<p>ესპანეთი. ლა ლიგა. XII ტურის შეჯამება: ჟონას რამალიო პირველი შერეული რასის ფეხბურთელია, ვინც "ბილბაოს" ძირითად გუნდში გამოჩნდა <br> რით იყო ეს ტური გამორჩეული? უპირველესად, მესტალიური მატჩით - ლიდერი ვალენსიაში ჩავიდა და 3:2 მოუგო "ვალენსიას", მიუხედავად იმისა, რომ მეორე ტაიმში იკერ კასილიასის კართან გვარიანად ჩამოცხა.</p><p>ეს სწორედ ის მატჩია, რომელშიც "რეალის" გოლი ჟოზე მოურინიოს ისე გაუხარდა, რომ ზურგზე მოექცა თავისსავე შეგირდს და ისე აღნიშნა სიხარული. ეს ის მატჩია, რომელიც უსკანდალოდ არ დასრულებულა - ბოლო წუთებზე "რეალის" კარში ორი მეკარე ჩადგა! ეს ნახევრად ხუმრობით - სინამდვილეში კი გონსალო იგუაინმა, ბევრის აზრით, ხელით ითამაშა, როცა გუნდი 100%-იანი გოლისგან იხსნა კარის ხაზზე. მატჩის შემდეგ ორი სუპერგუნდი უკვე გვრიანად მოცილდა სხვებს.</p><p>ტურში იყო ჩხვლეტა ქოლგით, რომელმაც ერთი მატჩი ჩაშალა - ანდალუსიაში "გრანადას" და "მალიორკას" შეხვედრა 64-ე წუთზე შეწყდა და მერე განახლდება, როცა საქმეს გამოიძიებენ. თანამსაჯი გადარჩა, მაგრამ გვარიანად შეშინდა. ექტორ კუპერმა კვლავ წააგო. მის თავზე დამოკლეს მახვილივით აღმართულია გაგდების პერსპექტივა, ქართველთა ექს-თავკაცის "რასინგი" 9 ქულით ბოლოზეა. არც სხვა ამბებია უინტერესო, წაიკითხეთ...</p><p><strong>რონი VS ლეო</p><p></strong>როგორც კი კრიშტიანო რონალდო "მესტალიაზე" ბურთს მიიღებდა, ტრიბუნებიდან "მესი, მესის" ძახილი ესმოდა, თუმცა თამაშის შემდეგ პორტუგალიელმა განაცხადა, რომ ეს შეძახილები მის თამაშს ვერაფერს დააკლებს - მოკლედ, ორი სუპერვარსკვლავის დუელი გრძელდება.</p><p>აქამდე 6:6 იყო.</p><p>ლეო მესიმ 90 წუთი ითამაშა "სარაგოსასთან" 4:0 მოგებულ მატჩში, გოლი გაიტანა, 6-დან 3 დარტყმა ზუსტი იყო, 3-ჯერ მის წინააღმდეგ დაჯარიმდნენ, ხოლო 4-ჯერ თავად. Goal.com-მა 7,5 ბალი დაუწერა.</p><p>კრიშტიანო რონალდომაც სრულად ითამაშა "ვალენსიასთან" 3:2 მოგებულ შეხვედრაში, გოლი მანაც შეაგდო, მისი 5 დარტყმიდან 2 ზუსტი იყო, მის წინააღმდეგ 3-ჯერ იუხეშეს, თავად კი ერთხელ დაჯარიმდა, მაგრამ ყვითელი ბარათი მიიღო. Goal.com-მა 7 ბალი დაუწერა.</p><p>ჩვენი ვერდიქტი: ამ ტურში 1:1, სულ კი 7:7, ბრძოლა გრძელდება...</p><p><strong>ტურის სიმბოლური ნაკრები</p><p></strong>Goal.com. 4-4-2</p><p>კლაუდიო ბრავო (რეალ სოსიედადი, 1) - ანდონი ირაოლა (ბილბაო, 1), კარლეს პუიოლი (ბარსელონა, 1), ჟერარდ პიკე (ბარსელონა, 1), ოსკარ დე მარკოსი (ბილბაო, 1) - იკერ მუნიაინი (ბილბაო, 2), ჩაბი ალონსო (რეალი, 1), ბორხა ვალერო (ვილიარეალი, 1), ხოსე რეიესი (ატლეტიკო, 1) - რობერტო სოლდადო (ვალენსია, 3), ქარიმ ბენზემა (რეალი, 1).</p><p><strong>ტურის გმირი</p><p></strong>ოსკარ დე მარკოსი (ბილბაო)</p><p>სევილიაში გადამწყვეტი გოლის ავტორი, რომლის წყალობითაც ბილბაოს "ატლეტიკმა" წაუგებელი სერია გააგრძელა.</p><p><strong>ტურის ფრაზები</strong></p><p>ხუან კარლოს გარიდო: "ვფიქრობ, მეტისმეტად დაცვითი ფეხბურთი ვითამაშეთ", - "ვილიარეალის" თავკაცი შინ "ბეტისის" 1:0 დამარცხების შემდეგ.</p><p>პეპე მელი: "ყველაფერს ვიფიქრებდი და "ელ მადრიგალზე" თუ თავს საკუთარ კედლებში ვიგრძნობდით, ამას - არა. მით უფრო დასანანია მარცხი", - "ბეტისის" მწვრთნელი დიდი უპირატესობის მიუხედავად 0:1 წაგების შემდეგ.</p><p>ხავიერ აგირე: "როცა ოპონენტი ყველაფერში გჯობს, ამის აღიარება კაცურად უნდა შეგეძლოს", - "სარაგოსას" მწვრთნელი "კამპ ნოუზე" 0:4 მარცხის მერე.</p><p>უნაი ემერი: "რეალს", რომ მოუგო უნაკლოდ უნდა ითამაშო, ჩვენ დღეს კარგად ვითამაშეთ, მაგრამ უნაკლოდ ვერა", - "ვალენსიას" თავკაცი 2:3 მარცხის მერე.</p><p>აიტორ კარანკა: "დღეს "რეალმა" დაამტკიცა, რომ მოგება შეუძლია მაშინაც, როცა ბრწყინვალედ თამაშობს და როცა მოედანზე ბევრი ვერაფერი გამოსდის", - "სამეფო კლუბის" მწვრთნელის ასისტენტი "მესტალიაზე" გამარჯვების შემდეგ.</p><p>ჟოზე მოურინიო: "ითამაშა თუ არა გონსალო იგუაინმა ხელით? არ ვიცი, არ დამინახავს", - ჟოზე მოურინიო საკამათო ეპიზოდზე.</p><p>მარსელო ბიელსა: "ეს არ იყო იოლი გამარჯვება, მაგრამ - სავსებით დამსახურებული", - "ბილბაოს" თავკაცი "სევილიას" 2:1 დამარცხების მერე.</p><p><strong>ტურის მსხვერპლნი</p><p></strong>ანდრეს ინიესტა (ბარსელონა): "სარაგოსასთან" მატჩში ბარძაყის ტრავმა მიიღო - მე-10 ორი სეზონის განმავლობაში! ამჯერად, ინიესტას დაზიანება საგანგაშო არაა.</p><p>მიგელ ტორესი (ხეტაფე): მადრიდელთა მარცხენა მცველი ოპონენტს შეეჯახა "სპორტინგთან" მატჩში და საკაცით გასაყვანი გახდა.</p><p><strong>ტურის ინციდენტი</p><p></strong>ესპანეთის ფეხბურთის ფედერაცია მალე გამოიძიებს ინციდენტს, რომელიც გრანადაში მოხდა, როცა შეხვედრის თანამსაჯს ტრიბუნიდან ნასროლი ქოლგა სახეში მოხვდა. "გრანადა" "მალიორკას" 2:1-ს უგებდა, ინციდენტი კი 64-ე წუთზე მოხდა. ხოსე აგილარ როდრიგესი სერიოზულად არ დაზარალებულა.</p><p><strong>პირველი</p><p></strong>ჟონას რამალიო (ბილბაო)</p><p>ის 18 წლის და 5 თვისაა, ამპლუით მარჯვენა მცველია. 20 ნოემბერს რამალიოს დებიუტი შედგა ლა ლიგაში - "სანჩეს პისხუანზე" ბოლო 3 წუთი (პლუს 2 დამატებული) ითამაშა. რამალიოს გამოსვლით დიდი ტრადიცია დაირღვა - ის პირველი შერეული რასის ფეხბურთელია, ვინც "ბილბაოს" ძირითად გუნდში გამოჩნდა - რამალიოს მამა ანგოლელია, ხოლო დედა - ბასკი. არადა, კლუბი 1898 წელსაა დაარსებული!</p><p><strong>ტურის სტატისტიკა</p><p></strong>25 გოლი ტურში (2,5 მატჩში). 4 თამაში მოიგეს მასპინძლებმა, 2 ფრით დასრულდა, სტუმრებმა 3 მოიგეს. ტურში მსაჯებმა 59 ყვითელი და 1 წითელი ბარათი დაარიგეს.</p><p>ჰეთ თრიკი - არავინ</p><p>დუბლი - რობერტო სოლდადო (ვალენსია)</p><p>ტურის ყველაზე ახალგაზრდა ფეხბურთელი: ჟონას რამალიო (ბილბაო, 18 წლის)</p><p>ყველაზე მეტი მაყურებელი: 80 000 - "კამპ ნოუ"</p><p>ყველაზე ნაკლები მაყურებელი: 8 000 - "ელ სარდინერო"</p><p>ყველაზე მეტი დარტყმა კარისკენ: 27 - ბარსელონა</p><p>ყველაზე მეტი დარტყმა კარში: 11 - ბარსელონა, ატლეტიკო</p><p>ყველაზე მეტი ჯარიმა: 23 - ბეტისი</p><p>ყველაზე მეტი კუთხური: 8 - სპორტინგი, მალაგა</p><p>ყველაზე მეტი თამაშგარე: 5 - ბეტისი</p><p>ყველაზე მეტი ბურთის ფლობა: 66% - ბარსელონა</p><p><em><strong>ვილიარეალი-ბეტისი 1:0</p><p></strong></em>საუკეთესო: ბორხა ვალერო (ვილიარეალი)</p><p><em><strong>ბარსელონა-სარაგოსა 4:0</p><p></strong></em>საუკეთესო: კარლეს პუიოლი (ბარსელონა)</p><p><em><strong>ვალენსია-რეალი 2:3</p><p></strong></em>საუკეთესო: რობერტო სოლდადო (ვალენსია)</p><p><em><strong>რეალ სოსიედადი-ესპანიოლი 0:0</p><p></strong></em>საუკეთესო: ვლადიმირ ვეისი (ესპანიოლი)</p><p><em><strong>სპორტინგი-ხეტაფე 2:1</p><p></strong></em>საუკეთესო: ნაჩო ნოვო (სპორტინგი)</p><p><em><strong>ოსასუნა-რაიო ვალეკანო 0:0</p><p></strong></em>საუკეთესო: ლასანა ბანგურა (რაიო ვალეკანო)</p><p><em><strong>სევილია-ბილბაო 1:2</p><p></strong></em>საუკეთესო: ანდერ ერერა (ბილბაო)</p><p><em><strong>ატლეტიკო-ლევანტე 3:2</p><p></strong></em>საუკეთესო: ხოსე რეიესი (ატლეტიკო)</p><p><em><strong>გრანადა-მალიორკა 2:1</p><p></strong>მატჩი შეწყდა</p><p><strong>რასინგი-მალაგა 1:3</p><p></strong></em>საუკეთესო: ისკო (მალაგა)</p><p>სატურნირო მდგომარეობა</p><p>თ მ ფ წ ბ ქ</p><p>1. რეალი 12 10 1 1 42-9 31</p><p>2. ბარსელონა 12 8 4 0 38-6 28</p><p>3. ვალენსია 12 7 3 2 19-12 24</p><p>4. ლევანტე 12 7 2 3 19-12 23</p><p>5. მალაგა 12 6 2 4 15-14 20</p><p>6. სევილია 12 4 6 2 12-10 18</p><p>7. ბილბაო 12 4 5 3 19-15 17</p><p>8. ესპანიოლი 12 5 2 5 9-13 17</p><p>9. ატლეტიკო 12 4 4 4 17-16 16</p><p>10. ვალეკანო 12 4 4 4 14-13 16</p><p>11. ოსასუნა 12 3 6 3 14-24 15</p><p>12. ვილიარეალი 12 3 5 4 10-17 14</p><p>13. ბეტისი 12 4 1 7 10-16 13</p><p>14. სპორტინგი 12 3 3 6 12-17 12</p><p>15. ხეტაფე 12 2 4 6 13-19 10</p><p>16. მალიორკა 11 2 4 5 8-16 10</p><p>17. სარაგოსა 12 2 4 6 12-26 10</p><p>18. გრანადა 11 2 3 6 4-12 9</p><p>19. სოსიედადი 12 2 3 7 9-18 9</p><p>20. რასინგი 12 1 6 5 8-18 9</p><p><strong>ბომბარდირები</strong>: 15 - ლიონელ მესი (ბარსელონა); 14 - კრიშტიანო რონალდო (რეალი); 11 - გონსალო იგუაინი (რეალი); 8 - რობერტო სოლდადო (ვალენსია); 7 - ქარიმ ბენზემა (რეალი), რადამელ ფალკაო (ატლეტიკო).</p><p><strong>ყოველდღიური სპორტული გაზეთი "ლელო"</strong></p>
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
"ბარსელონას" ქამბექი - ფლიკის გუნდმა "რეალთან" სხვაობა შეამცირა
ვალვერდემ ლუნინს "რეალის" დატოვება ურჩია
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
ფრე ქუთაისში... და "თელავის" მოგება "გაგრასთან"
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე