<p>ქუთაისის სპორტის სასახლეში ქომაგმა დრამატული და ემოციებით დატვირთული მატჩი იხილა <br> საქართველოს ჩემპიონატი. VIII ტური</p><p><em><strong>ქუთაისი</strong></em>-<em><strong>თსსუ 86:84</strong></em></p><p>18-25, 24-20, 18-24, 26-15</p><p>ქუთაისი: ბაბუნაშვილი (4ქ), დიდია (8ქ), ცეკვავა (17ქ), გ.ბარბაქაძე (9ქ), მათიაშვილი (29ქ.), ფაშაევი (2ქ), დ.ბარბაქაძე (11ქ), ლომინაშვილი, ქორიძე (6)</p><p>თსსუ: ტომარაძე (6ქ), აბაიშვილი (4ქ), შვანგირაძე (12ქ), ჭოჭუა (8ქ), ილიჩი (15ქ.8მ), ჩიკვილაძე (16ქ), ყველაშვილი, ბექაური (8ქ,8მ), პირველაშვილი (1ქ), სამოილოვიჩი (14ქ)</p><p>მსაჯები: მ. კუპატაძე, დ.ბერეკაშვილი, გ.მიქელაძე</p><p>ქუთაისის სპორტის სასახლეში შეკრებილმა გულშემატკივრებმა დრამატული და ემოციებით დატვირთული მატჩი იხილეს. მასპინძლები თითქმის მთელი მატჩის განმავლობაში მდევრის როლში იმყოფებოდნენ, ერთი პერიოდი მაყურებელმა მატჩი წაგებულადაც ჩათვალა და ხელიც ჩაიქნია, მაგრამ გადამწყვეტ მომენტში ქუთათურებმა ძალები მოიკრიბეს და უკანასკნელ წამებზე ბაბუნაშვილმა გამარჯვების მომტანი ორქულიანი რომ ჩააგდო, ხმაურისაგან და ემოციებისგან ლამის დარბაზი დაინგრა.</p><p>თუმცა, აჯობებს ყველაფერს თანმიმდევრობით მივყვეთ. წყვილის ფავორიტად ,,ქუთაისი" ითვლებოდა და ბევრი მასპინძლების იოლ გამარჯვებას ელოდებოდა, მაგრამ მედიკოსებმა პირველივე წუთებში აგრძნობინეს მეტოქეს, არაფრის დათმობას რომ არ აპირებდნენ. ,,ქუთაისი" 4 ქულით იყო წინ, როცა გიორგი შვანგირაძემ ზედიზედ ორი სამქულიანი ჩააგდო და ,,თსსუს" ყველაზე დიდი გაქცევა (12:0) ასე დაიწყო. კარგად ჩაერთო თამაშში ბექა ჩიკვილაძე, რომელმაც საბოოლოოდ 16 ქულას მოუყარა თავი.</p><p>პირველი პერიოდის ბოლო წუთები სტუმართა უპირატესობით წარიმართა და მედიკოსებმა ეს მეოთხედი 7 ქულიანი სხვაობით მოიგეს (25:18). სტუმრებმა მომდევნო პერიოდიც კარგად დაიწყეს და 12 ქულამდეც გაზარდეს სხვაობა. კარგად ირჯებოდნენ მედიკოსთა სერბი ლეგიონერები ნემანია ილიჩი (15ქ) და ფილიპ სამოილოვიჩი (14ქ), თუმცა, ქუთათურებმა ფარქვეშ რიჩარდ მათიაშვილის ბრწინვალე თამაშის წყალობით, სხვაობა 3 ქულამდე შეამცირეს - 42:45.</p><p>მესამე პერიოდი საწყისი წუთები ქულა-ქულაში მიმდინარეობდა, ამ მონაკვეთში გულშემატკივრებმა არერთი ლამაზი ეპიზოდი იხილეს, მათ შორის ქუთაისელთა ლამაზი კომბინაცია, რომელიც გიგი ბარბაქაძის ჩატენვით დამთავრდა. უპირატესობა ისევ თბილისელთა ხელში გადავიდა, ნუგზარ კანდელაკის შეგირდებს ყველაფერი გამოსდიოდათ. თუმცა, ისც სათქმელია, რომ ქუთათურები მათ თავისუფლად მოქმედების საშუალებას აძლევდნენ. ისინი თავისუფლად ისროდნენ როგორც საშუალო დისტანციიდან ასევე პერიმერტრიდანაც. მესამე პერიოდის ბოლოს ტაბლოზე სტუმრების 9 ქულიანი უპირატესობა დაფიქსირდა - 60:69</p><p>ბოლო მეოთხედი უაღრესად დრამატული და დაძაბული გამოდგა. თავიდან ქუთათურებმა ხუთ ქულამდე შეამცირეს სხვაობა, მაგრამ ჭოჭუასა და სამოილოვიჩის შედეგიანი სროლების შემდეგ სტუმრებმა სტატუს-ქვო აღადგინეს. მასპინძლების სასახელოდ უნდა ითქვას, რომ ისინი არ გატყდნენ და ბოლო წუთებში შეძლეს მატჩის შემოტრიალება.</p><p>გადამწყვეტ მომენტში ,,ქუთაისის" ყველა წევრი კარგად გაისარჯა, ბარბაქაძემ მატჩის დამთავრებამდე 1 წუთით ადრე ანგარიში ერთ ქულამდე შეამცირა (81-82), ცეკვავამ კი, რომელიც ბოლო წუთებში ქუთაისელთაგან საუკეთესო იყო, საკუთარი გუნდი წინ გაიყვანა - 83:82, მანვე სამედიცინოს გაფუჭებული შეტევის შემდეგ ორიდან ერთი საჯარიმო ჩააგდო - 84:82, მედიკოსებმა ტომარაძის ორი საჯარიმოთი გაათანაბრეს - 84:84.</p><p>მატჩის დამთავრებამდე 7 წამი იყო დარჩენილი, მალხაზ კოხრეიძის შეგირდებმა შეუტიეს, თემურ ბაბუნაშვილმა, რომელსაც იქამდე ერთი ორქულიანი ჰქონდა ჩაგდებული, ზუსტად ისროლა და საკუთარ გუნდს საოცარი გამარჯვება მოუტანა - 86:84</p><p><strong>ყოველდღიური სპორტული გაზეთი "ლელო"</strong></p>
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
ასაკობრივი ჩემპიონატების მონაწილე გუნდებთან სამუშაო შეხვედრა გაიმართა
ტაბლოები და სროლის დასახვეწი ტრენაჟორები ონმა და ამბროლაურმაც მიიღეს
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
ფრე ქუთაისში... და "თელავის" მოგება "გაგრასთან"
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე