<p>16-წლამდელთა ნაკრების მთავარი მწვრთნელი გელა შეყილაძე - ბოლო მატჩებსა და სამომავლო სამზადისზე <br> საქართველოს 16-წლამდელთა ნაკრებმა, რომელიც მომავალი წლის შემოდგომაზე ევროპის 17-წლამდელთა ჩემპიონატის შესარჩევ ტურნირში ჩაერთვება, წლის ბოლო მატჩები ირანის ნაკრებთან ჩაატარა.</p><p>შეგახსენებთ, ორივე სპარინგი "მიხეილ მესხზე" გაიმართა და პირველი შეხვედრა ქართველებმა 2:0 მოიგეს, მეორე კი ფრედ, 1:1 დაასრულეს.</p><p>საქართველოს ნაკრების მთავარ მწვრთნელ <strong>გელა შეყილაძეს</strong> ამ ბოლო მატჩების გარდა, სამომავლო სამზადისზეც ვესაუბრეთ.</p><p><strong>- ირანელებთან დადებით შედეგს მიაღწიეთ. როგორი იყო თამაშის ხარისხი?</strong></p><p>- იმის მიუხედავად, რომ მატჩები ამხანაგური იყო, შედეგს გარკვეული მნიშვნელობა მაინც ჰქონდა. საკმაოდ ძლიერ მეტოქეს ვეთამაშეთ და კარგია, რომ მასთან წარმატებით ჩვენს ბიჭებს საკუთარი თავის რწმენა გაუძლიერდათ. თუმცა პრობლემები მაინც მრავლად გვაქვს. ჩვენი თამაშის ხარისხი იდეალურისგან შორსაა და ხარვეზების გამოსასწორებლად ბევრი შრომა გვჭირდება.</p><p><strong>- ჩვენი გუნდის ყველაზე თვალსაჩინო ნაკლი რა არის?</strong></p><p>- გაძლიერება ყველა რგოლში გვჭირდება, მაგრამ პრობლემები ყველაზე მეტად დაცვაშია. ცალკეული მცველებით ძალიან უკმაყოფილო არ ვარ, ეგაა, უკანა ხაზში უფრო მეტი შეთამაშება გვჭირდება. კარგია, რომ ისეთი სპარინგპარტნიორი გვყავდა, რომელმაც საკუთარი დადებითი და უარყოფითი მხარეების დანახვაში ხელი შეგვიწყო.</p><p><strong>- ირანელებთან მატჩებში რამდენიმე ახალწვეული გასინჯეთ. როგორ წარმოაჩინეს მათ თავი?</strong></p><p>- შვიდი ახალწვეული გვყავდა, მოედანზე გასვლის საშუალებაკი მათგან ოთხს მიეცა და ოთხივემ ნორმალური შთაბეჭდილება დატოვა. სელექციის პროცესი აქტიურად უნდა განვაგრძოთ. ამ მიმართულებით უკვე ბევრი ვიმუშავეთ, მაგრამ კიდევ ბევრი გვაქვს გასაკეთებელი.</p><p><strong>- ნაკრებში რომელი რეგიონების წარმომადგენლები სჭარბობენ?</strong></p><p>- გვყავს ჭაბუკები როგორც თბილისიდან, ასევე რეგიონებიდან. როგორც ყოველთვის, არათბილისელებიდან ნაკრებში ისევ დასავლელები სჭარბობენ.</p><p><strong>- უახლოეს მატჩებსა და ტურნირებს როდის ჩაატარებთ?</strong></p><p>- მარტის ბოლოსა და აპრილის დასაწყისში იტალიის საერთაშორისო ტურნირი გაიმართება, სადაც ჩვენი მონაწილეობა, ფაქტობრივად, გადაწყვეტილია. გვაქვს აზერბაიჯანული, ყაზახური, პოლონური და გერმანული ტურნირების ვარიანტებიც. ყველა ეს შეჯიბრება სანაკრებოა და მინიმუმ სამ მათგანში მონაწილეობას აუცილებლად მივიღებთ.</p><p><strong>- არც თუ დიდი ხნის წინ ბელგიის ნაკრებთან ამხანაგურ მატჩში განცდილმა 0:9-მ ძალიან დაგვზაფრა...</strong></p><p>- რა უნდა ვთქვა, ანგარიში ყველაფერზე მეტყველებს. პირველად შევხვდით ასეთი დონის გუნდს და ფაქტია, ღირსეული წინააღმდეგობა ვერ გავუწიეთ. ამის მიუხედავად, ძალიან სასარგებლო სპარინგი იყო, საიდანაც სათანადო დასკვნები გამოვიტანეთ და დარწმუნებული ვარ, ჩვენი გუნდი ასეთი კატასტროფული სხვაობით აღარასდროს დამარცხდება. ბიჭებმა დაინახეს, რომ თავდადების გარეშე ვერაფერს მიაღწევენ.</p><p><strong>- ევროპის ჩემპიონატის შესარჩევი ტურნირის წილისყრით უკმაყოფილო, ალბათ, არ უნდა იყოთ.</strong></p><p>- ნებისმიერი მეტოქე სათანადოდ უნდა დააფასო, მაგრამ წილისყრის შედეგებთან საპრეტენზიო მართლაც არაფერი მაქვს. ამის მიუხედავად, ელიტრაუნდში გასასვლელად მძიმე ბრძოლების გადატანა მოგვიწევს.</p><p><strong>- მეტოქეებზე რაიმე ინფორმაციას თუ ფლობთ?</strong></p><p>- ცოცხლად ჯერ არავის თამაში არ მინახავს და ჯერ ვერც მათი მატჩების ვიდეოჩანაწერები მოვიპოვეთ, მაგრამ ამ საქმეს აუცილებლად მივხედავთ. ჩვენი ერთ-ერთი უმთავრესი კონკურენტი უკრაინა იქნება, რომელსაც ნებისმიერ ასაკში ძლიერი ნაკრებები ჰყავს ხოლმე. შოტლანდიამ ბოლო ამხანაგური შეხვედრა ინგლისთან 2:4 წააგო, ლუქსემბურგი კი ბელგიასთან 0:3 დამარცხდა. როგორც გითხარით, მალე სამივე მეტოქის შესახებ უფრო ვრცელ ინფორმაციას მივიღებთ.</p><p><strong>- საკვალიფიკაციო ტურნირის თბილისში გამართვა გუნდისთვის, ალბათ, დიდი სტიმული იქნება.</strong></p><p>- რა თქმა უნდა, ესეც დამატებითი მოტივაციაა. გულშემატკივართა მხარდაჭერა ამოცანის შესრულებაში მნიშვნელოვნად დაგვეხმარება, მაგრამ, ამავდროულად, მომავალი წლის შემოდგომისთვის ისეთი ნაკრები უნდა გვყავდეს, რომელიც ქომაგთა იმედებს გაამართლებს.</p><p><strong>ყოველდღიური სპორტული გაზეთი "ლელო"</strong></p>
U17 | საქართველო 3:0 ლიეტუვა
16-წლამდელებმა აზერბაიჯანის ტურნე გამარჯვებით დაასრულეს
[VIDEO] დებიუტი შედგა - ჯამალ კაიშვილმა საქართველოს ახალგაზრდულ ნაკრებში პირველად ითამაშა
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ