<p>ფედერაციის თასის ფინალში რუსებმა მოსკოვში მიიღეს ჩეხეთის ნაკრები, მაგრამ საკუთარი მოედნის ფაქტორის გამოყენება ვერ შეძლეს <br> გასული კვირა მდიდარი იყო საჩოგბურთო მოვლენებით, რომელთაგანაც გამორჩეული გახლდათ ქალთა გუნდური ჩემპიონატის - ფედერაციის თასის ფინალი მოსკოვში. რუსეთის ნაკრებმა შინ მიიღო ჩეხეთი და ვერ შეძლო საკუთარი მოედნის ფაქტორის გამოყენება.</p><p>პირველი დღის შემდეგ საერთო ანგარიში იყო - 1:1. კვირას პირველები კორტზე გუნდების ლიდერები - სვეტლანა კუზნეცოვა და მსოფლიოს მეორე ჩოგანი - პეტრა კვიტოვა გამოვიდნენ. რუსმა უკეთ დაიწყო შეხვედრა და უიმბლდონის ჩემპიონს პირველი სეტი 6:4 მოუგო, მეორეში კი კვიტოვა დომინირებდა და მხოლოდ ორი გეიმი დაუთმო კუზნეცოვას.</p><p>გადამწყვეტ პარტიაში ჩეხეთის ნაკრები სერიოზული საფრთხის წინაშე დადგა, რადგან კუზნეცოვამ 3:0 წაიყვანა ანგარიში. მასპინძლებისთვის ამ შეხვედრის მოგება, პრაქტიკულად ტიტულის მოგებას ნიშნავდა, მაგრამ კვიტოვამ შეძლო თამაშში გარდატეხის შეტანა - ზედიზედ ექვსი გეიმი აიღო და მეორე ქულა მოუტანა თავის გუნდს.</p><p>ამის შემდეგ კორტი გუნდების მეორე ნომრებს - ანასტასია პავლიუჩენკოვასა და ლუსი საფაროვას დაეთმოთ. საფაროვა ცუდ ფორმაში შეხვდა ფინალს და ორი დღის განმავლობაში მეორე მატჩი წააგო.</p><p>პავლიუჩენკოვამ პირველ სეტში ორი ბრეიკი გააკეთა, მეორეში - ერთი და ამის ხარჯზე იოლად მოიგო - 6:2, 6:4. ფინალში ანგარიში კიდევ ერთხელ გათანაბრდა - 2:2 და ყველაფერი წყვილების შეხვედრას უნდა გადაეწყვიტა.</p><p>გადამწყვეტი მატჩი რუსების დუეტმა - მარია კირილენკომ და ელენა ვესნინამ კარგად დაიწყო - მეხუთე გეიმში ბრეიკი გააკეთა და 4:2 დაწინაურდა, მაგრამ ეს მასპინძლების ბოლო წარმატება აღმოჩნდა მატჩში. ჩეხებმა - ლუსი ჰრადეცკამ და კვეტა პეშკემ ზედიზედ ოთხი გეიმი აიღეს და სეტი 6:4 მოიგეს.</p><p>მეორე პარტია სტუმრებისთვის უფრო იოლად წარიმართა - პეშკემ და ჰრადეცკამ ნაადრევი ბრეიკით 3:1 წაიყვანეს ანგარიში, 4:2-ზე კი ზედიზედ ორი გეიმი მოიგეს და მატჩის საბოლოო ანგარიში დააფიქსირეს - 6:4, 6:2.</p><p>ჩეხეთმა ფედერაციის თასის ფინალი 3:2 მოიგო და თავისი არსებობის ისტორიაში პირველად დაეუფლა ამ პრესტიჟულ პრიზს.</p><p><em><strong>რუსეთი-ჩეხეთი 2:3</strong></em></p><p>0:1 კირილენკო-კვიტოვა 2:6, 2:6</p><p>1:1 კუზნეცოვა-საფაროვა 6:2, 6:3</p><p>1:2 კუზნეცოვა-კვიტოვა 6:4, 2:6, 3:6</p><p>2:2 პავლიუჩენკოვა-საფაროვა 6:2, 6:4</p><p>2:3 კირილენკო/ვესნინა-ჰრადეცკა/პეშკე 4:6, 2:6</p><p><strong>ყოველდღიური სპორტული გაზეთი "ლელო"</strong></p>
მხოლოდ 1 გეიმი - ბასილაშვილმა პეკინის ტურნირზე გამოსვლა დაასრულა
უცნაურია - მუსეტიმ ზედიზედ მეხუთე ფინალი წააგო
ბასილაშვილი ფორმაში შედის - ATP-ის ტურნირის მეოთხედფინალში გავიდა და ასეულში დაბრუნების შანსი აქვს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ