- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
იტალია უცხოელს ისევ ვერ ეგუება
<p>დღეს, იტალიის ნაკრები ჩრდილოეთ ირლანდიის უმთავრეს გუნდს უმასპინძლებს და ამით, ევროპის ჩემპიონატის შესარჩევ ეტაპსაც დაასრულებს <br> დღეს, იტალიის ეროვნული ნაკრები ჩრდილოეთ ირლანდიის უმთავრეს გუნდს უმასპინძლებს და ამით, ევროპის ჩემპიონატის შესარჩევ ეტაპსაც დაასრულებს.</p><p>უკანასკნელი შეხვედრა სატურნირო ინტრიგას მოკლებულია, მაგრამ აპენინელ ჟურნალისტებში მაინც ცხოველ ინტერესს იწვევს. ყველას აინტერესებს, როგორ დაასრულებს ციკლს "სკუადრა აძურა" და ვის დააყენებს ძირითად შემადგენლობაში ჩეზარე პრანდელი.</p><p>ცალკე სალაპარაკო თემაა პაბლო ოსვალდო, რომელიც თავის დებიუტს ელოდება იტალიის ნაკრებში და ერთი სული აქვს, როდის გავა მინდორზე. ჯერ პრანდელის გადავცეთ სიტყვა, შემდეგ კი ოსვალდოს თემასაც მივუბრუნდებით:</p><p>"შესარჩევი ეტაპი აუცილებლად გამარჯვებით უნდა დავასრულოთ და საამისოდ ყველაფერს გავაკეთებთ. მთლიანობაში, განვლილი ბატალიებით კმაყოფილი ვარ და ვფიქრობ, რომ შესარჩევის პირველი შეხვედრიდან დღემდე უდიდესი პროგრესი განვიცადეთ.</p><p>დღეს, იტალიის ნაკრები გაცილებით უფრო ახლოა იმ გუნდთან, რომელიც მე მსურდა რომ მეხილა. უკვე ტოლსწორად ვეპაექრებით თანამედროვეობის საუკეთესო გუნდებს, მაგალითად ესპანეთს და გერმანიას. რაც შეეხება ჩრდილოეთ ირლანდიასთან პაექრობას, შემადგენლობაში ცვლილებები იქნება, რათა სხვა ფეხბურთელებსაც დავაკვირდე და სხვადასხვა ვარიანტები გამოვცადო".</p><p>ჩეზარე პრანდელიმ იმ გეგმების შესახებაც ისაუბრა, რომელიც ევროპის ჩემპიონატის დაწყებამდე აქვს გაწერილი: "არაერთ ამხანაგურ პაექრობას გავმართავთ და ვეცდებით, რომ შემადგენლობა კიდევ უფრო შევათამაშოთ. ბურთის კიდევ უკეთესად კონტროლია საჭირო და ამ კომპონენტზე გამუდმებით ვმუშაობთ.</p><p>ამასთან, სერია A-ს თითოეული ტურის თითოეულ პაექრობას ყურადღებით შევისწავლით და შევეცდებით, რომ ახალი ფეხბურთელები აღმოვაჩინოთ. მთავარია, რომ ევროფორუმზე დაბალანსებული შემადგენლობით გავემგზავროთ, რომელიც ტურნირს ფიზიკურად კარგად მომზადებული შეხვდება".</p><p>ზემოთ დაგპირდით, რომ ოსვალდოს თემას მივუბრუნდებოდით და ეს საქმე აუცილებლად უნდა გავაკეთოთ. არგენტინელმა თავდამსხმელმა პირველად მიიღო მიწვევა იტალიის ეროვნულ ნაკრებში, დათანხმდა და სერბეთში "აძურასთან" ერთად გაემგზავრა. მართალია, შეხვედრაში მონაწილეობა არ მიუღია, მაგრამ სავარაუდოდ, მისი დებიუტი სწორედ დღევანდელ პაექრობაში შედგება.</p><p>ეს ყველაფერი კარგი, მაგრამ ოსვალდოს გაიტალიელებას აპენინებზე ცუდად შევხვდნენ და ეს თემა დღეს პრესაშიც ერთ-ერთი ყველაზე აქტუალურია. ერთ-ერთ წინა ნომერში გაგაცანით თუ როგორ გააკრიტიკა ჩეზარე მალდინიმ მისი სეხნია და დასძინა, არ მესმის რატომ იძახებს არგენტინელს, როდესაც მასზე უკეთესო ფორვარდები თავზე საყრელად გვყავსო.</p><p>პრანდელიმ მალდინის ნათქვამს ყურადღება არ მიაქცია, მაგრამ როდესაც ნახევარი ქვეყანა გადაგიდგება, გინდა, არ გინდა, კომენტარი მაინც უნდა გააკეთო. პრანდელიმ თავისი სათქმელი უკვე თქვა, მაგრამ სანამ სიტყვას გადავცემდეთ, ოსვალდოს გაიტალიელების კიდევ ერთ მოწინააღმდეგეს, მარჩელო ლიპის მოვუსმინოთ:</p><p>"ჩეზარე პრანდელის "აძურა" ძალიან მომწონს და დიდი იმედი მაქვს, რომ ეს გუნდი უმაღლეს მიზნებს მიაღწევს. რაც შეეხება იტალიის ნაკრებში პაბლო ოსვალდოს გამოძახებას, ჩემი აზრით, პრანდელის საქმეებში არ უნდა ჩევრიოთ და მას სრული თავისუფლება უნდა მივცეთ.</p><p>თუმცა, პირადად მე პაბლოს არ გამოვიძახებდი, რადგან ის იტალიელ თავდამსხმელებს არაფრით ჯობია. შესაძლოა ვინმემ კამორანეზის გამოძახება გამახსენოს, მაგრამ შეგახსენებთ, რომ მაურომ "აძურაში" გამოძახება მხოლოდ მას შემდეგ დაიმსახურა, როდესაც წლები გაატარა იტალიაში და კალჩოსთან სრული ადაპტაცია გაიარა".</p><p>ლიპიმ ერთობ მოულოდნელი განცხადება გააკეთა, რითიც შესაძლოა გულშემატკივართა გულების მოგებასაც ცდილობს. ტიფოზებმა შეძლეს და ჩააღწიეს სერბეთში, სადაც ოსვალდოს სპეციალური ბანერი გამოუკიდეს წარწერით: "არ გერჩით, მაგრამ სხვა ხარ"... ამით, ტუფოზებმა ერთგვარი ტაქტი დაიცვეს, მაგრამ მეორე მხრივ, ოსვალდოს გაიტალიელებასთან დაკავშირებით მკაფიო უარყოფითი პოზიცია დააფიქსირეს.</p><p>საერთოდ, იტალიაში ასეთ ფაქტებს საკმაოდ მტკივნეულად იღებენ - მათ ჯერ კიდევ ვერ მიიღეს ტიაგო მოტა და ეს მიუხედავად იმისა, რომ "ინტერის" შუახაზელმა სლოვენიის ეროვნულ ნაკრებთან გამარჯვების გოლი გაიტანა.</p><p>ამასთან, მოტა ძალიან ხშირად იმეორებს იმას, რომ წინაპრები აპენინელები ჰყავს და თავსაც იტალიელად თვლის, თუმცა საქმეს არც ეს შველის. ცალკე სალაპარაკო თემაა კრისტიან ლედესმა, რომელმაც თავისი სადებიუტო შეხვედრა იტალიის ნაკრებში პირწმინდად ჩააგდო - მიზეზად კი შემდეგი განაცხადა: ასეთი ობსტრუქციის ფონზე წარმატებით თამაში შეუძლებელიაო. რა ბედი ელის "აძურაში" პაბლო ოსვალდოს, რთული სათქმელია - თუმცა, პრანდელი ოპტიმისტურ კომენტარს აკეთებს:</p><p>"ოსვალდო შესანიშნავი ფეხბურთელია, კარგი საგოლე ალღო აქვს და უბურთოდაც ბევრს მოძრაობს. ამასთან, ჯერ მხოლოდ 25 წლის არის</p><p>და კიდევ დიდ ხანს ითამაშებს უმაღლეს დონეზე. რაც შეეხება მის წარმომავლობას, ამაზე საუბარი XXI საუკუნეში უბრალოდ სასაცილოა. ასეთი რამ უკვე აღარსად ხდება და მხოლოდ ჩვენ ვართულებთ ყველაფერს. რა მნიშვნელობა აქვს სად დაიბადა და სად გაიზარდა ადამიანი - თუ მას ქვეყნის პასპორტი აქვს, ნაკრებში თამაში სურს და იმსახურებს კიდეც, ეს შანსი აუცილებლად უნდა მივცეთ".</p><p>პრესასთან კომენტარი თავად ოსვალდომაც გააკეთა: "კიდევ ერთხელ ვიტყვი, რომ თავს იტალიელად ვთვლი. ყველაფერს რომ თავი დავანებოთ, ცოლი მყავს აქაური და შვილები, რაც ვფიქრობ საკმარისია იმისთვის, რომ თავი აპენინელად მივიჩნიო. სერბეთთან თამაშის წინ, ჰიმნიც ვიმღერე, რაც ალბათ ბევრს არ შეუნიშნავს. ერთადერთი რამ მინდა, "აძურას" გამოვადგე და ტიფიზებს თავი შევაყვარო".</p><p><strong>ყოველდღიური სპორტული გაზეთი "ლელო"</strong></p>
"ნაპოლი" მთავარი თავდამსხმელის გარეშე დარჩა
[VIDEO] კონტე წყობიდან გამოვიდა - "ნაპოლის" ამხანაგურ შეხვედრაში ასეთი რამ მოხდა...
კონტეს მადლობა ხვიჩას და შედარება "ახალ კვარად" წოდებულ ნოასთან
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
"კროოსი? ჩვეულებრივი ფეხბურთელი იყო, მე მასზე უკეთესი ვიყავი" - ჯონ ობი მიკელი
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
"დინამო თბილისი": სამი გოლი, სამი ქულა