კასანო გადარჩა

ანტონიოს სიცოცხლეს საფრთხე არ ემუქრება, მოედანზე დაბრუნებასაც აუცილებლად შეძლებს ბოლო პერიოდში, ძალიან ხშირად გვიწევს ანტონიო კასანოზე წერა, რაც მისი ჯანმრთელობის მდგომარეობით გახლავთ განპირობებული.კიდევ ერთხელ ვთქვათ, რომ "რომა"-"მილანის" შემდეგ, ანტონიო მოულოდნელად ცუდად გახდა და სასწრაფოდ კლინიკაში გადაიყვანეს - რამდენიმე დღე უცნობი იყო თუ რა დაემართა იტალიური ფეხბურთის ერთ-ერთ ყველაზე კაშკაშა ვარსკვლავს, გუშინ კი დიაგნოზი დაისვა და ბევრ კითხვას გაეცა პასუხი. სწორედ ამიტომ მივუბრუნდით ამ თემას კიდევ ერთხელ და ვეცდებით, საქმის ვითარებაში მაქსიმალურად კარგად გაგარკვიოთ."მილანის" ოფიციალურ ვებგვერდზე ნათქვამია, რომ კასანოს გულის პრობლემები დაუდგინდა, რის გამოც უახლოეს დღეებში ოპერაციას გაიკეთებს. ვებგვერდზე დეტალურად არის აღწერილი თუ რა სჭირს ანტონიოს და რა სახის ქირურგიულ ჩარევას საჭიროებს - იმედია, მოგვიტევებთ თუ ავადმყოფობის დეტალური დახასიათება-აღწერისგან თავს შევიკავებთ და პირდაპირ იმ საკითხზე გადავალთ, რომელიც ფეხბურთის მოყვარულებისთვის გაცილებით უფრო საინტერესო და გასაგებია.რაც მთავარია, ანტონიოს სიცოცხლეს საფრთხე არ ემუქრება, მოედანზე დაბრუნებასაც აუცილებლად შეძლებს, დანარჩენზე კი ქვემოთ "მილანის" მთავარი მწვრთნელის თანაშემწე მაურო ტასოტი მოგვითხრობს:"ექიმებთან დეტალური საუბარი გვქონდა და ყველაფერი გავარკვიეთ. საბედნიეროდ, კასანო გაცილებით უკეთ არის, თავისუფლად ლაპარაკობს და არც გადაადგილების პრობლემა აქვს. უახლოეს დღეებში ანტონიოს ოპერაციას გაუკეთებენ და სარეაბილიტაციო პერიოდიც დაიწყება. კარგია ის, რომ სრულად გამოჯანმრთელდება, თუმცა როდის დაუბრუნდება მოედანს, ამაზე დღეს საუბარი გაგვიჭირდება.წინასწარი პროგნოზით, მინიმუმ ოთხ თვეზეა ლაპარაკი, მაგრამ ბევრი რამე თვითონ ოპერაციაზეა დამოკიდებული. დიდი იმედი მაქვს, რომ ყველაფერი ძალიან კარგად ჩაივლის და ანტონიო მიმდინარე სეზონში კიდევ მოირგებს "მილანის" ამუნიციას".არ შეიძლება არ აღვნიშნოთ, რომ კასანოს მთელმა საფეხბურთო იტალიამ დაუჭირა მხარი, სოციალურ ქსელებზე უამრავმა ფეხბურთელმა გაამხნევა "მილანის" ფორვარდი და მას მალე გამოჯანმრთელება უსურვა. ანალოგიური შინაარსის მესიჯები ანტონიომ იტალიის ფარგლებს გარედანაც მიიღო, რისთვისაც უზომოდ მადლიერია. დიახ, როგორც ტასოტიმ აღნიშნა, კასანო კლინიკაში უკეთესაც გრძნობს თავს და თავისუფლად ლაპარაკობს - ანტონიო "რაი სპორტის" ჟურნალისტს ტელეფონზე გაესაუბრა და გულშემატკივრებს მხარდაჭერისთვის მადლობა გადაუხადა.კასანოს დიაგნოზთან დაკავშირებით, კომენტარი გააკეთა "მილანის' ვიცე-პრეზიდენტმა ადრიანო გალიანიმ და შემდეგი განაცხადა: "ძალიან ვნერვიულობდი და სიმართლე გითხრათ, გაცილებით უარესის მოლოდინი მქონდა. როდესაც გავიგე რასთან გვაქვს საქმე, დავმშვიდდი და თითქოს მხრებიდან დიდი ტვირთი მომეხსნა - ექიმებთან საუბრის შემდეგ გავარკვიე, რომ ანტონიო აუცილებლად დაუბრუნდება მოედანს, ეს კი ამ ეტაპზე უმთავრესი სიახლეა. როდის მოხდება ეს? - ჩემი ინფორმაციით, სარეაბილიტაციო კურსი ოთხიდან ექვს თვემდე წაიღებს, ანუ ცუდ შემთხვევაში, მომავალი სეზონიდან დაგვიბრუნდება".ყოველდღიური სპორტული გაზეთი "ლელო"

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

დე ლაურენტისი კონტეს ნაკრებში გაშვებაზე თანახმაა - რას მოითხოვს სანაცვლოდ?

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა

ფრე წაგების შემდეგ - გოგლიჩიძემ და ჩაკვეტაძემ შეუცვლელად ითამაშეს

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!