<p>გაიმართა მეოთხე სტარტი და მეოთხედ პირველობა ლეგენდარულმა ნორვეგიელმა მარიტ ბიორგენმა მოიპოვა <br> ფინეთის ქალაქ კუუსამოში გაგრძელდა თხილამურებით სირბილში მსოფლიოს თასის გათამაშება. ქალებს შორის სეზონი ჯერჯერობით ერთი სპორტსმენის შოუდ გადაიქცა. გაიმართა მეოთხე სტარტი და მეოთხედ პირველობა ლეგენდარულმა ნორვეგიელმა მარიტ ბიორგენმა მოიპოვა.</p><p>კუუსამოში სპრინტში გამარჯვების შემდეგ ბიორგენმა 5-კილომეტრიანი დისტანცია მოიგო. ნორვეგიელმა მხოლოდ ერთ მომენტში მისცა შვედ შარლოტე კალას ლიდერთან მიახლოების საშუალება, მაგრამ ეს დროებითი და ხანმოკლე ინტრიგა იყო.</p><p>5 კილომეტრზე 11-წამიანი სხვაობა უდიდესი უპირატესობაა, რაც კიდევ ერთხელ ამტკიცებს ბიორგენის ბრწყინვალე ფორმას. იგივე ითქმის მთლიანად ნორვეგიის ნაკრებზე. ისევე როგორც პირველ ეტაპზე, ამჯერადაც პირველ ათეულში ამ ქვეყნის სპორტმენთა მოზღვავება შეინიშნებოდა.</p><p>მესამეზე გავიდა ნორვეგიელი ვიბეკე სკოფტედური, რომელმაც კარგი რბოლა ჩაატარა. ათეულში მოხვდნენ ტერეზე იოჰაუგი, ასტრიდ იაკობსენი, მარტე კრისტოფერსენი და კრისტინ სტეირა.</p><p><strong>5 კმ. ქალები</p><p></strong>1. მარიტ ბიორგენი (ნორ) - 11:45.3; 2. შარლოტე კალა (შვედ) - +11.6; 3. ვიბეკე სკოფტერუდი (ნორ) - +12.9; 4. ტერეზე იოჰაუგი (ნორ) - +13.9; 5. იუსტინა კოვალჩიკი (პოლ) - +21.5; 6. ასტრიდ იაკობსენი (ნორ) - +27.1...</p><p><strong>* * *</p><p></strong>მამაკაცებს ორჯერ გრძელი დისტანციის დაფარვა უწევდათ. თუ ქალებს შორის სპორტის ამ სახეობაში ლიდერი ბიორგენია, კაცებში თხილამურების "მეფეს" ასევე ნორვეგიელ პეტერ ნორტუგს უწოდებენ. თუმცა ხშირად ამბობენ, რომ ნორტუგი ვიწრო სპეციალიზაციის მოთხილამურეა. ის ხშირად იგებს მას-სტარტებს, სადაც კარგი ფინიშია საჭირო. ასე რომ, პეტერ ნორტუგი - ერთგვარად სათხილამურო რბოლის მარკ კევენდიშია (ველოსპორტის ვარსკვლავი). თუმცა ნორვეგიელს ინდივიდუალურ რბოლებშიც არაერთი გამარჯვება აქვს და კოლექცია მორიგი ტრიუმფით შეავსო.</p><p>ბიორგენის მსგავსად, ნორტუგმაც კარგი ფორმა აჩვენა, რაზეც უახლოეს მდევართან, იტალიელ როლანდ კლარასთან 23-წამიანი უპირატესობა მეტყველებს. მესამე ადგილზე გავიდა ფრანგი მორის მონიფიკა, ვინც წამი მოუგო შვეიცარიელ დარიო კოლონიას.</p><p>თავი შეირცხვინეს წინა დღეს სპრინტის ეტაპის გმირებმა - მათი ჩამორჩენა ორი წუთის რაიონში იყო.</p><p><strong>10 კმ. კაცები</p><p></strong>1. პეტერ ნორტუგი (ნორ) - 21:49.1; 2. როლანდ კლარა (იტა) - +23.8; 3. მორის მონიფიკა (საფ) - +30.1; 4. დარიო კოლონია (შვეიც) - +31.7; 5. კრის ანდრე იესპერსენი (ნორ) - +33.0; 6. მარკუს ჰელნერი (შვედ) - +35.6...</p><p><strong>ყოველდღიური სპორტული გაზეთი "ლელო"</strong></p>
სილქნეტის მხარდაჭერით საქართველოს თასის გათამაშების მეოთხე ეტაპი გუდაურში გაიმართება
ფიგურულ სრიალში ქართულმა წყვილმა გრან პრიზე ოქროს მედალი მოიპოვა
მომავალ სეზონებზე ბაკურიანი და გუდაური მსოფლიო თასის ეტაპებს უმასპინძლებენ
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!