- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
უსენსაციოდ როგორ შეიძლება? ჰოლშტაინ!
<p>გერმანიის თასი. 1/8 ფინალი. ოთხშაბათის მატჩების მიმოხილვა: პირველად ათი წლის შემდეგ - მეოთხელიგელი მეოთხედფინალში!<strong></p><p></strong> <br> <span style="color: #ff0000;"><strong></strong></span><strong><em>ჰოლშტაინ კილი-მაინცი 2:0</em></p><p></strong>ჰოლშტაინ კილი (4-2-3-1): იენსენი - ჰერმანი, ბერცელი, იურგენსენი, პოგენბერგი - ს. მიულერი, კაციორი (90. შულცი) - ზიდშლაგი, სიკორა, ლინდნერი (91. ვეტერი) - ჰაიდერი.</p><p>მაინცი (4-3-1-2): ჰ. მიულერი - პოსპეხი, ბუნგერტი, ნოვესკი, ფათი (46. შიონჰაიმი) - კირხჰოფი, ბაუმგარტლინგერი (64. ალაგუი), სოტო - ნ. მიულერი - გავრანოვიჩი, უჯა (68. ჩუპო-მოტინგი).</p><p>გოლები: 1:0 უჯა (6-საკ. კარში), 2:0 ს. მიულერი (64)</p><p>გაფრთხილება: ჰაიდერი</p><p>მაყურებელი: 10 649</p><p>სამშაბათს „ფიურტმა“ „ნიურნბერგი“ რომ გააგდო, ეს ამბავი სენსაციად შევრაცხეთ და სავსებით ლოგიკურადაც, მაგრამ ეს ჟურნალი ყოფილა, კინო კი თურმე ოთხშაბათს გველოდა: „ჰოლშტაინ კილი“ არის გუნდი, რომელიც გერმანიის რიგით მეოთხე ლიგაში თამაშობს და ამ გუნდმა თასიდან „მაინცი“ დაიფრინა!</p><p>მერვედფინალში მყოფ გუნდებს შორის ერთი შეხედვით ყველაზე უსუსურმა „მაინცი“, რომელიც საკმაოდ ამბიციური გუნდია ბუნესლიგაში, აბსოლუტურად დამსახურებულად, 2:0 დაამარცხა და გახდა პირველი მეოთხელიგელი ბოლო ათი წლის მანძილზე, რომელმაც გერმანიის თასის მეოთხედფინალში გააღწია. ათი წლის წინათ ასეთივე წარმატებას „მაგდებურგმა“ მიაღწია...</p><p>ვერ ვიტყვით, რომ „მაინცმა“ მეორე შემადგენლობით ითამაშა, მაგრამ ფაქტია, მწვრთნელმა თომას ტუხელმა რამდენიმე პოზიაზე როტაციას მიმართა, რაც ნამდვილად არ იყო გაუმართლებელი ნაბიჯი - ეს გუნდი „კილს“ მთლიანად სარეზერვო შემადგენლობითაც უნდა უგებდეს. კილელებმა პრაგმატული ფეხბურთი ითამაშეს და „მაინცს“ ფაქტობრივად არაფერი გააბედინეს. შერცხვენილთა მენეჯერი კრისტიან ჰაიდელი მატჩის შემდეგ თითქმის ყვიროდა, ასეთ გუნდს ნებისმიერ დროს და ნებისმიერ მოედანზე უნდა ვუგებდეთო.</p><p>აღსანიშნავია, რომ „ჰოლშტაინ კილმა“, რომელიც ჩრდილოეთ რეგიონალლიგაში მეორე ადგილზეა, „მაინცამდე“ გერმანიის თასიდან მეორებუნდესლიგური კლუბები, „კოტბუსი“ (3:0) და „დუისბურგი“ (2:0) გააგდო და ნახეთ, კილელებმა კარი ელიტის წარმომადგენელთანაც მშრალად შეინახეს. აქვე იმასაც გეტყვით, რომ ამ გუნდს სულაც არ აქვს პატარა ისტორია - „ჰოლშტაინ კილი“ გაისად ასი წლის ხდება, გერმანიის თასის მეოთხედფინალში კი 1943 წლის შემდეგ პირველად გავიდა.</p><p>საინტერესოა ისიც, რომ ანგარიში ავტოგოლით გაიხსნა: მე-6 წუთზე მაინცელთა თავდამსხმელმა უჯამ კუთხურის შემდეგ ბურთი თავით საკუთარ კარში ჩაჭრა. საფინალო სასტვენის შემდეგ მეოთხელიგელის მწვრთნელი ტორსტენ გუთცაითი და მისი შეგირდები მაყურებლებთან ერთად (შეხვედრას 11 ათასი ფანი ესწრებოდა) დიდ ხანს, ძალიან დიდ ხანს ზეიმობდნენ.</p><p><strong><em>ჰერტა-კაიზერსლაუტერნი 3:1</em></p><p></strong>ჰერტა (4-2-3-1): კრაფტი - ლელი, იანკერი, მიატოვიჩი, კობიაშვილი - ოტლი, ლუსტენბერგერი (80. ნიმაიერი) - ებერტი, რამოსი, რონი (90. ბენ-ჰატირა) - ლასოგა.</p><p>კაიზერსლაუტერნი (4-4-2): ტრაპი - დიკი, აბელი (46. ამედიკი), როდნი, ბუგერა - ფორტუნისი (77. დე ვიტი), ტიფერტი, კირხი, შაჰანი - ნემეცი (67. კუემაა), შეხტერი.</p><p>გოლები: 1:0 რამოსი (43), 1:1 შეხტერი (51), 2:1 ლასოგა (59), 3:1 ებერტი (91)</p><p>გაფრთხილება: ებერტი</p><p>მაყურებელი: 40 944</p><p>უმწვრთნელოდ დარჩენამ და სკანდალურმა დისკუსიებმა „ჰერტაზე“ ცუდად არ იმოქმედა: ლევან კობიაშვილმა და კომპანიამ „კაიზერსლაუტერნის“ ბარიერი ფაქტობრივად უპრობლემოდ დაძლიეს. მარკუს ბაბელის გაშვებისა და მიხაელ სკიბეს მოსვლამდე, „ჰერტას“ მარკუსის ასისტენტმა რაინერ ვიდმაიერმა უხელმძღვანელა. ბერლინელებმა, ისევე, როგორც ყველა მეოთხედფინალისტმა, ამ გამარჯვებისთვის პრემიის სახით გერმანიის საფეხბურთო კავშირისგან 1 125 000 ევრო მიიღეს.</p><p><strong><em>შტუტგარტი-ჰამბურგი 2:1</em></p><p></strong>შტუტგარტი (4-2-3-1): ულრაიხი - ბოკა, ტასკი, მასა, მოლინარო - კვისტი, კუჟმანოვიჩი - ჰარნიკი (77. გებჰარდტი), გენტნერი, ოკაზაკი (91. ნიდერმაიერი) - კაკაუ (76. შიბერი).</p><p>ჰამბურგი (4-2-2-1-1): დრობნი - დიკმაიერი, ბრუმა, ვესტერმანი, აოგო - რინკონი, კაჩარი (69. ტეშე) - თიორე (80. სონი), იანსენი (46. პეტრიჩი) - ილიჩევიჩი - გერერო.</p><p>გოლები: 1:0 კაკაუ (23), 1:1 კვისტი (54-საკ. კარში), 2:1 კაკაუ (62)</p><p>გაფრთხილება: გერერო, პეტრიჩი</p><p>მაყურებელი: 38 600</p><p>როცა ტორსტენ ფინკი „ჰამბურგის“ მთავარ მწვრთნელად დაინიშნა, რაც არც ისე დიდი ხნის წინ მოხდა, პირველი, რაც ახალგაზრდა სპეციალისტმა თქვა, ეს იყო: „ჩვენ არ გავარდებით პირველი ბუნდესლიგიდან და შევეცდებით, გერმანიის თასი მოვიგოთ.“ მას მერე ჩრდილოელებს წაგება არ ჰქონდათ და ფინკმა ახალ თანამდებობაზე პირველი მარცხი მაინცდამაინც გერმანიის თასზე განიცადა - შესაბამისად, ბერლინზე და გაისად ევროპა ლიგაში თამაშზე ოცნებაც დამთავრდა.</p><p>სამაგიეროდ, ამ ყველაფერზე ოცნებას „შტუტგარტი“ აგრძელებს, ოღონდ, გამარჯვებით გამოწვეული სიხარული შვაბური კლუბის ხელმძღვანელებს ფანებმა ჩაუმწარეს - სტადიონზე რადიკალურმა გულშემატკივრებმაც შეაღწიეს და საფინალო სასტვენის შემდეგ სიტუაციის არევას შეეცადნენ: მათ 15-ზე მეტი ბენგალო-ცეცხლი დაანთეს და „მერსედეს-ბენც-არენას“ ტრიბუნები კვამლით დაიფარა. მოგვიანებით კი დიდი ტრანსფარანტიც გადმოფინეს: „ყველა შტუტგარტელ ჰულიგანს შობას ვულოცავთ!“</p><p>შეგვიძლია ვივარაუდოთ, რომ გერმანიის თასის მეოთხედფინალში გასვლისთვის მიღებული პრემიის ნაწილს „შტუტგარტი“ ისევ გერმანიის საფეხბურთო კავშირის ანგარიშზე გადარიცხავს - ფაქტია, შვაბებს ჯარიმა არ ასცდებათ.</p><p><strong><em>ბორუსია (მ)-შალკე 3:1</em></p><p></strong>ბორუსია მ. (4-2-2-1-1): ტერ შტეგენი - იანტშკე, შტრანცლი, დანტე, დემსი - ნორდტვეიტი, ნოიშტედტერი - ჰერმანი (88. მარქსი), არანგო - როისი (92. ბრუვერსი) - ჰანკე (71. დე კამარგო).</p><p>შალკე (4-2-3-1): უნერშტალი - ჰიოვედესი, პაპადოპულოსი, მატიპი, ფუხსი - ხურადო (80. ბაუმიოჰანი), ჯონსი - ჰიოგერი (71. მარიკა), რაული, პუკი (46. დრაქსლერი) - ჰუნტელაარი.</p><p>გოლები: 1:0 არანგო (18), 2:0 როისი (56), 2:1 დრაქსლერი (70), 3:1 როისი (88)</p><p>გაძევება: ჰუნტელაარი (46. შალკე), ჯონსი (92. შალკე)</p><p>გაფრთხილება: დე კამარგო - პაპადოპულოსი</p><p>მაყურებელი: 54 057</p><p>მორჩა, „შალკე“ ტიტულს ვერ შეინარჩუნებს: გერმანიის თასის მფლობელი მიონხენგლადბახში 1:3 დამარცხდა - მატჩის გმირი კი, რა თქმა უნდა, მარკო როისი გახდა, რომელმაც ლევან ყენიას გუნდს ორი გოლი გაუტანა.</p><p>შეხვედრის მე-6 წუთზე ისეთი რამ მოხდა, რაზეც მერე მთელი საფეხბურთო გერმანია ლაპარაკობდა: თამაში შეწყვეტილი იყო, როცა გელზენკირხენელთა საყრდენი ნახევარმცველი ჯერმეინ ჯონსი, რომელიც გერმანიაში ერთ-ერთ ყველაზე აგრესიულ ფეხბურთელადაა ცნობილი, როისის გარშემო ტრიალებდა და უცებ მიონხენგლადბახელთა ლიდერს ფეხი ჩაარტყა.</p><p>ყველაზე საინტერესო ის არის, რომ ჯონსმა ეს აშკარად გამიზნულად გააკეთა. პარადოქსია, მაგრამ ფაქტი: ჯონსი ამის გამო მოედნიდან არ გაუძევებიათ, თუმცა ბოლოს მაინც დაიმსახურა წითელი ბარათი - იგორ დე კამარგოსთან კინკლაობისთვის. როისმა კი ჯონსზე და მთლიანად „შალკეზე“ შური დუბლით იძია.</p><p>ჯონსი ერთადერთი შალკელი არ იყო, რომელსაც ოთხშაბათს მოედანი დაატოვებინეს. გაცილებით ადრე, 46-ე წუთზე გააგდეს გელზენკირხენელთა გოლეადორი კლაას-იან ჰუნტელაარი (მსაჯის შეურაცხყოფისთვის). აღსანიშნავია, რომ „შალკეს“ მთავარი მწვრთნელი ჰუუბ სტევენსი თავის ადგილზე არ იყო - ჰოლანდიელი სპეციალისტი მშობლიურ სიტარდშია, სადაც დედამისი სიკვდილს ებრძვის...</p><p><strong>1/4 ფინალის წილისყრა</p><p></strong><em>8 თებერვალი</em></p><p>ჰოფენჰაიმი-ფიურტი</p><p>ჰერტა-ბორუსია (მ)</p><p>შტუტგარტი-ბაიერნი</p><p>ჰოლშტაინ კილი-ბორუსია (დ)</p><p><strong>ყოველდღიური სპორტული გაზეთი "ლელო"</strong></p>
ზივზივაძის "ჰაიდენჰაიმს" ახალი მეკარე ჰყავს
ლუის დიასი მიუნხენში ჩაფრინდა და დღეს "ბაიერნის" ფეხბურთელი ოფიციალურად გახდება
ჰამანმა "ბაიერნს" დონარუმას უფასოდ ხელში ჩაგდება ურჩია
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია