<p>საქართველოს ეროვნული ჩემპიონატის პირველი წრის შემდეგ ესპანელმა სპეციალისტმა განვლილი პერიოდი შეაფასა <br> საქართველოს ეროვნული ჩემპიონატის პირველი წრე მიილია, საინტერესოა თუ როგორ აფასებს "დინამოს" ესპანელი მთავარი მწვრთნელი, ალექს გარსია, განვლილ პერიოდს. გულშემატკივრისთვის აქტუალურ და საინტერესო კითხვებზე პასუხს საკმაოდ ვრცელ ინტერვიუში თავად ალექს გარსია პასუხობს.</p><p><strong>- უპირველესად</strong><strong> უკანასკნელ შეხვედრებზე დაგეკითხებით. რა კომენტარს გააკეთებდით ?</p><p></strong>- მნიშვნელოვანია და ამავდროულად სასიხარულოც, რომ გუნდმა საკუთარი ძალების ირწმუნა, რის შედეგადაც ჩვენი თამაში ვიპოვეთ და აგერ უკვე ზედიზედ მეორე მატჩია მოედანს გამარჯვებულნი ვტოვებთ.</p><p><strong></p><p>- უმაღლესი ლიგის პირველი წრე დასრულდა, როგორ შეაფასებდით გუნდის გამოსვლას?</p><p></strong>- რაოდენ სამწუხაროც არ უნდა იყოს ჩვენ ჩემპიონატის პირველი წრე არასტაბილურად ვითამაშეთ. ევროპის ლიგის გათამაშებიდან ეროვნულ ჩემპიონატზე გადმორთვა არ იყო იოლი. ის ფსიქოლოგიური წნეხი, რომელიც აეკთან ორმატჩიან დაპირისპირებას მოჰყვა მოსალოდნელიც იყო. ვიცოდით, რომ გუნდს ჩავარდნა ექნებოდა, დასანანია, რომ სწორედ პრინციპულ მეტოქეებთან მნიშვნელოვანი შეხვედრები დავთმეთ.</p><p>ყველაფრის მიუხედავად, სამწვრთნელო შტაბის წევრები კმაყოფილნი ვართ "დინამოს" გამოსვლით. ჩვენ ნელ-ნელა ვუახლოვდებით იმ ფეხბურთს, რომლისკენაც ვისწრაფვით. გუნდის ფილოსოფია მხოლოდ და მხოლოდ შემტევ ფეხბურთს ქადაგებს. ამ კომპონენტში ვპროგრესირებთ და ნაბიჯ-ნაბიჯ ვიხვეწებით, რასაც უკანასკნელი შეხვედრებიც მოწმობენ. რომ არა ის უიღბლობა, რომელიც "დინამოს" თან სდევს, ვფიქრობ ჩვენ ქულათა გრაფაში გაცილებით მეტი ეწერებოდა.</p><p><strong></p><p>- თქვენ ახსენეთ ჩავარდნა, რა არის ამის მიზეზი?</strong></p><p>- დიდი ხანია ამაზე ვფიქრობთ და რაოდენ გასაკვირადაც უნდა მოგეჩვენოთ, ჩვენთვის ეს კითხვა პასუხგაუცემელია.</p><p><strong>- ვის მიიჩნევთ საჩემპიონო მარათონში "დინამოს" უშუალო კონკურენტად?</p><p></strong>- პირველ წრეში ჩვენთვის ყველაზე უხერხული მეტოქე "ზესტაფონი" იყო. ვფიქრობ, რომ ერთ-ერთი მთავარი კონკურენტიც ეს გუნდი იქნება.</p><p><strong>- მიმდინარე სეზონში რომელი გუნდის წინააღმდეგ ითამაშა "დინამომ" ყველაზე რთული და ყველაზე კარგი მატჩი?</p><p></strong>- ვფიქრობ "ზესტაფონთან". ევროპული ბატალიების შემდეგ, ჩემპიონატში ჩართვა ფსიქოლოგიურად გაგვიჭირდა და რომ არა ჩისკოს გოლები, შეიძლებოდა მათთან შეხვედრაში დავმარცხებულიყავით. პირველ წრეში ნაჩვენები საუკეთესო შეხვედრა ჩვენმა გუნდმა, "გაგრასთან" ითამაშა. მათ წინააღმდეგ ნათამაშები ფეხბურთი სწორედ იმ ფილოსოფიასთან გახლავთ მიახლოებული, რომლის დასანერგადაც ვმუშაობთ. ამ ფეხბურთს შედეგის მოტანა და გულშემატკივართა გახარება შეუძლია.</p><p><strong>- "დინამოს" წინ მეტად მნიშვნელოვანი შეხვედრა ელის. რა კომენტარს გააკეთებდით თასის საპასუხო მატჩის წინ?</p><p></strong>- წინ რთული მატჩი გველის. მომდევნო ეტაპზე გასასვლელად მხოლოდ და მხოლოდ გამარჯვებაა საჭირო, მჯერა ჩვენ ამ ეტაპს გადავლახავთ და ეროვნული თასისთვის ბრძოლას განვაგრძობთ. ვეცდებით საპასუხო მატჩში მეტოქეზე ერთი გოლით მეტის გატანას, რაც 1/4 ფინალურ ეტაპზე თამაშის საშუალებას მოგვცემს.</p><p><strong>- გაამართლა თუ არა თქვენი მოლოდინი უმაღლესმა ლიგამ?</p><p></strong>- საქართველოს ჩემპიონატი ძალზედ კონკურენტუნარიანია. განსაკუთრებით გასვლითი შეხვედრების თამაში არის რთული. ნებისმიერ ქალაქში განსაკუთრებულად ელოდებიან "დინამოს" ჩასვლას, ჩვენს წინააღმდეგ ყველა განსაკუთრებულად გამოდის მოედანზე სათამაშოდ.</p><p>მატჩამდე არცერთ გუნდს აქვს გარანტირებული სამი ქულა. ვფიქრობ საინტერესო პირველობაა და დასკვნით ფაზაში კიდევ უფრო დაძაბული გახდება. ბოლოს მინდა მადლობა გადავუხადო თითოეულ გულშემატკივარს, მათი მხურვალე მხარდაჭერა გუნდის თითოეული წევრისთვის ძალიან მნიშვნელოვანია. ვიმედოვნებ სეზონის ბოლოს მათ ტიტულებით გავახარებთ.</p><p><strong></p><p>fcdinamo.ge</strong></p>
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!