<p>ცნობილი გახდა, რომ მარია შარაპოვა აღარ აპირებს მესამე ტურში ვიქტორია აზარენკას წინააღმდეგ კორტზე გასვლას <br> გუშინ, წლის შემაჯამებელ ტურნირში სასტარტო შეხვედრები ჩაატარეს "თეთრი ჯგუფის" ბინადრებმა - ვიქტორია აზარენკამ და ნა ლიმ და ორივემ გამარჯვება მოიპოვა.</p><p>ბელარუსი ჩოგბურთელი ავსტრალიელ სამანტა სტოსურს ხვდებოდა, ვინც წინა დღეს ორ სეტში მოუგო რუს მარია შარაპოვას და შეწყვიტა ამ ჩოგბურთელთან ცხრამატჩიანი წაგებათა სერია. სამანტას აზარენკასთანაც ცუდი სერია ჰქონდა - ვიკას მანამდე ოთხჯერ შეხვდა და ოთხივეჯერ წააგო. მაგრამ, ამჯერად, ამერიკის ღია პირველობის ჩემპიონმა ვერ გატეხა ნავსი. აზარენკა მთელი მატჩის განმავლობაში დომინირებდა კორტზე და საათსა და 17 წუთში 6:2, 6:2 მოიგო.</p><p>აზარენკამ 11 ბრეიკ-პოინტი მიიღო და აქედან ოთხი გამოიყენა, სამანტას კი ერთადერთი ბრეიკის შანსი ჰქონდა, ისიც მატჩბოლზე, მაგრამ ვერც ის გამოიყენა. ახლა ვიქტორია ურთიერთშეხვედრებში 5:0-ს უგებს სტოსურს.</p><p><strong>* * *</strong></p><p>როლან გაროსის ჩემპიონი ნა ლი მარია შარაპოვას ხვდებოდა, რომელსაც უკან დასახევი გზა მოჭრილი ჰქონდა - ზედიზედ მეორე წაგება რუსს თითქმის უკარგავდა ნახევარფინალში გასვლის შანსს. შესაბამისად, მატჩი ძალიან დაძაბული და დრამატული გამოვიდა.</p><p>შარაპოვამ ბრეიკით დაიწყო, მაგრამ წარმატების განვრცობა ვერ შეძლო და ჩინელს ანგარიშის გათანაბრების საშუალება მისცა. თუმცა მარიამ კიდევ ერთხელ აიღო მეტოქის მოწოდება, 4:2-ს იგებდა, მაგრამ კვლავ ნა ლიმ ისარგებლა შარაპოვას შეცდომებით და ამჯერადაც აღადგინა სტატუს-ქვო. მეტოქეებმა კიდევ ერთხელ გაცვალეს ბრეიკები და საქმე ტაი-ბრეიკამდე მივიდა.</p><p>"შემოკლებულ გეიმში" შარაპოვა 4:0-ს იგებდა, მაგრამ ზედიზედ შვიდი ქულის წაგება მოახერხა.</p><p>მეორე სეტის სტარტი მთლიანად ჩინელი ჩოგბურთელის მხარეს იყო - ლიმ ზედიზედ ორი ბრეიკი აიღო და 5:2-ის შემდეგ თითქოს იოლად უნდა მოეგო შეხვედრა, მაგრამ პირიქით მოხდა - როლან გაროსის ჩემპიონმა მეტოქეს ანგარიშის მინიმუმამდე შემცირების შანსი მისცა.</p><p>განმეორდა წინა დღეს სტოსურისა და შარაპოვას მატჩის ფინალი. 5:4-ზე ლი მატჩზე აწვდიდა და მარიამ ისევ მიიღო რამდენიმე ბრეიკ-პოინტი, მაგრამ ყველა გაანიავა, მისმა მეტოქემ კი პირველივე მატჩბოლი გამოიყენა - 7:6, 6:4.</p><p>თითქმის ორსაათიან მატჩში შარაპოვას ოთხი ბრეიკ-პოინტი ჰქონდა, ერთით მეტი - ნა ლის. მეტოქეებმა თითო ეისი ჩააწოდეს, ორმაგ შეცდომებში კი მარიამ 6:4 მოუგო ჩინელს.</p><p>მოგვიანებით ცნობილი გახდა, რომ მარია შარაპოვა აღარ აპირებს მესამე ტურში ვიქტორია აზარენკას წინააღმდეგ კორტზე გასვლას.</p><p>"ფეხის ტრავმის შემდეგ სათანადოდ აღდგენა ვერ მოვახერხე. ამასთან დაკავშირებით არ მსურს არასასურველი რისკის გაწევა", - განაცხადა შარაპოვამ პრესკონფერენციაზე.</p><p>ასე რომ, მესამე ტურში აზარენკას წინააღმდეგ ფრანგი მარიონ ბარტოლი ითამაშებს, რომედიც ტურნირზე სათადარიგო მოთამაშის რანგში ჩავიდა.</p><p>ასევე აღვნიშნავთ, რომ მარიას უარმა წლის შედეგების მიხედვით რეიტინგში პირველი ადგილი გაუნაღდა დანიელ კაროლინ ვოზნიაცკის. ტურნირზე გამარჯვების შემთხვევაში სწორედ შარაპოვას ჰქონდა სკანდინავიელი ჩოგბურთელის გადასწრების შანსი.</p><p><strong>WTA</p><p></strong>WTA Championships</p><p>სტამბოლი (თურქეთი). ჰარდი</p><p>საპრიზო ფონდი: 4 900 000 დოლარი</p><p>წითელი ჯგუფი</p><p>ვერა ზვონარევა (რუს)-კაროლინ ვოზნიაცკი (დან) 2:6, 6:4, 6:3.</p><p>თეთრი ჯგუფი</p><p>ვიქტორია აზარენკა (ბლრ)-სამანტა სტოსური (ავსტრა) 6:2, 6:2; ნა ლი (ჩინ)-მარია შარაპოვა (რუს) 7:6(4), 6:4.</p><p><strong>ყოველდღიური სპორტული გაზეთი "ლელო"</strong></p>
[PHOTO] პირველი ქალი ჩოგბურთელი, რომელმაც მკერდი გაიდიდა - ფრანგმა გოგონამ მიზეზი ახსნა
სენსაციებით დატვირთული დღე შანხაიში - ტურნირს რამდენიმე ვარსკვლავი ერთიანად გამოეთიშა
ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა
ფუტსალი | საქართველო 2:2 ყირგიზეთი
პსჟ პაჩოს კონტრაქტს გაუგრძელებს
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
ქალთა ნაკრები ორ ამხანაგურ მატჩს გამართავს
"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა
ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა
პსჟ-ში ტრავმირებულები ბრუნდებიან - დემბელესა და მარკინიოსს "ლევერკუზენთან" თამაში შეეძლებათ
აბუაშვილის და წიტაიშვილის "მეცმა" მორიგი მარცხი განიცადა
როგორი შეფასებები მიიღო მამარდაშვილმა "მანჩესტერ იუნაიტედთან" მატჩში?
[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
გვარდიოლამ გაამხილა, როდის იფიქრებს მწვრთნელის კარიერის დასრულებაზე