<p>კარლ-ჰაინც რუმენიგემ ოფიციალურად დაადასტურა, რომ რეკორდმაისტერი "ბორუსიას" ახალგაზრდა მარკო როისს უმიზნებს <br> მიუნხენის "ბაიერნის" სამეთვალყურეო საბჭოს თავმჯდომარე კარლ-ჰაინც რუმენიგემ ოფიციალურად დაადასტურა მოარული ხმები იმის შესახებ, რომ რეკორდმაისტერი გერმანიის ნაკრებისა და მიონხენგლადბახის "ბორუსიას" ახალგაზრდა შემტევ ნახევარმცველს, მარკო როისს უმიზნებს.</p><p>ამ დღეებში ბავარიულ გრანდთან მიმართებაში "შალკეს" გარემარბ ჯეფერსონ ფარფანის გვარმაც გაიჟღერა, მაგრამ რუმენიგე პერუელით დაინტერესებას კატეგორიულად უარყოფს, იმას კი ადასტურებს, რომ ფარფანის მრჩეველმა მიუნხენურ კლუბს ეს მოთამაშე არაერთხელ შესთავაზა.</p><p>"შემიძლია დავადასტურო ის, რომ ჩვენ მარკო როისი მართლაც გვაინტერესებს, მაგრამ კონკრეტული გადაწყვეტილება ჯერ არ მიგვიღია და არც "ბორუსიას" შეფებისთვის მიგვიმართავს, - ამბობს რუმენიგე "შპორტ-ბილდისთვის" მიცემულ ინტერვიუში და იქვე დასძენს, - როისი ძალიან საინტერესო ფეხბურთელია, გერმანიის ნაკრებსაც გაუშინაურდა და ფაქტია, რომ დიდი მომავალი აქვს. ჩვენც სწორედ ასეთი მოთამაშეები გვაინტერესებს."</p><p>რაც შეეხება ფარფანს: მართალია, რუმენიგე ამბობს, ეს უკანასკნელი არ გვაინტერესებსო, მაგრამ "შალკეს" ბოსის, კლემენს ტიონიესის თქმით, ზაფხულში ბავარიელებს ფარფანის ყიდვა უნდოდათ. ჯეფერსონს გელზენკირხენულ კლუბთან კონტრაქტი სეზონის ბოლოს უმთავრდება და როგორც გაირკვა, მისმა აგენტმა მიუნხენური გრანდის ხელმძღვანელობას მიმართა და ფარფანი შესთავაზა, მაგრამ რეკორდმაისტერი ახლა როისზეა გადართული, რაც რუმენიგეს გარდა, "ბაიერნის" პრეზიდენტმა ული ჰიონესმაც დაადასტურა.</p><p>საინტერესოა მიუნხენური კლუბის იმ მოთამაშეების საკითხიც, რომლებსაც ამ სეზონის ბოლოს კონტრაქტები უმთავრდებათ. რუმენიგეს თქმით, რეკორდმაისტერს ამ მხრივაც კონკრეტული გეგმა აქვს. კალე ამბობს, რომ მიმდინარე სეზონის პირველ წრეში მოლაპარაკებები არცერთ ფეხბურთელთან არ გაიმართება.</p><p>"მოლაპარაკებებს არც იმ მოთამაშეებთან დავიწყებთ, რომლებსაც კონტრაქტები 2012 ან 2013 წლებში უმთავრდებათ - მათთან ახალი ხელშეკრულებების გაფორმება სეზონის მეორე ნახევარშიც გამორიცხულია. იანვრიდან მხოლოდ იმ ფეხბურთელებს დაველაპარაკებით, რომლებსაც ხელშეკრულებების ვადა ამ სეზონის ბოლოს ეწურებათ," - აცხადებს რუმენიგე, რომელიც იმასაც ადასტურებს, რომ "ბაიერნი" ზამთარში ბრაზილიელი მცველის, ბრენოს გაყიდვას არ აპირებს.</p><p><strong>ყოველდღიური სპორტული გაზეთი "ლელო"</strong></p>
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
ბუნდესლიგის გუნდებმა მიმდინარე სეზონში 3 ტურის შემდეგ უკვე მეორე მწვრთნელი დაითხოვეს
ერიკსენი კარიერას "ვოლფსბურგში" გააგრძელებს
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ