<p>ხუთთვიანი გაუთავებელი მოლაპარაკებების, დავის, მუქარისა და ნერვიული ფონის შემდეგ NBA-ს 2011-12 წლების სეზონი გადარჩა და 25 დეკემბერს გაიხსნება <br> ხუთთვიანი გაუთავებელი მოლაპარაკებების, დავის, მუქარისა და ნერვიული ფონის შემდეგ მოთამაშთა პროფკავშირმა და კლუბების მფლობელებმა შეძლეს მოლაპარაკება ახალი კოლექტიური ხელშეკრულების შესახებ და გადაარჩინეს NBA-ში 2011-12 წლების სეზონი.</p><p>ნიუ იორკში 16-საათიანმა მოლაპარაკებამ შედეგი გამოიღო. მიღწეულია წინასწარი შეთანხმება და მალე ყველაფერი ოფიციალურად გაფორმდება, სეზონი კი სტარტს შობაზე - 25 დეკემბერს აიღებს.</p><p>მხარეებს არ გაუმხელიათ ახალი კოლექტიური ხელშეკრულების დეტალები, მაგრამ მთავარი ფრაზა NBA-ის კომისარმა დევიდ სტერნმა</p><p>წარმოთქვა: "ჩვენ გვინდა კალათბურთის თამაში".</p><p>ახალი კალენდრის თანახმად, 66-ე რეგულარულ ჩემპიონატში თითო გუნდი 66 შეხვედრას ჩაატარებს. სეზონი სამი მატჩით გაიხსნება: თავდაპირველად "ბოსტონი" უმასპინძლებს "ნიუ იორკს", შემდეგ ერთმანეთს შეხვდებიან გასული სეზონის ფინალისტები - "მაიამი" და "დალასი", დესერტად კი შარშანდელი MVP-ის დერიკ როუზის "ჩიკაგო" კობი ბრაიანტის "ლეიკერსს" უმასპინძლებს. შესანიშნავი დასაწყისია!</p><p>არადა, სულ რაღაც 12 დღე გავიდა ბოლო ჩაშლილი მოლაპარაკებიდან, რომლის შემდეგაც სტერნმა "ბირთვული ზამთრის" შესახებ გამოაცხადა. ახლა კი ხელი ჩამოართა პროფკავშირების აღმასრულებელ დირექტორს ბილი ჰანტერს და ლოკაუტის დასრულება მიულოცა მას.</p><p>"სეროიზულად დავფიქრდით იმაზე, რომ შემხვედრი ნაბიჯების გადადგმა იყო საჭირო. აუცილებლად უნდა გადაგვერჩინა კალათბურთი და ტრადიციულად უმაღლესი ხარისხის სანახაობა შეგვეთავაზებინა მაყურებლისთვის, რომელთანაც ვალში ვართ", - განაცხადა ჰანტერმა.</p><p>ხელშეკრულების ოფიციალურად დადასტურებისთვის მხარეთა ხმების უმრავლესობაა საჭირო: 29 კლუბის მფლობელისგან ("ნიუ ორლეანი" ლიგას ეკუთვნის) 15 ხმა, ხოლო პროფკავშირისგან ელემენტარული უმრავლესობა. მაგრამ ეს პროცედურა რთულდება დესერტიფიკაციის გამო. სანამ ხმის მიცემა გაიმართება, მოთამაშეებს მოუწევთ პროფკავშირის დაშლა და შემდეგ მისი სხვა სახით აღდგენა.</p><p>"ძალიან გვიხარია, რომ შევძელით წინასწარი შეთანხმების მიღწევა, - განაცხადა შტერნმა. - მაგრამ წინ კიდევ ძალიან ბევრი სამუშაოა ჩასატარებელი". ბოლო მოლაპარაკებებში მონაწილეობდა თავად კომისარი, მისი ასისტენტი ადამ სილვერი, "სან ანტონიოს" მფლობელი პიტერ ჰოლტი... მოთამაშეებს წარმოადგენდნენ ბილი ჰანტერი, დერეკ ფიშერი, პროფკავშირის ვიცე-პრეზიდენტი მორის ევანსი...</p><p><strong>* * *</p><p></strong>მოგვიანებით, ამერიკულმა პრესამ ახალი კოლექტიური ხელშეკრულების დეტალების დადგენა დაიწყო და რამდენიმე საინტერესო ინფორმაცია მოიპოვა.</p><p>- ხელშეკრულება ათი წლით გაფორმდება, თუმცა შესაძლებელი იქნება ექვსი წლის შემდეგ რომელიმე მხარის მიერ მისი გაწყვეტა;</p><p>- ყბადაღებული პრობლემა - ლიგის შემოსავლების განაწილება შემდეგნაირად გადაწყდა: კალათბურთელებს 50 პროცენტზე მეტი ერგოთ, თუმცა მათი წილი 51 პროცენტზე ნაკლებია.</p><p>- ხელშეკრულების თანახმად გაიზრდება NBA-ის მოთამაშეთა მინიმალური ასაკი. თუ ძველი წესის შესაბამისად, კალათბურთელს მსოფლიოს საუკეთესო ლიგაში 19 წლის ასაკში შეეძლო მოხვედრა, ახლა, NBA-ში ვერ ვნახავთ 20 წლამდე მოთამაშეს;</p><p>- დადგინდა რამდენიმე თარიღი, რომელიც NBA-ის ახალი სეზონის სტარტს უკავშირდება:</p><p>1 დეკემბერი - კონტრაქტების გაფორმება თავისუფალ აგენტებთან.</p><p>9 დეკემბერი - საწვრთნელი ბანაკების გახსნა.</p><p>17-22 დეკემბერი - წინასასეზონო მატჩები.</p><p>25 დეკემბერი - სეზონის გახსნა.</p><p>- ყველას აინტერესებდა, შემოკლებული სეზონის პირობებში მოესწრებოდა თუ არა "ყველა ვარსკვლავის მატჩის" ჩატარება. როგორც ირკვევა, "ოლ სტარი" ქალაქ ორლანდოში დათქმულ ვადაში (26 თებერვალი) გაიმართება.</p><p><strong>ყოველდღიური სპორტული გაზეთი "ლელო"</strong></p>
dato_miami
auuuuuuuuuuuuuuuuuu vinmem xo ar icit amerikis drois 12:00 2:30 5:00 chveni droit romeli saatebia? 12:00 ბოსტონი-ნიუ იორკი 2:30 მაიამი-დალასი 5:00 ჩიკაგო-ლეიკერსი ჩემი აზრით ბოსტონი მაიამი და ჩიკაგო მოიგებს
"ლოს ანჯელეს ლეიკერსმა" ლებრონ ჯეიმსს ახალი კონტრაქტი არ შესთავაზა
იქ, სადაც განსაკუთრებულად უყვართ - დემიენ ლილარდი "პორტლენდში" დაბრუნდა
იოკიჩმა "დენვერს" შეატყობინა, რომ კონტრაქტს არ გაახანგრძლივებს
"შავი ლომი" - სამხრეთ აფრიკაში "ჩიტასთან" ორი ტესტისთვის
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
შოკირებული იყო და შეხვედრა განაწყენებულმა დატოვა - ამორიმს "მანჩესტერ იუნაიტედის" ხელმძღვანელობამ მოთხოვნა წაუყენა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
"მადლობა უფალს, რომ ეს შანსი მომცა" - თორნიკე შენგელია "ბარსელონაში" დებიუტისთვის ემზადება
კორსანტიას 15-ქულიანი დებიუტი ესპანეთში
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"თუ სხვა რამის გამო გაბრაზდა, არასწორი ადამიანი აირჩია" - დე ბრუინსა და კონტეს შორის დაპირისპირება მწიფდება? [PHOTO]
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო