შემადგენლობა ვარჯიშზე გამოფინეს

11-13 ნოემბერს ლიტვის დედაქალაქ ვილნიუსში სამბისტთა მსოფლიოს ჩემპიონატზე, საქართველოს ნაკრებიც იასპარეზებს 11-13 ნოემბერს ლიტვის დედაქალაქ ვილნიუსში სამბისტთა მსოფლიოს ჩემპიონატი იმართება, რომელშიც საქართველოს ვაჟთა ნაკრები ასეთი შემადგენლობით იასპარეზებს: ავთანდილ ცინცაძე (52), უშანგი კუზანაშვილი (57), დავით სვიმონიშვილი (62), ლევან ნახუცრიშვილი (68), კახა მამულაშვილი (74), ნიკოლოზ კუცია (82), ლაშა გურული (90), ლომერ ჟორჟოლიანი (100), დავით ლორიაშვილი (+100). სამი მონაწილე ქალთა შორისაც გვეყოლება: შორენა შარაძე (64), ნინო ოძელაშვილი (72), ირინა ლეონიძე (80).როგორც ვხედავთ, სამბისტთა შორის ძირითადად ძიუდოისტები სჭარბობენ - ქალებში სამივე ძიუდოისტია, ვაჟებში - ოთხი. ოღონდ ამ კვარტეტიდან კუცია საკმაოდ ხშირადაც გამოსულა ძიუდოში და ასაკობრივ ნაკრებებში წარმატებებიც მოუპოვებია, თუმცა ამის მიუხედავად, მაინც უფრო სამბისტია, იმათი გაზრდილია.ზედა სამი წონის ფალავანი - გურული, ჟორჟოლიანი და ლორიაშვილი კი წმინდა წყლის ძიუდოისტია. ამათგან ჟორჟოლიანი სულაც იქაური ნაკრების ერთ-ერთი ლიდერია თავის წონაში - ევროპის ვიცე-ჩემპიონს არაერთ შეჯიბრებაშიც გაუმარჯვია. ამ წუთისთვის სალიცენზიო რეიტინგშიც ჩვენგან ყველაზე კარგი მაჩვენებელი მას აქვს ანუ ოლიმპიადაზე წასვლის უმთავრესი კანდიდატია.ამ სამეულის სამბისტებში გამოჩენა ცოტა მოულოდნელია, თუმცა გუნდი ძირითადად საქართველოს პირველობის შედეგების მიხედვით დაკომპლექტდა. ასევე მოულოდნელია 52-ში ცინცაძის, 90-ში კი გურულის ჩართვა, რადგან პირველი აქამდე ზედა წონებში გამოდიოდა - 57-ში და იშვიათად 62-შიც კი, ხოლო 90-ში ბოლო წლების უცვლელი ლიდერი სამბოში მსოფლიოსა და ევროპის ჩემპიონი მინდია ბოდაველია. სამბისტთა ნაკრებში საკონტროლო შეხვედრები სწორედ ამ ორ წონაში ჩატარდა და ზემოთ დასახელებულმა ფალავნებმა გაიმარჯვეს. ცინცაძეს სერიოზული კონკურენტი არც ჰყავდა და იოლად გაუსწორდა მეტოქეებს, გურულმა კი ბოდაველიც დაამარცხა და გიორგი ცოციაშვილიც.პრაქტიკულად, ისე გამოვიდა, რომ ცინცაძემ და კუზანაშვილმა წონები გაცვალეს. მსოფლიოს და ევროპის ჩემპიონი კუზანაშვილი 57-ში რომ გადავიდოდა, ეს შარშანვე გაცხადდა, რადგან ძალიან ბევრის დაკლება უწევდა და გამოიფიტა. ცინცაძემაც ამის შემდეგ გადაწყვიტა წონის დაკლება, თუმცა ახლა ბევრის კლება, ანუ იგივე პრობლემა მის წინაშე დგას. ასე რომ, რამდენად გამართლებულია ეს ნაბიჯი, ვილნიუსში გამოჩნდება, ამ ეტაპზე კი მას მხოლოდ სარისკო გადაწყვეტილება შეიძლება ვუწოდოთ.თავიდან ნაკრების ხელმძღვანელობას საკონტროლო შეხვედრის გამართვა მძიმე წონაშიც სურდა, მაგრამ იქ ერთ-ერთმა კონკურენტმა - ადამ ოქრუაშვილმა ძიუდოს ნაკრებში არჩია ვარჯიში და კონკურენციაც მას შემდეგ მოიხსნა. მწვრთნელთა გადაწყვეტილებით, მძიმე წონაში ლორიაშვილი დააყენეს, რომელიც ძიუდოში 100 კილოგრამში გამოდის.რაც შეეხებათ ქალებს, მათთვის სამბო უცხო არაა და ოძელაშვილი ახალგაზრდებში მსოფლიოს ჩემპიონია.სამბისტები ვილნიუსში 9 ნოემბერს გაფრინდებიან. მსოფლიოს პირველობისთვის მზადების ციკლში მათ ორი შეკრება გაიარეს - დუშეთსა და თბილისში, "სამბოს სასახლეში", სადაც გუშინ ღია ვარჯიში გამართეს. მას ნაკრების მწვრთნელების გარდა, სპორტისა და ახალგაზრდობის საქმეთა სამინისტროს და საქართველოს სამბოს ფედერაციის ხელმძღვანელებიც ესწრებოდნენ. ყველამ გამოთქვა იმედი, რომ გუნდი ვილნიუსში წარმატებით გამოვა, რადგან საამისოდ ყველა წინაპირობა არსებობს - შემადგენლობაც ძლიერია და კარგი მოსამზადებელი ციკლიც გაიარეს.თემურ გიორგაძე (ფედერაცის პრეზიდენტი, ნაკრების მთავარი მწვრთნელი): "გუნდი კარგადაა მომზადებული როგორც ფიზიკურად, ასევე - ტექნიკურად და ფსიქოლოგიურად. სპორტსმენებმა ორი შეკრება გაიარეს, წარმატებით ივარჯიშეს და ვფიქრობთ, ვილნიუსში 5-6 მედალს მოვიპოვებთ, ოღონდ ხარისხზე ლაპარაკი ახლა ძალიან ძნელია. ვიმედოვნებთ, მათ შორის უმაღლესი სინჯის ჯილდოებიც იქნება".გია გალდავა (სპორტისა და ახალგაზრდობის საქმეთა მინისტრის მოადგილე): "ნაკრების წევრთა დიდი ნაწილი ქართული ჭიდაობიდან და ძიუდოდანაა მოსული. სამბისტები მუდმივად გვანებივრებენ წარმატებებით და, იმედია, ახლაც ასე იქნება. მით უფრო, ერთი თვის წინათ ახალგაზრდები და ჭაბუკები კარგად გამოვიდნენ ბალტიისპირეთშივე, ოღონდ რიგაში, მსოფლიოს ჩემპიონატზე. ამის თქმის საფუძველს გუნდის მიერ გავლილი ნაყოფიერი მოსამზადებელი ციკლი მაძლევს".მსოფლიოს ჩემპიონატს ვილნიუსის "სიმენს არენა" უმასპინძლებს. 11 ნოემბერს ვაჟთაგან 52, 68 და 90 კილოგრამების წარმომადგენლები იჭიდავებენ, ქალებში - 48, 60, 72-ის. 12-ში ლეიბზე 57, 74 და 100 კილოგრამის მამაკაცებს და 52-64-80-ის ქალებს ვიხილავთ, დანარჩენები კი 13 ნოემბერს იასპარეზებენ. ფინალური ბლოკი პირველ ორ დღეს 17 საათზე დაიწყება, 13-ში - 16 საათზე.ყოველდღიური სპორტული გაზეთი "ლელო"

ისტორიული შედეგი - ქართველმა სამბისტებმა ევროპირველობაზე 13 მედალი მოიპოვეს

ლერი აბულაძე მსოფლიოს ჩემპიონი გახდა [VIDEO]

"ნუ გადავიტანთ ამ ყველაფერს პოლიტიკურ ჭრილში" - სამბოს ფედერაცია განცხადებას ავრცელებს

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

ონანა კარიერას სავარაუდოდ, თურქეთში განაგრძობს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

"შავი ლომი" "ძებრესთან" დამარცხდა

ლუქსემბურგის ახალგაზრდული ნაკრების ავტობუსი გზაში გადატრიალდა

გატუზო თავის სტიქიაშია - ზოგს წაუთაქა, ზოგს სილა გააწნა

დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?

ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!