- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
MVP ნეიმარი გახდება
<p>ნეიმარს, სავარაუდოდ, ვერავინ შეეცილება პირველობას - სულ რაღაც 19 მატჩში ამ ფეხბურთელმა 11 გოლი გაიტანა <br> ბრაზილიის ჩემპიონატის დასრულებამდე ორი ტურია დარჩენილი. 5 დეკემბერს სეზონი დამთავრდება და მეორე დღეს გამოქვეყნდება 2011 წლის პირველობის სიმბოლური ნაკრები. მანამდე კი O'Globo-ის მიმომხილველებმა თითოეულ პოზიციაზე სიმბოლურში მოხვედრის პრეტენდენტები დაასახელეს.</p><p>დავიწყოთ მეკარეებით. ამ პოზიციაზე რიო-დე-ჟანეიროს კლუბების გოლკიპერები არიან გამორჩეულები - "ბოტაფოგოს" კიპერი ჯეფერსონი და ფერნანდო პრასი "ვასკო და გამადან". ამ უკანასკნელის დიდი დამსახურებაა, რომ "ვასკო" გაშვებული გოლების რაოდენობით მეორე საუკეთესო გუნდია ლიგაში.</p><p>მარჯვენა მცველის პოზიციაზე ასევე "ვასკო და გამას" ფეხბურთელი მოიაზრება. ეს გახლავთ ფაგნერი. მის პოზიციებს ისიც ამყარებს, რომ ფაგნერმა მიმდინარე სეზონში თავის თანაამპლუელებს შორის ყველაზე მეტი - ოთხი გოლი გაიტანა.</p><p>გადავიდეთ დაცვის ცენტრზე. აქ თითქმის უკონკურენციოდაა "ვასკოს" კიდევ ერთი ფეხბურთელი - ბრაზილიის ნაკრების წევრი დედე, რომელსაც შარშან ბრწყინვალე წელი ჰქონდა, მაგრამ ამ სეზონში კიდევ უფრო მოუმატა თამაშს. მის ანგარიშზე ექვსი გოლი მოდის და დედე "ვასკოს" შესანიშნავი სეზონის ერთ-ერთ სიმბოლოდ იქცა.</p><p>მიმომხილველები მის პარტნიორად დაცვის ცენტრში "ბოტაფოგოს" წევრს - ანტონიო კარლუშს მოიაზრებენ.</p><p>საუკეთესო მარცხენა მცველის პოზიციისთვის ერთმანეთს კონკურენციას გაუწევენ "ბოტაფოგოსა" და "ფიგეირენსეს" ფეხბურთელები - ბრუნო კორტესი და ჟუნინიო.</p><p>შარშან, სიმბოლურში "კორინთიანსის" ორი საყრდენი ნახევარმცველი მოხვდა - ჟუსილეი და ელიაში. წელს "მუშკეტერებმა" შეიძლება კვლავ მიავლინონ ამ ამპლუის ორი ფეხბურთელი ჩემპიონატის რჩეულთა ნაკრებში. ესენი არიან - რალფი და პაულინიო.</p><p>რალფი ნამდვილი ჩამშლელია, პაულინიოს კი შეტევაში თამაშიც ეხერხება, თანაც ძალიან კარგად, რაზეც მის მიერ გატანილი რვა გოლიც მეტყველებს.</p><p>თუმცა არ არის გამორიცხული, ეს წყვილი დაარღვიოს "ბოტაფოგოს" ვეტერანმა რენატო ფლორენსიომ.</p><p>დიდი კონკურენციაა შემტევი ნახევარმცველის პოზიციაზე.</p><p>"კრუზეიროს" არგენტინელი ლეგიონერი ვალტერ მონტილიო შარშანაც იყო სიმბოლურ ნაკრებში. წელს მისი გუნდი გავარდნის პირასაა და შეიძლება ამან ნეგატიურად იმოქმედოს მის წლევანდელ შესაძლო აღიარებაზე, თუმცა ისიც ფაქტია, რომ არგენტინელი 12 გოლით კლუბის საუკეთესო ბომბარდირია.</p><p>13 გოლით რეალური კანდიდატია "ფლამენგოს" ლიდერი რონალდინიო, მაგრამ მას სერიოზულ კონკურენციას უწევს მისივე თანაგუნდელი ტიაგუ ნევეში, რომელიც სეზონის მეორე ნაწილში რონალდინიოზე აშკარად უკეთ გამოიყურება. ნევეშს 12 გოლი და ექვსი შედეგიანი პასი დაუგროვდა და სიმბოლურში მოხვედრის რეალურია კანდიდატია.</p><p>არ უნდა დავივიწყოთ 20-წლამდელთა მსოფლიოს ჩემპიონატის გამარჯვებული და საუკეთესო ფეხბურთელი, "ინტერნასიონალის" ახალგაზრდა ვარსკვლავი ოსკარი, რომელმაც წელს დიდი პროგრესი განიცადა.</p><p>კანდიდატთა შორის სახელდება დიეგო სოუზაც. ჩაგდებული შარშანდელი სეზონის შემდეგ, 26 წლის ნახევარმცველი მიმდინარე ჩემპიონატში კარგად გამოიყურებოდა და "ვასკო და გამას" ერთ-ერთ ლიდერად იქცა.</p><p>შეტევით ხაზში ერთ ფეხბურთელს გარანტირებული აქვს სიმბოლურ ნაკრებში მოხვედრა. ეს არის "სანტოსის" ლიდერი ნეიმარი, რომელიც პრაქტიკულად ყველა მატჩში ამტკიცებს თავის მაღალ კლასს, ხოლო ივლისში "ფლამენგოს" წინააღმდეგ სეზონის საუკეთესო გოლი გაიტანა.</p><p>ასევე არ უნდა გაგვიკვირდეს სიმბოლურში ნეიმარის პარტნიორის - ბორჟესის მოხვედრა. ფორვარდი 23 გოლით ჩემპიონატის საუკეთესო ბომბარდირია და ძალიან ახლოსაა "ოქროს ბუცის" მოპოვებასთან.</p><p>კიდევ ერთი კანდიდატია "ინტერნასიონალის" ფორვარდი ლეანდრო დამიაო, მიუხედავად იმისა, რომ მძიმე ტრავმის გამო სეზონის დიდი ნაწილი გაუცდა.</p><p>ბოლო დროს შესანიშნავი ფორმა აკრიფა "ფლუმინენსეს" ფორვარდმა ფრედმა. უკანასკნელ ორი ტურში მან შვიდი გოლი გაიტანა და 20 გოლით კონკურენციას უწევს ბორჟესს "ოქროს ბუცისთვის" ბრძოლაში.</p><p><strong>* * *</p><p></strong>ასევე გამოვლინდება წლის საუკეთესო მწვრთნელი და აქ ფავორიტი ტიტე გახლავთ, რომლის "კორინთიანსს" სულ ცოტა აკლია ჩემპიონის ტიტულის განაღდებამდე.</p><p>"ვასკო და გამაში" კრისტოვაომ შესანიშნავად შეცვალა რიკარდო გომეში, რომელსაც სეზონის შუაში, უშუალოდ მატჩის დროს გულის შეტევა დაემართა და ჯერჯერობით ვერ უბრუნდება თავის საყვარელ საქმეს.</p><p>აბელ ბრაგა სეზონის მსვლელობისას მივიდა "ფლუმინენსეში" და ჩემპიონატის მეორე ნახევარში ისე აათამაშა ეს გუნდი, რომ ცხრილის შუა ნაწილიდან პირველ სამეულში შეიყვანა ბრაზილიის მოქმედი ჩემპიონი.</p><p>დიდი სიუპრიზი აღმოჩნდა ჟორჟინიოს პროგრესი. მსოფლიოს 2010 წლის ჩემპიონატზე დუნგას ასისტენტმა არაფრით გამორჩეული "ფიგეირენსე" ლიბერტადორესის თასის საგზურის მოპოვების ერთ-ერთ რეალურ კანდიდატად აქცია.</p><p><strong>* * *</p><p></strong>კიდევ ერთხელ უნდა ვახსენოთ "ფიგეირენსე". ამ გუნდის 19 წლის ფორვარდ ველინგტონ ნემს თითქმის გარანტირებული აქვს წლის საუკეთესო დებიუტანტის ტიტული. ნიჭიერი თავდამსხმელის ანგარიშზე ამ მომენტისთვის 9 გოლი და 4 საგოლე პასი მოდის.</p><p><strong>* * *</p><p></strong>და გვრჩება მთავარი ნომინაცია - სეზონის MVP.</p><p>თუ ბორჟესსა და ლეანდრო დამიაოს დავუჯერებთ, ეს ტიტული წელს ნეიმარს ეკუთვნის.</p><p><strong>ბორჟესი</strong>: "წელს ბრაზილეირაოში ბევრი დიადი ფეხბურთელი თამაშობდა: ლეანდრო დამიაო, ლუკას მოურა, რონალდინიო, მაგრამ საუკეთესო მაინც ნეიმარია..."</p><p><strong>დამიაო</strong>: "რა თქმა უნდა, ნეიმარი. ის საუკეთესოა!"</p><p>მართლაც, ნეიმარს, სავარაუდოდ, ვერავინ შეეცილება პირველობას. სულ რაღაც 19 მატჩში ამ ფეხბურთელმა 11 გოლი გაიტანა.</p><p><strong>ყოველდღიური სპორტული გაზეთი "ლელო"</strong></p>
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
U17 | საქართველო 3:0 ლიეტუვა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა