<p>ფიფას ოფიციალურმა საიტმა არგენტინელ სუპერვარსკვლავთან ექსკლუზიურ ინტერვიუში საინტერესო თემები გამოძებნა <br> განა რა უნდა იყოს, რომ საზოგადოებისთვის ცნობილი არ იყოს ლიონელ მესის შესახებ? არგენტინელი ბოლო ორი წელიწადია მსოფლიოს საუკეთესო ფეხბურთელად სახელდება, მის საუკეთესოობას აღიარებენ მისივე კოლეგები, თამაშობს მსოფლიოს ერთ-ერთ საუკეთესო კლუბ "ბარსელონაში", რომელიც ახლა მწვერვალზეა, ჩემპიონთა ლიგის გამარჯვებული და ესპანეთის ჩემპიონია. თუმცა ფიფას ოფიციალურმა საიტმა მაინც გამოძებნა საინტერესო თემები არგენტინელ სუპერვარსკვლავთან ექსკლუზიურ ინტერვიუში.</p><p><strong>- სულ მალე კიდევ ერთი ტურნირი გელით, მსოფლიოს საკლუბო ჩემპიონატი...</p><p></strong>- "ბარსელონასთვის" ძალიან მნიშვნელოვანი და საამაყო ტურნირია. ბოლო ასპარეზობიდან ძალიან სასიამოვნო მოგონებები გამოგვყვა და ახლაც მოუთმენლად ველით შეჯიბრებას.</p><p><strong>- თქვენმა გუნდელებმა გვითხრეს, რომ ძალიან გინდათ ამ ტურნირის მოგება...</p><p></strong>- ვის არ უნდა? მთელი გუნდი შემართულია, რომ დაამტკიცოს - მსოფლიოში საუკეთესო საფეხბურთო გუნდია. ჩვენ ხომ მხოლოდ მოსაგებად გავდივართ.</p><p><strong></p><p>- მაგრამ გელით შორი მგზავრობა, დიდი სხვაობა დროში, ეს თქვენზე არ იმოქმედებს?</p><p></strong>- ვფიქრობ, ადაპტაციისთვის დრო გვრჩება. ხშირად მიწევს არგენტინასა და ესპანეთს შორის ფრენები. ასე რომ, ჩემთვის ეს პრობლემა არ იქნება.</p><p><strong></p><p>- თქვენ ახლა უმნიშვნელოვანესი მატჩი გელით "რეალთან". არ გაგიჭირდებათ ამ შეხვედრის შემდეგ იაპონიისთვის ისევ ფორმის პიკში ყოფნა?</p><p></strong>- მართალია, მათლა ძალიან ძნელია ამდენი შეხვედრის გამართვა და მუდამ კარგად თამაში, მაგრამ ყველაზე კარგად ჩვენი შესაძლებლობის შესახებ თავად ვუწყით.</p><p><strong></p><p>- ბოლო მატჩებია, გვარდიოლა 3-4-3 ტაქტიკით გათამაშებთ, თქვენ რა აზრის ხართ ამ განლაგებაზე?</p><p></strong>- მეტნი ვართ ნახევარდაცვაში, უკეთ ვაკონტროლებთ ბურთს, სწორედ ეს სურს ბოსს. როცა ბურთი ჩვენ გვაქვს, შეგვიძლია მეტოქის დამარცხება, თანაც მას ამის შესაძლებლობას ვუსპობთ. ნახევარდაცვაში ერთი კაცით მეტი, საუკეთესო გამოსავალია.</p><p><strong></p><p>- რას იტყვით გვარდიოლას მწვრთნელობაზე?</p><p></strong>- ის გუნდის მთავარი ფიგურაა. მისი ლიდერობა უმნიშვნელოვანესია ჩვენი მოტივირებისთვის, მზადებისთვის. მან ბევრი რამ შეცვალა და ინდვიდუალურად თუ გუნდურად უკეთესები გაგვხადა.</p><p><strong></p><p>- ბურთით უფრო სწრაფად გადაადგილდებით, ვიდრე წინა წლებში, ეთანხმებით?</p><p></strong>- დიახ, ეს მოიტანა გუნდურმა თამაშმა. ჩვენ უკვე ისე კარგად ვუგებთ ერთმანეთს, რომ ზეპირად ვიცით, საით გავიქცეთ, სად გადავაწოდოთ პასი.</p><p><strong></p><p>- რას იტყვით შაბათის "კლასიკოზე"?</p><p></strong>- ფანტასტიკური მატჩი გველის. ძალიან კარგი იქნება მოგება, რადგან ეს სეზონის ბოლომდე დადებითად დაგვმუხტავს. თუ ვერ მივაღწევთ სასურველ შედეგს, ძალიან გაგვიჭირდება.</p><p><strong></p><p>- იანვარში ზედიზედ მესამედ გექნებათ შანსი წლის საუკეთესო ფეხბურთელი გახდეთ, რამდენად მნიშვნელოვანია ეს ტიტული თქვენთვის?</p><p></strong>- ყოველთვის მითქვამს, დიდებულია, როცა ინდივიდუალურად საუკეთესო ხარ, მაგრამ პირველი მაინც მატჩებისა და გუნდური ტიტულების მოგებაა.</p><p><strong></p><p>- სანაკრებო თემაზეც ვთქვათ, არგენტინის ნაკრებს საუკეთესო წელი არ ჰქონია...</p><p></strong>- ადრე უფრო დაძაბულები ვიყავით, თუნდაც ბოლივიის კენჭისყრის დროს. საკვალიფიკაციო კამპანიაში ივნისამდე დასვენება გვაქვს და კარგად მოვემზადებით.</p><p><strong>- ჩვენი ბოლო კითხვა, უფრო პირადი სახის, რა გავლენა აქვს თქვენს არასაფეხბურთო ცხოვრებაში ფეხბურთს?</p><p></strong>- როცა პატარა ბიჭი ვიყავი, სადაც არ უნდა ვყოფილიყავი, თან ბურთს დავატარებდი, არა მხოლოდ მოედანზე, არამედ - ყველგან. ახლა ცოტა სხვა დროა და მეც მოედანს გარეთ გადაწყობა მჭირდება ხოლმე, რაც არც ისე იოლია.</p><p><strong>ყოველდღიური სპორტული გაზეთი "ლელო"</strong></p>
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ