<p>გასულ უქმეებზე ონში თავისუფალ სტილში მოჭიდავე ჭაბუკთა შორის ორ ასაკობრივ ჯგუფში ტურნირი გაიმართა <br> გასულ უქმეებზე ონში იქაურთა სახელოვანი მოჭიდავეების - თავისუფალ ჭიდაობაში მსოფლიოს ჩემპიონის და ოლიმპიური ვერცხლის მფლობელ გიორგი სხირტლაძისა და სახელოვანი მწვრთნელის, ვეტერანთა შორის მსოფლიოს ორგზის ჩემპიონ შურა მაისურაძის სახელობის ტურნირი გაიმართა თავისუფალ სტილში მოჭიდავე ჭაბუკთა შორის ორ ასაკობრივ ჯგუფში (1998-2000; 1995-96).</p><p>უფროსებში ეს ის ასაკია, რომელმაც გაისად ჭაბუკთა შორის ევროპისა და მსოფლიოს პირველობებზე უნდა იჭიდაოს და მწვრთნელი თამაზ ბენდიანიშვილი აქედანვე შეუდგა კანდიდატთა შერჩევას. ასაკობრივი ცენზის გამო ჭაბუკთა ნაკრები მნიშვნელოვნად გადახალისდება და ახალი კადრების ძებნა ახლავეა საჭირო.</p><p>ტურნირი შემადგენლობითაც ძლიერი გამოდგა და ორგანიზაციულადაც. მასში ქვეყნის სხვადასხვა რაიონის 140 მოზარდი მონაწილეობდა, მაღალორგანიზებულად ჩასატარებლად კი გულმოდგინედ გაისარჯნენ როგორც საქართველოს ჭიდაობის ფედერაცია, ისე - ადგილობრივი ხელისუფლება, რომელიც ყველანაირად დაეხმარა ორგანიზატორებს.</p><p>ნაკრებში მოსახვედრად არც მოზარდებმა დაზოგეს თავი, თუმცა მათ შორის ერთს გამოვარჩევთ - ბათუმელმა რამაზ ზოიძემ (46) წლეულს ბერძნულ-რომაული სტილით მოჭიდავეთა ნაკრებში იასპარეზა და მსოფლიოს ჩემპიონიც გახდა, ხოლო ევროპაზე ბრინჯაო მოიპოვა, ახლა კი ისევ "თავისუფლებს" დაუბრუნდა.</p><p>თავიდან ის სწორედ ამ სტილში ჭიდაობდა, მაგრამ წლის დასაწყისში საქართველოს პირველობაზე წააგო და ბერძნულ-რომაულში გადაინაცვლა. ალბათ, შეძლებს ნაკრებში ძველი ადგილის დაბრუნებას, თუმცა ჯერ ამაზე ლაპარაკი ადრეა, როგორც ნაკრების საბოლოო ფორმირებაზე - საამისოდ მოზარდებს წინ კიდევ არაერთი შესარჩევი ტურნირი ელოდებათ.</p><p>უახლოეს დღეებში - 14-16 სექტემბერს ამ მედალოსანთა ნაწილი სომხურ იჯევანში იჭიდავებს ევროპის ჩემპიონ გლენ მეჯლუმიანის მემორიალში. ონის ტურნირამდე ჭაბუკებმა ხაშურშიც იჭიდავეს ("ლელო" ამაზეც წერდა) და მწვრთნელებმა სომხეთში გასაგზავნი გუნდიც ამ შეჯიბრებების მიხედვით შეარჩიეს. იჯევანში მონაწილე ყველა წონაში გვეყოლება, 69-ში კი ბენდიაშვილი სულაც ორ შეგირდს აგზავნის. ჩვენს ნაკრებში ირაკლი მხეიძე (42), გიორგი პასიკაშვილი (46), გიორგი ყაზარაშვილი (50), ივანე გაბოძე (54), ბექა წიკლაური (58), ტარიელ გაფრინდაშვილი (63), ლევან მურადხანაშვილი (69), გიორგი ბეჟიაშვილი (69), ირაკლი მწითური (76), ლაშა ბოდაველი (85) და ბექა კახეთელიძე (100) იჭიდავებენ.</p><p><strong>კვარცხლბეკი</p><p></strong>1998-2000 წლებში დაბადებულები</p><p>26 კგ. 1. თორნიკე ქათამაძე; 2. ლუკა ფანჩხიძე; 3. გუბა შეშელიძე (სამივე - აჭარა), ვაკო არუთინიანი (გორი).</p><p>29 კგ. 1. ლაშა ფუტკარაძე (აჭარა); 2. მახარე გელაშვილი (ხაშური); 3. რამაზ თურმანიძე (აჭარა), სანდრო ბუხრაშვილი (ონი).</p><p>32 კგ. 1. ლაშა ჩახმახიშვილი (საგარეჯო); 2. გიორგი ცხვირავაშვილი (ამბროლაური); 3. ბექა ქორთიაშვილი, თედო ყველაშვილი (ორივე - გორი).</p><p>35 კგ. 1. ალეკო ლომიძე; 2. ავთანდილ გოდელაშვილი; 3. გიორგი ხაჩიძე (სამივე - ხაშური), ომარ ასაბაშვილი (საგარეჯო).</p><p>38 კგ. 1. ედემი ბერიძე (აჭარა); 2. გიორგი ბურჯანაძე (საგარეჯო); 3. არჩილ წიკლაური (გარდაბანი), გიორგი ჭელიძე (ამბროლაური).</p><p>42 კგ. 1. ჯონი დიასამიძე (აჭარა); 2. მირიან მაისურაძე (ონი); 3. მიხეილ ბოჭორიძე (საგარეჯო), დავით ფურცხვალიძე (ამბროლაური).</p><p>46 კგ. 1. ნოდარ ბიწაძე (რუსთავი); 2. ლუკა მეტრეველი (ონი); 3. ნიკა სარალაშვილი (რუსთავი).</p><p>+46 კგ. 1. გიგა შიოშვილი (საგარეჯო); 2. ვანო გუგეშაშვილი (ონი); 3. გიორგი ბელაშვილი (გარდაბანი).</p><p>1995-96 წლებში დაბადებულები.</p><p>42 კგ. 1. ირაკლი მხეიძე (აჭარა); 2. გაიოზ გონგლაძე (ხაშური); 3. ლაშა აბუთიძე (ამბროლაური), გელა ქოქიაშვილი (დედოფლისწყარო).</p><p>46 კგ. 1. რამაზ ზოიძე (აჭარა); 2. გიორგი პასიკაშვილი (საგარეჯო); 3. გიორგი დემეტრაშვილი, ლევან ნიპარიშვილი (ორივე - კასპი).</p><p>50 კგ. 1. გიორგი ყაზარაშვილი (კასპი); 2. გიორგი გელაშვილი (ხაშური); 3. ნიკა კენჭაძე, თორნიკე ცხვირავაშვილი (ორივე - ამბროლაური).</p><p>54 კგ. 1. ივანე გაბოძე (კასპი); 2. გივი ელიზბარაშვილი (თბილისი); 3. ავთანდილ კენჭაძე (ამბროლაური), ლევან მურცხვალაძე (რუსთავი).</p><p>58 კგ. 1. გიორგი ოშხერელი (ამბროლაური); 2. ბექა ნიკურაძე (ხაშური); 3. ანზორ პავლიაშვილი (გორი), ბექა ჭიაურელი (საგარეჯო).</p><p>63 კგ. 1. ცოტნე ყურაშვილი (აფხაზეთი); 2. გურამ დავითაძე; 3. კახა ფუტკარაძე (ორივე - აჭარა), ჯანგირ ახმედოვი 9ქარელი0.</p><p>69 კგ. 1. გიორგი ბეჟიაშვილი (საგარეჯო); 2. დიტო ჯანაშია (აფხაზეთი); 3. ლევან ბოჭორიძე (საგარეჯო), გიგა მეშველიანი (რუსთავი).</p><p>76 კგ. 1. გიორგი პოპიაშვილი (დედოფლისწყარო); 2. ზურაბ რევაზიშვილი (საგარეჯო); 3. დავით ჯინჭარაძე (ამბროლაური), ჯონი პეტრიაშვილი (გორი).</p><p>85 კგ. 1. ლაშა ბოდაველი (დედოფლისწყარო); 2. დავით მეტრეველი (ონი); 3. ნოდარ ხადური (რუსთავი), გიორგი არაბული (თბილისი).</p><p>100 კგ. 1. ბექა კახეთელიძე (ონი); 2. ნიკა მელიქიშვილი; 3. დავით ლოლაშვილი (ორივე - რუსთავი), ილია ფოფხაძე (ამბროლაური).</p><p><strong>ყოველდღიური სპორტული გაზეთი "ლელო"</strong></p>
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ