<p>გამარჯვებით დაიწყო საშინაო მასტერსი ფრანგმა ჟო-ვილფრიდ ცონგამ, რომელიც წლის შემაჯამებელ ტურნირზე მოსახვედრად იბრძვის <br> მეორე წრის მატჩებით განახლდა მასტერსის სერიის ბოლო ტურნირი პარიზში. დღის ერთ-ერთ ცენტრალურ შეხვედრაში ერთმანეთს შეხვდნენ ჩეხი ტომაშ ბერდიხი და ესპანელი ფერნანდო ვერდასკო.</p><p>პირველი სეტის იოლად მოგების შემდეგ, ბერდიხს მეორე პარტიაში პრობლემები შეექმნა - 5:2-ზე მან ზედიზედ სამი გეიმი წააგო, მაგრამ, ბოლოს მაინც მოახერხა მესამე ცდიდან მატჩზე ჩაწოდება და 6:3, 7:5 გაიმარჯვა. ჩეხმა ჩოგბურთელმა ოთხი ბრეიკი გააკეთა, თავად კი მხოლოდ ერთხელ დათმო საკუთარი მოწოდება და კარიერაში მეცხრედ დაამარცა ვერდასკო.</p><p>ფერნანდოსგან განსხვავებით გაუმართლა კიდევ ერთ ესპანელ ჩოგბურთელს - ფელისიანო ლოპესს, რომელიც მასპინძელ მიკაელ ლოდრას ხვდებოდა. პირველ სეტში ფელისიანომ ურთულესი ტაი-ბრეიკი 9:7 მოიგო, მეორე პარტიაში კი ორჯერ აიღო მეტოქის მოწოდება და საათსა და 38 წუთში 7:6, 6:3 გაიმარჯვა, რითაც მომდევნო წრეში ფრანგ გაელ მონფილსთან შეხვედრის უფლება მიიღო.</p><p>მოულოდნელი შედეგი დაფიქსირდა უკრაინელი სერგეი სტახოვსკისა და იაპონელი კეი ნიშიკორის მატჩში. აზიელმა გასულ კვირას თვით ნოვაკ ჯოკოვიჩი დაამარცხა, მაგრამ ამჯერად ვერაფერი გააწყო უკრაინელის წინააღმდეგ და ორ სეტში წააგო - 4:6, 3:6.</p><p>ნიშიკორიმ საკუთარ თავს უნდა დააბრალოს ეს მარცხი, რადგან 14 ბრეიკ-პოინტიდან მხოლოდ ორის გამოყენება შეძლო.</p><p>წააგო კიდევ ერთმა ფრანგმა - ჟულიან ბენეტო ენდი როდიკთან მატჩში თითო სეტში თითოჯერ იღებდა მეტოქის მოწოდებას, რასაც ამერიკელი ორი ბრეიკით პასუხობდა და მსოფლიოს ყოფილმა პირველმა ჩოგანმა საათსა და 22 წუთში 6:4, 6:4 გაიმარჯვა. ამ მატჩში კარგად იმუშავა როდიკის მთავარმა იარაღმა - მოწოდებამ. როდიკის ანგარიშზე 9 ეისი მოდის.</p><p>გამარჯვებით დაიწყო საშინაო მასტერსი ფრანგმა ჟო-ვილფრიდ ცონგამ, რომელიც წლის შემაჯამებელ ტურნირზე მოსახვედრად იბრძვის. მასპინძელს პრობლემა არ ჰქონია ესპანელი გილერმო გარსია ლოპესის წინააღმდეგ. ცონგამ ცხრა ეისისა და სამი ბრეიკის წყალობით 6:3, 6:4 მოუგო მსოფლიოს 64-ე ნომერს და შემდეგ წრეში გავიდა. სხვათა შორის, ეს იყო ცონგას საიუბილეო - 50-ე გამარჯვება მიმდინარე სეზონში.</p><p>ყველაზე დაძაბული მატჩი ამერიკელმა ჯონ ისნერმა და შვეიცარიელმა სტანისლას ვავრინკამ შემოგვთავაზეს, რომელშიც ორი ტაი-ბრეიკი გათამაშდა და ბოლო შემოკლებულ გეიმში უფრო იღბლიანი ამერიკელი ჩოგბურთელი აღმოჩნდა. ჩოგბურთელებმა ორი საათი 56 წუთი დაჰყვეს კორტზე და ისნერმა 20 ეისის ხარჯზე 6:7, 7:5, 7:6 გაიმარჯვა.</p><p>დღის ბოლო მატჩში კიდევ ერთმა მასპინძელმა რიშარ გასკემ ორ სეტში დაამარცხა სამხრეთ აფრიკელი კევინ ანდერსონი. ფრანგმა პირველი სეტი ნაადრევი ბრეიკის წყალობით მოიგო - 6:4, მეორე პარტიაში კი 6:5-ზე მატჩზე აწვდიდა, მაგრამ ანდერსონმა საქმე ტაი-ბრეიკამდე მიიყვანა, თუმცა იქ უფრო იღბლიანი გასკე აღმოჩნდა, რომელმაც 7:4 მოიგო შემოკლებული გეიმი.</p><p><strong>ყოველდღიური სპორტული გაზეთი "ლელო"</strong></p>
მხოლოდ 1 გეიმი - ბასილაშვილმა პეკინის ტურნირზე გამოსვლა დაასრულა
უცნაურია - მუსეტიმ ზედიზედ მეხუთე ფინალი წააგო
ბასილაშვილი ფორმაში შედის - ATP-ის ტურნირის მეოთხედფინალში გავიდა და ასეულში დაბრუნების შანსი აქვს
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ