<p>ბრაზილიელის მტკიცებით, მათ მანჩესტერში არც ერთი ოფიციალური ფაქსი არ გაუგზავნიათ <br> პირველად 32 წლის შემდეგ, 1976/77 წლების სეზონიდან მოყოლებული, ფრანგული კლუბები უეფასა და ევროპის ლიგების 1/32-ედ ფინალებს მიღმა დარჩნენ.</p><p>ჯგუფურ ეტაპზე ლიგა 1-ის ორადორმა წარმომადგენელმა გააღწია და ორივე მათგანი ჯგუფში ჩარჩა. "ბილბაოს", "ზალცბურგისა" და "სლოვანის" ჯგუფში "პარი სენ-ჟერმენმა" 6 შეხვედრაში 10 ქულით მესამე ადგილი დაიკავა, დაუთმო რა პლეი ოფის საგზური ავსტრიულ კოლექტივს ბურთების უარესი სხვაობის გამო.</p><p>რაც შეეხება "რენს" მიუხედავად იმისა, რომ თავისი უკანასკნელი შეხვედრა გუშინ ჰქონდა ჩასატარებელი, მას უკვე დიდი ხანია განაღდებული ჰქონდა თავისი ბედი - "ატლეტიკოს", "უდინეზესა" და "სელტიკის" კამპანიაში ბრეტონელებს თავიდანვე მცირე შანსი ჰქონდათ. "რენს" გუშინდლამდე 5 შეხვედრაში 3 ფრე და 2 წაგება ჰქონდა.</p><p><span style="color: #ff0000;"><strong></p><p>სხვა ამბები</strong></span></p><p><strong>მვილათი გრანდები დაინტერესდნენ</strong></p><p>გამოცემა COPE-ის ინფორმაციით, "რენის" 21 წლის საყრდენი ნახევარმცველის იან მვილას შეძენით "რეალი" და "ბარსელონა" დაინტერესდნენ.</p><p>ფეხბურთელის გადაბირებას ზაფხულზე "პარი სენ-ჟერმენიც" ცდილობდა, მაგრამ მაშინ "რენის" პრეზიდენტმა პატრიკ ლე ლაიმ მოახერხა და ფეხბურთელს პირადად გადაათქმევინა კლუბის დატოვება.</p><p>დაახლოებით ერთი თვის წინ იანმა თავად დაადასტურა, იანვარში "რენიდან" ფეხის მოცვლას არ ვაპირებ, აი, ევროპის ჩემპიონატის შემდეგ კი ჩემს კარიერაზე სერიოზულად დავფიქრდებიო. მისი თქმით, თუკი ფრანგული კლუბებიდან მომხიბლავი შემოთავაზება ექნება, ურჩევნია თამაში სამშობლოშივე განაგრძოს, თუ არადა წინადადებებს უცხოელებისგანაც განვიხილავო. მისი ნათქვამი პრესამ უმალ აიტაცა და ეს ფეხბურთელის მიერ "პარი სენ-ჟერმენის" პირდაპირ გამოწვევად მონათლა.</p><p><strong>ლეონარდო უარყოფს</p><p></strong>არანაირი ტევესი და არანაირი ოფიციალური წინადადებაო, დაახლოებით ასე ჟღერდა "პარი სენ-ჟერმენის" სპორტული დირექტორის ლეონარდოს პასუხი შეკითხვაზე, მართლა სცადეთ თუ არა "მანჩესტერ სიტიდან" კარლოს ტევესის გადაბირებაო.</p><p>ბრაზილიელის მტკიცებით, მათ მანჩესტერში არც ერთი ოფიციალური ფაქსი არ გაუგზავნიათ. შესაბამისად მათ არგენტინელის ხელში ჩაგდება არ უცდიათ. თუკი ეს სიმართლეა, მაშინ შეგვიძლია "მილანი" ტევესისთვის ბრძოლაში ისევ უმთავრეს ფავორიტად მივიჩნიოთ.</p><p>აქვე გეტყვით, რომ კარლოსმა გუშინ კიდევ ერთი ხმაურიანი განცხადება გააკეთა, სათამაშოდ გული მხოლოდ "ბოკა ხუნიორსისკენ" მიმიწევსო.</p><p><strong>კვარეშმა არც განხილულა</strong></p><p>ლისაბონის "სპორტინგის" სპორტულმა დირექტორმა ლუიშ დუკმა პორტუგალიურ პრესას განუცხადა, რომ მათ მიერ გავრცელებული ინფორმაცია "სპორტინგისა" და რიკარდო კვარეშმას შესაძლო თანამშრომლობის შესახებ ჰაერიდანაა მოტანილი.</p><p>"აშკარაა, რომ უახლოესი სატრანსფერო ფანჯარა ჩვენი კლუბისთვის განსაკუთრებული იქნება. ისინი, ვინც ჩვენი მოლოდინი ვერ გაამართლა, კლუბს დატოვებს, ვიღაცა ტრავმირებულია და ღირსეული შემცვლელი სჭირდება, ვიღაცისთვის უბრალოდ კარგ დუბლიორს ვეძებთ.</p><p>იმისთვის, რომ გუნდში სათანადო კონკურენცია იყოს, რამდენიმე ფეხბურთელის შეძენა მოგვიწევს. კონკრეტულ სახელებსა და გვარებს ვერ დაგისახელებთ, მაგრამ პრესის მიერ დასახელებული რიკარდო კვარეშმას სახელი რომ არ გვიხსენებია, ეს ნაღდია," - განუცხადა დუკმა "ო ჟოგოს".</p><p>შეგახსენებთ, რომ რიკარდო "სპორტინგში" 2001/03 წლებში თამაშობდა.</p><p><strong>ბილეთები იარაღის ნაცვლად</p><p></strong>ფიფა უახლოეს ხანებში განიხილავს ბრაზილიის საფეხბურთო კონფედერაციის ცოტა უცნაურ იდეას. საქმე იმაშია, რომ სამხრეთამერიკელები ფეხბურთის მამებს სთავაზობენ, 2014 წლის მსოფლიოს ჩემპიონატზე დასასწრები ბილეთები ბრაზილიელმა გულშემატკივრებმა, სურვილის შემთხვევაში, ცეცხლსასროლ იარაღში გადაცვალონ. შესაძლოა მათ დამატებით მონაწილე ქვეყნების ნაკრებების მაისურებიც ერგოთ.</p><p>თუკი ეს იდეა განხორციელდა, ქვეყანაში შექმნილი სოციალური და კრიმინალური გარემო ბევრად გაუმჯობესდება, მაგრამ მარტივი შეკითხვა ისმება: როცა იარაღი, თუნდაც ძველი და უკვე ნაკლებად ეფექტური, ბევრად უფრო ძვირი ღირს, ვიდრე საფეხბურთო ბილეთი და სპორტული მაისურა ერთად აღებული, ვინ გაიმეტებს მას გადასაცვლელად?</p><p><strong>ყოველდღიური სპორტული გაზეთი "ლელო"</strong></p>
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
"თუ სხვა რამის გამო გაბრაზდა, არასწორი ადამიანი აირჩია" - დე ბრუინსა და კონტეს შორის დაპირისპირება მწიფდება? [PHOTO]
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ