<p>მინეაპოლისში გაიბრწყინა მაიკლ ფელპსმა, რომელმაც სამი დღის განმავლობაში ოქროს ხუთი მედალი მოიპოვა <br> ტოკიოში დასრულდა მსოფლიოს თასის გათამაშება მოკლე აუზისთვის. ერთი თვის განმავლობაში ჩატარდა შვიდი ეტაპი, რომელთა შედეგების მიხედვით გაირკვა საერთო ჩათვლის ორი გამარჯვებული. თუმცა იაპონიის დედაქალაქში სერიოზული ბრძოლა არ გამოვიდა და მთავარი პრიზი მოიგეს იმათმა, ვისაც ეს ყველაზე მეტად სურდა.</p><p>რა თქმა უნდა, მსოფლიოს თასის მთავარ გმირად ჩად ლე კლო უნდა მოვნათლოთ. ისევე როგორც შარშანდელმა ლაურეატმა, ბრაზილიელმა ტიაგო პერეირამ, სამხრეთაფრიკელმაც წელს ყველა ეტაპზე დააგროვა ქულები. თანაც ლე კლომ უნივერსალიზმი გამოავლინა და ბრასის გარდა ყველა დისციპლინაში მიიღო მონაწილეობა. შედეგად, შვიდ ეტაპზე ჩადს 23 (!) მოგება გაუგროვდა.</p><p>ბოლო ეტაპისთვის ლე კლოს აშკარად დაღლა დაეტყო და თავს მოდუნების უფლება მისცა. პირველ დღეს მან სამ ფინალში მიიღო მონაწილეობა, მაგრამ სამივე წააგო. კვირას კი საერთოდ ვერ მოხვდა 100 მეტრი ბატერფლაის ფინალში, 200 მეტრზე კომპლექსურში კი კოსუკე ჰაგინოსთან დამარცხდა და ვერცხლი მიიღო.</p><p>თუმცა სამხრეთაფრიკელს იაპონია ოქროს გარეშე მაინც არ დაუტოვებია. მან პირველობა მოიპოვა 200 მეტრზე კროლში, თანაც ამჯერად მისი ტაქტიკა განსხვავდებოდა იმისგან, რასაც წინა სტარტებზე იყენებდა. ლე კლომ ყველა მიაჩვია თავის ბრწყინვალე ფინიშს, რომლის წყალობითაც მან რამდენიმე ლამაზი გამარჯვება მოიპოვა, ამჯერად კი აფრიკელმა თავიდანვე შეუტია და ამან შედეგი გამოიღო. უკვე დისტანციის პირველ ნახევარში ის თავის ყველაზე სახიფათო მოწინააღმდეგეს ტაკეში მაცუდას წამზე მეტს უგებდა და შეძლო ბოლომდე უპირატესობის შენარჩუნება.</p><p>ქალთა გათამაშებაში გარკვეული კონკურენცია მაინც შეინიშნებოდა. ბოლო ეტაპის წინ ტერეზა ალშამარი მელისა ფრანკლინს მხოლოდ 25 ქულით უგებდა, თუმცა შვედს შეეძლო მილოცვები მიეღო შარშანდელი წარმატების გამეორებისთვის, რადგან ამერიკელი არ აპირებდა აზიაში გამოსვლას. ამ მსოფლიოს თასზე ის მხოლოდ ორ ეტაპზე მონაწილეობდა - მოსკოვსა და ბერლინში და მაინც მოახერხა საერთო ჩათვლაში მეორე ადგილზე გასვლა. ეს იმის წყალობით, რომ ერთ-ერთ ეტაპზე მსოფლიოს რეკორდი დაამყარა 200 მეტრზე გულაღმა ცურვაში, რამაც მას უამრავი ბონუსი მოუტანა.</p><p>ფრანკლინის გასწრება შეეძლო ავსტრალიელ ბლერ ევანსს - ოღონდ მას 940 ქულა უნდა დაეგროვებინა. ევანსმა ბრწყინვალედ გაცურა 400 მეტრი თავისუფალის საწყისი მონაკვეთი და დისტანციის ნახევარი მსოფლიოს რეკორდთან ახლოს იყო, მაგრამ ფინიშამდე 50 მეტრით ადრე შემობრუნებისას შეცდა, რამაც სამი წამი დააკარგვინა. საბოლოოდ, მან ეს გაცურვა მოიგო, მაგრამ 17 ქულა არ ეყო მეორე ადგილამდე.</p><p><strong>* * *</strong></p><p>რაც შეეხება ფრანკლინს, მან 11-13 ნოემბერს მინეაპოლისში მიიღო მონაწილეობა გრანპრის სერიის პირველ ეტაპზე, რომელიც ამერიკის ცურვის ასოციაციის მიერ არის ორგანიზებული. მსოფლიოს თასისგან გასხვავებით, ტურნირი კლასიკურ 50-მეტრიან აუზში ჩატარდა.</p><p>მელისამ გაიმარჯვა 100 მეტრზე გულაღმა ცურვაში საკმაოდ მაღალი შედეგით - 59,69.</p><p>ასევე აღსანიშნავია ჯესიკა ჰარდის გამარჯვება, რომელმაც რებეკა სონის 100 მეტრი ბრასი მოუგო.</p><p>მინეაპოლისში გაიბრწყინა მაიკლ ფელპსმა, რომელმაც სამი დღის განმავლობაში ოქროს ხუთი მედალი მოიპოვა. ამ გრანპრიზე მეხუთე გამარჯვება 14-გზის ოლიმპიურმა ჩემპიონმა 200 მეტრზე კომპლექსურ ცურვაში მოიპოვა. მან დისტანცია წუთსა და 57,58 წამში გაცურა და მეორე ადგილზე გასულ დარიან თაუნსენდს თითქმის ოთხი წამით გაუსწრო.</p><p>მინეაპოლისში პირველ ორ დღეს ფელპსმა გაიმარჯვა 100 და 200 მეტრზე ბატერფლაიში, 200 მეტრზე თავისუფალი სტილით და 100 მეტრზე გულაღმა ცურვაში.</p><p>სააგენტო AP-თვის მიცემულ ინტერვიუში ფელპსმა განაცხადა, რომ 2012 წლის ოლიმპიადისთვის მზადება კარგად მიდის. მოცურავე კმაყოფილი დარჩა არა მხოლოდ ოქროს მედლების რაოდენობით, არამედ ნაჩვენები შედეგებითაც.</p><p><strong>ყოველდღიური სპორტული გაზეთი "ლელო"</strong></p>
მამაკაცმა მოცურავეების წინ გაისეირნა და აუზში პირდაპირ თავით გადახტა - კადრები სოციალურ ქსელში ვირუსულად გავრცელდა [VIDEO]
ნოე ფანცხავამ პარიზის ოლიმპიურ თამაშებზე 41-ე ადგილი დაიკავა
15 წლის ანა ნიჟარაძემ ოლიმპიადაზე გამოსვლა დაასრულა
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!