- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
"კლასიკო" არაკლასიკური სცენარით - დინამო-ტორპედო 2:0
<p>იმერლებმა თბილისელებს მეტ-ნაკლებად ტოლსწორი ბრძოლა მხოლოდ მატჩის საწყის ნახევარ საათში გაუმართეს <br> 20.11. თბილისი. ეროვნული. 1 200 მაყურებელი</p><p><em><strong>დინამო-ტორპედო 2:0</strong></em></p><p>1:0 ჩისკო (45. ჯიღაურის პასით), 2:0 თომაშვილი (55)</p><p>დინამო ტორპედო</p><p>4-3-3 4-4-1-1</p><p>ლორია მიგინეიშვილი</p><p>ოდიკაძე დ. ფოფხაძე</p><p>ჰომოლა ს. თოდუა</p><p>რეხვიაშვილი გამეზარდაშვილი</p><p>თომაშვილი გურული</p><p>კვეკვესკირი დოლიძე</p><p>ჯიღაური გ. დათუნაიშვილი</p><p>ალვარო ჩიკვილაძე</p><p>კახელიშვილი იოსელიანი</p><p>კოტო დ. ბოლქვაძე</p><p>ჩისკო მეგრელაძე</p><p>მწვრთნელი მწვრთნელი</p><p>ა. გარსია გ. გეგუჩაძე</p><p>დინამო</p><p>81. კოტო - იაგუე</p><p>87. ჯიღაური - თექთურმანიძე</p><p>90. კახელიშვილი - ლექვთაძე</p><p>სათადარიგოები: ნადირაძე, კაკუბავა, გ. ბერაია, რობერტინიო</p><p>ტორპედო</p><p>54. ჩიკვილაძე - კუხიანიძე</p><p>68. დოლიძე - საბანაძე</p><p>81. მეგრელაძე - დ. ჯანელიძე</p><p>სათადარიგოები: ქვილითაია, ფარულავა, ტაბატაძე, რ. გოცირიძე</p><p>არბიტრი: ლ. სილაგავა</p><p>"დინამოს" აშკარა უპირატესობა, ორი გოლი, ოთხი ძელი და კიდევ უამრავი გამოუყენებელი საგოლე მომენტი "ტორპედოს" ერთადერთი შანსის წინააღმდეგ - აი, ასეთი იყო გუშინდელი "ქართული კლასიკოს" საერთო სურათი.</p><p>მოსალოდნელი ინტრიგა მხოლოდ სანახევროდ გამართლდა - "დინამომ" მიმდინარე ჩემპიონატში თავისი საუკეთესო მატჩი ჩაატარა, "ტორპედომ" კი პირიქით - ერთ-ერთი უსუსტესი და, შესაბამისად, 2:0-იც არ არის ამ შეხვედრის ლოგიკური შედეგი - დედაქალაქელებს უფრო სოლიდური სხვაობით გამარჯვება მართებდათ.</p><p>გარკვეული პაუზის შემდეგ საქართველოს ჩემპიონატი ეროვნულ სტადიონზე, იმავე "დინამო არენაზე" დაბრუნდა და, იმის მიუხედავად, რომ მაყურებელთა რაოდენობა ჩვენი უმაღლესი ლიგისთვის ჩვეული იყო, საფეხბურთო ზეიმი მაინც შედგა. ახალი გაზონი მხოლოდ ვიზუალურად კი არ იყო მიმზიდველი, თამაშის ყურების დროსაც ცხადი იყო, რომ ფეხბურთელები მასზე თავს კომფორტულად გრძნობდნენ.</p><p>"დინამომ" კაპიტანი ალექსანდრე კოშკაძე ავადმყოფობის გამო მოისაკლისა, "ტორპედოს" კი ორი მნიშვნელოვანი მოთამაშე, ნახევარმცველები დავით დიღმელაშვილი და თორნიკე თარხნიშვილი დისკვალიფიკაციის გამო აკლდა. გარკვეულწილად, სწორედ ამის ბრალიც იყო, რომ სტუმრებმა მოედნის ცენტრი პირწმინდად დათმეს და "დინამოს" წამლეკავი უპირატესობაც, უპირველესად, ამან განაპირობა. იმერლებმა თბილისელებს მეტ-ნაკლებად ტოლსწორი ბრძოლა მხოლოდ მატჩის საწყის ნახევარ საათში გაუმართეს, რის შემდეგაც მოედანზე ერთი გუნდი დომინირებდა.</p><p>დებიუტში გუნდებმა რამდენიმე "ჩხვლეტა" გაცვალეს, რის შემდეგაც ნამდვილი მომენტების დრო დადგა. მე-17 წუთზე მიკელ ალვაროს ძლიერი დარტყმა სტუმართაგან უდავოდ საუკეთესომ, ომარ მიგინეიშვილმა მოიგერია, ხუთიოდე წუთში კი დინამოელთაგან ერთ-ერთმა გამორჩეულმა (ჯაბა ჯიღაურთან ერთად), ალვარომ ბურთი ხარიხას გაარტყა. 39-ე წუთზე კარლეს კოტოს დარტყმული ბურთი მოხვდა ძელს, ზედ შესვენების წინ კი ჯიღაურმა ითამაშა ეფექტურად, მისი ფლანგური გადაცემით ჩისკომ ანგარიში ერთი შეხებით გახსნა და ბომბარდირთა დავაში ერთპიროვნულად გალიდერდა.</p><p>თუკი შესვენებამდე "ტორპედო" ჯერ კიდევ არ ჰგავდა წასაგებად განწირულს, მეორე ტაიმში სტუმართა საჯარიმოში მოვლენები ელვის სისწრაფით ვითარდებოდა. მეორე ნახევრის დასაწყისში პუბლიკა მოედანზე გადამხტარმა ქომაგმა გაახალისა, თუმცა მალე ეს ამბავი აღარავის ახსოვდა, რადგან დინამოელები მეტოქეს ერთი მეორის მიყოლებით უქმნიდნენ ხიფათს.</p><p>53-ე წუთზე ჩისკოს ულამაზესი გოლის გატანა შეეძლო, მაგრამ მის მიერ კუთხურიდან ჩახვეული ბურთი ძელმა მოიგერია, ერთ წუთში ალვაროს მიგინეიშვილმა არ გაატანინა, კიდევ ერთ წუთში კი მოსახდენი მაინც მოხდა - კუთხურიდან ჩამოწოდებული ბურთი "ტორპედოს" მეკარემ ვერ მოიხელთა, გუშინდელ მატჩში ყველაზე უიღბლომ, ალვარომ ბურთი ხარიხას გაარტყა, დამატებაზე კი ყველას გულვერდ თომაშვილმა დაასწრო - 2:0.</p><p>"ტორპედო" ბოლომდე მოიშალა, დინამოელებმა კი რამდენიმე სწრაფი იერიში და მომენტი გაანიავეს. იმის მიუხედავად, რომ სტუმრებს თამაშის გადასარჩენი დრო ჯერ კიდევ ჰქონდათ დარჩენილი, შეტევაში სახეირო ვერაფერი გაახერხეს და ისიც საკვირველი იყო, მხოლოდ ორბურთიანი სხვაობით მარცხს რომ დასჯერდნენ.</p><p>"დინამომ" გვიჩვენა, რომ კრიზისის დაძლევის გზაზეა და ახლა საინტერესო ის არის, რას იზამს ალექს გარსიას გუნდი ერთი კვირის შემდეგ ზესტაფონში, "ტორპედომ" კი შთამბეჭდავი სერია შეწყვიტა და ნათლად დაგვანახა ის, რის თაობაზეც გუნდში გია გეგუჩაძის მისვლამდე ბევრს ლაპარაკობდნენ - ქუთაისელებს შემადგენლობის მნიშვნელოვნად გაძლიერება ესაჭიროებათ.</p><p><span style="color: #ff0000;"><strong>მატჩის შემდეგ</strong></span></p><p><strong>ალექს გარსია</strong> (დინამო): "ზედმეტია იმაზე ლაპარაკი, თუ რაოდენ მნიშვნელოვანი მატჩი მოვიგეთ. პირველი გოლის შემდეგ "დინამოს" უპირატესობა კიდევ უფრო გამოიკვეთა და ლოგიკური და დამსახურებული გამარჯვება ვიზეიმეთ. მატჩამდე ბიჭებს ვუთხარი, რომ ის ფორმა უნდა დაგვებრუნებინა, რითაც გულშემატკივრებს თავი ევროტურნირებზე დავამახსოვრეთ. ვფიქრობ, ამ მიზნისკენ დამაჯერებლად მივდივართ".</p><p><strong>გია გეგუჩაძე</strong> (ტორპედო): "დღეს მინდორზე მხოლოდ ერთი გუნდი იყო - "დინამო". მეტოქემ მეორე ტაიმში გვარიანად დაგვჯაბნა და უფრო დიდი სხვაობით გამარჯვებაც შეეძლო. კმაყოფილი მხოლოდ ერთი რამით შეიძლება ვიყო - ამ შეხვედრამ ჩვენი ყველა ნაკლოვანება თვალნათლივ დაგვანახა და ახლა ყოველივე აქედან სწორი დასკვნები უნდა გამოვიტანოთ".</p><p><strong>ყოველდღიური სპორტული გაზეთი "ლელო"</strong></p>
-
levani
მაგარი ტამაში იყო, ძალიან ვისიამოვნე, ხალხი კი გაცილებით უფრო მეტი იყო, 1200 კიარა 3000-მი ათასზე მეტი იყო!
-
Levani
მართლა მინიმუმ 3000 იქნებოდა 1200 როგორ გამოთვალეთ ძალიან მაინტერესებს. ამდენი ბოლოს როდის იყო არც მახსოვს და ადრე მეტს წერდით ხოლმე.
-
baxva
ქუთაისელი კაცი ვარ გილოცავთ დინამოს გულშემატკივრებს გამარჯვებას დაიმსახურეთ ნამდვილად . რაც შეეხება მაყურებელს გუშინ მინიმუმ 5000 კაცი იყო და რატომ აკლებთ არ შეიძლება ასე . მე არ მახსოვს დინამოს თამაშზე ამდენი ხალხი ჩემპიონატში და 1200 უწერთ ?
-
gio
თამაშზე თქვენ მემგონი არ ყოფილხართ სტატიიდან გამომდინარე ვიძახი ამას + მაყურებელი ძალიან ბევრი იყო დღეს მინიმუმ 4000 კაცამდე იყო და 1200 წერთ სად არის ნამუსი????? ძლივს მოვიდა ხალხი და თქვენ კიდე აკლებთ??
-
shako
თქვენ საერთოდ თამაშზე იყავით ბიჭოოოო??? რა 1200 მაყურებელი ფან-კლუბი იდგა მარტო 600 კაცი და ქუთაისელებიც 300 კაცი სადღაც ისე ხალხი რამდენი იყო ლურჯ ტრიბუნებს არ უყურებდით შეასწორეთ ბიჭო ეს რა არი მინიმუმ 4000 მაყურებელი იყო . არ ყოფილხართ თამაშზე და ისე წერთ
ალთუნაშვილი "იბერია 1999-ში" დაბრუნდა
ოფიციალურად: "კოლოსმა" ზურაბ რუხაძე წარადგინა
საქართველოს ახალგაზრდული ნაკრების ფეხბურთელი უკრაინულ კლუბში გადავიდა
ჩაკვეტაძე ისევ არ იყო განაცხადში - "უოტფორდი" მე-17 ადგილზე დაქვეითდა
დიდი თავგადასავალი იწყება - მიქაუტაძე "ატლეტიკოსთან" სასტარტოშია
[VIDEO] ზივზივაძე "დორტმუნდთან" მატჩში გააძევეს
დიდი 10 | ბათუმი 32:20 გორი
მოგებული პირველი ტაიმის შემდეგ "შავი ლომი" "ბენეტონთან" დამარცხდა
თურქეთმა საბერძნეთი შეარცხვინა - სუპერ ფინალის მოლოდინში!
16-წლამდელებმა აზერბაიჯანის ტურნე გამარჯვებით დაასრულეს
[VIDEO] ყაზაიშვილი ბწყინვალე ფორმაშია - ამჯერად სლუცკის გუნდთან ჰეთ-თრიკი შეასრულა
გერმანიამ ფინეთი მარტივად დაამარცხა და ევრობასკეტის ფინალში გავიდა
ლეგენდების მატჩი | დინამო V აიაქსი
ალთუნაშვილი "იბერია 1999-ში" დაბრუნდა
დღეს მიქაუტაძის ესპანური დებიუტია, ხვალ ხვიჩა დემბელე/დუეს გარეშე ითამაშებს
"ნოტინგემში" იუარეს მაგრამ პრემიერლიგაში ახალი ვარიანტი აქვს - მოურინიომ შესაძლოა, "ლიდს იუნაიტედი" ჩაიბაროს
"კვარას" გაყიდვის შემდეგ, კონტეს "ნაპოლიდან" წასვლა სურდა, მაგრამ ამიტომ გადაიფიქრა" - ადანიმ იტალიელ სპეციალისტზე ისაუბრა
"თუ ამ მიზეზის გამო გაუშვეს, გვარდიოლა როგორ წაიყვანდა?" - "ნაპოლის" ყოფილმა მცველმა დონარუმაზე ისაუბრა
ნიუკასლში ბურგერზე რიგები დგას - "შვედურმა ვირთხამ" დიდი მოწონება დაიმსახურა [PHOTO]
"შავი ლომი" | ორი ცვლილებით "ბენეტონთან"
ფუტსალი ნაკრებმა პლეი-ოფისთვის მზადება დაიწყო
სტივ მანდანდამ ფეხბურთელის კარიერა დაასრულა
"ფენერბაჰჩეს" დომენიკო ტედესკო ჩაიბარებს