- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
8 გოლი... ერთ მატჩში!
<p>ბოლო წლებია, ჩვენს ჩემპიონატში უკვე ის გვიხარია, როცა კონკრეტულ მატჩში ერთ ან ორ გოლს ვიხილავთ ხოლმე, ხოლო ტურში...</p><p><br> <strong>ბოლო წლებია, ჩვენს ჩემპიონატში უკვე ის გვიხარია, როცა კონკრეტულ მატჩში ერთ ან ორ გოლს ვიხილავთ ხოლმე, ხოლო ტურში გატანილი გოლების საშუალო მაჩვენებელი ორს თუ მიაღწევს, აი, მაშინ უკვე... აღმასვლა-აღორძინებაზე ვიწყებთ ლაპარაკს...</p><p></strong>არადა, დრო იყო, საქართველოს ჩემპიონატში მართლაც ჩვეულებრივი იყო, როცა შეხვედრების უმრავლესობაში 6, 7 ან უფრო მეტი გოლი გადიოდა. 1990-1995 წლების თბილისის "დინამოზე" ხომ საერთოდ ზედმეტია ლაპარაკი - მეტოქეთა უმრავლესობას მართლაც ასტრონომიული ანგარიშებით რომ ამარცხებდა.</p><p>7:0, 8:0, 9:0, 10:0, 11:0 - მსგავსი არაერთხელ გვინახავს და ხშირ შემთხვევაში, იმ კონკრეტული სეზონის მიხედვით "დინამოს" ევროპაში სარეკორდი მაჩვენებელი ჰქონდა. აი, როგორც IV ეროვნულ ჩემპიონატში იყო: 3 ივნისს, გივი ნოდიას ხელმძღვანელობით მოასპარეზე "დინამომ" რუსთავის "მეტალურგი" აშკარად არასაფეხბურთო ანგარიშით - 13:4 დაამარცხა (4 გოლი რევაზ არველაძემ გაიტანა, 3-3 - გელა ინალიშვილმა და გიორგი ქინქლაძემ, თითო-თითო - შოთა და არჩილ არველაძეებმა). 16 გოლი ერთ მატჩში - ევროპაში ეს შედეგი დიდხანს იყო ხელუხლებელი, ისე როგორც მანამდე ჩვენ ჩემპიონატში დაფიქსირებული რამდენიმე მართლაც განსაკუთრებული მაჩვენებელი.</p><p>თუმცა ამ ყველაფერზე ქვემოთ ვისაუბრებთ, მანამდე კი ორი დღის წინ მომხდარ მართლაც განსაკუთრებულ ფაქტზე გვინდა გიამბოთ. პარასკევს, 20 აგვისტოს, ჰოლანდიის მეორე დივიზიონის მეორე ტურის ერთ-ერთ მატჩში მეტად "უცნაური" ანგარიში დაფიქსირდა: როტერდამის "სპარტამ" საშინაო შეხვედრაში "ალმერე" (წინა წლებში ეს გუნდი "ომნივორლდის" სახელით ასპარეხობდა) 12:1 დაამარცხა!</p><p>"სპარტა" ჰოლანდიის ერთ-ერთი უძველესი კლუბია - 1888 წლის პირველ აპრილს არის დაარსებული; 6-ჯერ ჰოლანდიის ჩემპიონიც გახდა (უკანასკნელად - 1959 წელს), 3-ჯერ კი ქვეყნის თასი აქვს მოპოვებული. 2002 წლამდე მუდამ ჰოლანდიის უმაღლეს დივიზიონში ასპარეზობდა, მაგრამ დებიუტანტი მწვრთნელის - ფრანკ რიიკაარდის ხელმძღვანელობით მეორე ლიგაში დაქვეითდა. სამი წელი დასჭირდა "სპარტას" უძლიერესთა შორის რომ დაბრუნებულიყო; თუმცა ხუთწლიანი პაუზის შემდეგ გასულ სეზონში კვლავაც წარუმატებლად იასპარეზა (პლეი-ოფში დამარცხდა) და ახალი მწვრთნელის იან ევერსეს ("ფეიენოორდისა" და "აიაქსის" ყოფილი ფეხბურთელი) ხელმძღვანელობით ისევ ერედივიზიონში დასაბრუნებლად უნდა იბრძოლოს.</p><p>პირველ ტურში "სპარტას" რთული მატჩი ჰქონდა პირველ დივიზიონში გადასვლის კიდევ ერთ ფავორიტთან - "იგლზთან" და სტუმრად შეძლო გამარჯვება (2:1). აი, იმ შეხვედრიდან ორიოდ დღეში კი როტერდამულმა კლუბმა, ერთი შეხედვით, ჩვეულებრივი ტრანსფერი განახორციელა: ასევე მეორე დივიზიონის არაფრით გამორჩეული "პელმონდიდან" ფართო საზოგადოებისათვის უცნობი ფორვარდი იოჰან ვოსკამპი გადმოიყვანა.</p><p>25 წლის თავდამსხმელმა "სპარტას" ხელმძღვანელთა ყურადღება არა მხოლოდ ჩინებული ფიზიკური მონაცემების (სიმაღლე - 1,93 მ, წონა - 88 კგ) გამო მიიქცია: წინა სეზონში "პელმონდის" მაისურით 33 შეხვედრაში 22 გოლი გაიტანა. არადა, "სპარტას" სწორედ რომ შედეგიანი ფორვარდი სჭირდებოდა: გასული სეზონის წარუმატებლობის ერთ-ერთი მთავარი მიზეზი ისიც იყო, რომ გუნდმა 34 მატჩში მეტოქეთა კარში მხოლოდ 30 გოლის გატანა მოახერხა.</p><p>და აი, ტანმაღალი ცენტრფორვარდის შეძენით ეს პრობლემა ფაქტობრივად, უკვე გადაჭრილია - მეორე დივიზიონის ყველაზე სახელოვან და ტიტულოვან კლუბში თავის სადებიუტო მატჩში იოჰან ვოსკამპმა 8 გოლი გაიტანა!</p><p>ეგ კი არა, ალბათ მეტიც (!) შეძლო, მაგრამ მწვრთნელებმა 77-ე წუთზე შეცვალეს, ამას გარდა, პირველ ტაიმში "ალმერეს" კარში პენალტი რომ დაინიშნა, "სპარტას" სხვა ფეხბურთელმა შეასრულა - ამ მომენტისათვის მასპინძლები 1:0-ს იგებდნენ და ის გოლიც ვოსკამპის ანგარიშზე იყო.</p><p>...ერთი მხრივ, ჰოლანდიის ჩემპიონატში (პირველშიც და მეორე დივიზიონშიც) მაღალი შედეგიანობა გასაკვირვი არ არის; ამ რამდენიმე წლის წინათ "ჰერენვენის" ბრაზილიელმა ფორვარდმა აფონსო ალვეშმა მეტოქის ("ჰერაკლესი") კარში 7 გოლი გაიტანა. მაგრამ 12:1 მაინც განსაკუთრებული შემთხვევაა, რომ აღარაფერი ვთქვათ, კონკრეტული ფეხბურთელის მიერ მეტოქის კარში რვა (!) გოლის გატანაზე. თან, ნუ დაგვავიწყდება, რომეს ყველაფერი სეზონის დასაწყისში მოხდა, და არა - ფინიშზე, როცა ამა თუ იმ ფეხბურთელს საუკეთესო ბომბარდირობისათვის ბრძოლაში თანაგუნდელებთან ერთად... მეტოქის მოთამაშეებიც გეხმარებიან-ხოლმე...</p><p>...2009 წლის 23 მაისს, საიუბილეო, XX ჩემპიონატის დასკვნით ტურში ექსპერიმენტული შემადგენლობით მოასპარეზე თბილისის "დინამომ" "ბორჯომს" 12:0 მოუგო! თუმცა, კონკრეტულ ფეხბურთელს 6 თუ 7 გოლი არავის გაუტანია - ილია სპასოევიჩმა "პოკერი" შეასრულა და ეგ იყო. ზემოთაც აღვნიშნეთ, რომ "დინამოს" არაერთხელ დაუმარცხებია მეტოქეები ასტრონომიული სხვაობით; თუმცა, ერთ შეხვედრაში გატანილი გოლების მიხედვით, თუ არ ვცდებით, რეკორდი კვლავაც მიხეილ ჯიშკარიანს ეკუთვნის. ყველაფერი კი მესამე ეროვნულ ჩემპიონატში, "ცხუმი"-"მერცხალის" მატჩში მოხდა, როცა სოხუმელებმა მეტოქე 11:0 დაამარცხეს და აქედან 7 გოლი ჯიშკარიანმა გაიტანა.</p><p>სხვათა შორის, სოხუმი "ცხუმის" მართლაც ჩინებულმა ფორვარდმა მიხეილ ჯიშკრიანმა იმ სეზონში 35 გოლი გაიტანა, მაგრამ საქართველოს ჩემპიონატის საუკეთესო ბომბარდირობისათვის, ეს შედეგი... საკმარისი არ აღმოჩნდა! ჯიშკარიანი 5 გოლით ჩამორჩა ლანჩხუთის "გურიას" და საერთოდ, ეროვნული ჩემპიონატების ისტორიაში ერთ-ერთ გამორჩეულ ფეხბურთელს ოთარ კორღალიძეს (ამპლუით ნახევარმცველს!); თუმცა იმ სეზონის ბოლოს "ცხუმის" 22 წლის თავდამსხმელს სხვა აღიარება ელოდა: ქართველი სპორტული ჟურნალისტების გამოკითხვთ მესამე ჩემპიონატის საუკეთესო ფეხბურთელად მიხეილ ჯიშკარიანი დასახელდა!</p><p>ქართველებიდან ერთ მატშჩი 7 გოლი კიდევ ერთი ფეხბურთელს, ვარლამ კილასონიას აქვს გატანილი; 1996 წელს, რუსეთის პირველ ლიგაში ასპარეზობისას, სანკტ-პეტერბურგის "ლოკომოტივის" რიგებში მოსპარეზე კილასონიამ ლენინსკ-კუზნეცკის "ზარიას" კარში 7 გოლი ხომ გაიტანა, ორჯერ ხარიხას გაარტყა ბურთი და პლუს პენალტი... ვერ გამოიყენა!</p><p>ზემოთ იოჰან ვოსკამპი და მისი მართლაც შთამბეჭდავი შედეგი ვახსენეთ, თუმცა ერთ შეხვედრაში "სპარტაკის" ახალწვეულზე მეტი სხვებსაც გაუტანიათ: 1994-95 წლების სეზონის ბოლო ტურს ვგულისხმობთ, ოღონდ... საქართველოში. აი, მაშინ მოხდა, თუ მოხდა: ქუთაისის "ტორპედომ" თერჯოლის "საპოვნელას" 11:4 მოუგო, ხოლო ფოთის "კოლხეთმა" წყალტუბოს "სამგურალს" - 10:5!</p><p>არც ერთ მასპინძელს ქულები არ სჭირდებოდა, მეტოქეები კი უკვე გავარდნილები იყვნენ, მაგრამ დარჩენილი იყო მთავარი ინტრიგა: "ტორპედოს" ფორვარდი მამუკა ხუნდაძე და "კოლხეთის" ნახევარმცველი გიორგი დარასელია ერთმანეთს ბომბარდირობისათვის ეცილებოდნენ.</p><p>ბოლო ტურის წინ ხუნდაძეს 25 გოლი ჰქონდა გატანილი, დარასელიას - 26 და აი, ისე მოხდა, რომ ორივე მათგანმა ბოლო ტურში მეტოქეთა კარში... 9-9 გოლის გატანა მოახერხა! ოღონდ, ორივე ფეხბურთელის მაჩვენებელიც და საერთოდ, ორივე მატჩის შედეგი საქართველოს ფეხბურთის ფედერაციის მაშინდელი პრეზიდენტის ნოდარ ახალკაცი-უფროსის გადაწყვეტილების თანახმად... გაუქმდა! ოფიციალური ვერსია ასეთი იყო: ორივე მატჩი სპორტული პრინციპების დარღვევით ჩატარდა...</p>
ძალიან ყინჩად კი იყვნენ - "იბერია 1999"-ის მძლეველი "მალმიო" "კოპენჰაგენმა" გააბითურა
"ბარსელონას" 8 წლიან კონტრაქტზე უარი ვუთხარი და ყველაფერი დავკარგე" - მესის ბავშვობის თანაგუნდელის ინტერვიუ
რიო ფერდინანდმა თავისი ყველა დროის საუკეთესო თერთმეტეული დაასახელა
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
როგორ ფორმაში ხვდება ხვიჩა სანაკრებო მატჩებს - ბარკოლას მარცხნივ ურჩევნია...
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
"დინამო თბილისი": სამი გოლი, სამი ქულა