენკოვა (13)-პეტკოვიჩი (9).ATPChina Openპეკინი (ჩინეთი). ჰარდისაპრიზო ფონდი: 2 100 000 დოლარი1/8 ფინალიმარინ ჩილიჩი (ხორ)-ფაბიო ფონინი (იტა) 6:2, 6:7(1), 6:3; ჟო-ვილფრიდ ცონგა (საფ, 1)-ჟე ჟანგი (ჩინ) 6:3, 6:4; კევინ ანდერსონი (ს. აფრ)-ალბერტ მონტანიესი (ესპ) 7:6(3), 7:6(4); ხუან კარლოს ფერერო (ესპ)-მარსელ გრანოლერსი (ესპ) 6:4, 6:4.1/4 ფინალიცონგა (1)-ფერერო; ბერდიხი (3)-ვერდასკო; ლუბიჩიჩი-იუჟნი; ანდერსონი-ჩილიჩი.Japan Openტოკიო (იაპონია). ჰარდისაპრიზო ფონდი: 1 100 000 დოლარი1/8 ფინალიენდი მიურეი (ბრიტ, 2)-ალექს ბოგომოლოვი (აშშ) 6:1, 6:2; დავიდ ფერერი (ესპ, 3)-მეტიუ ებდენი (ავსტრა) 4:6, 6:2, 6:2; რაფაელ ნადალი (ესპ, 1)-მილოშ რაონიჩი (კან) 7:5, 6:3; დავიდ ნალბანდიანი (არგ)-ივან დოდიგი (ხორ) 7:6(2), 6:2; სანტიაგო ხირალდო (კოლ)-დმიტრი ტურსუნოვი (რუს) 6:4, 7:6(4).1/4 ფინალინადალი (1)-ხირალდო; ფიში (4)-ტომიჩი; შტეპანეკი (7)-ფერერი (3); ნალბანდიანი-მიურეი (2).ყოველდღიური სპორტული გაზეთი "ლელო"

ბასილაშვილი მონაკოშია და ძალიან პრესტიჟული მასტერსის ძირითად ბადეში გადასვლელად იბრძოლებს

ბასილაშვილის მორიგი შესანიშნავი მატჩი - ნიკა მაიამის მასტერსის ძირითად ბადეშია

მეტოქეს მხოლოდ 4 გეიმი დაუთმო - ბასილაშვილი ნელ-ნელა ფორმას უბრუნდება და მაიამის მასტერსის ძირითადი ბადისთვის იბრძვის

17-წლამდე ვაჟთა ნაკრები სან მარინოში მიემგზავრება

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა