<p>გუშინ "ავერსის" კლინიკაში საქართველოს ეროვნული ოლიმპიური კომიტეტისა და სოკ-ის ოლმპიური სოლიდარობის მიერ ორგანიზებული სამდღიანი სემინარი დამთავრდა <br> გუშინ ფარმაცევტული კომპანია "ავერსის" კლინიკაში დამთავრდა საქართველოს ეროვნული ოლიმპიური კომიტეტისა და სოკ-ის ოლმპიური სოლიდარობის მიერ ორგანიზებული სამდღიანი სემინარი თემაზე "ოლიმპიური განათლება და სპორტის მენეჯმენტი", თუმცა სადღეისო მოთხოვნებიდან გამომდინარე, მის პროგრამაში ჩვენთვის აქტუალური ისეთი საკითხებიც ჩართეს, როგორიცაა "თბილისი-2015-ის" მომზადება.</p><p>სემინარის ბოლო დღე თეორიულ მეცადინეობებს დაეთმო, რომელიც სეოკ-ის ვიცე-პრეზიდენტმა რამაზ გოგლიძემ და საქართველოს სპორტული მედიცინის ასოციაციის პრეზიდენტმა ზურაბ კახაბრიშვილმა გახსნეს. "ოლიმპიური განათლებისა და ოლიმპიზმის განვითარების ტენდენციებზე საქართველოში" ოლიმპიური აკადემიის პრეზიდენტმა, პროფესორმა ლელა აფციაურმა მოხსენება წარმოადგინა.</p><p>"სპეციალური ოლიმპიადები" იყო პროფესორ თემურ მიქიშვილის თემა. "ოლიმპიური განათლების გლობალიზაციაზე" პროფესორმა ვასილ ბაკაშვილმა ილაპარაკა. "საქართველოში ოლიმპიური განათლების იდენტურობაზე ფიზიკური აღზრდის ხალხურ და კლასიკურ სისტემებში (პარალელები)" მოხსენებით გაზეთ "ლელოს" მთავარი რედაქტორი, პროფესორი თენგიზ გაჩეჩილაძე გამოვიდა, "ოლიმპიური განათლების საკვირაო სკოლების პროგრამა" წარმოადგინა პელოპონესის უნივერსიტეტის ასპირანტმა თორნიკე გაჩეჩილაძემ.</p><p>ოლიმპიურ სპორტში გენდერის სოციალურ-კულტურულ ასპექტებზე მოხსენება პროფესორმა ლევან გოგუაძემ წაიკითხა, პროფესორმა მამია ტუღუშმა "საქართველოს სკოლებში ფიზიკური განათლებისა და სპორტის თანამედროვე ტენდენციები" გაგვაცნო, კახაბრიშვილმა კი ნაცნობ თემაზე - "სპორტში ჯანსაღ კვებასა და დღის რეჟიმის მნიშვნელობაზე" ილაპარაკა.</p><p>სემინარში 110 კაცი მონაწილეობდა - როგორც სპორტის მუშაკები, ასევე - "გეომედისა" და თსსუ-ს 60 სტუდენტი, მომავალი ექიმები. მათ წინა დღეებში ოლიმპიური მუზეუმიც მოინახულეს და რიგი სხვა საკითხებიც გაიარეს. როგორც გითხარით, სემინარის ერთ-ერთ სტრატეგიულ მიმართულებად "თბილისი-2015" თემაც იქცა და ამასაც დიდი ყურადღება დაეთმო.</p><p>ამ თემის შემოტანა იმან განაპირობა, რომ მეცადინეობებს არა მხოლოდ სპორტული მედიცინის წარმომადგენლები, არამედ სპორტის მუშაკებიც ესწრებოდნენ, იმ ფესტივალისთვის მომზადება კი ახლავეა საჭირო. თან არა მხოლოდ წმინდა სპორტული კუთხით, არამედ საორგანიზაციო თვალსაზრისითაც. მოგეხენებათ, ყოველ ამგვარ სპორტულ ღონისძიებას სჭირდება ეგრეთ წოდებული მოხალისეთა ჯგუფი ("ვალანტიორები"), რომლებიც უსასყიდლოდ ემსახურებიან სტუმრებს.</p><p>მათი როლი, ჩვეულებრივ, ბევრად დიდია, ვიდრე ერთი შეხედვით ჩანს - გარდა იმისა, რომ უცხოელებს კონსულტაცია უნდა გაუწიონ ნებისმიერ საკითხში, საკუთარი ქვეყანაც რაც შეიძლება კარგად უნდა წარმოადგინონ. ამისთვის საჭიროა, ზედმიწევნით იცოდნენ მისი ისტორია, კულტურა, სპორტული მიღწევები...</p><p>ხსენებულ ფესტივალთან დაკავშირებით სემინარზე ისეთი აქტუალური სპორტული საკითხების გარდა, როგორიცაა სპორტული მედიცინა, სპორტის მენეჯმენტი, ლაპარაკი იყო, შეჯიბრებების ორგანიზებაზე, ტრანსპორტირებაზე სასტუმროებიდან არენებზე და პირიქით, საჭიროების შემთხვევაში პირველადი სამედიცინო დახმარების აღმოჩენაზე ან სულაც სასწრაფო ჰოსპიტალიზაციაზე და სხვა, რაც ნებისმიერი შეჯიბრების მასპინძლობისას შეიძლება გახდეს საჭირო.</p><p>სემინარის დამთავრებისას მის ყველა მონაწილეს დიპლომი გადაეცა.</p><p><strong>ყოველდღიური სპორტული გაზეთი "ლელო"</strong></p>
ისრაელს საერთაშორისო სპორტიდან მოკვეთენ? ოლიმპიური კომიტეტის პასუხი
უარი ბელარუსთან თამაშზე - უკრაინის მამაკაცთა პლაჟის ფეხბურთის ნაკრები მატჩზე არ გამოცხადდება
ამწე კრანის ფასი თბილისში – როგორ ავირჩიოთ ხარისხიანი სერვისი
"შავი ლომი" - სამხრეთ აფრიკაში "ჩიტასთან" ორი ტესტისთვის
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
შოკირებული იყო და შეხვედრა განაწყენებულმა დატოვა - ამორიმს "მანჩესტერ იუნაიტედის" ხელმძღვანელობამ მოთხოვნა წაუყენა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
"მადლობა უფალს, რომ ეს შანსი მომცა" - თორნიკე შენგელია "ბარსელონაში" დებიუტისთვის ემზადება
კორსანტიას 15-ქულიანი დებიუტი ესპანეთში
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"თუ სხვა რამის გამო გაბრაზდა, არასწორი ადამიანი აირჩია" - დე ბრუინსა და კონტეს შორის დაპირისპირება მწიფდება? [PHOTO]
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო