<p>გერმანიის ნაკრებმა დანაპირები შეასრულეს და სტამბოლში ევრო 2012-ის საგზურისთვის მებრძოლ თურქეთს 3:1 მოუგეს <br> ბუნდესგუნდს ევროპის ჩემპიონატის საგზური თურქეთთან მატჩამდეც განაღდებული ჰქონდა, მაგრამ მიუხედავად ამისა, გერმანელები ბოლო ორ მატჩში საჩუქრების ჩამორიგებას არ აპირებდნენ.</p><p>იოახიმ ლიოვმა და მისმა შეგირდებმა დანაპირები შეასრულეს და სტამბოლში ევრო 2012-ის საგზურისთვის მებრძოლ თურქეთს 3:1 მოუგეს. ამით დამტკიცდა, რომ გერმანიის ნაკრები მაშინაც მაქსიმალურად მოტივირებულია, როცა ეს არ არის საჭირო.</p><p>ახლა თურქეთის ნაკრების ბედი გერმანელთა ხელშია და ლიოვიც და ბუნდესგუნდის ფეხბურთელებიც თურქებს დაპირდნენ, რომ ბელგიასაც დაამარცხებენ.</p><p>ბოლო ტურში თურქეთი აზერბაიჯანს მასპინძლობს და ეჭვი არავის ეპარება, რომ მოუგებს. მაგრამ თუ მეორე ადგილზე მყოფმა ბელგიამ გერმანიიდან სამი ქულის წაღება შეძლო, თურქები ევროპის ჩემპიონატს დაემშვიდობებიან, თუმცა ეს ალბათ არ მოხდება, რადგან გერმანია დიუსელდორფში, ბელგიასთანაც მაქსიმალური კონცენტრაციით ითამაშებს - ლიოვს და მის რაზმს მეათე მატჩშიც მხოლოდ გამარჯვება და შესარჩევი ციკლის ასპროცენტიანი შედეგით (10 მოგება) დამთავრება უნდა.</p><p>"ბელგიას ძალიან კარგი გუნდი ჰყავს, უამრავი ახალგაზრდა ტალანტით, მაგრამ რაც არ უნდა მოვინდომო, ვერ წარმოვიდგენ, რომ ბელგიის ნაკრები გერმანიაში მოიგებს," - განაცხადა თურქეთის ნაკრების თავკაცმა გუუს ჰიდინკმა ბუნდესგუნდთან განცდილი მარცხის შემდეგ. თურქების თავკაცი ლიოვმაც დააიმედა, ბოლო შეხვედრასაც სერიოზულად მივუდგებითო: "ადრეც ვთქვი და კიდევ ერთხელ გავიმეორებ, რომ ჩვენი მიზანი ჯგუფში ათივე თამაშის მოგებაა. ბელგიას ვერაფერს ვაჩუქებთ."</p><p><strong>იოგიმ კროოსი და გიუნდოგანი დაიმატა</strong></p><p>ლიოვი არც საკადრო ექსპერიმენტებს აპირებს და ბელგიასთან მატჩისთვის მხოლოდ ორი ფეხბურთელი, "ბაიერნელი" ტონი კროოსი და დორტმუნდელი ილქაი გიუნდოგანი დაიმატა.</p><p>აღსანიშნავია, რომ ლიოვს კროოსის გამოძახება თურქეთთან მატჩისთვისაც სურდა, მაგრამ იძულებული გახდა, მასზე უარი ეთქვა, რადგან ტონის გრიპი ჰქონდა. გიუნდოგანის გამოძახება კი ბუნდესმწვრთნელმა გერმანიის ახალგაზრდული ნაკრების თავკაც რაინერ ადრიონს ორი კვირის წინ შეუთანხმა.</p><p>"იოახიმ ლიოვმა ჯერ კიდებ "აუგსბურგთან" თამაშის წინ დამირეკა და შემატყობინა, რომ "ბელგიასთან" შეხვედრისთვის ჩემი გამოძახება სურდა. მას მერე მთელი ღამე გერმანიის ეროვნული გუნდის ფორმა მესიზმრება," - ეს 20 წლის გიუნდოგანის სიტყვებია, რომელიც, შესაბამისად, 21-წლამდელთა ბუნდესნაკრებს სან მარინოსთან შეხვედრაში დააკლდება.</p><p>"ილქაი ლუის ჰოლტბისთან ერთად გაფართოებულ სიაშია და მეც და ლიოვსაც გვინდა, რომ ნაკრებს ნელ-ნელა შეეჩვიოს. გიუნდოგანმა</p><p>"ნიურნბერგიდან" დორტმუნდის "ბორუსიაში" გადასვლით წინ კიდევ ერთი ნაბიჯი გადადგა და ფაქტია, რომ ნელ-ნელა პირველ ნაკრებსაც უნდა შევაჩვიოთ. დარწმუნებული ვარ, რომ ილქაი იოგის იმედებს გაუმართლებს, მან ბუნდესგუნდში გამოძახება ნამდვილად დაიმსახურა," - ამბობს ადრიონი.</p><p>სამაგიეროდ, დიუსელდორფში ბელგიასთან შეხვედრისთვის კითხვის ნიშნის ქვეშაა გერმანიის ნაკრების ორი წამყვანი ფეხბურთელის ასპარეზობა: ლიოვმა თქვა, მესუთ იოზილი ალბათ ითამაშებს, აი, მიროსლავ კლოზე კი სავარაუდოდ ვერაო.</p><p>ამასთან, იოგიმ გადაწყვიტა, მარიო გიოტცე დაასვენოს - ამ უკანასკნელმა გერმანიის ნაკრები უკვე დატოვა და დორტმუნდში დაბრუნდა. რაც შეეხება იოზილს: მან გუშინ გუნდთან ერთად ივარჯიშა და უარყო გავრცელებული ხმები იმის შესახებ, თითქოს ლიოვს სპეციალურად სთხოვა, რომ თურქეთთან შეხვედრაში (გასაგები მიზეზის გამო) მოედანზე არ გაეყვანა.</p><p>"ვინც მიცნობს, ისიც იცის, რომ ასეთ რამეს არ გავაკეთებდი. გერმანიის ნაკრებში თამაში ჩემთვის ძალიან საამაყოა და სტამბოლის პუბლიკის ნამდვილად არ შემშინებია," - უთხრა მესუთმა "კიკერს".</p><p><strong>ყოველდღიური სპორტული გაზეთი "ლელო"</strong></p>
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
ბუნდესლიგის გუნდებმა მიმდინარე სეზონში 3 ტურის შემდეგ უკვე მეორე მწვრთნელი დაითხოვეს
ერიკსენი კარიერას "ვოლფსბურგში" გააგრძელებს
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ