- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ჩვენ და ბერძნები - წყენაც დაგვავიწყდება!
<p>საქართველოს ნაკრებს დღევანდელი მეტოქე საბერძნეთის ეროვნული გუნდი არასდროს დაუმარცხებია! <br> ევროპის ჩემპიონატის შესარჩევი ეტაპის ბოლო ტურის წინ რამდენიმე ჯგუფში გაურკვეველი სიტუაციაა; გამონაკლისი არც ჩვენი ჯგუფია - სწორედ დღეს უნდა გაირკვეს პირველ და მეორეადგილოსანთა ვინაობა.</p><p>სამწუხაროდ, საქართველოს ნაკრებისთვის ვერც ეს ციკლი გამოდგა წარმატების მომტანი და როგორც გუშინ აღვნიშნეთ, ახლა, ფაქტობრივად, ღირსების მატჩი გველოდება.</p><p>შესაძლოა, სხვებისთვის არსებითი მნიშვნელობა არ ჰქონდეს იმ ფაქტს, შესარჩევ ტურნირს მეოთხე ადგილზე დაამთავრებს თუ მეხუთეზე, მაგრამ საქართველოს ნაკრებისათვის დღევანდელი მატჩი მაინც განსაკუთრებული უნდა იყოს: ბოლოს და ბოლოს, ხუთმატჩიანი მოუგებელი სერიაც ხომ უნდა დასრულდეს და საერთოდაც, წარმატებით დაწყებული და მერე კატასტროფულად გაგრძელებული შესარჩევი ციკლის "ხმაურიანი" დამთავრება ყველას გვჭირდება!</p><p>ჰო, ყველას: ბოლოდროინდელი წარუმატებლობებით იმედგაცრუებულ ქართველ გულშემატკივარს, ნაკრების მთავარ მწვრთნელს თემურ ქეცბაიას და ჩვენი უპირველესი გუნდის თითოეულ ფეხბურთელსაც.</p><p>გასაგებია, რომ ჩვენი დღევანდელი მეტოქე თბილისში არნახული მოტივაციით ჩამოდის: სანუკვარი ქულა და ფერნანდუ სანტუშის დამოძღვრილი საბერძნეთის ნაკრები 2012 წლის ევროპის ჩემპიონატის ფინალურ ეტაპზე ყოველგვარი პლეი ოფის გარეშე მოხვდება! ამას გარდა, თბილისური მატჩის შედეგს გულისფანცქალით დაელოდებიან ხორვატიაშიც - საბერძნეთის წაგების შემთხვევაში პირველი ადგილის დაკავების შანსი ხომ სლავენ ბილიჩის გუნდს უჩნდება.</p><p>მოკლედ, ჩვენი "გადასაწყვეტია", თუ რომელი გუნდი მოიპოვებს ევრო-2012-ის საგზურს და რომელი მოხვდება პლეი ოფში; თუმცა, ნებისმიერი ქართველი გულშემატკივარისთვის და, რაც მთავარია, საქართველოს ნაკრების მწვრთნელ-ფეხბურთელთათვის ნამდვილად სულ ერთი უნდა იყოს ჯგუფში ვინ გაიმარჯვებს; ამას გარდა, მეტოქეზე არანაკლები მოტივაცია ჩვენც უნდა გვქონდეს და მაქსიმალური თავდადებისა და მონდომების ხარჯზე მხოლოდ და მხოლოდ წარმატების მისაღწევად უნდა ვიბრძოლოთ.</p><p>ისე, ქართველი ქომაგი ხანდახან ზედმეტად მომთხოვნია, მაგრამ "წყენის დავიწყებაც" მალე იცის: საკმარისია ერთი წარმატებული მატჩი და წინა იმედგაცრუებებიც აღარავის ახსოვს! თანაც უსიამოვნოზე-უსიამოვნო სტატისტიკაც, ბოლოს და ბოლოს, ხომ უნდა შეიცვალოს: საქართველოს ნაკრებს დღევანდელი მეტოქე არასდროს დაუმარცხებია!</p><p><strong>ისტორიული ქულა</strong></p><p>თანამედროვე ფეხბურთში არცთუ ცოტაა ისეთი ნაკრებები, უარყოფითი ბალანსი რომ გაგვაჩნია, მაგრამ საბერძნეთთან რომ გვაქვს, ამას კატასტროფულზე მეტი ჰქვია: აქამდე ჩატარებულ ექვსი მატჩიდან ხუთი წავაგეთ და მხოლოდ ერთადერთხელ მივაღწიეთ ფრეს (ბურთების სხვაობა 4-12). ვიდრე იმ ერთადერთ ქულას ავიღებდით, ბერძნებისთვის სულ ერთი იყო, შინ თამაშობდნენ თუ სტუმრად, მატჩი ამხანაგური იყო თუ ოფიციალური - ყველა შემთხვევაში ისინი იმარჯვებდნენ;</p><p>კიდევ ერთი "უცნაური" ფაქტი: ხუთივე შემთხვევაში საქართველოს ნაკრებს სხვადასხვა მწვრთნელი ჰყავდა, მაგრამ "ბერძნული სინდრომის" დაძლევა ვერც ერთმა (ალექსანდრე ჩივაძემ, ვლადიმერ გუცაევმა, იოჰან ბოსკამპმა, ალენ ჟირესმა, გაიოზ დარსაძემ) შეძლო და აი, შარშან, როგორც იქნა ნავსი გატყდა: საბერძნეთთან ურთიერთდაპირისპირებათა ისტორიაში პირველად შევძელით ქულის მოპოვება!</p><p>შეგახსენებთ, რომ 2010 წლის 3 სექტემბრის მატჩი იმითაც იყო განსაკუთრებული, რომ თემურ ქეცბაია თავის პირველ ოფიციალურ შეხვედრას ატარებდა. პირეოსულ მატჩამდე ქეცბაიას ხელმძღვანელობით მოასპარეზე საქართველოს ნაკრებმა წაუგებლად ზედიზედ სამი ამხანაგური შეხვედრა ჩაატარა (ესტონეთს მოვუგეთ, კამერუნთან და მოლდოვასთან კი ფრედ ვითამაშეთ) და ეს სერია საბერძნეთთან ოფიციალური შეხვედრის შემდეგაც გაგრძელდა! შესარჩევი ციკლის წაუგებლად დაწყებაც კარგად გვენიშნა და ის ფაქტიც, რომ საქართველოს ნაკრებმა ის ქულა ალალად დაიმსახურა და ამის აღნიშვნა ბერძნების მთავარ მწვრთნელსაც არ დავიწყნია.</p><p>საერთოდაც, ჩვენი ნაკრების თამაშში ბევრი პოზიტივი დავინახეთ: თავიდანვე აგრესიულად დავიწყეთ მატჩი და ალექსანდრე იაშვილის სწრაფი გოლიც ლოგიკური იყო; სასიამოვნო სანახავი იყო ჩვენი ფეხბურთელების მიერ სათამაშო დისციპლინის მკაცრი დაცვაც: დაცვიდან სწრაფად და ზუსტად "ამოგვქონდა" ბურთი, მეტოქეებს მაქსიმალურად ვუზღუდავდით თავისუფალ სივრცეებს, უპირატესობას "ერთი შეხებით" თამაშს ვანიჭებდით და ნებისმიერი მდგომარეობიდან თუ ნებისმიერი მანძილიდან კარში დარტყმებსაც არ ვერიდებოდით (ზურაბ ხიზანიშვილის ორი შორეული "გასროლა" გეხსომებათ).</p><p>სამწუხაროდ, ჩვენთვის სასურველი ანგარიში ბოლომდე ვერ შევინარჩუნეთ: ერთ ეპიზოდში სალპინგიდისმა თუ "დაგვინდო" და უაღრესად ხელსაყრელი მომენტი გაანიავა, მეორე ტაიმში სპიროპულოსმა მაინც შეძლო გოლის გატანა. ფრე ლოგიკური შედეგი იყოო, ვთქვით და არც ჩვენი მოგება იქნებოდა დიდი უსამართლობა: მატჩის მიწურულს ჯანო ანანიძეს შეეძლო მატჩის გმირი გამხდარიყო, თუმცა ერთი სუპერ-მომენტი იმათაც გაანიავეს, როცა მიტროღლუმ უაღრესად ხელსაყრელი პოზიციიდან ვერ გაიტანა.</p><p>როგორც უკვე აღვნიშნეთ, შარშანდელი 3 სექტემბრის მატჩი თემურ ქეცბაიასათვის პირველი ოფიციალური შეხვედრა იყო, ისე როგორც მისი კოლეგისათვის: პორტუგალიელი სპეციალისტი ფერნანდუ სანტუში საბერძნეთის ნაკრების თავკაცად ერთი თვის დანიშნული იყო. სანტუშის დებიუტი 11 აგვისტოს, სერბეთთან ამხანაგურ მატჩში შედგა: ბერძნებმა ის მატჩი 1:0 მოიგეს და იქიდან მოყოლებული დღემდე საბერძნეთის ნაკრებს არც ერთი მატჩი არ წაუგია! არადა, ბევრი სკეპტიკურად აფასებდა სანტუშის სამწვრთნელო შესაძლებლობებს - ყველაფერს თავი რომ დავანებოთ, საბერძნეთის ნაკრების თავკაცის პოსტზე მან ხომ ოტო რეჰაგელი შეცვალა; თუმცა, როგორც დრომ აჩვენა, ბერძნული ფეხბურთის ხელმძღვანელებს აბსოლუტურად გონივრული გადაწყვეტილება მიუღიათ - დღევანდელ ჩვენ მეტოქეს უკვე 15-მატჩიანი წაუგებელი სერია აქვს.</p><p>ვნახოთ, რამდენ ხანს გასტანს ასეთი წარმატებული ასპარეზობა, - ხომ შეიძლება, რომ ბერძნებს სწორედ დღეს დაუცდეთ ფეხი. მით უფრო, რომ საქართველოს ნაკრების მთავარ მწვრთნელს თემურ ქეცბაიასაც საკმარისზე მეტი მოტივაცია აქვს ბერძნებთან საპაექროდ, ხოლო ქართული ფეხბურთის მართლაც დამსახურებული ვეტერანი ლევან კობიაშვილი საქართველოს ნაკრებში მეასე მატჩს ჩაატარებს!</p><p><strong>ევროპის ჩემპიონატის შესარჩევი ეტაპი</strong></p><p><em><strong>საბერძნეთი-საქართველო 1:1</strong></em> <a href="/mtavari/video.html?view=video&video=918" target="_blank"><span style="color: #ff0000;"><strong>[იხილეთ ვიდეო]</strong></span></a></p><p>03. 09. 2010. პირეოსი. გეორგიოს კარაისკაკისი. 5000 მაყურებელი</p><p>0:1 იაშვილი (3), 1:1 სპიროპულოსი (72)</p><p>საბერძნეთი: სიფაკისი-სეიტარიდისი (71. მიტროღლუ), პაპადოპულოსი, პაპასტატოპულოსი, სპიროპულოსი-ტოროსიდისი, კაცურანისი, კარაგუნისი, სამარასი (59. ნინისი)-სალჰინგიდისი, გეკასი</p><p>მწვრთნელი: ფერნანდუ სანტუში</p><p>საქართველო: რევიშვილი-უ. ლობჟანიძე, ასათიანი, ამისულაშვილი, კალაძე-ხიზანიშვილი, კობიაშვილი-იაშვილი (54. ანანიძე), გოგუა (U87. მერებაშვილი), კვირკველია-დვალიშვილი (60. გელაშვილი)</p><p>მწვრთნელი: თემურ ქეცბაია</p><p>გაფრთხილება: სამარასი, კაცურანისი, პაპადოპულოსი; ლობჟანიძე, ხიზანიშვილი</p><p>არბიტრი: კ. გომესი (ესპანეთი)</p><p><strong>ყოველდღიური სპორტული გაზეთი "ლელო"</strong></p>
-
saakaze
ამაზე ხელსაყრელ შესარჩევ ჯგუფში ალბათ კაი ხანს ვერ მოვხვდებით, ქეცბას კიდევ მოვუწოდებ ნერვები დაიწყნაროს, და სხვა ტონალობით მიმართოს ადამიანებს. ან რა აქვს საბლატაო?
-
ბექა76
ჩვენი "გადასაწყვეტი" ნამდვილად არაა ვინ გავა პირველ თუ მეორე ადგილზე. ეს შეიძლება თქვა მაგალითად გერმანიაზე ანაც ესპანეთზე რომლებიც 2 თავით აღემატებიან თავიანთ დღევანდელ მეტოქეებს და როგორც თვითონ მოინდომებენ ისე დაამთავრებენ ამ თამაშებს და შესაბამისად იმ გუნდებს "გაიყვანენ" 1-2 ადგილებზე. ასე რო დავანებოთ თავი საკუთარი თავის ასე გადამეტებულ შეფასებას და უბრალოდ ვითამაშოტ ის (ან იმაზე მეტი) რაც შეგვიძლია
-
CH1PO
ამ ჯგუფიდან გასვლა ძალიან რეალური იყო და სამწუხაროდ ვერ ვისარგებლეთ. ეხლა უკვე ესეთი ჯგუფი აღარ შეგვხვდება.
-
GIA
რთული თამაშია დღეს, თემურს ბოლო დროს ვეღარ ვცნობ. რაც 4 წლიან კონტრაქტს მოაწერა ხელი ძალიან მაღლიდან უყურებს გულშემატკივარს. წაიკითხოს ერთი რას წერენ მასზე კომენტარებში და ფორუმებში. დაახლოებით 99% გულშემატკივარი განრისხებულია. მე პირადად თემურისგან მოვითხოვ რეალურად შეაფასოს მოვლენები.
-
beqa
სათაური მომეწონა :):):) ისე წერია თითქოს ყველა ნაკრები დაგვიმარცხებია საბერძნეთის გარდა :)
"ჯვაროსნები". სიკვდილის ჯგუფი თუ უკეთესი ვარიანტი? - თებერვალში ერთა ლიგის წილისყრაა
"მივიღეთ ის, რაც დავიმსახურეთ" - ლევან კობიაშვილის განცხადება
საქართველოს ნაკრები 2026 წელს ორ ამხანაგურ მატჩს გამართავს
სემენიომ ისევ გაიტანა - "სიტიმ" "ნიუკასლი" დაამარცხა და EFL თასის ფინალისკენ პირველი ნაბიჯი გადადგა
ლებრონის მორიგი ბრწყინვალე შეხვედრა - "ლეიკერსმა" "ატლანტა" დაამარცხა
ზურაბ საკანდელიძისა და მიხეილ ქორქიას მემორიალის ფინალში თსუ "ქუთაისს" შეხვდება
საქართველოს ნაკრებმა ბოლო საკონტროლო შეხვედრა ალჟირთან ჩაატარა და ორი ბურთის სხვაობით დამარცხდა
ევროპის ჩემპიონატი. საქართველოს ნაკრები ხორვატიასთან დამარცხდა
"პაუზა არ ნიშნავს დანებებებას" - არაუხოს ემოციური სერილი "რეალთან" გამარჯვების შემდეგ
[VIDEO] გობერის უხეში ფოლი ვემბანიამაზე — დისკვალიფიკაცია და 200 ათას დოლარზე მეტი ჯარიმა!
[VIDEO] დონჩიჩის სუპერმატჩი საკმარისი არ აღმოჩნდა - "საკრამენტომ" "ლეიკერსი" დაამარცხა
"თასიდან გამოვარდნა სერიოზული დარტყმაა" - ზაბარნიმ "პარიზთან" მარცხის შემდეგ ისაუბრა
"ამას გრანდებთან ხომ არ იზამდა?" - "ბარნსლის" მწვრთნელი სობოსლაის საჩუქრით უკმაყოფილო დარჩა
ვერნერი კარიერას ქართველებისთვის კარგად ნაცნობ გუნდში გააგრძელებს
[VIDEO] მამუკელაშვილის 21 წუთი - "ტორონტომ" "ფილადელფია" ზედიზედ მეორედ ვერ დაამარცხა
[VIDEO] ხვიჩას შეცვლა რომ საქმეს შველოდეს - პსჟ თასიდან "პარიზმა" გამოაგდო
[VIDEO] სობოსლაიმ მამარდაშვილს გოლი მოუგონა - "ლივერპულმა" გაიმარჯვა
ლუის ენრიკემ "პარიზთან" მატჩში შემადგენლობა დაასახელა
მამარდაშვილი "ბარნსლისთან" მატჩის სასტარტოშია
"რეალმა" ჩაბი ალონსო გადააყენა და მის ნაცვლად არბელოა დანიშნა
"შავი ლომი" | ფინალი "ძებრესთან" ჯგუფიდან გასასვლელად - შაბათს "მიხეილ მესხზე"
"შავი ლომი" | "მონტობანთან" ისტორიული გამარჯვების შეფასება - ილია მაისურაძე და მიხეილ ბაბუნაშვილი
"არსენალს" რეკორდსმენი აუტების მწვრთნელი ეყოლება