- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
უმონაგრო მსოფლიო და სამერმისო თურქული შანსი
<p>ბაქოს სალიცენზიო მსოფლიო ჩემპიონატზე მე-2O წრეში კვარცხლბეკისაკენ მიმავალ ბილიკებს ერთბაშად რვა ჩვენებური ჩამოშორდა <br> წლეულს მოკრივეთა ევროპის ჩემპიონატზე სამმა ქართველმა სპორტსმენმა - ზაალ კვაჭატაძემ (69 კგ), ჯაბა ხოსიტაშვილმა (75 კგ) და მიხეილ ბახტიძემ (მძიმე) ბრინჯაოს მედლები მოიპოვეს.</p><p>ამგვარმა წარმატებამ დაგვაიმედა, რომ ბაქოს სალიცენზიო მსოფლიოს ჩემპიონატზე ჩვენი მოკრივეები ლონდონის ოლიმპიადის 3-4 საგზურს შესწვდებოდნენ. პირველი წრის შემდეგ თითქოს ყველაფერი აქეთკენ მიდიოდა, მაგრამ მე-2O წრეში სრული ფიასკო განვიცადეთ - ერთბაშად რვა ჩვენებური ჩამოშორდა კვარცხლბეკისაკენ მიმავალ ბილიკებს.</p><p>მაინც რა მოხდა ბაქოში?</p><p>გვესაუბრება საქართველოს ნაკრების მთავარი მწვრთნელი <strong>რამაზ ფალიანი</strong>:</p><p>- მსოფლიოს ჩემპიონატისთვის იანვრიდან ინტენსიურად და მონდომებით ვემზადებოდით. რომ არაფერი ვთქვათ შინაურ ვარჯიშებზე, ხუთჯერ სხვადასხვა ქვეყნის მოკრივეებთან ერთობლივი საწვრთნელი შეკრებები გავმართეთ, იმავე ქვეყნებში საერთაშორისო ტურნირებშიც ვიასპარეზეთ, მედლებიც მოვიპოვეთ, ამდენად, თურქეთში კონტინენტის პირველობაზე მიღწეული წარმატებაც ლოგიკური იყო.</p><p>ბაქოშიც ველოდით კარგ შედეგებს. მით უმეტეს, რომ განთესვამაც გაგვიმართლა - უძლიერესი საკრივო ქვეყნების წარმომადგენლები, ფაქტიურად, პირველ-მეორე წრეში აგვცდნენ.</p><p>ახალი დებულებით, ორი წრის გადალახვა, შესაძლოა, საკმარისიც ყოფილიყო ლონდონის საგზურის მოსაპოვებლად, რადგან მესამეში დამარცხების შემთხვევაში მძლეველი ფინალში თუ გავიდოდა, წაგებულიც ლიცენზიას გაინაღდებდა. სამწუხაროდ, კარგი შანსი გავუშვით ხელიდან.</p><p>ბაქოს რინგზე სტარტი ჩვენი გუნდის მხოლოდ ორი წევრისთვის გამოდგა უიღბლო. 56 კილოში გიორგი კილანავამ 24 წლის ავსტრალიელ ლუკ ბოიდთან 10:17 წააგო. არადა, მწვანე კონტინენტის წარმომადგენელს დღემდე არაფრით გამოუჩენია თავი. მართალია, პეკინის ოლიმპიურ თამაშებში მონაწილეობდა, მაგრამ შეჯიბრს პირველსავე შეხვედრაში გამოეთიშა.</p><p>გიორგიმ პირველი რაუნდი კარგად წარმართა, თუმცა მერე მწვრთნელთა რჩევები არ გაითვალისწინა - ტემპში აჰყვა მეტოქეს და გულშემატკივრებში გადაინაცვლა.</p><p>გამოცდილი სპორტსმენია ნიკოლოზ იზორია, 2004 წლის ევროპის ვერცხლის პრიზიორი და ორი ოლიმპიადის მონაწილე. ბაქოში მისი გვეიმედებოდა, მაგრამ პირველსავე პაექრობაში 2008 წლის კონტინენტის პირველობის მეორეადგილოსან მიკლოშ ვარგასთან (უნგრეთი) ხელი მოეცარა. მოგეხსენებათ, ნიკამ მძიმე ტრავმა გადაიტანა.</p><p>მას შემდეგ კიდევ თუ დაუბრუნდებოდა რინგს, არავის ეგონა. იზორიას მტკიცე ხასიათი აღმოაჩნდა. ვარჯიში განაახლა და წლეულს გაზაფხულზე ბაქოს საერთაშორისო ტურნირის მედალიც მოიპოვა. მსოფლიოს ჩემპიონატზე მარცხის შემდეგ ნიკამ გვითხრა, რომ აქტიურ სპორტს თავს ანებებს და მწვრთნელობას დაიწყებს - თანაქალაქელ თემურ ოჩიგავას დაუდგება გვერდით. მის მდიდარ გამოცდილებას ნაკრების წევრთა დასაოსტატებლადაც გამოვიყენებთ - საწვრთნელი შეკრებებისას ჩვენთან ერთად იქნება.</p><p>აზერბაიჯანის დედაქალაქში დასანანი მარცხი განიცადა კობა ფხაკაძემ (64 კგ). ორი წლის წინათ მილანის მსოფლიოს ჩემპიონატზე უფრო მჩატე წონაში მან მესამე ადგილი დაიკავა.</p><p>ახლაც მედალს ველოდით მისგან. პირველ წრეში დიდი სხვაობით (29:5) სძლია განელ მეტოქეს და აზერბაიჯანელ გეიბათულა გაჯიალიევს დაუპირისპრდა. პირველი რაუნდი ჩვენებურის უპირატესობით წარიმართა.</p><p>მეორეში მასპინძელმა სიმწრისგან თავი დაარტყა სახეში. ფხაკაძე იატაკზე აღმოჩნდა. რეფერის 10 დათვლამდე რომ არ წამომდგარიყო, აზერბაიჯანელს დისკვალიფიკაციას მისცემდნენ და კობაც მე-3 წრეში გავიდოდა, მაგრამ იგი ვაჟკაცი ბიჭია და ამ გზით არ ისურვა შეჯიბრებაზე წინსვლა. ორთაბრძოლის განახლების შემდეგ ფხაკაძემ ბოლომდე ვერ შეძლო საკუთარი შესაძლებლობების წარმოჩენა და ორი ქულით დამარცხდა.</p><p><strong>- მესმის, რომ ჩვენი მოკრივეების ფიასკოში ობიექტური მიზეზებიცაა, მაგრამ ევროპის ჩემპიონატის შემდეგ "ვარსკვლავომანიამაც" ხომ არ იჩინა თავი?</p><p></strong>- არც უმაგისობაა. ევროპის პრიზიორობამ არა მარტო მედალოსნებს, არამედ ნაკრების სხვა წევრებსაც ცუდი სამსახური გაუწია, არადა, პირიქით უნდა ყოფილიყო. ბიჭებმა ზედმეტად ირწმუნეს საკუთარი ძალები, თანაც პირველი ბარიერის იოლად გადალახვამ გაათამამა ისინი. ახლა კი გრძნობენ საკუთარ შეცდომებს, მაგრამ...</p><p><strong>- მატარებელი უკვე ჩავლილია.</p><p></strong>- ყოველივეს მიუხედავად, ლონდონის ოლიმპიადაზე მოხვედრის შანსი ჯერ არ დაგვიკარგავს. როგორც გითხარით, ბიჭები, ასე ვთქვათ, მიწაზე დაეშვნენ. მწვრთნელებთან ერთად ბაქოში დაშვებულ შეცდომებს გავაანალიზებთ, დავსახათ გზებს მათ გამოსასწორებლად. აპრილში თურქეთი სალიცენზიო საერთაშორისო ტურნირს უმასპინძლებს და იქ ვეცდებით საგზურების მოპოვებას.</p><p><strong>- ჰო, მაგრამ თურქებს ჯერჯერობით არც ერთი ლიცენზია არ აუღიათ და თავიანთი ქვეყნიდან რას გამოგვატანენ, თანაც იქ საგზურები მხოლოდ გამარჯვებულებს თუ შეხვდება.</p><p></strong>- როგორც ვიცი, 91 კილოსა და მძიმე წონაში ერგებათ ლიცენზიები მხოლოდ ტურნირის ჩემპიონებს, დანარჩენ წონებში კი მსგავსი ბედნიერება ფინალისტების ხვედრი იქნება. ჩვენი ფედერაციის გენერალური მდივანი ვლადიმერ ახალკაცი, რომელიც მთელი მოსამზადებელი პერიოდის განმავლობაში გვერდიდან არ მოგვცილებია და ბევრი კარგი საქმე გაგვიკეთა, ამჟამად ერთ-ერთ საერთაშორისო ტურნირზეა დელეგატად მიწვეული და კრივის მსოფლიო ფედერაციის მესვეურებთან გაარკვევს, თუ როგორ განაწილდება 2012 წლის თამაშების დარჩენილი საგზურები.</p><p><strong>- ნაკრებში ცვლილებები თუ იგეგმება?</p><p></strong>- აუცილებლად. როგორც გითხარით, ნიკოლოზ იზორიას აქტიური სპორტიდან წასვლის შემდეგ 60 კილოში ადგილი ვაკანტური გახდა. ჯერჯერობით გიორგი კილანავას ვარჯიში არ განუახლებია და არც ის ვიცი, რას აპირებს სამომავლოდ. ნოემბრის მეორე დეკადაში მოკრივეთა ეროვნული ჩემპიონატი გაიმართება.</p><p>ყველა უძლიერესი სპორტსმენი ჩაებმება ამ შეჯიბში ნაკრებში ადგილის დასაბევებლად. ბევრ წონაში კონკურენცია გაიზარდა, პერსპექტიული ახალგაზრდები გამოჩნდნენ. ეროვნული გუნდის კარი კი ყველასთვის ღიაა, რადგან იქ დაჯავშნული ადგილები არავის აქვს. იანვრიდან საწვრთნელ შეკრებებს გავივლით, ორ საერთაშორისო ტურნირშიც გამოვცდით ნაკრების წევრებს და მხოლოდ საუკეთესოებს წავიყვანთ თურქეთის სალიცენზიო ტურნირში საასპარეზოდ.</p><p>ბაქოში ყოველმხრივ შეგვიწყო ხელი ოლიმპიური ნაკრების ექიმმა ზურაბ კახაბრიშვილმა, რომლის მადლიერები ვართ. იგი შეგვპირდა, რომ ჩვენს ბიჭებთან მეტი კონტაქტი ექნება, იზრუნებს მათ ჯანმრთელობაზე, რაც სამომავლოდ დიდად დაგვეხმარება.</p><p><strong>ყოველდღიური სპორტული გაზეთი "ლელო"</strong></p>
[VIDEO] აზერბაიჯანელი მწვრთნელი მსაჯს რინგზე ფიზიკურად გაუსწორდა - კადეტთა ევროპის ჩემპიონატის სკანდალური მომენტი
[VIDEO] უსიკმა დუბუა დაანოკაუტა და უდავო ჩემპიონის სტატუსი მესამედ მოიპოვა
ბერლინში დაუმარცხებელი ჩეჩენი მოკრივე მოკლეს
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ