ნუკრი რევიშვილი: "ანჟიში" შანსი არ მქონდა

საქართველოს ნაკრების მეკარის თქმით, ხელფასის აღება და უთამაშებლობა მისთვის მიუღებელია "ლელო" უკვე წერდა, რომ მახაჩყალის "ანჟისა" და საქართველოს ნაკრების მეკარე ნუკრი რევიშვილი "კრასნოდარში" გადავიდა.დაღესტნელთა გენერალურმა დირექტორმა გერმან ჩისტიაკოვმა "სპორტ-ექსპრესთან" ინტერვიუში თქვა, რომ რევიშვილს ახალ კონტრაქტს და გაორმაგებულ ხელფასს სთავაზობდნენ, მაგრამ დარჩენა იუარაო."რევიშვილმა თავისი გზა აირჩია, რისი სრული უფლებაც ჰქონდა - კლუბთან მოქმედი კონტრაქტი წლის ბოლოს უმთავრდება.ყველაფრისთვის, რაც "ანჟისთვის" გაუკეთებია, მადლიერები ვართ და წარმატებულ კარიერას ვუსურვებთ. თუმცა გვაოცებს ის, რომ რევიშვილის გადაწყვეტილების შესახებ ნუკრის ახალი კლუბისგან შევიტყვეთ და არა თავად მისგან. მაგრამ "ანჟის" მეკარის საკითხი არ აღელვებს, რადგან რუსეთის ერთ-ერთი საუკეთესო მეკარე ვლადიმირ გაბულოვი შევიძინეთ", - განაცხადა ჩისტიაკოვმა.ეროვნული ნაკრების შეკრებაზე ჩამოსულ რევიშვილს გუშინ ველაპარაკეთ.- ჩისტიაკოვის ინტერვიუში გაღიზიანება იგრძნობოდა. ერთი ვერ გავიგეთ, გაბულოვი იმიტომ ჩაიყვანეს "ანჟიში", რომ შენ გადახვედი "კრასნოდარში", თუ მისმა ყიდვამ გადაგადგმევინა ეს ნაბიჯი?- ჯერ მე გავაფორმე "კრასნოდართან" კონტრაქტი, მერე კი ორი რუსი მეკარე მოიყვანეს. მე ხომ მანამდე ვიცოდი, რომ მომავალი წლიდან რუსეთის პრემიერლიგაში ახალი დებულება ამოქმედდება და ლეგიონერებზე ლიმიტის გამო "ანჟიში" უშანსოდ ვრჩებოდი.- ლეგიონერების ნაკლებობა არც "კრასნოდარშია".- "ანჟიში" უფრო ბევრი ლეგიონერია, "კრანსოდარში" კი მეტი რუსი ჰყავთ და თამაშის მეტი შანსიც მექნება.- ანუ ეს იძულებითი ნაბიჯი იყო.- ფაქტობრივად, ასეა, თანაც, "ანჟიში" დარჩენის საფასურად გაორმაგებულ ხელფასს მპირდებოდნენ, მაგრამ მხოლოდ ხელფასის აღება და უთამაშებლობა ჩემთვის მიუღებელია, უნამუსობაც კი გამოდიოდა. მე თამაში მინდა და არა მხოლოდ კარგი ხელფასი, რადგან, უპირველესად, ნაკრების ფაქტორს ვითვალისწინებდი - ეროვნულ გუნდს უთამაშებელი მეკარე არ სჭირდება. სხვათა შორის, სხვა ვარიანტებიც მქონდა.- მათ შორის, კიევის "დინამოც".- შესაძლოა, ამაზე კლუბები ლაპარაკობდნენ, პირადად მე კი არავინ დამკავშირებია. მოკლედ, ახლა "კრასნოდარი" ვამჯობინე და გამართლებული იყო თუ არა ჩემი ნაბიჯი, დრო გამოაჩენს.- ევროპული კლუბებიდან წინადადება არ გქონია?- არანაირი, თორემ ძლიერ ევროპულ ლიგაში ძალების მოსინჯვა ჩემი ოცნებაა.ჩისტიაკოვმა კიდევ ერთხელ წამოატივტივა ნუკრი რევიშვილის მენეჯერის, რუსეთში მოსაქმიანე მამუკა ჯუღელის თემა. ჩისტიაკოვი ამბობს, საქმეში ჯუღელიც ჩაერია, მაგრამ, რევიშვილისთვის ხელფასის გაორმაგების პარალელურად, მისთვის თანხის გადახდა მიზანშეწონილად არ ჩავთვალეთო.შეგახსენებთ, რომ ახლახან "სპორტ-ექსპრესი" ამტკიცებდა, საქართველოს ნაკრების მეკარის "კრასნოდარში" გადასვლით ჯუღელმა ნახევარი მილიონი ევრო მოიგოო.რევიშვილს ამის თაობაზეც ვთხოვეთ კომენტარი:- საიდან იციან, ჯუღელი ნახევარ მილიონს იღებს, მილიონს თუ საერთოდ არაფერს. აქ მთავარი ისაა, რომ ეს არასწორი ინფორმაციაა. საერთოდ, ბოლო დროს ჯუღელს ძალიან უკირკიტებენ. მსგავსი ინფორმაცია სხვა ტრანსფერებზე არ გამოუქვეყნებიათ და ვერ გავიგე, მამუკას რას ერჩიან?ყოველდღიური სპორტული გაზეთი "ლელო"

lasha

Werner არა ფეხბურთის გესმის, 1 თამაში თუ მაინც გინახავს ნუკრისი ანჟიში ნათამაშები? : ) ხო ხო თუ არ გაარტყა ვერ იღებს ბურთებს.. მართალი ხარ, გეტყობა ჩახედილი ხარ საფეხბურთო ციებ ცხელებაში ) და ეს ბიჭი არის ქართველი პატრიოტი !
guram dinamo

რევო კაცი ხარ კაცური,სწორი გადაწყვეტილებაა,შენ ნაკრებს სჭირდები.
Werner

shoda ქართველობა არაფერ შუაშია ამაზე საზიზღარი მეკარე მე არ მინახია ზედ თუ არ გაარტყა თავდამსხმელმა ბურთი ისე ვერ იღებს ვერაფერს და ანჟის რა ფინანსები და და ამბიციები აქვს ეგ კარგად ვიცით ყველამ,ეტო'ო ჯუჯაკი ჟირკოვი და რავი ვინ აღარ იყიდეს და სერიუზული გუნდის აშენება უნდათ შესაბამისად რევიშვილიც მოიშორეს რა,გაბულოვი უკეთესი მეკარეა + რუსეთის მოქალაქეა (რუსეთის ჩემპიონატში 6ზე მეტი "არარუსი" არ შეიძლება რო სასტარტოში იყოს)
shoda

იმას ერჩიან, რომ ქართველია!!!!

შესაძლებელია თუ არა ამ ზაფხულს კვარაცხელიას "არსენალში" გადასვლა - ფაბრიციო რომანომ ამ საკითხზე ისაუბრა

Le Parisien: შთამბეჭდავი კვარაცხელიათი დუეს გარეშე - მათი გუნდში ყოლა ნებისმიერი მწვრთნელისთვის ფუფუნებაა

"პარიზს უყვარხარ, "კვარადონა" - ევროპის უდიადეს სცენებს ანათებ" - პსჟ ხვიჩას აქებს

შეთანხმება მიღწეულია - ფლიკი "ბარსელონას" მთავარი მწვრთნელის პოსტზე დარჩება

პერესის რჩეული - "რეალი" ოლისეს სუპერ ტრანსფერისთვის ემზადება?

სპალეტის იმედი აღარ აქვს - კლუბი დევიდის წასვლას ხელს არ შეუშლის

ახალი კონტრაქტი "ჯენოასგან" - დე როსის მიწვევა სხვა იტალიურ კლუბებსაც სურთ

"ჩელსის" დიდი დანაკლისი პსჟ-ისთან მატჩის წინ - ლონდონელებს გუნდის კაპიტანი გამოაკლდათ

მე-17 ტურის ბოლო მატჩში "რუსთავმა" გურჯაანში "დელტა" დაამარცხა

VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...

დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე

საქართველოს ნაკრები რუმინეთთან ამხანაგურ მატჩს გამართავს

"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი

[VIDEO] კიდევ ეს უნდოდა? - იგორ ტუდორის კურიოზული ვიდეო სოციალურ ქსელში ვირუსულად ვრცელდება

ბათუმმა ზედიზედ მეოთხე გამარჯვება ორბთან იზეიმა

[VIDEO] პსჟ-მდე "ჩელსი" სახლში "ნიუკასლთან" დამარცხდა

[VIDEO] აკი პუტინი არ ვარო - ლაპორტა მესამედ გახდა "ბარსელონას" პრეზიდენტი და წაუცეკვა

[VIDEO] რეგრესი - საქართველოს ნაკრები რაგბი ევროპის ჩემპიონატის ფინალში პორტუგალიასთან დამარცხდა

VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...

[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა

[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა

[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა

VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს